របៀបរស់នៅជាគ្រិស្តសាសនិក
ចូររស់នៅដើម្បីសរសើរតម្កើងព្រះយេហូវ៉ា!
ជីវិតគឺជាអំណោយដ៏មានតម្លៃ។ របៀបរស់នៅរបស់យើងបង្ហាញថាយើងឲ្យតម្លៃយ៉ាងណាទៅលើអំណោយនោះ។ ក្នុងនាមជាសាក្សីព្រះយេហូវ៉ា យើងព្យាយាមប្រើសមត្ថភាពនិងទេពកោសល្យរបស់យើងដើម្បីលើកកិត្ដិយស និងលើកតម្កើងព្រះយេហូវ៉ាដែលជាអ្នកដែលផ្ដល់ជីវិត។ (ទំនុក. ៣៦:៩; បប. ៤:១១) ប៉ុន្តែ ការខ្វល់ខ្វាយអំពីជីវភាពក្នុងពិភពលោកដ៏អាក្រក់នេះ គឺងាយស្រួលឲ្យយើងលែងចាត់ទុកការគោរពប្រណិប័តន៍ព្រះថាសំខាន់បំផុត។ (ម៉ាក. ៤:១៨, ១៩) យើងម្នាក់ៗគួរសួរខ្លួនថា ‹តើខ្ញុំពិតជាកំពុងជូនអ្វីដែលល្អបំផុតទៅព្រះយេហូវ៉ាឬទេ? (ហូ. ១៤:២) តើការងាររបស់ខ្ញុំប៉ះពាល់យ៉ាងណាទៅលើកិច្ចបម្រើរបស់ខ្ញុំចំពោះព្រះយេហូវ៉ា? តើខ្ញុំមានគោលដៅណាខ្លះក្នុងកិច្ចបម្រើព្រះ? តើតាមរបៀបណាខ្ញុំអាចបង្កើនកិច្ចបម្រើផ្សាយរបស់ខ្ញុំ?›។ បើអ្នកឃើញថាមានចំណុចណាដែលអ្នកត្រូវរីកចម្រើន សូមអធិដ្ឋានសុំជំនួយពីព្រះយេហូវ៉ា ហើយធ្វើការកែប្រែផ្សេងៗ។ ការសរសើរតម្កើងព្រះយេហូវ៉ារាល់ថ្ងៃនឹងនាំឲ្យមានជីវិតដ៏ស្កប់ចិត្តនិងមានសុភមង្គល!—ទំនុក. ៦១:៨
តើអ្នកកំពុងប្រើសមត្ថភាពរបស់អ្នកដើម្បីអ្នកណា?
សូមទស្សនាវីដេអូចូរប្រើសមត្ថភាពរបស់អ្នកដើម្បីព្រះយេហូវ៉ា រួចមកសូមពិចារណាសំណួរដូចតទៅនេះ៖
ហេតុអ្វីគឺជាការមិនឈ្លាសវៃដែលអ្នកប្រើសមត្ថភាពរបស់អ្នកដើម្បីពិភពលោកសាថាន? (១យ៉ូន. ២:១៧)
តើពួកអ្នកដែលជូនអ្វីល្អបំផុតទៅព្រះយេហូវ៉ាទទួលពរអ្វីខ្លះ?
តើអ្នកអាចប្រើសមត្ថភាពនិងជំនាញរបស់អ្នកក្នុងកិច្ចបម្រើពិសិដ្ឋណាខ្លះ?