ប្រអប់សំណួរ
◼ ប្រសិនបើមានគេបញ្ជាអ្នកឲ្យឈប់ផ្សព្វផ្សាយ តើអ្នកគួរធ្វើយ៉ាងណា?
ក្នុងករណីខ្លះ ពេលបងប្អូនកំពុងចូលរួមក្នុងកិច្ចបម្រើផ្សាយ ប៉ូលិសបានឃើញ រួចប្រាប់ថាពួកគេកំពុងធ្វើខុសច្បាប់ ហើយបញ្ជាពួកគេឲ្យឈប់។ បើប៉ូលិសបញ្ជាអ្នកឲ្យចេញពីតំបន់ផ្សាយ សូមចេញពីទីនោះភ្លាមៗដោយមានអាកប្បកិរិយាសមរម្យ។ (ម៉ាថ. ៥:៤១; ភី. ៤:៥) អ្នកមិនគួរខំដោះស្រាយបញ្ហានោះខ្លួនឯង ដោយជជែកតវ៉ាជាមួយពួកគេអំពីសិទ្ធិរបស់យើងឡើយ។ បើអាចធ្វើបាន សុំស្គាល់ឈ្មោះនិងប៉ុស្តិ៍របស់ប៉ូលិសនោះតាមរបៀបដែលមិនធ្វើឲ្យគាត់ប្រកាន់។ ក្រោយមក សូមជម្រាបពួកអ្នកចាស់ទុំភ្លាមៗ រួចពួកគាត់នឹងទាក់ទងការិយាល័យសាខាអំពីបញ្ហានោះ។ ស្រដៀងគ្នាដែរ បើអ្នកចូលរួមកិច្ចបម្រើផ្សាយក្នុងអគារមួយ ហើយម្ចាស់អគារនោះឬអ្នកតំណាងគាត់សុំអ្នកឲ្យចេញពីកន្លែងនោះ អ្នកត្រូវចេញទៅភ្លាមៗ បន្ទាប់មកជម្រាបពួកអ្នកចាស់ទុំ។ បើអ្នកមានចិត្តរាបទាបនិងមានឫកពាស្លូតបូតចំពោះអ្នកមានអំណាច នោះអាចបង្ការបញ្ហាដែលអ្នកមិនចាំបាច់ជួបប្រទះ។—សុភ. ១៥:១; រ៉ូម ១២:១៨