ឃ្លាក្នុងគម្ពីរ
លោកយេស៊ូ«បានរៀនឲ្យចេះស្ដាប់បង្គាប់ព្រះ»
លោកយេស៊ូតែងតែស្ដាប់បង្គាប់ព្រះយេហូវ៉ា។ (យ៉ូន. ៨:២៩) ដូច្នេះ ហេតុអ្វីបានជាគម្ពីរចែងថា៖ «លោកបានរៀនឲ្យចេះស្ដាប់បង្គាប់ព្រះ ដោយសារអ្វីៗដែលលោកបានរងទុក្ខ»?—ហេ. ៥:៨
ពេលដែលលោកយេស៊ូនៅផែនដី លោកបានប្រឈមមុខនឹងស្ថានភាពដែលលោកមិនធ្លាប់ជួបកាលដែលលោកនៅស្ថានសួគ៌។ ជាឧទាហរណ៍ លោកបានត្រូវចិញ្ចឹមអប់រំដោយឪពុកម្ដាយដែលស្រឡាញ់ព្រះ តែជាមនុស្សមិនល្អឥតខ្ចោះ។ (លូក. ២:៥១) ម្យ៉ាងទៀត ពួកអ្នកដឹកនាំសាសនាដ៏ពុករលួយ និងពួកអាជ្ញាធរដ៏អយុត្តិធម៌បាននាំឲ្យលោករងទុក្ខ។ (ម៉ាថ. ២៦:៥៩; ម៉ាក. ១៥:១៥) បន្ថែមទៅទៀត «លោកបានបន្ទាបខ្លួន ហើយចុះចូលស្ដាប់បង្គាប់រហូតដល់ត្រូវស្លាប់» ពោលគឺស្លាប់យ៉ាងឈឺចាប់។—ភី. ២:៨
ដូច្នេះ កាលដែលលោកយេស៊ូនៅផែនដី លោកបានរៀនឲ្យចេះស្ដាប់បង្គាប់តាមរបៀបថ្មី។ យ៉ាងនេះ លោកអាចទៅជាស្ដេចនិងសម្ដេចសង្ឃដ៏ល្អឥតខ្ចោះដែលអាចយល់អារម្មណ៍យើង។ (ហេ. ៤:១៥; ៥:៩) ក្រោយពីលោកយេស៊ូបានរៀនឲ្យចេះស្ដាប់បង្គាប់ដោយសារអ្វីដែលលោកបានរងទុក្ខ ព្រះយេហូវ៉ាកាន់តែឲ្យតម្លៃលោក។ យើងក៏អាចមានប្រយោជន៍ច្រើនជាងក្នុងការបំពេញភារកិច្ចណាក៏ដោយដែលព្រះយេហូវ៉ាផ្ដល់ឲ្យយើង និងមានតម្លៃកាន់តែខ្លាំងចំពោះលោក បើយើងបន្ដស្ដាប់បង្គាប់ទោះជាស្ថិតក្នុងស្ថានភាពពិបាកក្ដី។—យ៉ា. ១:៤