ពាក្យផ្សាយគំរូ
ដើម្បីជូនលិខិតអញ្ជើញសម្រាប់ពិធីរំលឹក
«យើងកំពុងចែកចាយលិខិតអញ្ជើញអំពីពិធីមួយដ៏សំខាន់។ នៅថ្ងៃទី១៤ ខែមេសា មានមនុស្សរាប់លាននាក់នៅជុំវិញពិភពលោកនឹងជួបជុំគ្នាដើម្បីរំលឹកមរណភាពរបស់លោកយេស៊ូគ្រិស្ត។ ពួកគេនឹងស្ដាប់សុន្ទរកថាដែលមានមូលដ្ឋានលើគម្ពីរអំពីមរណភាពរបស់លោកយេស៊ូផ្ដល់ប្រយោជន៍ដល់យើង។ ការចូលរួមស្ដាប់សុន្ទរកថានោះឥតគិតថ្លៃទេ។ លិខិតអញ្ជើញនេះបង្ហាញពីទីកន្លែងនិងពេលវេលាដែលកិច្ចប្រជុំនោះនឹងត្រូវធ្វើឡើងនៅតំបន់របស់យើង»។
ទស្សនាវដ្ដីប៉មយាម ខែមេសា–មិថុនា
«យើងមកលេងមួយភ្លែតដើម្បីនិយាយអំពីរឿងមួយដែលយើងទាំងអស់គ្នាធ្លាប់ជួប គឺការមានអ្នកជាទីស្រឡាញ់ស្លាប់។ តើលោកអ្នកយល់ស្របទេថា ពេលដែលមិត្តភក្ដិជាទីស្រឡាញ់ ឬញាតិសន្ដានស្លាប់ គឺជារឿងមួយដែលយើងពិបាកសម្រួលចិត្តបំផុត? [ទុកឲ្យគាត់ឆ្លើយ] មនុស្សជាច្រើនបានឃើញថាខគម្ពីរនេះពិតជាសម្រាលទុក្ខពួកគេណាស់។ [សូមអាន អេសាយ ២៥:៨] ទស្សនាវដ្ដីនេះពន្យល់អំពីសេចក្ដីសន្យាដ៏គួរឲ្យលើកទឹកចិត្តក្នុងគម្ពីរដែលថាសេចក្ដីស្លាប់នឹងត្រូវបញ្ចប់ ហើយមនុស្សជាទីស្រឡាញ់របស់យើងនឹងត្រូវប្រោសឲ្យរស់ឡើងវិញ»។