សំណួរនិងចម្លើយពីគម្ពីរ
តើគ្រិស្តត្រឡប់មកវិញក្នុងគោលបំណងអ្វី?
នៅឆ្នាំ៣៣ គ.ស. មុនលោកយេស៊ូគ្រិស្តឡើងទៅស្ថានសួគ៌លោកបានសន្យាថាលោកនឹងត្រឡប់មកវិញ។ លោកប្រដូចខ្លួនលោកទៅនឹងបុរសម្នាក់ដែលកើតក្នុងរាជវង្សបានធ្វើដំណើរទៅប្រទេសឆ្ងាយ ហើយត្រឡប់មកវិញដោយមានអំណាចជាស្តេច។ គោលបំណងនៃការត្រឡប់មកវិញរបស់លោកយេស៊ូគឺដើម្បីនាំមកនូវរដ្ឋាភិបាលល្អដល់មនុស្សជាតិ។—សូមអាន លូកា ១៩:១១, ១២
តើគ្រិស្តនឹងត្រឡប់មកវិញក្នុងរូបកាយបែបណា? ព្រះបានប្រោសលោកឲ្យរស់ឡើងវិញជាបុគ្គលវិញ្ញាណដែលយើងមើលមិនឃើញ។ (ពេត្រុសទី១ ៣:១៨) បន្ទាប់មក លោកបានត្រឡប់ទៅស្ថានសួគ៌វិញ ហើយអង្គុយនៅខាងស្ដាំព្រះ។ (ទំនុកតម្កើង ១១០:១) យូរក្រោយមក លោកយេស៊ូបានត្រូវនាំចូលទៅចំពោះព្រះយេហូវ៉ាជា«ព្រះដ៏មានព្រះជន្មពីបុរាណ» ដែលបានឲ្យអំណាចលោកយេស៊ូគ្រប់គ្រងលើមនុស្សជាតិ។ ដូច្នេះ លោកយេស៊ូត្រឡប់មកវិញ មិនមែនក្នុងនាមជាមនុស្សម្នាក់ទេ តែក្នុងនាមជាស្តេចដែលយើងមើលមិនឃើញ។—សូមអាន ដានីយ៉ែល ៧:១៣, ១៤
ពេលលោកយេស៊ូមកដល់ តើលោកនឹងធ្វើអ្វី?
យើងមើលមិនឃើញទេ ពេលលោកយេស៊ូមកជាមួយពួកទេវតារបស់លោក។ ពេលនោះលោកនឹងវិនិច្ឆ័យមនុស្សជាតិ។ លោកនឹងបំផ្លាញមនុស្សអាក្រក់ចោល តែលោកនឹងផ្ដល់ជីវិតដែលគ្មានទីបញ្ចប់ដល់អ្នកដែលព្រមទទួលលោកជាស្តេច។—សូមអាន ម៉ាថាយ ២៥:៣១-៣៣, ៤៦
ការគ្រប់គ្រងរបស់លោកយេស៊ូជាស្តេចនឹងកែប្រែផែនដីទៅជាសួនឧទ្យាន។ លោកនឹងប្រោសមនុស្សស្លាប់ឲ្យរស់ឡើងវិញ ដើម្បីពួកគេអាចអរសប្បាយនឹងជីវិតនៅផែនដីដែលជាសួនឧទ្យាន។—សូមអាន លូកា ២៣:៤២, ៤៣
សម្រាប់ព័ត៌មានបន្ថែម សូមមើលក្នុងសៀវភៅតើព្រះគម្ពីរពិតជាបង្រៀនយ៉ាងណា? នៅទំព័រ៨៤-៩៧ ដែលបោះពុម្ពផ្សាយដោយសាក្សីព្រះយេហូវ៉ា
អាចថតចម្លងតាមគេហទំព័រwww.jw.org/km
[រូបភាពនៅទំព័រ១៦]
លោកយេស៊ូនឹងនាំមកនូវរដ្ឋាភិបាលល្អដល់មនុស្សជាតិ
[រូបភាពនៅទំព័រ១៦]