«ខ្ញុំមិនបានជួបគាត់នៅផ្ទះម្ដងទៀតសោះ!»
តើអ្នកធ្លាប់និយាយដូច្នេះអំពីអ្នកចាប់អារម្មណ៍ម្នាក់ទេ? ទោះជាអ្នកបានព្យាយាមទៅជួបបុគ្គលនោះម្ដងហើយម្ដងទៀតក៏ដោយ បើអ្នកមិនជួបបុគ្គលនោះ អ្នកមិនអាចស្រោចគ្រាប់ពូជនៃសេចក្ដីពិតដែលអ្នកបានដាំនោះទេ។ (១កូ. ៣:៦) ពេលខ្លះ អ្នកផ្សាយដែលមានបទពិសោធន៍សរសេរសំបុត្រទៅអ្នកចាប់អារម្មណ៍ ដែលពួកគាត់មិនអាចជួបនៅផ្ទះ ឬក៏ពួកគាត់សរសេរកំណត់ខ្លីទុកនៅទ្វារផ្ទះរបស់អ្នកនោះ។ អ្នកផ្សាយខ្លះឃើញថាពិបាកជួបអ្នកចាប់អារម្មណ៍នៅផ្ទះម្ដងទៀត ដូច្នេះពួកគាត់សុំលេខទូរស័ព្ទរបស់ម្ចាស់ផ្ទះ ហើយសួរថា៖ «តាមធម្មតា តើបងសរសេរសារតាមទូរស័ព្ទទេ?»។ យើងអាចរាប់ការត្រឡប់ទៅជួបមួយបាន ពេលយើងជួបបុគ្គលនោះដោយផ្ទាល់ ឬផ្សព្វផ្សាយដល់គាត់តាមសំបុត្រ តាមអ៊ីម៉ែល តាមសារទូរស័ព្ទ កំណត់ខ្លីទុកនៅទ្វារផ្ទះ ឬទូរស័ព្ទទៅគាត់។ ដូច្នេះ ទោះបើគាត់កម្រនៅផ្ទះក្ដី យើងក៏អាចជួយគាត់ឲ្យមានចំណាប់អារម្មណ៍ថែមទៀតបានដែរ។