សេចក្ដីផ្ដើមផ្នែកទី៦
បន្ទាប់ពីជនជាតិអ៊ីស្រាអែលមកដល់ស្រុកដែលព្រះបានសន្យា ត្រសាលជំនុំបានទៅជាមជ្ឈមណ្ឌលនៃការគោរពប្រណិប័តន៍ពិត។ ពួកសង្ឃបង្រៀនបណ្ដាជនអំពីច្បាប់ ហើយអ្នកសម្រេចក្ដីជួយណែនាំបណ្ដាជន។ ពេលអ្នកអានផ្នែកនេះ អ្នកនឹងឃើញថាការសម្រេចចិត្ត និងការប្រព្រឹត្តរបស់មនុស្សណាម្នាក់ អាចមានឥទ្ធិពលយ៉ាងខ្លាំងទៅលើអ្នកឯទៀត។ ជនជាតិអ៊ីស្រាអែលម្នាក់ៗ ត្រូវទទួលខុសត្រូវចំពោះព្រះយេហូវ៉ា និងបងប្អូនរួមជំនឿ។ សូមកត់សម្គាល់ដែរ អំពីគំរូល្អរបស់ដេបូរ៉ា ណាអូមី យ៉ូស្វេ ហាណា កូនស្រីយែបថា និងសាំយូអែល។ អ្នកក៏នឹងរៀនអំពីជនជាតិដទៃដូចជា រ៉ាហាប រូថ យ៉ាអែល និងពួកគីបៀន ដែលបានសម្រេចចិត្តចូលរួមជាមួយជនជាតិអ៊ីស្រាអែល ដោយសារពួកគេដឹងថា ព្រះពិតនៅជាមួយនឹងជនជាតិនេះ។