Iruo Usiuwoma Ota nọ E Mae Nya Kẹre Evaọ Akpọ Na!
O vrẹ ikpe 100 no nọ a ro koko Isẹri Jihova họ re a whowho emamọ usi na. (1 Kọr. 9:23) Ma be rọ evẹrẹ buobu whowho ovuẹ nana nọ o mae nya kẹre no evaọ akpọ na. Ma bi whowho iei evaọ ekwotọ no i bu vi 230. (Mat. 24:14) Kọ fikieme iruo nana i je wuzou? Kọ ẹvẹ a be sae rọ jọ akpọ na soso whowho iei?
Ividio na Jehovah’s Witnesses—Organized to Share the Good News o kiyo enọ yena ẹkwoma abọ sa-sa ọrọ iruo akpọ-soso mai na nọ o ta ẹme kpahe ziezi. Nọ who bi rri rie na, gaviezọ kẹ iyo enọ nana: (1) Oghẹrẹ vẹ a ruẹrẹ iruo mai họ, jẹ be rọ kpọ ae? (2) Oghẹrẹ vẹ Ẹko-Iruo nọ i re Kere Ebe, Ẹko-Iruo Efafa, Ẹko-Iruo nọ e rẹ drọ Iwoho, gbe Ẹko-Iruo nọ i re ru Ekasẹte avọ Ividio a bi ro wobọ evaọ ewhowho emamọ usi na? (3) Ẹjiroro vẹ ma be rọ rehọ ijini kere ebe buobu jẹ whae se ikoko? (Jọn 17:3) (4) Bro ebe ma be hae rọ ijini kere evaọ ukpe? (5) Eme ebe mai nọ a kere no Ebaibol ze i ru gba no? (Hib. 4:12) (6) Ọruẹrẹfihotọ vẹ ọ riẹ re ahwo nọ a tuaro hayo diezọ a sai wo obufihọ abọ-ẹzi? (7) Ẹvẹ ma be sai ro wo ugho ru iruo mai na? (8) Ẹvẹ ma bi ro wo erere no ẹko-iruo sa-sa enana ze: Ẹko-Iruo Evuẹ Kpahe Usiwo obọ Ẹsipito, Ẹko-Iruo Ẹruorote Iruẹru Ikoko, gbe Ẹko-Iruo nọ a rẹ jọ ghale ikoko fihọ Ikokohọ Ilogbo? (9) Wọhọ omọvo Isẹri Jihova, ẹvẹ ividio nana o rọ lẹliẹ owhẹ wo ovuhumuo ziezi no kẹ (a) oma nọ ukoko Jihova o be dawo re a ta usiuwoma na? (b) iviuwou Ebẹtẹle nọ i bu vi 100 wariẹ akpọ-soso na? (c) uwuhrẹ nọ a be kẹ esẹro gbe imishọnare? (d) epanọ u wuzou te re a rọ ese oria jọ Ebaibol na mu okpẹdẹ na họ, jẹ ruẹrẹ oma họ kẹ iwuhrẹ ukoko koka koka? (e) erere nọ o re t’omai nọ ma te kpohọ iwuhrẹ ukoko gbe ikokohọ? (f) oghẹrẹ nọ Aparadase otọakpọ ọ te jọ? (Aiz. 11:9) (g) obọ nọ who re wo evaọ iruo ivuẹvu nọ e r’otọ na?—Jọn 4:35.
Eme iwoma vẹ imoni ra, egbẹrioma, ahwo nọ a rrọ izihebro ra, gbe emọ-uwuhrẹ Ebaibol ra a ta nọ a je lele owhẹ rri ividio na? Ma tuduhọ owhẹ awọ re who zizie amọfa re a kuomagbe owhẹ rri ividio nana, re who jẹ ruabọhọ ewhowho emamọ usi na.—Mat. 28:19, 20.