កំណត់ចំណាំ អំពីពិធីបុណ្យរំឭក
ពិធីបុណ្យរំឭកនៅឆ្នាំនេះ គឺចំនឹងថ្ងៃអាទិត្យ ទី៤ ខែមេសា។ ពួកអ្នកចាស់ទុំទាំងឡាយគួរយកចិត្តទុកដាក់នឹងរឿងទាំងប៉ុន្មានដូចតទៅនេះ:
◼ ពេលដែលកំណត់ម៉ោងប្រជុំនោះ សូមយកចិត្តទុកដាក់ដើម្បីឲ្យដឹងប្រាកដថា វត្ថុតំណាងនឹងមិនត្រូវជូនទាល់តែក្រោយពីថ្ងៃលិច។
◼ មនុស្សទាំងអស់គ្នារួមទាំងអ្នកថ្លែងសុន្ទរកថាផងដែរ គួរទទួលដំណឹងជាក់ច្បាស់អំពីម៉ោងនិងទីកន្លែងនៃពិធីនោះ។
◼ គួរត្រៀមនំប៉័ងនិងស្រាប្រភេទត្រឹមត្រូវទុកជាមុន។—សូមមើលទស្សនាវដ្ដីប៉មយាម ថ្ងៃទី១ ខែឧសភា ឆ្នាំ២០០៣ ទំព័រ២៥-២៦
◼ គួរយកចាន កែវ តុនិងកម្រាលតុដែលសមរម្យមកប្រើនៅសាលប្រជុំ ហើយរៀបចំនៅកន្លែងនោះទុកជាមុន។
◼ គួរសំអាតជាមុនយ៉ាងម៉ត់ចត់នូវសាលប្រជុំឬក៏កន្លែងផ្សេងដែលនឹងត្រូវប្រើសំរាប់ប្រជុំ។
◼ គួរជ្រើសរើសឆ្មាំនិងអ្នកជូនវត្ថុតំណាងទាំងជំរាបពួកគាត់ជាមុនអំពីមុខងាររបស់ខ្លួន ទម្រង់ការត្រឹមត្រូវ និងភាពចាំបាច់នៃការស្លៀកពាក់និងសំអិតសំអាងខ្លួនដែលបង្ហាញភាពថ្លៃថ្នូរ។
◼ គួរមានការរៀបចំ ដើម្បីជូនវត្ថុតំណាងដល់អ្នកចាក់ប្រេងតាំងណាដែលឈឺនិងចូលរួមមិនបាន។
◼ ពេលមានក្រុមជំនុំច្រើនដែលប្រើសាលព្រះរាជាណាចក្រដូចគ្នា នោះគួរមានរបៀបរៀបចំល្អរវាងក្រុមជំនុំទាំងប៉ុន្មាននោះ ដើម្បីកុំឲ្យមានការកកស្ទះនៅបរិវេណខាងមុខឬក៏នៅផ្លូវចូល តាមចិញ្ចើមថ្នល់ និងនៅកន្លែងផ្ញើឡានជាដើម។