ប្រការគួរចងចាំសម្រាប់បុណ្យរំលឹក
ពិធីបុណ្យរំលឹកនៅឆ្នាំនេះ គឺចំនឹងថ្ងៃច័ន្ទ ទី២ ខែមេសា អ្នកចាស់ទុំទាំងឡាយគួរយកចិត្តទុកដាក់នឹងរឿងទាំងប៉ុន្មានដូចតទៅនេះ:
◼ ពេលដែលកំណត់ម៉ោងសម្រាប់បុណ្យរំលឹកនោះ សូមយកចិត្តទុកដាក់ដើម្បីឲ្យដឹងប្រាកដថា វត្ថុតំណាងនឹងមិនត្រូវហុចទាល់តែក្រោយពីថ្ងៃលិច។
◼ គួរប្រាប់មនុស្សទាំងអស់គ្នាឲ្យបានច្បាស់រួមទាំងអ្នកថ្លែងសុន្ទរកថាផងដែរ ដើម្បីឲ្យដឹងអំពីម៉ោងនិងទីកន្លែងនៃពិធីនោះ។
◼ គួរត្រៀមនំប៉័ងនិងស្រាប្រភេទត្រឹមត្រូវទុកជាមុន។—សូមមើលទស្សនាវដ្ដីប៉មយាម ថ្ងៃទី១ ខែឧសភា ឆ្នាំ២០០៣ ទំព័រ២៥-២៦
◼ គួរយកចាន កែវ តុនិងកម្រាលតុដែលសមរម្យមកប្រើ ហើយរៀបចំនៅកន្លែងនោះទុកជាមុន។
◼ គួរសម្អាតឲ្យបានម៉ត់ចត់ទុកជាមុននូវសាលប្រជុំឬក៏កន្លែងផ្សេងទៀតដែលនឹងប្រើសម្រាប់បុណ្យរំលឹក។
◼ គួរជ្រើសរើសឆ្មាំនិងអ្នកជូនវត្ថុតំណាង ទាំងជម្រាបពួកគាត់ជាមុនអំពីមុខងាររបស់ខ្លួន របៀបបំពេញមុខងារឲ្យបានត្រឹមត្រូវ និងភាពចាំបាច់នៃការស្លៀកពាក់និងសម្អិតសម្អាងខ្លួនឲ្យបានថ្លៃថ្នូរ។
◼ គួរមានការរៀបចំ ដើម្បីជូនវត្ថុតំណាងដល់អ្នកចាក់ប្រេងតាំងណាដែលឈឺនិងមិនអាចចូលរួមបាន។
◼ ពេលមានក្រុមជំនុំច្រើនប្រើសាលព្រះរាជាណាចក្រតែមួយដូចគ្នា ក្រុមជំនុំទាំងប៉ុន្មាននោះគួររៀបចំឲ្យបានល្អ ដើម្បីកុំឲ្យមានការកកស្ទះនៅបរិវេណខាងមុខឬក៏ផ្លូវចូល តាមចិញ្ចើមថ្នល់ និងនៅកន្លែងផ្ញើឡានឬម៉ូតូជាដើម។