Ihe I Nwere Ike Ikwu

Ịmalite Ọmụmụ Baịbụl na Satọdee Mbụ n’Ọnwa Septemba

“Ọtụtụ ndị kweere na Chineke ga-eji ihe ha metara kpee ha ikpe otu ụbọchị. Ì chere na mmadụ kwesịrị ịna-atụ ụjọ Ụbọchị Ikpe Chineke ka ì chere na o kwesịrị ịna-ekpe ekpere ka ọ bịa ngwa ngwa? [Chere ka ọ zaa.] Legodị ihe magazin a kwuru.” Nye ya Ụlọ Nche Septemba 1, gị na ya tụleekwa ihe e kwuru n’ajụjụ nke mbụ dị na peeji nke 16. Gbalịakwanụ gụọ otu amaokwu Baịbụl ma ọ́ dịghị ihe ọzọ. I mechaa, nyekọta ya Ụlọ Nche ahụ na Teta!, gị na ya yiekwa mgbe ị ga-abịaghachi ka unu tụlee ajụjụ nke abụọ.

Ụlọ Nche Septemba 1

“Ị gaa ọtụtụ ebe n’ụwa, ị ga-achọpụta na a na-emekpọ ụmụ nwaanyị ọnụ. Nke ọjọọ ya bụ́ na ndị okpukpe sokwa na-eme ha ihe a. Ì chere na ihe banyere ụmụ nwaanyị na-emetụ Chineke n’obi? [Chere ka ọ zaa.] Legodị otú Baịbụl gwara ndị di ka ha si na-emeso ndị nwunye ha. [Gụọ Ndị Efesọs 5:28, 29.] Magazin a kọwara ihe Baịbụl kwuru gbasara otú Chineke si ewere ụmụ nwaanyị.”

Teta! Julaị–Septemba

“Taa, ndị mmadụ anaghị aja ibe ha mma. Ị̀ ma ihe kpatara ya? [Chere ka ọ zaa. Gụzie 2 Timoti 3:1, 2.] Magazin a kwuru na ịja ndị ọzọ mma bara ezigbo uru. O kwukwara otú ikele ndị ọzọ ma ha meere anyị ihe ọma si eme ka obi dị ha mma.” Gosi ya isiokwu dị na peeji nke 28-29. Nyezie ya magazin ahụ.