ចូរទទួលប្រយោជន៍ពីកាសែតវីដេអូដែលមានចំណងជើងថា ជ័យជំនះផ្នែកវេជ្ជសាស្ត្រ ក្នុងការមិនប្រើឈាម
តើអ្នកយល់ដឹងប៉ុនណាអំពីអ្វីដែលអ្នកអាចជ្រើសរើសក្នុងវិស័យព្យាបាលដោយមិនប្រើឈាម? តើអ្នកដឹងថា ជម្រើសក្រៅពីការចាក់បញ្ចូលឈាមមានអ្វីខ្លះ? តើអ្នកដឹងពីវិធីព្យាបាលទាំងនោះដែរឬទេ? សូមអញ្ជើញទស្សនាវីដេអូនេះនិងសាកល្បងចំណេះខ្លួនដោយសំនួរដូចតទៅ។—កំណត់ចំណាំ: ដោយសារវីដេអូនេះមានឈុតខ្លីបង្ហាញពីការវះកាត់ មាតាបិតាគួរគិតហើយសម្រេចចិត្តថា តើកូនតូចៗគួរទស្សនាវីដេអូនេះដែរឬក៏អត់។
(១) តើអ្វីជាហេតុចំបងដែលស្មរបន្ទាល់ព្រះយេហូវ៉ាមិនព្រមទទួលការចាក់បញ្ចូលឈាម? តើគោលការណ៍នេះមាននៅកន្លែងណាក្នុងព្រះគម្ពីរ? (២) តើយើងចង់ទទួលការព្យាបាលបែបណា? (៣) តើអ្នកជម្ងឺគ្រប់រូបមានសិទ្ធិជាមូលដ្ឋានអ្វីខ្លះ? (៤) ហេតុអ្វីការបដិសេធមិនព្រមទទួលការចាក់បញ្ចូលឈាម គឺសមហេតុសមផលនិងបង្ហាញពីស្មារតីចេះទទួលខុសត្រូវ? (៥) ពេលហូរឈាមខ្លាំង តើមានអ្វីពីរយ៉ាងដែលគ្រូពេទ្យត្រូវធ្វើជាបន្ទាន់នោះ? (៦) តើការចាក់បញ្ចូលឈាមអាចបង្កគ្រោះថ្នាក់អ្វីដល់សុខភាព? (៧) តើអ្វីជាឧបករណ៍ខ្លះៗដែលអ្នកវះកាត់អាចប្រើ ដើម្បីកាត់បន្ថយការហូរឈាមក្នុងកំឡុងពេលវះកាត់? (៨) ស្តីអំពីជម្រើសក្រៅពីការចាក់បញ្ចូលឈាម តើអ្នកត្រូវដឹងពត៌មានអ្វីខ្លះ? (៩ ) តើការវះកាត់ធ្ងន់ធ្ងរនិងស្មុគស្មាញអាចត្រូវធ្វើឡើងដោយមិនចាក់បញ្ចូលឈាមបានទេ? (១០) តើគ្រូពេទ្យរឹតតែច្រើនសុខចិត្តធ្វើអ្វី ដើម្បីស្មរបន្ទាល់ព្រះយេហូវ៉ា? យូរៗទៅ តើការព្យាបាលបែបណានឹងត្រូវចាត់ទុកជារឿងធម្មតាសំរាប់អ្នកជម្ងឺ?
ការព្រមទទួលការព្យាបាលណាដែលមានក្នុងវីដេអូនេះ គឺស្រេចនឹងមនសិការរបស់បុគ្គលម្នាក់ៗ។—សូមមើលទស្សនាវដ្ដីប៉មយាម ថ្ងៃទី១ ខែកញ្ញា ឆ្នាំ២០០៤ ទំព័រ២៦-២៨ ហើយទស្សនាវដ្ដីប៉មយាម ថ្ងៃទី១ ខែតុលា ឆ្នាំ២០០៤ ទំព័រ២៨-៣២។