Spurningakassinn

◼ Hvernig ætti að líta á það að þjóna sem aðstoðarbrautryðjandi?

Líta ætti á aðstoðarbrautryðjandastarf bæði sem sérréttindi og alvarlega ábyrgð. Tugþúsundir boðbera eru í hverjum mánuði útnefndar til að þjóna sem aðstoðarbrautryðjendur og sumir gera það linnulaust. Við viljum hrósa þessum kostgæfu boðberum sem búa við þær kringumstæður að geta varið 60 klukkustundum til boðunarstarfsins hvern mánuð er þeir þjóna sem aðstoðarbrautryðjendur. Öldungar, svo og aðrir, ættu að hvetja boðbera, sem sækja um aðstoðarbrautryðjandastarfið, að taka útnefningu sína alvarlega og forðast hverja tilhneigingu til kæruleysislegs viðhorfs.

Þeir sem bjóða sig fram sem aðstoðarbrautryðjendur í einn mánuð eða fleiri ættu, á sama hátt og reglulegir brautryðjendur, fyrst að vega og meta kostnaðinn. (Lúk. 14:28) Það felur í sér að ganga fyrirfram úr skugga um hvort raunhæft sé að vænta þess að geta varið þeim klukkustundafjölda sem krafist er til boðunarstarfsins án þess að vanrækja aðrar kristnar skyldur sínar. Ákvörðun um að sækja um aðstoðarbrautryðjandastarf ætti að taka eftir að hafa íhugað vandlega persónulegar kringumstæður sínar og rætt málið í bæn. Þótt það komi við tilfinningarnar að aðrir sæki um ætti það ekki að valda ákvörðuninni. Hún ætti að vera rökvíslega úthugsuð og samfara henni ætti að skrifa niður áætlun um hvernig hægt sé að uppfylla kröfurnar. Mikilvægt er að lesa umsóknina vandlega og ákveða í hjarta sínu að maður geti heiðarlega sagt já við því sem farið er fram á.

Að sjálfsögðu þarf að leggja sig meira fram en venjulega. Vissir mánuðir í árinu eru vel til þess fallnir að ‚gefa sig allan‘ að prédikun fagnaðarerindisins. (Post. 18:5) Þar með taldir eru minningarhátíðarmánuðirnir mars og apríl og þeir mánuðir þegar farandhirðirinn heimsækir söfnuðinn. Margir boðberar beita sig með gleði aga til að geta fylgt nokkuð strangri tímaáætlun sem gerir þeim kleift að eiga aukna hlutdeild í boðunarstarfinu á þessum sérstöku starfstímabilum, með fullri vitund um þá ríkulegu blessun sem því oft fylgir. (2. Kor. 9:6) Margir boðberar leggja sig sérstaklega fram við að vera brautryðjendur í frímánuðum og hverjum þeim mánuði ársins sem hefur fimm heilar helgar. En þegar þeir sækja um gera þeir sér grein fyrir þörfinni á að halda sér við frumregluna ‚já yðar sé já‘ með því að gera sitt allra besta til að geta gefið skýrslu um 60 eða fleiri starfstíma hvern mánuð sem þeir þjóna sem aðstoðarbrautryðjendur. — Matt. 5:37.

Boðberar, sem geta kannski ekki verið brautryðjendur, geta hjálpað með því að vera fáanlegir til að starfa með aðstoðarbrautryðjendunum og skipuleggja ákveðinn tíma til samstarfs við þá. Það er gagnlegt að halda lengur áfram í starfinu með brautryðjendunum en maður er vanur, sé það mögulegt. Brautryðjendur kynnu ef til vill einkum að meta stuðning annarra boðbera í starfinu á morgnanna, seinni hluta dags eða snemma á kvöldin. Það gleður aðstoðarbrautryðjendur þegar aðrir bjóða þeim að starfa með sér að því að fara í endurheimsóknir og stofna heimabiblíunám. Þeir sem geta þannig veitt aðstoðarbrautryðjendum stuðning munu örugglega uppskera þá auknu hamingju sem fylgir því að gefa. — Post. 20:35.

Dugnaður hinna mörgu aðstoðarbrautryðjenda er mikils metinn. Þeir sem hafa tök á að slást í hóp þeirra geta búist við ríkulegri blessun. (Orðskv. 10:4) Hvenær getur þú næst notið ánægjunnar af aukinni starfsemi sem aðstoðarbrautryðjandi?