ចាប់ផ្ដើមការសន្ទនា
មេរៀនទី ១
គិតអំពីចំណាប់អារម្មណ៍
គោលការណ៍៖ «សេចក្ដីស្រឡាញ់ . . . មិនរកប្រយោជន៍ផ្ទាល់ខ្លួន»។—១កូ. ១៣:៤, ៥
អ្វីដែលលោកយេស៊ូធ្វើ
១. សូមមើល វីដេអូ ឬអានយ៉ូហាន ៤:៦-៩។ បន្ទាប់មក សូមពិចារណាសំណួរដូចតទៅ៖
ក. តើលោកយេស៊ូបានសង្កេតឃើញអ្វីមុនចាប់ផ្ដើមសន្ទនា?
ខ. លោកយេស៊ូមានប្រសាសន៍ថា៖ «សូមឲ្យទឹកខ្ញុំផឹកផង»។ ហេតុអ្វីពាក្យផ្ដើមនេះមានប្រសិទ្ធភាព?
តើគំរូលោកយេស៊ូបង្រៀនយើងយ៉ាងណា?
២. បើយើងចាប់ផ្ដើមនិយាយអំពីប្រធានបទដែលអ្នកស្ដាប់ឬម្ចាស់ផ្ទះចាប់អារម្មណ៍ នោះយើងទំនងជាអាចមានការសន្ទនាល្អជាមួយនឹងគាត់។
ធ្វើតាមលោកយេស៊ូ
៣. ចេះបត់បែន។ កុំប្រឹងនិយាយតែប្រធានបទដែលខ្លួនបានត្រៀមទុក។ ប៉ុន្តែ ចូរនិយាយអំពីអ្វីដែលអ្នកឯទៀតកំពុងគិតនៅថ្ងៃនោះ។ សូមសួរខ្លួនអ្នកថា៖
ក. ‹តើថ្មីៗនេះមានព័ត៌មានអ្វីខ្លះ?›។
ខ. ‹តើអ្នកជិតខាង អ្នករួមការងារ និងសិស្សរួមថ្នាក់កំពុងនិយាយគ្នាអំពីរឿងអ្វី?›។
៤. ចេះសង្កេតមើល។ សូមសួរខ្លួនអ្នកថា៖
ក. ‹តើឥឡូវម្ចាស់ផ្ទះកំពុងធ្វើអ្វី? តើគាត់ប្រហែលជាកំពុងគិតអំពីរឿងអ្វីខ្លះ?›។
ខ. ‹តើរូបរាង ការស្លៀកពាក់ ឬផ្ទះរបស់គាត់បង្ហាញឲ្យខ្ញុំដឹងថា គាត់កាន់សាសនាឬមានវប្បធម៌អ្វី?›។
គ. ‹តើនេះជាពេលល្អឲ្យខ្ញុំនិយាយជាមួយគាត់ទេ?›។
៥. ចេះស្ដាប់។
ក. កុំនិយាយច្រើនពេក។
ខ. និយាយអ្វីដែលលើកទឹកចិត្តគាត់ឲ្យប្រាប់ពីទស្សនៈផ្ទាល់ខ្លួន។ ពេលសមរម្យ សូមសួរសំណួរ។