Notum smárit til að kynna bæklinga
1 Mánuðina júní og júlí munum við bjóða bæklingana okkar í blaðastærð úti á akrinum. Stundum getur verið við hæfi að bjóða bækling beint en oft getum við notað smárit áður en við bjóðum bækling til að hjálpa okkur að koma af stað samræðum og finna út hvort húsráðandinn hafi áhuga og sé líklegur til að lesa það efni sem við færum honum.
2 Mun þessi heimur bjargast? Smáritin hjálpa okkur að ná athygli húsráðandans af því að þau fjalla um þýðingarmikil viðfangsefni sem hafa bein áhrif á hann. Þau aðstoða okkur við að komast beint að efninu án málalenginga.
Til dæmis gætir þú sagt eitthvað á þessa leið:
◼ „Í samræðum okkar við fólk höfum við tekið eftir því að margir hafa áhyggjur af . . . [veldu eitthvað nýtt úr fréttunum]. Svo er að sjá sem heimsástandið fari sífellt versnandi. Sumir efast jafnvel um að þessi heimur geti haldið svona áfram miklu lengur. Hvað finnst þér? [Leyfðu húsráðandanum að svara. Flestir eru bjartsýnir.] Ég las svolítið uppörvandi sem mig langar til að sýna þér. Það er í þessu smáriti. [Réttu húsráðandanum smáritið Mun þessi heimur bjargast og hafðu annað eintak í hendinni.] Sjáðu hvernig Jesús spáði að . . . “ Lestu eitthvað á blaðsíðu 4 eða 5 sem fellur að þeim fréttum sem þú minntist á í inngangsorðum þínum. Ef þú finnur áhuga hjá viðmælanda þínum getur þú boðið honum bæklinginn Ber Guð í raun umhyggju fyrir okkur? Sé það við hæfi skalt þú vekja athygli hans á fáeinum völdum atriðum í 1. og 2. hluta bæklingsins. Gættu þess í lokin að bera fram spurningu sem svarað er í bæklingnum og þú getur tekið til umræðu í næstu heimsókn. Nota mætti grein 5 á blaðsíðu 4 í þessu skyni.
3 Líf í friðsömum nýjum heimi: Hvað þýðir það fyrir þig að lifa í friðsömum nýjum heimi? Yfirleitt hugsar fólk þá um yndislegt landslag með tilkomumiklum ám og friðsælum dölum þar sem falleg dýr lifa saman í friði. Þeim sem eru niðurdregnir vegna heimsástandsins geta fundist þær framtíðarhorfur að nýr og friðsamur heimur verði til mjög svo uppörvandi.
4 Ert þú undir það búinn að bjóða nágrönnum þínum, vinnufélögum og þeim sem þú hittir í starfinu hús úr húsi eitthvað uppörvandi og ánægjulegt?
Þegar þú notar smáritið „Líf í friðsömum nýjum heimi,“ gætir þú sagt eitthvað á þessa leið:
◼ „Heldur þú að það verði nokkurn tíma hægt fyrir fólk að lifa í friði eins og sýnt er á forsíðu þessa smárits? [Leyfðu húsráðandanum að svara.] Líttu aðeins á síðustu setninguna í fyrstu greininni á blaðsíðu 2. Þar er spurt: ,En eru það aðeins draumórar að slík skilyrði geti einhvern tíma orðið á jörðinni?‘ [Lestu síðan næstu efnisgrein.] Þessi tilvitnun um nýjan himin og nýja jörð er í 2. Pétursbréfi 3:13 í Biblíunni. Ef þú átt hægt með að ná í biblíuna þína getum við lesið Sálm 104:5 til að fræðast meira um framtíð jarðarinnar.“ Þú gætir líka bara lesið versið frá þinni biblíu. Ef einstaklingurinn sýnir áhuga skalt þú beina umræðunum inn á bæklinginn „Sjá, ég gjöri alla hluti nýja.“
5 Fara þarf í endurheimsóknir til að ,vökva‘ það sæði sem sáð hefur verið. (1. Kor. 3:6, 7) Í greininni hér fyrir neðan eru settar fram tillögur um hvernig hefja má biblíunám í bæklingnum Ber Guð í raun umhyggju fyrir okkur? annaðhvort í fyrstu heimsókn eða í endurheimsókn.