ពិភពលោកពោរពេញដោយទុក្ខវេទនា ប៉ុន្តែតើព្រះជាដើមហេតុឬ?
តើគម្ពីរបង្រៀនយ៉ាងណា?
តើព្រះជាអ្នកបណ្ដាលឲ្យមានទុក្ខវេទនាឬ?
តើលោកអ្នកនឹងឆ្លើយយ៉ាងណា?
មែន
មិនមែនទេ
ប្រហែល
គម្ពីររៀបរាប់ថា
«កុំឲ្យយើងថាព្រះទ្រង់ធ្វើអាក្រក់ ឬថាព្រះដ៏មានគ្រប់ព្រះចេស្ដា ទ្រង់ប្រព្រឹត្តសេចក្ដីទុច្ចរិតនោះឡើយ»! (យ៉ូប ៣៤:១០) ព្រះមិនមែនជាអ្នកបណ្ដាលឲ្យមានអំពើអាក្រក់ និងទុក្ខវេទនាដែលយើងឃើញក្នុងពិភពលោកនេះទេ។
តើយើងអាចរៀនអ្វីទៀតពីគម្ពីរ?
មេកំណាចសាថាន«ជាអ្នកគ្រប់គ្រងពិភពលោកនេះ»។ សាថានជាអ្នកបណ្ដាលឲ្យមានទុក្ខវេទនា។—យ៉ូហាន ១៤:៣០
ជារឿយៗ ទុក្ខវេទនានិងអំពើអាក្រក់គឺមកពីការសម្រេចចិត្តមិនល្អរបស់មនុស្ស។—យ៉ាកុប ១:១៤, ១៥
តើទុក្ខវេទនានឹងមានរហូតឬ?
អ្នកខ្លះជឿថា បើមនុស្សជាតិព្យាយាមសហការគ្នា នោះពួកគេអាចបំបាត់ទុក្ខវេទនាបាន។ រីឯអ្នកខ្លះទៀតគិតថា មិនអាចទៅរួចទេដែលស្ថានភាពពិភពលោកអាចផ្លាស់ប្ដូរយ៉ាងធំដល់កម្រិតនោះ។ តើលោកអ្នកគិតយ៉ាងណា?
គម្ពីររៀបរាប់ថា
ព្រះនឹងបំបាត់ទុក្ខវេទនា។ «សេចក្ដីស្លាប់នឹងលែងមានទៀត ទុក្ខព្រួយ ការស្រែកយំ និងការឈឺចាប់ក៏នឹងលែងមានទៀតដែរ»។—ការបើកបង្ហាញ ២១:៣, ៤
តើយើងអាចរៀនអ្វីទៀតពីគម្ពីរ?
ព្រះនឹងប្រើលោកយេស៊ូឲ្យបំបាត់ទុក្ខវេទនាដែលបណ្ដាលមកពីមេកំណាច។—យ៉ូហានទី១ ៣:៨
មនុស្សល្អនឹងរស់នៅដោយសុខសាន្តនៅផែនដីជារៀងរហូត។—ទំនុកតម្កើង ៣៧:៩-១១, ២៩