ភាគទី១៣
តើយើងត្រូវប្រព្រឹត្តយ៉ាងណាដើម្បីឲ្យព្រះពេញចិត្ត?
ជៀសចេញពីអ្វីដែលអាក្រក់។ កូរិនថូសទី១ ៦:៩, ១០
បើយើងស្រឡាញ់ព្រះយេហូវ៉ា យើងនឹងមិនធ្វើអ្វីដែលលោកស្អប់ទេ។
ព្រះយេហូវ៉ាមិនចង់ឲ្យយើងលួច ផឹកស្រាស្រវឹង ឬប្រើគ្រឿងញៀនឡើយ។
ព្រះស្អប់ការសម្លាប់គ្នា ការពន្លូតកូន និងការរួមដំណេករវាងមនុស្សភេទដូចគ្នា។ លោកមិនចង់ឲ្យយើងលោភលន់ ឬវាយតប់គ្នាទេ។
យើងមិនត្រូវគោរពបូជារូបព្រះ ឬទាក់ទងនឹងពួកវិញ្ញាណអាក្រក់ឡើយ។
មនុស្សដែលប្រព្រឹត្តអំពើអាក្រក់មិនអាចរស់នៅក្នុងសួនឧទ្យាននៅផែនដីបានឡើយ។
ធ្វើអំពើល្អ។ ម៉ាថាយ ៧:១២
ដើម្បីធ្វើឲ្យព្រះពេញចិត្ត យើងត្រូវព្យាយាមប្រព្រឹត្តដូចលោក។
ត្រូវស្រឡាញ់អ្នកឯទៀត ដោយបង្ហាញចិត្តសប្បុរសនិងចិត្តទូលាយ។
ត្រូវប្រព្រឹត្តទៀងត្រង់។
ត្រូវមានចិត្តមេត្តា និងអភ័យទោសឲ្យអ្នកឯទៀត។
ត្រូវប្រាប់អ្នកឯទៀតអំពីព្រះយេហូវ៉ា និងការប្រព្រឹត្តរបស់លោក។—អេសាយ ៤៣:១០