កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១១ ខែមីនា
ចំរៀងលេខ២
១៣ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ ដោយប្រើយោបល់នៅទំព័រទី៨ សូមរៀបចំការសម្ដែងមួយពីរបៀបស្នើផ្ដល់ទស្សនាវដ្ដីសំរាប់ថ្ងៃទី១ ខែមេសា។ សូមបង្ហាញនូវរបៀបឆ្លើយតបពេលគេប្រើសំដីដែលអាចរារាំងការសន្ទនាដោយនិយាយថា៖ «ខ្ញុំមិនចាប់អារម្មណ៍ទេ!»។—សូមមើលកូនសៀវភៅរបៀបចាប់ផ្ដើមនិងបន្តការពិគ្រោះគ្នាអំពីព្រះគម្ពីរ ទំព័រ៨។
១២ នាទី: ការរក្សាការពារភាពអព្យាក្រឹតរបស់យើងជាគ្រីស្ទាន។ សុន្ទរកថាដោយអ្នកចាស់ទុំម្នាក់ដែលមានសមត្ថភាពគ្រប់គ្រាន់។ នៅឯសាលារៀន នៅកន្លែងធ្វើការ និងក្នុងសហគមន៍នានាបង្ហាញការស្នេហាជាតិកាន់តែច្រើនឡើងៗ។ ការលើកទឹកចិត្តមនុស្សឲ្យ ស្នេហាជាតិ នោះជារបៀបមួយដែលមនុស្សគិតថាគេអាចទទួលបានការសំរាលទុក្ខពីការសោយសោកដោយព្រោះមហន្តរាយដែលកើតមានឡើងក្នុងប្រទេសជាតិ។ ថ្វីបើយើងមានទុក្ខព្រួយដែរ ដោយសារអ្វីដែលយើងឃើញក្នុងលោកីយ៍នេះក្ដី តែយើងយល់ដឹងអំពីរឿងសំខាន់ជាង គឺរឿងទាក់ទងនឹងអធិបតេយ្យសកលលោក ហើយមានសារព្រះរាជាណាចក្រជួយរំលែកទុក្ខយើង។ ពេលយើងជួយពន្យល់ដល់អ្នកដទៃយ៉ាងប៉ិនប្រសប់ នូវហេតុដែលយើងមិនគួររួមដៃក្នុងសកម្មភាពណាដែលប្រកាន់ជាតិសាសន៍ នោះយើងនៅតែចង់ប្រាប់ឲ្យគេដឹងអំពីការសំរាលទុក្ខនិងសេចក្ដីសង្ឃឹមដែលយើងបានរកឃើញក្នុងព្រះបន្ទូលរបស់ព្រះ។ ក្នុងសៀវភៅស្តើងជាភាសាអង់គ្លេស ស្មរបន្ទាល់ព្រះយេហូវ៉ានិងការអប់រំ ទំព័រ២០-២៤ ក្រោមចំណងជើង «ការគោរពទង់ជាតិ» នោះមានការពន្យល់អំពីមូលហេតុដែលយើងមិនចូលរួមធ្វើពិធីបុណ្យដែលបង្ហាញពីគំនិតស្នេហាជាតិ។ សូមពិគ្រោះគោលសំខាន់ៗនិងលើកទឹកចិត្តមាតាបិតាទាំងឡាយឲ្យមើលពត៌មាននេះម្ដងទៀតឲ្យហ្មត់ចត់ជាមួយកូនគាត់។ រៀបរាប់ពីបទពិសោធន៍និមួយៗពីទំព័រទី២០នៃសៀវភៅស្តើងនេះ ហើយពីទស្សនាវដ្ដីភ្ញាក់រឭក! ពីថ្ងៃទី៨ ខែមករា ឆ្នាំ១៩៩៦ ទំព័រទី៣១ (ជាភាសាអង់គ្លេស)។ សូមបញ្ជាក់នូវភាពចាំបាច់ឲ្យយើងមានភក្ដីភាពដាច់មុខចំពោះព្រះយេហូវ៉ា ក្នុងកាលបង្ហាញការគោរពចំពោះរដ្ឋអំណាចដែរ។
២០ នាទី: «ចូរ‹ធ្វើការល្អជាបរិបូរ›ចុះ!»។a ត្រូវធ្វើដោយអ្នកត្រួតពិនិត្យកិច្ចបំរើ។ សូមលើកទឹកចិត្តឲ្យគ្រប់គ្នាចូលរួមយ៉ាងពេញលេញក្នុងកិច្ចបំរើផ្សាយ ដើម្បីត្រៀមខ្លួនសំរាប់ពិធីបុណ្យរំឭកនៅថ្ងៃទី២៨ ខែមីនា។ ពិគ្រោះអំពីរបៀបប្រើលិខិតអញ្ជើញ ឲ្យបានផលច្រើនបំផុត។ អញ្ជើញអ្នកផ្សាយទាំងឡាយប្រាប់អំពីរបៀបគេបានលើកទឹកចិត្តញាតិសន្ដាន អ្នកជិតខាង សិស្សព្រះគម្ពីរ និងអ្នកចាប់អារម្មណ៍ឯទៀតឲ្យមកឯពិធីបុណ្យរំឭកពីឆ្នាំមុន ហើយអំពីអំណរដែលមានជាលទ្ធផលនោះ។ សូមលើកទឹកចិត្តអស់អ្នកណាដែលមានសមត្ថភាព ឲ្យធ្វើជាអ្នកត្រួសត្រាយជំនួយក្នុងខែមេសា ហើយគួរទទួលក្រដាសសំរាប់ចុះឈ្មោះក្រោយប្រជុំចប់។
ចំរៀងលេខ៨២ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៨ ខែមីនា
ចំរៀងលេខ៧
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។ ពិគ្រោះនូវ«កំណត់ចំណាំអំពីពិធីបុណ្យរំឭក»។ សូមលើកទឹកចិត្តឲ្យបងប្អូនទាំងឡាយអានតាមអំនានព្រះគម្ពីរដែលបានកំណត់សំរាប់ថ្ងៃទី២៣-២៨ ខែមីនា ដូចបានកត់ទុកក្នុងកូនសៀវភៅការពិនិត្យមើលបទគម្ពីរប្រចាំថ្ងៃ ឆ្នាំ២០០២។
១៥ នាទី: «យើងមានអំណរពីការមានសាមគ្គីភាពជាមួយព្រះយេហូវ៉ានិងរាជបុត្រារបស់ទ្រង់»។ សុន្ទរកថាដោយអ្នកចាស់ទុំម្នាក់ ដែលមានបទគម្ពីរជាមូលដ្ឋានដើម្បីជំរុញទឹកចិត្ត។ លើកទឹកចិត្តឲ្យបងប្អូនទាំងអស់គ្នាខិតខំជាបន្ថែមរហូតដល់ថ្ងៃទី២៨ ខែមីនា ក្នុងការអញ្ជើញមនុស្សឲ្យបានច្រើនបំផុតឲ្យចូលរួមពិធីបុណ្យរំឭកជាមួយនឹងយើង។
២០ នាទី: «មហាសន្និបាតតាមតំបន់នៃស្មរបន្ទាល់ព្រះយេហូវ៉ាឆ្នាំ២០០២ដែលមានប្រធានថា ‹អ្នកប្រកាសដ៏ខ្នះខ្នែងអំពីព្រះរាជាណាចក្ររបស់ព្រះ›»។b ត្រូវធ្វើដោយលេខាក្រុមជំនុំ ដោយបញ្ជាក់យ៉ាងច្បាស់នូវវគ្គ៤-៨។ សូមសរសើរក្រុមជំនុំយ៉ាងកក់ក្ដៅ ដោយព្រោះពួកគេរៀបចំសំរាប់មហាសន្និបាតហើយជាស្រេចនោះ។
ចំរៀងលេខ៤៥ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៥ ខែមីនា
ចំរៀងលេខ១២
១៤ នាទី: សេចក្ដីជូនដំណឹងតាមតំបន់។ សូមជួយពន្យល់ថា គឺមិនទាន់ហួសពេលក្នុងការចុះឈ្មោះសុំធ្វើជាអ្នកត្រួសត្រាយជំនួយក្នុងកំឡុងខែមេសានោះទេ។ ដោយប្រើយោបល់ទាំងប៉ុន្មាននៅទំព័រទី៨ សូមឲ្យអ្នកចាស់ទុំម្នាក់ធ្វើការសម្ដែងពីរបៀបស្នើផ្ដល់ទស្សនាវដ្ដីប៉មយាម ពីថ្ងៃទី១ ខែមេសា។ ក្រោយពីការសម្ដែងនោះ សូមលើកបញ្ជាក់អំពីលក្ខណៈល្អៗនៃការស្នើផ្ដល់នោះ។
១៥ នាទី: សេចក្ដីត្រូវការតាមតំបន់។
១៦ នាទី: «តើពួកគ្រីស្ទានគួរចូលរួមពិធីបុណ្យចូលឆ្នាំឬទេ?»។ សុន្ទរកថាដែលមានមូលដ្ឋានលើទស្សនាវដ្ដីភ្ញាក់រឭក! ពីថ្ងៃទី៨ ខែមករា ឆ្នាំ២០០២ ទំព័រ២០និង២១ (ជាភាសាអង់គ្លេស)។ សូមកែប្រែពត៌មានទៅតាមទំនៀមទំលាប់តាមតំបន់។
ចំរៀងលេខ១៣១ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១ ខែមេសា
ចំរៀងលេខ២៧
៧ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសំរាប់ខែមីនា។
១៨ នាទី: «‹អំណោយទានជាមនុស្ស›រមែងយកចិត្តទុកដាក់ឃ្វាលហ្វូងចៀមរបស់ព្រះ»។ សុន្ទរកថាដោយអ្នកចាស់ទុំម្នាក់។ សូមពិគ្រោះបទគម្ពីរទាំងប៉ុន្មានក្នុងអត្ថបទនោះ។ សូមបង្ហាញថា មានផលល្អមែនមកពីការឃ្វាលចៀមដូចជាការទៅលេងបងប្អូនឥតសកម្មនិងអ្នកពិការ ទាំងជួយឲ្យពួកគេសម្រេចការអ្វីតាមតែសមត្ថភាព។ ពួកអ្នកគង្វាលដែលប្រកបទៅដោយសេចក្ដីស្រឡាញ់រមែងបង្ហាញថា ពួកគេអបអរនឹងការព្យាយាមរបស់បងប្អូន ដើម្បីរក្សាឲ្យមានសកម្មភាពក្នុងកិច្ចបំរើព្រះយេហូវ៉ា។
២០ នាទី: «ចូរបង្កើនអំណររបស់អ្នកក្នុងកិច្ចផ្សព្វផ្សាយ»។c ពេលពិគ្រោះវគ្គទី៥ សុំយោបល់ដ៏ស្រួលប្រើអំពីរបៀបទទួលប្រយោជន៍បានច្រើនបំផុតក្នុងតំបន់ផ្សាយរបស់យើង។ សូមធ្វើការសម្ដែងមួយឬពីរ ជាគំរូអំពីរបៀបដែលយើងអាចរកជួបមនុស្សម្នាក់ដើម្បីធ្វើបន្ទាល់យ៉ាងខ្លី។ លើកទឹកចិត្តឲ្យគ្រប់គ្នាបង្កើតឲ្យមានឱកាសផ្សព្វផ្សាយក្នុងកំឡុងមួយសប្ដាហ៍មុខនេះ។
ចំរៀងលេខ១៥ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
c កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។