កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១៣ ខែមករា
ចំរៀងលេខ១៧៧
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ ដោយប្រើយោបល់ទីមួយនៅទំព័រទី១២ សូមបង្ហាញនូវរបៀបស្នើផ្ដល់ទស្សនាវដ្ដីប៉មយាម ថ្ងៃទី១ ខែកុម្ភៈ។
៣៥ នាទី: «ការទទួលប្រយោជន៍យ៉ាងពេញលេញពីមហាសន្និបាតតាមតំបន់‹អ្នកប្រកាសដ៏ខ្នះខ្នែងអំពីព្រះរាជាណាចក្ររបស់ព្រះ›»។ ត្រូវធ្វើឡើងដោយអ្នកដឹក នាំទស្សនាវដ្ដីប៉មយាម។ បន្ទាប់ពីពាក្យផ្ដើមខ្លីដែលប្រើពេលតែមួយនាទី នោះសូមពិគ្រោះជាមួយពួកអ្នកស្ដាប់អំពីមហាសន្និបាតដោយប្រើសំណួរក្នុងអត្ថបទ។ សូមបែងចែកពេលយ៉ាងត្រឹមត្រូវ។ រួមបញ្ចូលយោបល់ដ៏ខ្លីដើម្បីជួយរំឭកអ្នកស្ដាប់អំពីចំណុចសំខាន់ៗ។ បើសមរម្យ សូមសួរអ្នកស្ដាប់នូវរបៀបដែលពួកគេអនុវត្តតាមពត៌មានដែលបានរៀននិងប្រយោជន៍ដែលពួកគេបានទទួល។
ចំរៀងលេខ៧៩ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២០ ខែមករា
ចំរៀងលេខ១១៤
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។
១៥ នាទី: តើអ្នកពិនិត្យមើលបទគម្ពីរប្រចាំថ្ងៃឬទេ? សុន្ទរកថារួមទាំងការពិគ្រោះជាមួយពួកអ្នកស្ដាប់ដែរ។ លើកទឹកចិត្តទាំងអស់គ្នាឲ្យទទួលប្រយោជន៍ពីការប្រើសៀវភៅការពិនិត្យមើលបទគម្ពីរប្រចាំថ្ងៃ ឆ្នាំ២០០៣។ ពិគ្រោះអារម្ភកថានៅទំព័រទី៣និង៤។ សូមជូនយោបល់អំពីរបៀបក្រុមគ្រួសារអាចពិភាក្សាបទគម្ពីរជាមួយគ្នា។ ដើម្បីបង្ហាញប្រយោជន៍ពីការពិគ្រោះបទគម្ពីរជារៀងរាល់ថ្ងៃ នោះសូមរៀបរាប់ពីរឬបីបទគម្ពីរនិងការពន្យល់ដែលមាននៅខែក្រោយជាគំរូ។ ប្ដីនិងប្រពន្ធមួយគូ ពិគ្រោះយ៉ាងខ្លីជាមួយគ្នានូវខគម្ពីរនិងយោបល់សំរាប់ថ្ងៃនេះ។
២០ នាទី: សេចក្ដីត្រូវការតាមតំបន់ ឬសុន្ទរកថានិងការពិគ្រោះជាមួយអ្នកស្ដាប់ដែលមានចំណងជើងថា ទាក់ទាញចិត្តដោយមិនបាច់បញ្ចេញពាក្យសំដីទេ។ ចរិយាដ៏ល្អរបស់គ្រីស្ទានម្នាក់អាចជាបន្ទាល់ដែលមានអានុភាពខ្លាំងដល់ម្ល៉េះបានជាអាចទាក់ទាញគូដែលមិនមែនជាអ្នកជឿឲ្យក្លាយទៅជាអ្នកថ្វាយបង្គំព្រះយេហូវ៉ា។ (១ពេ. ៣:១, ២, ព្រះគម្ពីរភាសាខ្មែរសម្រាយ) សូមរៀបរាប់បទពិសោធន៍ខ្លះៗពីទស្សនាវដ្ដីប៉មយាម ថ្ងៃទី១ ខែមេសា ឆ្នាំ១៩៩៩ ទំព័រទី៤; ថ្ងៃទី១ ខែមករា ឆ្នាំ១៩៩៦ ទំព័រទី៨-៩ និងសៀវភៅប្រចាំឆ្នា១៩៩៥ ទំព័រទី៤៦ (ជាភាសាអង់គ្លេស)។ សូមរៀបចំជាមុនដោយឲ្យបងប្អូនពីរឬបីនាក់ដើម្បីប្រាប់ពីលទ្ធផលដែលគួរឲ្យលើកទឹកចិត្តពេលគាត់បានពិសោធដោយធ្វើតាមឱវាទពីព្រះគម្ពីរស្តីអំពីរឿងនេះ។
ចំរៀងលេខ១៩ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៧ ខែមករា
ចំរៀងលេខ១០
១៥ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយ។ សូមពិចារណាប្រអប់«យើងនឹងសិក្សាសៀវភៅសុភមង្គលក្នុងក្រុមគ្រួសារ»ពីកិច្ចបំរើព្រះរាជាណាចក្រយើងខែកក្កដា ឆ្នាំ១៩៩៧ ទំព័រទី៣(ជាភាសាអង់គ្លេស)។ លើកទឹកចិត្តបងប្អូនរៀបចំឲ្យបានល្អសំរាប់ការសិក្សាសៀវភៅតាមក្រុមជំនុំនិងចូលរួមផងដែរ។ ដោយប្រើយោបល់ទី២នៅទំព័រទី១២ សូមបង្ហាញនូវរបៀបស្នើផ្ដល់ទស្សនាវដ្ដីប៉មយាម ពីថ្ងៃទី១ ខែកុម្ភៈ។ មុនអ្នកផ្សាយបញ្ចប់ការសំដែងនោះ គាត់ជូនម្ចាស់ផ្ទះខិត្តប័ណ្ណតើលោកអ្នកចង់រៀនព្រះគម្ពីរទេ? សូមពន្យល់ឲ្យខ្លីនូវរបៀបដែលយើងអាចត្រឡប់ទៅជួបអស់អ្នកដែលបានទទួលទស្សនាវដ្ដីប៉មយាមនិងខិត្តប័ណ្ណផងដែរ។—សូមមើលកិច្ចបំរើព្រះរាជាណាចក្រយើង ខែធ្នូ ឆ្នាំ២០០១ ទំព័រទី៤ វគ្គ១០។
៣០ នាទី: «សាលាមួយដែលបង្ហាត់បង្រៀនយើងឲ្យមានសមត្ថភាពធ្វើអ្វីដ៏សំខាន់បំផុត»។ ការពិគ្រោះជាមួយពួកអ្នកស្ដាប់ដែលត្រូវធ្វើឡើងដោយអ្នកត្រួតពិនិត្យសាលាកិច្ចបំរើព្រះធិបតេយ្យ។ ចូរធ្វើឲ្យបងប្អូនរង់ចាំដោយចិត្តរំភើបសំរាប់កម្មវិធីសាលាថ្មីដែលចាប់ផ្ដើមនៅខែនេះ។ សូមបង្ហាញលក្ខណៈរបស់សាលានេះពី«កម្មវិធីសាលាកិច្ចបំរើព្រះធិបតេយ្យសំរាប់ឆ្នាំ២០០៣» ជាសន្លឹកបន្ថែមក្នុងកិច្ចបំរើព្រះរាជាណាចក្រយើងខែនេះ។ បញ្ជាក់ពីតម្រូវការដើម្បីអាចចូលសាលានេះ ដូចជាបានកត់ទុកក្នុងអត្ថបទកិច្ចបំរើព្រះរាជាណាចក្រយើង ខែធ្នូ ឆ្នាំ១៩៩៦ ទំព័រទី៧ វគ្គ២(ជាភាសាអង់គ្លេស) ហើយលើកទឹកចិត្តអ្នកដែលមិនទាន់ចូលឲ្យចុះឈ្មោះបើមានគុណសម្បត្ដិគ្រប់គ្រាន់។
ចំរៀងលេខ៣៣ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៣ ខែកុម្ភៈ
ចំរៀងលេខ៦
១០ នាទី: សេចក្ដីជូនដំណឹងតាមតំបន់។ សូមលើកទឹកចិត្តអ្នកផ្សាយប្រើក្រដាស សូមរកជួប(S-43)ពេលយើងជួបមនុស្សដែលមិនចេះភាសាខ្មែរដូចជាបានពន្យល់ក្នុងសំបុត្រជូនក្រុមជំនុំទាំងឡាយនៅថ្ងៃទី១៥ ខែតុលា ឆ្នាំ១៩៩៨ ជាភាសាអង់គ្លេស។ ជាធម្មតាយើងត្រូវសរសេរអំពីបុគ្គលនោះដោយប្រើក្រដាសនេះ ទោះបីបុគ្គលនោះមិនបង្ហាញការចាប់អារម្មណ៍ចំពោះសារព្រះរាជាណាចក្រក៏ដោយ។
១៥ នាទី: ចូរត្រាប់តាមជំនឿរបស់បងប្អូនយើង។ សម្ភាសអ្នកចាស់ទុំម្នាក់ដែលបំរើព្រះយេហូវ៉ាដោយចិត្តរាបទាបនិងចិត្តស្មោះត្រង់ជាច្រើនឆ្នាំមកហើយ។ (ហេ. ១៣:៧) តើគាត់បានរៀនសេចក្ដីពិតតាមរបៀបណា? តើគាត់បានប្រឈមនិងឧបសគ្គណាខ្លះដែលគាត់ត្រូវពុះពារនោះ? តើមានសំវិធានការណាខ្លះឬការលើកទឹកចិត្តអ្វីដែលបានជួយគាត់ឲ្យរីកចំរើនទៅមុខនោះ? តើតាមរបៀបណាដែលគាត់បានឈោងយកភារកិច្ចក្នុងក្រុមជំនុំ? (១ធី. ៣:១) តើអ្វីបានជួយគាត់ឲ្យមានការថ្លឹងថ្លែងក្នុងការបំពេញភារកិច្ចក្នុងក្រុមជំនុំ ភារកិច្ចក្នុងការចិញ្ចឹមជីវិត និងភារកិច្ចក្នុងក្រុមគ្រួសារ? (១ធី. ៥:៨) តើគាត់មានអារម្មណ៍យ៉ាងណាចំពោះឯកសិទ្ធិដែលបានជួយអ្នកឯទៀតក្នុងក្រុមជំនុំនោះ?
២០ នាទី: តើអ្នកនឹងនិយាយយ៉ាងណាបើមានអ្នកសួរអំពីសាសនាអ៊ីស្លាម? សុន្ទរកថានិងការសំដែង។ ដោយប្រើសៀវភៅមនុស្សលោកស្វែងរកព្រះ ជំពូក១២ សូមពន្យល់យ៉ាងសង្ខេបនូវចំណុចដែលមានភាពស្រដៀងគ្នារវាងព្រះគម្ពីរនិងគម្ពីរកូរ៉ាន។ (សូមមើលប្រអប់នៅទំព័រទី២៨៥) បង្ហាញភាពខុសគ្នារវាងសាសនាអ៊ីស្លាមនិងព្រះគម្ពីរស្តីអំពីព្រលឹងនៅទំព័រទី២៩៧-៣០០។ (សូមមើលកំណត់ចំណាំនៅទំព័រ២៩៩)។ ដោយប្រើសៀវភៅការវែកញែកទំព័រទី៣៧៥-៣៧៩ សូមធ្វើការសំដែងមួយដើម្បីពន្យល់អ្នកថ្មីអំពីអ្វីដែលព្រះគម្ពីរចែងស្តីអំពីព្រលឹង។
ចំរៀងលេខ២១៥ និងសេចក្ដីអធិស្ឋានបញ្ចប់។