របៀបរស់នៅជាគ្រិស្តសាសនិក
កិច្ចផ្សព្វផ្សាយនិងការបង្រៀនគម្ពីរ គឺចាំបាច់ ដើម្បីឲ្យអ្នកឯទៀតក្លាយទៅជាអ្នកកាន់តាមលោកយេស៊ូ
លោកយេស៊ូបានបង្គាប់អ្នកកាន់តាមឲ្យទៅបង្រៀនអ្នកឯទៀតឲ្យក្លាយទៅជាអ្នកកាន់តាមលោក។ (ម៉ាថ. ២៨:១៩) នេះរួមបញ្ចូលកិច្ចផ្សព្វផ្សាយនិងការបង្រៀន។ ម្ដងម្កាល យើងគួរសួរខ្លួនឯងថា ‹តើតាមរបៀបណាខ្ញុំអាចបង្កើនសមត្ថភាពចំពោះលក្ខណៈសំខាន់ៗនៃកិច្ចការបង្រៀនអ្នកឯទៀតឲ្យក្លាយទៅជាអ្នកកាន់តាមលោក?›
កិច្ចផ្សព្វផ្សាយ
ជាជាងរង់ចាំមនុស្សឲ្យមកជួបយើង យើងត្រូវខ្នះខ្នែងស្វែងរកអ្នកដែល«សមនឹងទទួល»។ (ម៉ាថ. ១០:១១) ពេលយើងចូលរួមក្នុងកិច្ចបម្រើផ្សាយ តើយើងខំរកឱកាសដើម្បីនិយាយជាមួយនឹងមនុស្ស‹ដែលយើងជួប›ឬទេ? (សកម្ម. ១៧:១៧) លីឌាបានទៅជាអ្នកកាន់តាមលោកយេស៊ូដោយសារចិត្តខ្នះខ្នែងរបស់សាវ័កប៉ូលក្នុងកិច្ចផ្សព្វផ្សាយ។—សកម្ម. ១៦:១៣-១៥
«នៅពេលព្រឹក ចូរសាបព្រោះពូជរបស់ឯងចុះ ហើយនៅពេលល្ងាចកុំឲ្យទប់ដៃឯងឡើយ» (សាស្ដ. ១១:៦)
សូមទស្សនាវីដេអូចូរបន្តផ្សព្វផ្សាយ«ឥតឈប់» ក្រៅផ្លូវការនិងពីផ្ទះមួយទៅផ្ទះមួយ រួចមកឆ្លើយសំណួរដូចតទៅ:
ក្នុងជីវិតប្រចាំថ្ងៃ តើសាំយូអែលបានបង្ហាញយ៉ាងណាថាគាត់មានចិត្តខ្នះខ្នែងដើម្បីសាបព្រោះគ្រាប់ពូជនៃសេចក្ដីពិត?
ហេតុអ្វីយើងត្រូវតស៊ូក្នុងកិច្ចបម្រើផ្សាយគ្រប់ប្រភេទ?
ក្នុងជីវិតប្រចាំថ្ងៃ តើអ្នកអាចប្រាប់ដំណឹងពីគម្ពីរដល់អ្នកណាខ្លះ?
ការបង្រៀនគម្ពីរ
ដើម្បីបង្រៀនអ្នកឯទៀតឲ្យក្លាយទៅជាអ្នកកាន់តាមលោកយេស៊ូ យើងមិនគ្រាន់តែត្រូវឲ្យសៀវភៅរបស់យើងដល់ពួកគេប៉ុណ្ណោះទេ។ ដើម្បីជួយពួកគេឲ្យរីកចម្រើនក្នុងសេចក្ដីពិត យើងត្រូវធ្វើការត្រឡប់ទៅជួបនិងដឹកនាំការសិក្សា។ (១កូ. ៣:៦-៩) ប៉ុន្តែ ចុះយ៉ាងណាបើយើងខំប្រឹងបង្រៀនអ្នកឯទៀតអំពីសេចក្ដីពិតនៃរាជាណាចក្រ តែពួកគេមិនរីកចម្រើន? (ម៉ាថ. ១៣:១៩-២២) យើងគួរបន្តស្វែងរកអ្នកដែលមានចិត្តដូច«ដីល្អ»។—ម៉ាថ. ១៣:២៣; សកម្ម. ១៣:៤៨
«ខ្ញុំជាអ្នកដាំ អាប៉ូឡុសជាអ្នកស្រោច តែព្រះបានធ្វើឲ្យដុះលូតលាស់» (១កូ. ៣:៦)
សូមទស្សនាវីដេអូចូរបន្តផ្សព្វផ្សាយ«ឥតឈប់» ជាសាធារណៈនិងបង្រៀនមនុស្សឲ្យក្លាយទៅជាអ្នកកាន់តាមគ្រិស្ត រួចមកឆ្លើយសំណួរដូចតទៅ:
តើតាមរបៀបណាសាឡូម៉ូននិងម៉ារៀបានស្រោចទឹកគ្រាប់ពូជនៃសេចក្ដីពិតនៅក្នុងចិត្តរបស់អេសេគាលនិងអាបឺហ្គេល?
តើយើងគួរមានគោលដៅអ្វីក្នុងគ្រប់សកម្មភាពនៃកិច្ចបម្រើផ្សាយ រួមទាំងកិច្ចផ្សព្វផ្សាយសាធារណៈ?
តើតាមរបៀបណាយើងអាចផ្ដោតអារម្មណ៍ច្រើនជាងទៅលើការបង្រៀនសេចក្ដីពិតដល់អ្នកឯទៀត?