ចូរលើកទឹកចិត្តគ្នាទៅវិញទៅមកដោយចិត្តខ្នះខ្នែងដើម្បីធ្វើកិច្ចការដ៏ល្អប្រសើរ
ក្នុងហេប្រឺ ១០:២៤ លើកទឹកចិត្តយើងឲ្យ«គិតអំពីគ្នាទៅវិញទៅមក ដើម្បីបំផុសទឹកចិត្តឲ្យមានសេចក្ដីស្រឡាញ់និងការប្រព្រឹត្តដែលល្អប្រសើរ»។ យើងអាចលើកទឹកចិត្តបងប្អូនតាមរយៈគំរូនិងជំនឿរបស់យើង។ សូមប្រាប់បទពិសោធន៍ល្អៗរបស់អ្នកដល់បងប្អូនក្នុងក្រុមជំនុំ។ សូមបង្ហាញថាអ្នកមានអំណរក្នុងការបម្រើព្រះយេហូវ៉ា ហើយដំណាលគ្នានោះ កុំប្រៀបធៀបពួកគាត់ទៅនឹងបងប្អូនឯទៀតឬខ្លួនអ្នក។ (កាឡ. ៦:៤) សូមខំប្រើសមត្ថភាពរបស់អ្នកដើម្បីលើកទឹកចិត្តបងប្អូនឯទៀតឲ្យមាន«សេចក្ដីស្រឡាញ់និងការប្រព្រឹត្តដែលល្អប្រសើរ» មិនមែនធ្វើឲ្យពួកគាត់រអៀសខ្លួន រួចមកប្រព្រឹត្តការដែលល្អប្រសើរទេ (សូមមើល w៩៥ ១/៧ ទំ. ១៧-១៨ វ. ៨-១០)។ បើយើងបំផុសទឹកចិត្តឲ្យមានសេចក្ដីស្រឡាញ់ នោះយើងទាំងអស់គ្នានឹងធ្វើការដែលល្អប្រសើរ ដូចជាផ្ដល់ជំនួយខាងសម្ភារ ឬផ្សព្វផ្សាយដល់អ្នកឯទៀតជាដើម។—២កូ. ១:២៤