ហាបាគុក
១ ហាបាគុក*ជាអ្នកប្រកាសទំនាយបានទទួលការបើកបង្ហាញពីព្រះឲ្យឃើញក្នុងគំនិត។ គាត់ប្រកាសដូចតទៅ៖
២ ឱព្រះយេហូវ៉ាអើយ! តើឲ្យខ្ញុំស្រែកសុំលោកជួយដល់កាលណាទៅទើបលោកព្រមស្ដាប់?+
តើត្រូវឲ្យខ្ញុំសុំជំនួយដល់កាលណាទៀត ទើបលោកជួយខ្ញុំឲ្យរួចពីអំពើឃោរឃៅ?+
៣ ហេតុអ្វីបានជាលោកឲ្យខ្ញុំឃើញអំពើខុសឆ្គងយ៉ាងនេះ?
ហេតុអ្វីក៏លោកបណ្ដោយឲ្យមានការជិះជាន់សង្កត់សង្កិនដូច្នេះ?
ហេតុអ្វីមានការបំផ្លាញនិងអំពើឃោរឃៅដូចនេះ?
ហេតុអ្វីមានការឈ្លោះប្រកែកទាស់ទែងគ្នាច្រើនបែបនេះ?
៤ ច្បាប់គ្មានសុពលភាព
ហើយគ្មានអ្នកណាប្រកាន់យុត្តិធម៌។
ព្រោះមនុស្សទុច្ចរិតព័ទ្ធជុំវិញមនុស្សសុចរិត
ហេតុនេះហើយបានជាគ្មានយុត្តិធម៌ឡើយ។+
៥ «ចូរមើលប្រជាជាតិនានាដោយយកចិត្តទុកដាក់ចុះ!
ចូរសម្លឹងមើលដោយនឹកអស្ចារ្យនិងស្ញប់ស្ញែងក្នុងចិត្ត
ព្រោះនឹងមានអ្វីមួយកើតឡើងនៅគ្រារបស់អ្នក
ជាអ្វីដែលអ្នកនឹងមិនជឿឡើយ ទោះជាគេប្រាប់អ្នកក៏ដោយ។+
ពួកគេសម្រុកចូលវាតទីទឹកដី
ដើម្បីចាប់យកទឹកដីរបស់អ្នកឯទៀត។+
សេះចម្បាំងរបស់ពួកគេបោលសម្រុកទៅមុខ
គឺបោលមកពីកន្លែងឆ្ងាយ។
ពួកគេចុះមកយ៉ាងលឿនដូចឥន្ទ្រីឆាបចំណី។+
៩ ពួកគេទាំងអស់គ្នាតាំងចិត្តមកធ្វើអំពើឃោរឃៅ។+
ពួកគេតម្រៀបគ្នាដើរតម្រង់ទៅមុខ ដូចជាខ្យល់ពីទិសខាងកើត+
ហើយពួកគេប្រមូលពួកឈ្លើយដូចជាប្រមូលខ្សាច់។
ពួកគេចំអកមើលងាយកន្លែងរឹងមាំទាំងប៉ុន្មាន+
ពួកគេលើកដីឡើងដើម្បីចូលវាយដណ្ដើមយកក្រុង។
១១ បន្ទាប់មក ពួកគេសម្រុកទៅមុខដូចជាខ្យល់ព្យុះ ហើយឆ្លងកាត់ស្រុកនោះ
ប៉ុន្តែ ពួកគេនឹងមានទោស+
ព្រោះពួកគេចាត់ទុកកម្លាំងរបស់ពួកគេថាមកពីព្រះរបស់ខ្លួន»។*+
១២ ឱព្រះយេហូវ៉ាអើយ! តើលោកមិនមែនជាព្រះតាំងពីយូរលង់មកហើយទេឬ?+
ឱព្រះដ៏បរិសុទ្ធរបស់ខ្ញុំអើយ! លោកមិនចេះស្លាប់ឡើយ។*+
ឱព្រះយេហូវ៉ាអើយ! លោកបានតែងតាំងពួកគេឲ្យធ្វើការវិនិច្ឆ័យ។
ឱថ្មដារបស់ខ្ញុំអើយ!+ លោកបានតែងតាំងពួកគេឲ្យដាក់ទោស។*+
១៣ ភ្នែកលោកបរិសុទ្ធក្រៃលែងមិនអាចមើលអ្វីដែលអាក្រក់ទេ
ហើយលោកមិនអាចទ្រាំមើលអំពើទុច្ចរិតឡើយ។+
ប៉ុន្តែ ហេតុអ្វីលោកអនុញ្ញាតឲ្យមានមនុស្សក្បត់ដូច្នេះ?+
ហេតុអ្វីលោកនៅស្ងៀមពេលដែលមនុស្សទុច្ចរិតលេបត្របាក់អ្នកដែលសុចរិតជាងពួកគេ?+
១៤ ហេតុអ្វីលោកធ្វើឲ្យមនុស្សដូចជាត្រីនៅក្នុងសមុទ្រ
និងដូចសត្វក្នុងសមុទ្រដែលគ្មានអ្នកគ្រប់គ្រងយ៉ាងនេះ?
១៥ អ្វីទាំងអស់នេះ គាត់*ទាញឡើងដោយផ្លែសន្ទូច
គាត់ទម្លាក់អួនចាប់ពួកគេ
ហើយប្រមូលពួកគេដោយសំណាញ់។
ហេតុនេះហើយបានជាគាត់អរសប្បាយយ៉ាងខ្លាំង។+
១៦ ម្ល៉ោះហើយ គាត់ជូនគ្រឿងបូជាដល់អួននេសាទរបស់គាត់
ហើយដុតគ្រឿងបូជាឲ្យផ្សែងហុយឡើង
ជូនដល់សំណាញ់របស់គាត់
ដោយសារអ្វីទាំងនោះគាត់មានអាហារល្អៗ និងអាហារប្រណីតៗ។
១៧ តើគាត់នឹងយកពួកគេចេញពីអួនរហូតឬ?*
តើគាត់នឹងបន្តសម្លាប់ប្រជាជាតិនានាដោយគ្មានមេត្តាឬ?+
ខ្ញុំនឹងរង់ចាំមើលថាលោកនឹងមានប្រសាសន៍យ៉ាងណាតាមរយៈខ្ញុំ
ហើយខ្ញុំនឹងបន្តគិតអំពីអ្វីដែលខ្ញុំត្រូវឆ្លើយ នៅពេលដែលលោកប្រដៅតម្រង់ខ្ញុំ
២ ក្រោយមក ព្រះយេហូវ៉ាមានប្រសាសន៍មកកាន់ខ្ញុំថា៖
«ចូរកត់ទុកអំពីអ្វីដែលអ្នកឃើញក្នុងគំនិត ហើយចារទុកឲ្យច្បាស់នៅលើបន្ទះថ្ម+
៣ ព្រោះអ្វីដែលអ្នកឃើញក្នុងគំនិតនោះ មិនទាន់ដល់គ្រាកំណត់នៅឡើយ
ហើយអ្វីដែលអ្នកឃើញនោះនឹងកើតឡើងយ៉ាងឆាប់ គឺមិនកុហកឡើយ។
ទោះជាមើលទៅដូចជាពន្យារពេលក្ដី ចូរបន្តរង់ចាំដោយចិត្តរំភើបចុះ!+
ព្រោះនឹងមកជាពិត ឥតយឺតឡើយ!
៤ ចូរមើលមនុស្សដែលមានចិត្តក្រអឺតក្រអោង
គាត់គ្មានចិត្តទៀងត្រង់ឡើយ។
ប៉ុន្តែ មនុស្សសុចរិតនឹងរស់ដោយសារសេចក្ដីស្មោះត្រង់*របស់ខ្លួន។+
៥ ស្រាជាគ្រឿងបញ្ឆោតពិតមែន
ហេតុនេះហើយមនុស្សអំណួតនឹងមិនសម្រេចគោលដៅរបស់ខ្លួនទេ។
សេចក្ដីប៉ងប្រាថ្នារបស់គាត់ធំដូចជាផ្នូរ*
គាត់ប្រៀបដូចជាសេចក្ដីស្លាប់ដែលមិនចេះស្កប់ស្កល់ឡើយ។
គាត់ចេះតែប្រមូលប្រជាជាតិទាំងឡាយ
និងបណ្ដាជនទាំងអស់ទុកសម្រាប់ខ្លួន។+
៦ តើពួកអ្នកទាំងនោះនឹងមិនពោលពាក្យជាសុភាសិត ជាប្រស្នានិងជាពាក្យបញ្ឆិតបញ្ឆៀងដល់គាត់ទេឬ?+
ពួកគេនឹងនិយាយថា៖
‹វេទនាដល់អ្នកដែលប្រមូលយកអ្វីដែលមិនមែនជារបស់ខ្លួន
ហើយវេទនាដល់អ្នកដែលធ្វើឲ្យបំណុលរបស់ខ្លួនកាន់តែច្រើនឡើង!
តើដល់កាលណាទៅ?
៧ តើម្ចាស់បំណុលនឹងមិនក្រោកឡើងជាប្រញាប់ទេឬ?
ពួកគេនឹងភ្ញាក់ឡើង ហើយអង្រួនអ្នកយ៉ាងខ្លាំង
ពួកគេនឹងប្លន់យកទ្រព្យរបស់អ្នក។+
នេះកើតឡើងដោយសារអ្នកបានបង្ហូរឈាមមនុស្សជាតិ
ហើយប្រព្រឹត្តអំពើឃោរឃៅនៅផែនដី
គឺប្រព្រឹត្តយ៉ាងសាហាវទៅលើបណ្ដាក្រុងនិងអស់អ្នកដែលរស់នៅទីនោះ។+
៩ វេទនាហើយ! អ្នកដែលរកកម្រៃមិនទៀងត្រង់សម្រាប់ក្រុមគ្រួសារខ្លួន*
ដើម្បីតាំងលំនៅលើទីខ្ពស់ ដើម្បីរួចផុតពីសេចក្ដីវេទនា។
១០ អ្នកបានរៀបគម្រោងការដ៏គួរឲ្យអាម៉ាស់ទាស់នឹងក្រុមគ្រួសារខ្លួន។*
ដោយសារអ្នកកម្ចាត់មនុស្សជាច្រើន នោះអ្នកធ្វើអំពើខុសឆ្គងទាស់នឹងខ្លួនឯងហើយ។+
១១ ព្រោះថ្មពីកំពែងនឹងស្រែកឡើង
ហើយធ្នឹមពីដំបូលនឹងឆ្លើយតបមក។
១២ វេទនាដល់អ្នកដែលសង់ក្រុងដោយការបង្ហូរឈាម
និងវេទនាដល់អ្នកដែលតាំងក្រុងដោយអំពើមិនសុចរិត!
១៣ មើល! តើមិនមែនព្រះយេហូវ៉ាទេឬដែលបណ្ដាលឲ្យបណ្ដាជនធ្វើការនឿយហត់ ដើម្បីអ្វីដែលនឹងត្រូវវិនាសក្នុងភ្លើងនោះ?
តើមិនមែនព្រះនៃបណ្ដាកងទ័ពស្ថានសួគ៌ទេឬដែលបណ្ដាលឲ្យប្រជាជាតិទាំងឡាយបង់កម្លាំងឥតអំពើនោះ?+
១៤ ព្រោះផែនដីនឹងពេញទៅដោយចំណេះអំពីសិរីរុងរឿងរបស់ព្រះយេហូវ៉ា
ដូចជាទឹកពេញពាសសមុទ្រដែរ។+
១៥ វេទនាហើយ! អស់អ្នកដែលឲ្យអ្វីមួយដល់មិត្តភក្ដិរបស់ខ្លួនផឹក
ដោយលាយជាមួយកំហឹងនិងសេចក្ដីក្រោធ ដើម្បីធ្វើឲ្យពួកគេស្រវឹង
ក្នុងបំណងមើលកេរ្តិ៍ខ្មាសរបស់ពួកគេ។
១៦ អ្នកនឹងរងការអាប់ឱនយ៉ាងខ្លាំង ជាជាងទទួលកិត្តិយស។
ចូរអ្នកផឹកដែរទៅ រួចលាតត្រដាងឲ្យគេឃើញថាខ្លួនមិនបានកាត់ចុងស្បែក។*
ពែងដែលនៅក្នុងដៃស្ដាំរបស់ព្រះយេហូវ៉ានឹងមកឯអ្នក+
ហើយសេចក្ដីអាម៉ាស់នឹងគ្របលើភាពរុងរឿងរបស់អ្នក។
១៧ ព្រោះអំពើឃោរឃៅដែលបានធ្វើទៅលើតំបន់ភ្នំលីបង់នឹងគ្របដណ្ដប់លើអ្នកវិញ
ហើយការបំផ្លិចបំផ្លាញដែលបំភ័យសត្វព្រៃ នឹងធ្លាក់មកលើអ្នកដែរ។
នេះនឹងកើតឡើងដោយសារអ្នកបានបង្ហូរឈាមមនុស្សជាតិ
ហើយប្រព្រឹត្តអំពើឃោរឃៅនៅផែនដី
គឺប្រព្រឹត្តយ៉ាងសាហាវទៅលើបណ្ដាក្រុងនិងអស់អ្នកដែលរស់នៅទីនោះ។+
១៨ តើរូបចម្លាក់ផ្ដល់ប្រយោជន៍អ្វីដល់អ្នកដែលឆ្លាក់វា?
តើរូបព្រះពីលោហៈនិងគ្រូនៃសេចក្ដីភូតភរ
ផ្ដល់ប្រយោជន៍អ្វីដល់ជាងដែលទុកចិត្តវា?
តើអ្នកសូនធ្វើរូបព្រះដែលមិនចេះនិយាយនិងឥតបានការទាំងនោះ
នឹងបានប្រយោជន៍អ្វីទៅ?+
១៩ វេទនាដល់អស់អ្នកដែលនិយាយទៅដុំឈើថា៖ «ភ្ញាក់ឡើង!»។
វេទនាដល់អ្នកដែលនិយាយទៅដុំថ្មដែលមិនចេះស្រដីថា៖ «ក្រោកឡើង! សូមបង្រៀនយើងមក!»។
២០ ចំណែកព្រះយេហូវ៉ាវិញ លោកនៅក្នុងវិហារបរិសុទ្ធរបស់លោក។+
ឱបណ្ដាជនទាំងឡាយនៅផែនដីអើយ! ចូរនៅស្ងៀមចំពោះលោក›»។+
៣ សេចក្ដីអធិដ្ឋានជាបទទំនួញរបស់ហាបាគុកជាអ្នកប្រកាសទំនាយមានដូចតទៅ៖
២ ឱព្រះយេហូវ៉ាអើយ! ខ្ញុំបានឮដំណឹងអំពីលោក។
ឱព្រះយេហូវ៉ាអើយ! ខ្ញុំកោតស្ងើចចំពោះស្នាដៃរបស់លោក។
ក្នុងអំឡុងឆ្នាំទាំងនោះ* សូមបង្ហាញស្នាដៃលោកម្ដងទៀត។
ក្នុងអំឡុងឆ្នាំទាំងនោះ* សូមឲ្យគេឃើញស្នាដៃរបស់លោក។
សូមលោកកុំភ្លេចបង្ហាញសេចក្ដីមេត្តាករុណានៅគ្រាច្របូកច្របល់។+
៣ ព្រះបានមកពីតំបន់ថេម៉ាន
ព្រះដ៏បរិសុទ្ធបានមកពីភ្នំប៉ារ៉ាន។+ (ស៊ីឡា)*
សិរីរុងរឿងរបស់លោកបានគ្របលើស្ថានសួគ៌+
សេចក្ដីសរសើររបស់លោកមានពេញផែនដី។
៤ ពន្លឺរបស់លោកដូចរស្មីចាំងចែង។+
មានពន្លឺ*ភ្លឺឆ្វាចចេញពីដៃលោក
គឺនៅត្រង់កន្លែងដែលលាក់ទុកកម្លាំងរបស់លោក។
៦ លោកបានឈរទ្រឹង ហើយអង្រួនផែនដី។+
ពេលសម្លឹងមើលទៅ លោកធ្វើឲ្យប្រជាជាតិនានាលោតដោយតក់ស្លុត។+
សូម្បីតែបណ្ដាភ្នំពីបុរាណ ក៏បាក់បែកខ្ទេចខ្ទីដែរ
ហើយទីទួលទាំងឡាយដែលមានតាំងពីយូរមកហើយ បានក្រាបចុះ។+
ផ្លូវចាស់បុរាណនានាជារបស់លោក។
៧ ខ្ញុំបានឃើញទុក្ខវេទនានៅក្នុងត្រសាលរបស់ជនជាតិគូសាន
ហើយត្រសាលរបស់ស្រុកម៉ាឌានបានញាប់ញ័រ។+
៨ ឱព្រះយេហូវ៉ាអើយ! តើលោកខឹងនឹងទន្លេឬ?
តើលោកបង្ហាញសេចក្ដីក្រោធទៅលើផ្លូវទឹកទាំងឡាយឬ?
តើលោកបញ្ចេញកំហឹងទៅលើសមុទ្រឬ?+
៩ លោកបានយកធ្នូរបស់លោកចេញ ហើយត្រៀមជាស្រេច។
ដំបង*ក៏បានត្រូវបម្រុងជាស្រេចស្របតាមពាក្យសម្បថ។* (ស៊ីឡា)
លោកធ្វើឲ្យផែនដីប្រេះដោយទន្លេនានា។
១០ ភ្នំទាំងឡាយឈឺចុកចាប់ពេលឃើញលោក។+
មានព្យុះភ្លៀងយ៉ាងខ្លាំងបក់កាត់ស្រុក។
ទឹកនៅទីជម្រៅបញ្ចេញសំឡេងយ៉ាងខ្លាំង។+
វាបានផុសឡើងទៅលើយ៉ាងខ្ពស់។
១១ ដួងខែនិងដួងអាទិត្យនៅទ្រឹងត្រង់កន្លែងរបស់វា។+
ព្រួញរបស់លោកបាញ់ចេញទៅដូចជាពន្លឺ។+
ពន្លឺនៃលំពែងរបស់លោកភ្លឺចិញ្ចាចដូចផ្លេកបន្ទោរ។
១២ លោកបានដើរកាត់ផែនដីដោយកំហឹង។
លោកបានជាន់ឈ្លីប្រជាជាតិនានាដោយសេចក្ដីក្រោធ។
១៣ លោកបានចេញទៅដើម្បីសង្គ្រោះរាស្ត្ររបស់លោកគឺអ្នកដែលលោករើសតាំង។
លោកបានបំផ្លាញអ្នកដឹកនាំនៃផ្ទះជនទុច្ចរិត។
ផ្ទះនោះបានត្រូវកម្ទេចចាប់ពីដំបូលរហូតដល់គ្រឹះ។ (ស៊ីឡា)
១៤ លោកបានចាក់ទម្លុះក្បាលពួកទាហានខ្លាំងពូកែដោយអាវុធរបស់ពួកគេ
ពេលពួកគេសម្រុកមកយ៉ាងលឿនដូចព្យុះដើម្បីកម្ចាត់កម្ចាយខ្ញុំ។
ពួកគេសប្បាយរីករាយលេបត្របាក់អ្នកទន់ខ្សោយដោយសម្ងាត់។
១៥ លោកបានជិះសេះកាត់សមុទ្រ
គឺកាត់ផ្ទៃទឹកដែលកក្រើករំពើក។
១៦ ពេលខ្ញុំបានឮ ខ្ញុំភ័យញាប់ញ័រ បបូរមាត់ខ្ញុំក៏ញ័រទទាក់។
ឆ្អឹងខ្ញុំពុកទៅ+ ជើងខ្ញុំញ័រទទ្រើក។
ប៉ុន្តែ ខ្ញុំរង់ចាំថ្ងៃនៃទុក្ខលំបាកដោយចិត្តអត់ធ្មត់+
ព្រោះថ្ងៃនោះនឹងធ្លាក់មកលើពួកអ្នកដែលវាយប្រហារយើងខ្ញុំ។
១៧ ទោះជាដើមល្វាមិនចេញផ្កា
ដើមទំពាំងបាយជូរមិនចេញផ្លែ
ដើមអូលីវខានមានផល ស្រែចម្ការមិនមានភោគផល
ហ្វូងចៀមហ្វូងពពែបាត់អស់ និងហ្វូងគោលែងមាននៅក្នុងក្រោលក្ដី
១៨ ក៏ខ្ញុំនឹងរីករាយដោយសារព្រះយេហូវ៉ា
ខ្ញុំនឹងអរសប្បាយដោយសារព្រះនៃសេចក្ដីសង្គ្រោះខ្ញុំ។+
១៩ ព្រះយេហូវ៉ាជាម្ចាស់ដ៏ឧត្ដមបំផុត លោកជាកម្លាំងរបស់ខ្ញុំ+
លោកនឹងធ្វើឲ្យជើងខ្ញុំដូចជាជើងក្ដាន់
ហើយឲ្យខ្ញុំដើរនៅលើទីខ្ពស់ៗ។+
ជូនចំពោះមេភ្លេង សម្រាប់លេងដោយប្រើឧបករណ៍ភ្លេងមានខ្សែរបស់ខ្ញុំ។
ប្រហែលជាមានន័យថា«ការឱបយ៉ាងស្និទ្ធ»
ឬ«កិត្តិយស»
ឬប្រហែលជាមានន័យថា«កម្លាំងរបស់ពួកគេគឺជាព្រះរបស់ពួកគេ»
ឬប្រហែលជាមានន័យថា«យើងនឹងមិនស្លាប់ឡើយ»
ឬ«ឲ្យប្រដៅតម្រង់»
នេះសំដៅលើពួកខាល់ដេជាសត្រូវ
ឬប្រហែលជាមានន័យថា«តើគាត់ចេះតែហូតដាវរហូតឬ?»
ឬ«ស្ទាត់»
ឬប្រហែលជាមានន័យថា«ជំនឿ»
ឬ«ហ្ស៊ីអូល»សំដៅលើផ្នូរទូទៅរបស់មនុស្សជាតិ។ មើលនិយមន័យពាក្យ«ផ្នូរ»
ឬ«ប្រជាជាតិខ្លួន»
ឬ«ប្រជាជាតិខ្លួន»
ឬប្រហែលជាមានន័យថា«រួចដើរទ្រេតទ្រោត»
ឬប្រហែលជាមានន័យថា«នៅគ្រារបស់យើង»
ឬប្រហែលជាមានន័យថា«នៅគ្រារបស់យើង»
មើលនិយមន័យពាក្យ«ស៊ីឡា»
ឬ«មានពន្លឺពីរ»
ឬ«សេចក្ដីសង្គ្រោះ»
ឬប្រហែលជាមានន័យថា«ព្រួញ»
ឬប្រហែលជាមានន័យថា«ស្របតាមពាក្យសម្បថរបស់កុលសម្ព័ន្ធនានា»