កម្មវិធីប្រជុំអប់រំកិច្ចបម្រើ
សប្ដាហ៍ចាប់ផ្ដើមថ្ងៃទី១៣ ខែមីនា
ចម្រៀងលេខ១៧៤
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបម្រើព្រះរាជាណាចក្រយើង។ ដោយប្រើយោបល់ទីមួយនៅទំព័រទី៨ឬពាក្យផ្សាយផ្សេងទៀតដែលសមនឹងតំបន់ផ្សាយ សូមបង្ហាញនូវរបៀបផ្ដល់ទស្សនាវដ្ដីប៉មយាម ពីថ្ងៃទី១ ខែមេសា។ នៅចុងបញ្ចប់នៃការសម្ដែងនេះ ឲ្យអ្នកផ្សាយអញ្ជើញម្ចាស់ផ្ទះចូលរួមពិធីបុណ្យរំឭក។
១៥ នាទី: «ចូរជួយអ្នកឯទៀតឲ្យទទួលប្រយោជន៍ពីតម្លៃលោះ»។a ផ្នែកជាបន្ទាប់នេះនឹងពិគ្រោះបន្ថែមនូវរបៀបដែលយើងអាចប្រើទស្សនាវដ្ដីប៉មយាមពីថ្ងៃទី១ ខែឧសភា ឆ្នាំ២០០៣ ទំព័រ២៣-២៧ នៅពេលដែលយើងអញ្ជើញមនុស្សចូលរួមពិធីបុណ្យរំឭក។
២០ នាទី: ពិធីអាហារល្ងាចរបស់ព្រះអម្ចាស់ជាពិធីដែលផ្ដល់កិត្ដិយសដល់ព្រះ។ ការពិគ្រោះជាមួយពួកអ្នកស្ដាប់ដែលមានមូលដ្ឋានលើទស្សនាវដ្ដីប៉មយាមពីថ្ងៃទី១ ខែឧសភា ឆ្នាំ២០០៣ ទំព័រ២៣-២៧។ បន្ទាប់ពីពាក្យផ្ដើមដែលមិនត្រូវលើសមួយនាទី បង្ហាញនូវរបៀបដែលយើងអាចចាប់ផ្ដើមពិគ្រោះជាមួយនឹងម្ចាស់ផ្ទះអំពីពិធីបុណ្យរំឭកដោយអានវគ្គ១និងវគ្គ២។ ដោយមិនបាច់អានវគ្គទាំងអស់ទេ សូមអញ្ជើញពួកអ្នកស្ដាប់ឆ្លើយសំណួរដូចតទៅ: (វគ្គ៣) តើព្រះយេស៊ូបានប្រារព្ធធ្វើបុណ្យរំឭកការសោយទិវង្គតរបស់ទ្រង់តាំងពីពេលណា? (វគ្គ៥, ៦) ហេតុអ្វីបានជាព្រះយេស៊ូប្រារព្ធពិធីបុណ្យរំឭក? (វគ្គ១០) តើយើងគួរធ្វើពិធីបុណ្យរំឭកនោះប៉ុន្មានដងក្នុងមួយឆ្នាំ? (វគ្គ១៤) តើនំប៉័ងឥតដំបែតំណាងអ្វី? (វគ្គ១៦) តើស្រាទំពាំងបាយជូរក្រហមតំណាងអ្វី? (វគ្គ៤, ២២) ហេតុអ្វីបានជាយើងគួរចូលរួម? អាស្រ័យលើពេលវេលា លើកឡើងខគម្ពីរសំខាន់ៗ។ សូមលើកទឹកចិត្តបងប្អូនឲ្យសិក្សាព័ត៌មានទាំងនេះជាមួយនឹងសិស្សព្រះគម្ពីរ និងអស់អ្នកណាដែលគាត់អញ្ជើញឲ្យចូលរួមពិធីបុណ្យរំឭកដែរ ដោយអានវគ្គទាំងប៉ុន្មាន ពិគ្រោះនូវចំណុចសំខាន់ៗ ទាំងសួរសំណួរដូចមានក្នុងអត្ថបទនេះ។
ចម្រៀងលេខ៧៩ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២០ ខែមីនា
ចម្រៀងលេខ៧៧
១៥ នាទី: សេចក្ដីជូនដំណឹងតាមតំបន់។ សូមមើលសាឡើងវិញនូវចំណុចសំខាន់ៗពីប្រអប់«ប្រការគួរចងចាំសម្រាប់បុណ្យរំឭក»។ ចំណាយបីឬបួននាទីដើម្បីប្រាប់ហើយបង្ហាញវិធីប្រើលិខិតអញ្ជើញមកឯពិធីបុណ្យរំឭក។ មើលសាឡើងវិញនូវយោបល់ក្នុងកិច្ចបម្រើព្រះរាជាណាចក្រយើង សម្រាប់ខែកុម្ភៈ ឆ្នាំ២០០៦ ទំព័រ៣ វគ្គ៣។
១៥ នាទី: បទពិសោធន៍តាមតំបន់។ អញ្ជើញពួកអ្នកស្ដាប់រៀបរាប់នូវបទពិសោធន៍ដែលគាត់មាននៅពេលស្នើផ្ដល់សៀវភៅចំណេះនៅខែមីនា។ ប្រាប់ពីសិស្សថ្មីដែលចាប់ផ្ដើមសិក្សាព្រះគម្ពីរ។ ប្រហែលអាចធ្វើការសម្ដែងពីបទពិសោធន៍មួយឬពីរដ៏ល្អៗ។
១៥ នាទី: ពង្រឹងកម្លាំងដោយពិនិត្យមើលបទគម្ពីរប្រចាំថ្ងៃ។ សុន្ទរកថានិងការពិគ្រោះជាមួយពួកអ្នកស្ដាប់ដែលមានមូលដ្ឋានលើបុព្វកថានៃកូនសៀវភៅការពិនិត្យមើលបទគម្ពីរប្រចាំថ្ងៃ ឆ្នាំ២០០៦។ សូមមើលសាឡើងវិញនូវយោបល់ក្នុងកិច្ចបម្រើព្រះរាជាណាចក្រយើង ខែឧសភា ឆ្នាំ២០០៥ ទំព័រ៥ អំពីវិធីដែលក្រុមគ្រួសារអាចពិគ្រោះបទគម្ពីរប្រចាំថ្ងៃ ជាផ្នែកមួយនៃកាលវិភាគសិក្សាជាគ្រួសារ។ រៀបចំការសម្ដែងមួយដែលមានក្រុមគ្រួសារកំពុងតែពិគ្រោះបទគម្ពីរប្រចាំថ្ងៃនិងការពន្យល់ជាមួយគ្នា។
ចម្រៀងលេខ១០០ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៧ ខែមីនា
ចម្រៀងលេខ៣៣
១៥ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសម្រាប់ខែមីនា។ សូមអានសេចក្ដីរាយការណ៍ពីគណនេយ្យព្រមទាំងសំបុត្រដែលបញ្ជាក់ថាបានទទួលវិភាគទាន។ ដោយប្រើយោបល់ទីពីរនៅទំព័រទី៨ឬពាក្យផ្សាយផ្សេងទៀតដែលល្អសម្រាប់តំបន់ផ្សាយរបស់យើង សូមបង្ហាញនូវរបៀបផ្ដល់ទស្សនាវដ្ដីប៉មយាម ថ្ងៃទី១ ខែមេសា។ ចូរបង្ហាញនូវរបៀបអញ្ជើញអ្នកចាប់អារម្មណ៍ឲ្យចូលរួមពិធីបុណ្យរំឭកដោយប្រើលិខិតអញ្ជើញ។
១០ នាទី: តើព្រះទ្រង់នៅតែគ្រប់គ្រងឬ? សុន្ទរកថានិងការសម្ដែងដែលមានមូលដ្ឋានលើទំព័រចុងក្រោយនៃទស្សនាវដ្ដីប៉មយាម ថ្ងៃទី១ ខែមេសា ឆ្នាំ២០០៦។ សូមឆ្លៀតគ្រប់ទាំងឱកាសដើម្បីអញ្ជើញមនុស្សឲ្យចូលរួមសុន្ទរកថាសាធារណៈពិសេស។ កុំភ្លេចអញ្ជើញសិស្សព្រះគម្ពីរនីមួយៗ ព្រមទាំងសមាជិកគ្រួសារដែលមិនទាន់សិក្សាព្រះគម្ពីរ។ យើងគួរអញ្ជើញអស់អ្នកដែលចាប់អារម្មណ៍ហើយមនុស្សឯទៀតដែលយើងជួបក្នុងកិច្ចផ្សព្វផ្សាយដែរ។ សូមបង្ហាញនូវរបៀបប្រើទស្សនាវដ្ដីប៉មយាម ថ្ងៃទី១ ខែមេសានៅពេលដែលជូនលិខិតអញ្ជើញឲ្យបងប្អូនម្នាក់ដែលអសកម្មឬបានឈប់ចូលរួមកិច្ចប្រជុំ។
២០ នាទី: «ចូរបង្រៀនអស់អ្នករាបសាឲ្យដើរក្នុងផ្លូវរបស់ព្រះ»។b រួមបញ្ចូលចំណុចខ្លះៗពីទស្សនាវដ្ដីប៉មយាម ថ្ងៃទី១ ខែតុលា ឆ្នាំ២០០៤ ទំព័រ១៦ វគ្គ៩។
ចម្រៀងលេខ៦ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៣ ខែមេសា
ចម្រៀងលេខ២១៥
៥ នាទី: សេចក្ដីជូនដំណឹងតាមតំបន់។ សូមបង្ហាញនូវរបៀបអញ្ជើញអ្នកចាប់អារម្មណ៍ឲ្យចូលរួមពិធីបុណ្យរំឭកដោយប្រើលិខិតអញ្ជើញដែរ។
១៥ នាទី: បង្ហាត់បង្រៀនសិស្សព្រះគម្ពីរឲ្យចេះរៀបចំ។ សុន្ទរកថានិងការពិគ្រោះជាមួយពួកអ្នកស្ដាប់ដែលមានមូលដ្ឋានលើសន្លឹកបន្ថែមក្នុងកិច្ចបម្រើព្រះរាជាណាចក្រយើង ខែកញ្ញា ឆ្នាំ២០០៥ ទំព័រ៤ ភាគទី៤។ អាចរួមបញ្ចូលចំណុចខ្លះៗពីកិច្ចបម្រើព្រះរាជាណាចក្រយើង ខែធ្នូ ឆ្នាំ២០០៤ ទំព័រ១ក៏បានដែរ។ សូមពន្យល់ចំណុចនោះដោយលើកឡើងឧទាហរណ៍ខ្លះពីជំពូកទី១ក្នុងសៀវភៅចំណេះ។
២៥ នាទី: «មហាសន្និបាតតាមតំបន់នៃស្មរបន្ទាល់ព្រះយេហូវ៉ាសម្រាប់ឆ្នាំ២០០៦ មានប្រធាន‹សេចក្ដីសង្គ្រោះជិតណាស់ហើយ!›»។c ត្រូវដឹកនាំដោយលេខាក្រុមជំនុំ។ ក្រោយពិគ្រោះវគ្គ១ សូមអានសំបុត្រពីថ្ងៃទី១៥ ខែមីនា ឆ្នាំ២០០៦ ដែលរៀបរាប់ពីមហាសន្និបាត។ លើកទឹកចិត្តបងប្អូនទាំងអស់គ្នាត្រៀមខ្លួននៅពេលឥឡូវនេះដើម្បីចូលរួមមហាសន្និបាត។
ចម្រៀងលេខ៨៨ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
c កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។