Gimong ti Serbisio iti Hunio
Lawas ti Hunio 1-7
8 Dagiti lokal a pakaammo. Dagiti Pakaammo iti Ministeriotayo iti Pagarian, a maipalagip a nangnangruna kadagiti kongregasion nga agpedidodan iti baro a broshur a mausar kabayatan ti kampania iti Hulio ken Agosto. Teokratiko a Damdamag.
15 min: “Naan-anay a Nakabalan Maipaay iti Tunggal Naimbag nga Aramid.” Saludsod ken sungbat. Komentuan iti apagbiit ti Pebrero 15, 1989, a Pagwanawanan, panid 22-4.
22 min: “Panangasaba iti ‘Amin a Kita ti Tattao.’” Pagsasaritaan ti panglakayen ken dadduma pay nga aduan kapadasan nga agibumbunannag dagiti naisingasing a presentasion iti panangitukon kadagiti libro a Katan-okan a Tao ken Ti Panangbiruk ti Sangatauan iti Dios. Repasuen iti apagbiit dagiti nagduduma a relihion a pagaammo iti lokal a teritoria, ken ilawlawag no apay a rumbeng nga adda dagiti topiko a pangirugitayo iti saritaan iti tunggal kaso. Paidemostra ti maysa wenno dua nga ababa a demostrasion.
Kanta 112 ken pangserra a kararag.
Lawas ti Hunio 8-14
10 min: Dagiti lokal a pakaammo. Report ti kuenta.
15 min: “Panangaywan Kadagiti Sanikua ti Apo.” Palawag ti panglakayen, a saklawenna ti impormasion iti suplemento.
20 min: “Makatulongtayo Amin iti Pannakairingpas ti Trabaho.” Saludsod ken sungbat. Ilawlawag no apay nga agpannuray dagiti panglakayen kadagiti adu a situtulok a boluntario tapno mairingpas dagiti napateg a bambanag. Repasuen dagiti lokal a kasapulan, kas ti panangdalus ken panangmantener iti Kingdom Hall, panangtulong kadagiti masakit ken lallakay/babbaket, ken panangwanas iti teritoria. Awisen dagiti panglakayen nga agkomento no kasanot’ panangapresiarda iti situtulok a pannakitinnulong dagiti adu. Ipaganetget no kasano ti kinapateg ti panagregget ti tunggal maysa.
Kanta 153 ken pangserra a kararag.
Lawas ti Hunio 15-21
10 min: Dagiti lokal a pakaammo.
20 min: “Umagawakayo a Sipipinget.” Palawag a maibasar iti Enero 15, 1986, a Pagwanawanan, panid 10-14. Isalaysay ti kinapateg ti panagserbi kas regular pioneer, nga iparegta ti panagpasalista inton Setiembre 1.
15 min: “Panangasaba Babaen ti Nasayaat a Kababalin.” Saludsod ken sungbat. Pagsaludsodan ti sumagmamano a mapagulidanan nga agtutubo. Isalaysayda no kasano a pagsidsiddaawan dagiti sabsabali ti Nakristianuan a kababalinda. Mangisalaysay iti maysa wenno dua a kapadasan manipud iti Enero 1, 1995, a Pagwanawanan, panid 24-5.
Kanta 170 ken pangserra a kararag.
Lawas ti Hunio 22-28
10 min: Dagiti lokal a pakaammo. Dakamaten no nalpasen a nausig ti kuenta ti kongregasion.
15 min: No Kasano ti Mangirugi iti Ruta ti Magasin. Ibalabala ti masapul nga aramiden: irekord amin a maipaima, agsubli iti las-ud ti dua a lawas, mangidatag kadagiti baro nga ideya manipud kadagiti agdama a magasin tapno mapagtalinaed ti interes. Maisingasing a mabalin nga iraman dagiti kaarruba, katrabahuan, dagiti aglaklako iti tiendaan, dagiti agtartrabaho kadagiti paggasolinaan, ken dadduma pay. Itukon ti innem a bulan a suskripsion kadagidiay talaga a mangipakita iti interes. Awisen ti maysa wenno dua nga agibumbunannag a mangisalaysay iti makapabileg a kapadasan maipapan kadagiti ruta iti magasin.
20 min: Panangtulong Dagiti Payunir Kadagiti Sabsabali. Palawag ti manangaywan iti serbisio, a repasuenna ti urnos a panangtulong a personal dagiti payunir kadagiti sabsabali. Ilawlawag no kasano idi a naiwayat dagiti programa iti panangtulong. (jv-IL 100; km-IL 9/79 1, 3) Kasapulan a masanay dagiti nasurok a maysa a milion a kababautisar kadagiti napalabas a tallo a tawen. Ti programa a “Panangtulong Dagiti Payunir Kadagiti Sabsabali” usarenna ti kapadasan ken pannakasanay dagiti regular ken special pioneer a timmabuno iti Pioneer Service School. Ti kalat ket dua nga agibumbunannag ti tulongan ti kada payunir tapno ad-adda a nasigoda iti ministerio ken tapno ad-adu ti maaramidanda. Awan ti rumbeng a pagamkan dagidiay maipaayan iti tulong; maipangpangruna ti panangipaay iti naayat, naasi a pammaregta. Gapu iti daytoy baro a programa adda posibilidadna a ginasut a ribu ti agbalin nga ad-adda nga epektibo a ministro.
Kanta 207 ken pangserra a kararag.
Lawas ti Hunio 29–Hulio 5
10 min: Dagiti lokal a pakaammo. Ipalagip kadagiti amin nga itedda dagiti reportda iti tay-ak ti serbisio para iti Hunio. Pagsasaritaan dagiti literatura a tukon iti Hulio, a repasuen dagiti punto a mapagsasaritaan iti baro a broshur a Libro Para iti Amin a Tao.
15 min: Kimmapuyak Kadin? Palawag ti panglakayen a maibasar iti Disiembre 15, 1987, a Pagwanawanan, panid 18-19, parapo 14-16. Paregtaen dagidiay aktibon iti adun a tawen tapno utobenda ti kalidad ken kawadwad ti sagrado a serbisioda.
20 min: Mabalintayo Amin ti Mangasaba a Di Pormal. Palawag ken pagsasaritaan ti tallaong a maibasar iti Oktubre 15, 1987, a Pagwanawanan, panid 22-7. Ipakita no kasano a dagidiay okupado kadagiti responsabilidad iti sekular a trabaho, iti pamilia, wenno personal a pagrebbengan makasarakda iti adu a gundaway iti tunggal aldaw a mangiranud iti naimbag a damag kadagiti sabsabali. Iraman ti sumagmamano a lokal a kapadasan.
Kanta 76 ken pangserra a kararag.