Eskediul ti Gimong ti Serbisio

Lawas ti Disiembre 11

Kanta 50

10 min: Lokal a pakaammo. Dagiti napili a Pakaammo iti Ministeriotayo iti Pagarian. Paregtaen ti amin a mangbuya iti video a The Bible​—Accurate History, Reliable Prophecy kas panagsagana iti diskusion iti Gimong ti Serbisio iti lawas ti Disiembre 25. Maibasar ti diskusion kadagiti saludsod iti panid 7 daytoy a ruar ti Ministeriotayo iti Pagarian.

15 min: “Agbutengkayo ken Jehova iti Agmalmalem.”a Iramanyo nga ilawlawag ti kaipapanan ti panagbuteng iti Dios iti panid 26 ti Enero 8, 1998, Agriingkayo!

20 min: “Panangpilit Dagiti Kapatadan ken ti Pribilehioyo a Mangasaba.” Palawag ken interbiu. Paisalaysayyo kadagidiay nakapadasen a pinilit dagiti kapatadanda no kasano a nakapagtultuloyda nga aktibo a mangaskasaba iti laksid ti kasta a panangpilit.

Kanta 78 ken pangserra a kararag.

Lawas ti Disiembre 18

Kanta 94

15 min: Lokal a pakaammo. Report ti kuenta. Dakamaten dagiti espesial nga urnos iti panangasaba iti Disiembre 25 ken Enero 1. Sungbatan ti saludsod a: Mabalin kadi ti makiraman kadagiti selebrasion a di Nakristianuan ti namunganayanna no la ket ta awan ti narelihiosuan a makagapu iti pannakiraman kadagita?​—Kitaenyo ti libro a Panakirinnason, panid 244-45 (p. 178-80 iti Ingles).

12 min: “Ti Teokratiko nga Eskuelaan ti Panagministro Para iti 2001.” Palawag ti manangaywan ti eskuelaan.

18 min: “Naturedkay Kadi a Mangasaba?”b Babaen ti panangusar iti libro a Ti Ministeriotayo, panid 86, ipakita no kasanotay nga agbalin a naturtured ken ad-adda nga epektibo a mangasaba.

Kanta 124 ken pangserra a kararag.

Lawas ti Disiembre 25

Kanta 126

10 min: Lokal a pakaammo. Iraman ti “Baro a Programa ti Asamblea Sirkito.” Repasuen ti literatura a maitukon iti Enero.

10 min: Lokal a kasapulan.

25 min: “Dagiti Maadal iti Video a The Bible​—Accurate History, Reliable Prophecy.” Pagsasaritaan ti tallaong. Mangted kadagiti singasing no kasano a mausar daytoy a video a panggutugot kadagiti dadduma. (1999 Yearbook, panid 51-2) Inton Pebrero, repasuentayo ti maikadua a video iti daytoy a serye, The Bible​—Mankind’s Oldest Modern Book. (Tandaanan: Kadagiti kongregasion nga awan ti siasinoman nga addaan iti daytoy a video, mabalin nga iparang ti palawag a “No Kasano a Mailasin ken Maparmek ti Aniaman a Naespirituan a Pagkapuyan,” a naibasar iti Abril 15, 1999, Pagwanawanan, panid 18-22.)

Kanta 151 ken pangserra a kararag.

Lawas ti Enero 1

Kanta 171

10 min: Lokal a pakaammo. Iraman ti “Baro a Programa iti Aldaw ti Espesial nga Asamblea.” Palagipan dagiti amin nga agibumbunannag nga iteddan ti reportda iti tay-ak ti serbisio para iti Disiembre.

20 min: No Kasano ti Agsagana Sakbay a Sumarungkar. Pagsasaritaan ti ama ken ti pamiliana dagiti Nainkasuratan a rason no apay a rumbeng a masarungkaran dagiti amin a nangipakita iti interes. Iti panagsaganada sakbay a sumarungkar, usarenda dagiti singasing iti Hulio 1, 1999, Pagwanawanan, panid 22, parapo 18. Ibaga ti tunggal maysa nga adda dagiti nakasaritada a rumbeng a masarungkaran. Isalaysay ti tunggal maysa daydi damo a pannakisaritada, ket mangisingasing dagiti dadduma iti ideya ken teksto a mausar inton agsarungkarda. Agbirokda kadagiti punto iti broshur a Kalikaguman a mabalin nga usaren a sieepektibo. Paensayo dagiti nagannak iti maysa kadagiti annakda no ania ti ibagana no sumarungkar. Iplanoda no ania nga aldaw ken oras nga agsarungkarda iti umay a lawas.

15 min: “Damag Maipapan iti Konstruksion iti Bethel.”c Iraman ti panglakayen dagiti punto iti artikulo a, “Boluntario a Panagdaton a Maipaay iti Nasin-aw a Panagdayaw” iti Nobiembre 1, 1999, Pagwanawanan, a pangiparegta iti agtultuloy a pinansial a panangsuporta iti daytoy dakkel a proyekto a panagibangon. Iyebkas ti panagyaman iti amin gapu iti kontribusion nga ipapaayda.

Kanta 212 ken pangserra a kararag.

[Dagiti Footnote]