Notaðu hana ef hún ber árangur!
1 Ríkisþjónusta okkar sér okkur sífellt fyrir úrvali af leiðbeinandi kynningarorðum til að nota í boðunarstarfinu. Það gefur okkur nýjar hugmyndir um það hvernig hægt er að vekja áhuga á boðskapnum um Guðsríki. Kannski reynir þú að læra eina eða fleiri þessara kynninga í hverjum mánuði. Sumir boðberar komast hins vegar að raun um að þegar þeir hafa notað eina af þeim nokkrum sinnum birtast nýjar kynningar í öðru eintaki af Ríkisþjónustu okkar. Það geta ekki allir lært nýja kynningu áður en þeir eru orðnir leiknir í að nota eldri kynningu.
2 Brautryðjendur og fjöldi annarra boðbera verja auðvitað miklum tíma í boðunarstarfinu. Þar að auki fara margir söfnuðir yfir allt svæði sitt á aðeins nokkurra vikna fresti. Við slíkar aðstæður þykir boðberum gott að nota nýjar aðferðir og hugmyndir til að kynna boðskapinn. Það gerir þá færari og starf þeirra skemmtilegra og árangursríkara. Það hjálpar þeim einnig að standa sig í starfinu.
3 Ef þú hefur undirbúið kynningu sem gefst vel til að rækta áhuga skaltu fyrir alla muni halda áfram að nota hana! Það er ekki nauðsynlegt að hætta að nota áhrifamikla kynningu sem ber árangur. Þú skalt einfaldlega laga hana að tilboði mánaðarins. Þegar þú ferð yfir tillögurnar í Ríkisþjónustu okkar skaltu leita að áhugaverðum atriðum sem þú vilt flétta inn í kynningu þína.
4 Þegar þú færð nýtt eintak af Ríkisþjónustu okkar í hendur skaltu því muna að kynningarorðin, sem þar er að finna, eru eingöngu tillögur. Það er ágætt ef þú getur notað þær en ef þú hefur þegar fundið kynningu sem ber árangur á þínu svæði, skaltu nota hana! Það mikilvægasta er að ‚fullna þjónustuna‘ á lofsverðan hátt og finna þá verðugu og hjálpa þeim að gerast lærisveinar. — 2. Tím. 4:5.