ចម្រៀងលេខ១២៥
‹អស់អ្នកដែលមានចិត្តមេត្តា មានសុភមង្គល!›
(ម៉ាថាយ ៥:៧)
១. ព្រះយើងតែងតែមានក្ដីមេត្តា
គុណសម្បត្តិនេះមានក្នុងចិន្ដា
លោកពេញចិត្តផ្ដល់ឲ្យដោយសទ្ធា
ផ្គត់ផ្គង់យើងរាល់ថ្ងៃយ៉ាងហូរហៀរ
អ្នកដែលកែខ្លួនអាចជឿជាក់ថា
កាលគេអង្វរព្រះនឹងមេត្តា
លោកជ្រាបថាយើងខ្សោយទន់កាយា
លោកតែងសប្បុរសករុណា។
២. កាលយើងកើតទុក្ខព្រោះយើងធ្វើខុស
ហើយសុំព្រះមេត្តាអភ័យទោស
យើងអធិដ្ឋានដូចលោកយេស៊ូ
បង្រៀនយើងពោលសុំព្រះស្ថានសួគ៌៖
‹សូមព្រះអភ័យទោសឲ្យយើងផង
ដូចយើងអភ័យឲ្យគេរាល់ដង›
នោះចិត្តអាក់អន់នឹងកន្លងទៅ
ហើយចិត្តសុខសាន្តនឹងបានជាប់នៅ។
៣. ពេលយើងឲ្យអំណោយដោយមេត្តា
គួរធ្វើដោយចេញពីចិត្តផងណា៎
បើឲ្យអំណោយដោយចិត្តស្មោះសរ
យើងនឹងមានចិត្តស្កប់និងអំណរ
នោះព្រះដែលមើលឃើញអ្វីទាំងអស់
នឹងសងយើងវិញឥតខ្វះចន្លោះ
សប្បាយហើយ! អ្នកមានចិត្តមេត្តា
ចំពោះព្រះមានតម្លៃថ្លៃថ្លា៕
(សូមពិនិត្យបន្ថែម ម៉ាថ. ៦:២-៤, ១២-១៤)