តើគម្ពីរបង្រៀនយ៉ាងណា?
តើមេកំណាចជាអ្វីឬជាអ្នកណា?
តើអ្នកគិតថា មេកំណាចជា . . .
បុគ្គលវិញ្ញាណ?
ចិត្តគំនិតអាក្រក់របស់មនុស្សម្នាក់?
ការស្រមើស្រមៃរបស់មនុស្ស?
គម្ពីររៀបរាប់ថា
មេកំណាចបាននិយាយជាមួយនឹងលោកយេស៊ូ ហើយ«បានល្បួង»លោក។ (ម៉ាថាយ ៤:១-៤) ដូច្នេះ មេកំណាចមិនមែនជាចិត្តគំនិតអាក្រក់ ឬជាការស្រមើស្រមៃរបស់មនុស្សទេ។ ប៉ុន្តែ វាជាបុគ្គលវិញ្ញាណអាក្រក់មួយរូប។
តើយើងអាចរៀនអ្វីទៀតពីគម្ពីរ?
នៅដើមដំបូង មេកំណាចជាទេវតាដ៏បរិសុទ្ធមួយរូប ប៉ុន្តែទេវតានោះ«មិនបាននៅជាប់នឹងសេចក្ដីពិតឡើយ»។ (យ៉ូហាន ៨:៤៤) ទេវតានោះបានក្លាយទៅជាអ្នកភូតភរ និងជាអ្នកបះបោរប្រឆាំងព្រះ។
ទេវតាផ្សេងទៀតបានចូលរួមបះបោរជាមួយនឹងសាថាន។—ការបើកបង្ហាញ ១២:៩
មេកំណាចធ្វើឲ្យមនុស្សជាច្រើនគិតថាវាមិនមែនជាបុគ្គលពិតទេ។—កូរិនថូសទី២ ៤:៤
តើមេកំណាចអាចកាន់កាប់មនុស្សបានទេ?
អ្នកខ្លះនិយាយថា មេកំណាចមិនអាចកាន់កាប់មនុស្សបានទេ។ រីឯអ្នកខ្លះទៀតភ័យខ្លាចថាវិញ្ញាណអាក្រក់នឹងចូលពួកគេ។ ចុះអ្នកវិញគិតយ៉ាងណាដែរ?
គម្ពីររៀបរាប់ថា
«ពិភពលោកទាំងមូលនៅក្រោមអំណាចរបស់មេកំណាច»។ (យ៉ូហានទី១ ៥:១៩) ពិតមែនតែមេកំណាចមានឥទ្ធិពលខ្លាំងមកលើមនុស្សជាតិ ប៉ុន្តែវាមិនកាន់កាប់មនុស្សទាំងអស់ឡើយ។
តើយើងអាចរៀនអ្វីទៀតពីគម្ពីរ?
មេកំណាចប្រើការបោកបញ្ឆោតដើម្បីមានឥទ្ធិពលកាន់តែខ្លាំងមកលើមនុស្ស។—កូរិនថូសទី២ ១១:១៤
ក្នុងស្ថានភាពខ្លះ ពួកវិញ្ញាណអាក្រក់អាចចូលមនុស្សណាម្នាក់បាន។—ម៉ាថាយ ១២:២២
ដោយមានជំនួយពីព្រះ អ្នកអាច«តស៊ូនឹងមេកំណាច»ដោយជោគជ័យ។—យ៉ាកុប ៤:៧