បំពាក់បំប៉នអ្នកឯទៀតអំពីសេចក្ដីសង្ឃឹមនៃជីវិតអស់កល្បជានិច្ច
១ ថ្វីបើមនុស្សជាតិបានស្រាវជ្រាវរកផ្លូវ ដើម្បីបន្ថយភាពចាស់ជរាហើយបន្តជីវិតគេឲ្យបានវែងក៏ដោយ នៅតែជៀសមិនរួចពីអាយុចាស់និងសេចក្ដីស្លាប់ឡើយ។ យើងសប្បាយចិត្តណាស់ ដែលព្រះគម្ពីរបានពន្យល់នូវមូលហេតុ ដែលមនុស្សទៅជាចាស់ហើយស្លាប់ ព្រមទាំងនូវរបៀបដែលភាពចាស់ជរានឹងប្ដូរបញ្ច្រាសទៅវិញ ហើយសេចក្ដីស្លាប់នឹងមិនមានទៀតឡើយ។ សេចក្ដីពិតទាំងអស់នេះបានបង្ហាញឲ្យឃើញនៅក្នុងសៀវភៅអ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។ សៀវភៅនេះឆ្លើយយ៉ាងច្បាស់នូវសំនួរដ៏ពិបាកៗអំពីជីវិតនិងសេចក្ដីស្លាប់ ដែលសំដៅអ្នកអានទៅពេលដែលសួនមនោរម្យនឹងបានកសាងឡើងវិញ។
២ ក្នុងខែមីនា យើងនឹងផ្ដល់សៀវភៅរស់នៅជានិរន្តរ៍ ដោយមានគោលបំណងដើម្បីចាប់ផ្ដើមការសិក្សាព្រះគម្ពីរតាមផ្ទះ។ (ម៉ាថាយ ២៨:១៩, ២០) រួចហើយ យើងនឹងត្រឡប់ទៅជួបអ្នកណាដែលយកចិត្តទុកដាក់អំពីសារព្រះរាជាណាចក្រ។ ដោយធ្វើដូច្នេះ យើងនឹងបំពាក់បំប៉នអ្នកឯទៀតអំពីសេចក្ដីសង្ឃឹមនៃជីវិតអស់កល្បជានិច្ច។ (ទីតុស ១:២) ដើម្បីសម្រេចរឿងនេះ យោបល់បន្តបន្ទាប់នេះប្រហែលជាអាចមានប្រយោជន៍សំរាប់អ្នក។
៣ ពេលទើបតែទៅជួបលើកទីមួយ អ្នកប្រហែលអាចសួរសំនួរនេះ:
▪ «តើអ្នកដែលឆ្ងល់ថា ហេតុអ្វីបានជាមនុស្សប្រាថ្នាចង់បានអាយុវែងទេ? [អនុញ្ញាតឲ្យឆ្លើយ]។ អ្នកកាន់ពុទ្ធសាសនា អ្នកកាន់គ្រីស្ទសាសនា អ្នកកាន់សាសនាហិណ្ឌូ អ្នកកាន់សាសនាអ៊ីស្លាម ហើយទាំងអ្នកឯទៀតមានសេចក្ដីសង្ឃឹមនៃជីវិតក្រោយពីស្លាប់»។ សូមបើកសៀវភៅរស់នៅជានិរន្តរ៍ ទៅជំពូក៧ «មូលហេតុដែលយើងមានជីវិតរស់នៅ» ហើយអានវគ្គ២។ សូមវែកញែកលើសាស្ដា ៣:១១ និងលោកុប្បត្តិ ២:១៦, ១៧។ សូមបង្ហាញសំនួរនៅខាងចុងវគ្គនោះ សួរអ្នកម្ចាស់ផ្ទះប្រសិនបើគាត់ចង់ដឹងចម្លើយដោយខ្លួនឯង។ ប្រសិនបើគាត់ចង់ដឹងនោះ បន្តការពិគ្រោះពីរបីវគ្គបន្ទាប់។ ដោយធ្វើដូច្នេះគឺកំពុងតែចាប់ផ្ដើមការសិក្សាមែន! បើមិនដូច្នេះទេ ទុកសៀវភៅឲ្យគាត់មើលហើយត្រូវចាត់គម្រោងការណ៍ត្រឡប់ទៅជួបវិញ គួរត្រឡប់ទៅជួបក្នុងរយៈមួយថ្ងៃ ឬពីរថ្ងៃ ដើម្បីពិគ្រោះចម្លើយ។
៤ ពេលត្រឡប់ទៅជួបអ្នកដែលបានយកសៀវភៅ«រស់នៅជានិរន្តរ៍» អ្នកអាចនិយាយថា:
▪ «ខ្ញុំបានត្រឡប់មកវិញដើម្បីពិគ្រោះសំនួរអំពីការរស់នៅ ដែលយើងមិនបានឆ្លើយពីមុន»។ ចូររំឭកសំនួរអ្នកម្ចាស់ផ្ទះផង។ រួចហើយពិគ្រោះពត៌មានក្នុងជំពូក៧ ក្រោមចំណងជើង «តាមរបៀបវិវត្តន៍ ឬតាមសេចក្ដីបង្កើត»? ស្រេចតែនឹងកាលៈទេសៈ យើងអាចបន្តការសិក្សា ឬក៏ប្រើចំណងជើង «មូលហេតុដែលយើងទៅជាចាស់ជរាហើយស្លាប់» នៅទំព័រ៧៤ ដើម្បីតាំងមូលដ្ឋានសំរាប់នៅពេលក្រោយ។ ត្រូវកំណត់ពេលត្រឡប់ទៅជួបវិញឲ្យបានច្បាស់លាស់។ ប្រគល់ប័ណ្ណកម្មវិធីប្រជុំឲ្យអ្នកម្ចាស់ផ្ទះ ហើយរាយរាប់ប្រាប់យ៉ាងសង្ខេបនូវរបៀបក្រុមជំនុំមានកិច្ចប្រជុំ។ សូមអញ្ជើញគាត់យ៉ាងកក់ក្ដៅឲ្យមកប្រជុំ។
៥ មិនថាការផ្សាយតាមផ្ទះ ឬការធ្វើបន្ទាល់ក្រៅវិធីការក៏ដោយ អ្នកប្រហែលអាចចាប់ផ្ដើមការសន្ទនាដោយនិយាយថា:
▪ «តើអ្នកដែលឆ្ងល់ថាតើមានអនាគតយ៉ាងណាសំរាប់យើងហើយសំរាប់ផែនដីទេ? [អនុញ្ញាតឲ្យឆ្លើយ]។ ព្រះគម្ពីរនិយាយអំពីអនាគតតែពាក្យមួយគត់—សួនមនោរម្យ! ព្រះគម្ពីរពន្យល់ថា កាលដើមដំបូងឡើយ ព្រះបានបង្កើតផែនដីមួយផ្នែក ជាសួនមនោរម្យដ៏ល្អ ជាកន្លែងដែលទ្រង់បានឲ្យមនុស្សមួយគូ ជាអ្នកដែលទ្រង់បានបង្កើតមក។ ពួកគេត្រូវបង្កើតកូនឲ្យបានច្រើនឡើងពាសពេញពិភពលោក ធ្វើឲ្យផែនដីនឹងប្រែទៅជាសួនមនោរម្យបន្ដិចម្ដងៗ។ សូមកត់នូវការរៀបរាប់នេះអំពីសួនមនោរម្យដែលមានទៅអនាគតឆាប់ៗនេះ»។ សូមបើកសៀវភៅរស់នៅជានិរន្តរ៍ ទៅទំព័រ១២ ហើយអានវគ្គ១២។ រួចហើយពិគ្រោះចំណុចក្នុងវគ្គ ១៣ ហើយអានបទគម្ពីរដែលនៅទីនោះ។ សូមអនុញ្ញាតដើម្បីបន្តការពិគ្រោះថាត្រូវចំណាយពេលប៉ុន្មានទៀតទើបសួនមនោរម្យបានកសាងឡើងវិញ រួចហើយពិគ្រោះវគ្គ ១៥-១៩ជាមួយគ្នា។ ឬអាចលើកទឹកចិត្តបុគ្គលនោះឲ្យអានខ្លួនគេ ហើយរៀបចំដើម្បីត្រឡប់មកជួបម្ដងទៀត ហើយពិគ្រោះពីរឿងនោះចុះ។
៦ ប្រសិនបើមិនបានចាប់ផ្ដើមការសិក្សានៅលើកទីមួយទេ អ្នកអាចសាកល្បងនៅពេលត្រឡប់ទៅជួបវិញដោយនិយាយថា:
▪ «កាលដែលយើងបានពិគ្រោះពេលមុន យើងដឹងថាគឺជាគោលបំណងរបស់ព្រះ ដែលផែនដីទាំងមូលនឹងប្រែទៅជាសួនមនោរម្យ។ នេះគឺត្រូវសួរសំនួរថា ‹តើនឹងបានសួនមនោរម្យយ៉ាងដូចម្ដេច›?» សូមបើកសៀវភៅរស់នៅជានិរន្តរ៍ ទៅជំពូក១ ហើយរៀនពីវគ្គ ១១-១៤ក្រោមចំណងជើង «ជាជីវិតប្រភេទដែលអ្នកប្រាថ្នាចង់បាន» រួចមក ពិគ្រោះលើរូបភាពនៅទំព័រ ១១-១៣ ហើយសួរបុគ្គលនោះ ថាតើគាត់ចង់រស់នៅកន្លែងដ៏ស្រស់ល្អនោះទេ។ រួចមក សូមអានឃ្លាទីមួយនៃវគ្គ១៩ នៅទំព័រ១៥។ ស្រេចតែនឹងកាលៈទេសៈហុចឲ្យ គឺអាចបន្តការរៀន ឬនិយាយថា ពេលអ្នកនឹងត្រឡប់មកជួបលើកក្រោយម្ដងទៀត នោះអ្នកនឹងពន្យល់នូវអ្វីដែលត្រូវការដើម្បីឲ្យបុគ្គលម្នាក់រស់នៅសួនមនោរម្យដែលបានកសាងឡើងវិញ។ សូមឲ្យប័ណ្ណកម្មវិធីប្រជុំ ពន្យល់តារាងសំរាប់កិច្ចប្រជុំ ហើយអញ្ជើញយ៉ាងរាក់ទាក់ឲ្យគាត់មកប្រជុំនៅសាលព្រះរាជាណាចក្រ។
៧ សៀវភៅរស់នៅជានិរន្តរ៍ ជាវត្ថុដ៏អស្ចារ្យសំរាប់ប្រើក្នុងការបង្ហាញទៅអ្នកឯទៀតអំពី «ជីវិតអស់កល្បជានិច្ច» ដែលព្រះបានសន្យាមក។ ដែលអ្នកបង្រៀនព្រះគម្ពីរតាមផ្ទះជាមួយមនុស្ស គឺអាចបំពាក់បំប៉នសេចក្ដីសង្ឃឹមដ៏រុងរឿងនេះ ដែលបណ្ដាលដោយសារព្រះ«ដ៏មិនចេះភូត»។