របៀបរស់នៅជាគ្រិស្តសាសនិក
ចូរបង្កើនភាពប៉ិនប្រសប់ក្នុងកិច្ចបម្រើផ្សាយ ពោលគឺជួយមនុស្សដែលមាន«ចិត្តគំនិតត្រឹមត្រូវ»ឲ្យក្លាយជាអ្នកកាន់តាមគ្រិស្ត
ហេតុអ្វីសំខាន់: ព្រះយេហូវ៉ាធ្វើឲ្យគ្រាប់ពូជនៃសេចក្ដីពិតដុះឡើងក្នុងចិត្តរបស់«អ្នកដែលមានចិត្តគំនិតត្រឹមត្រូវឲ្យបានជីវិតដែលគ្មានទីបញ្ចប់»។ (សកម្ម. ១៣:៤៨; ១កូ. ៣:៧) យើងរួមការងារជាមួយលោកក្នុងកិច្ចបម្រើផ្សាយដោយខំព្យាយាមផ្ដោតអារម្មណ៍ទៅលើអ្នកដែលធ្វើតាមអ្វីដែលពួកគេរៀន។ (១កូ. ៩:២៦) សិស្សគម្ពីរត្រូវយល់ថាការជ្រមុជទឹកជាគ្រិស្តសាសនិកគឺសំខាន់ចាំបាច់ដើម្បីទទួលសេចក្ដីសង្គ្រោះ។ (១ពេ. ៣:២១) យើងជួយពួកគេឲ្យទៅជាអ្នកកាន់តាមគ្រិស្ត ដោយបង្រៀនពួកគេឲ្យធ្វើការផ្លាស់ប្ដូរផ្សេងៗក្នុងជីវិត ឲ្យផ្សព្វផ្សាយនិងបង្រៀន ព្រមទាំងឲ្យប្រគល់ខ្លួនជូនព្រះយេហូវ៉ា។—ម៉ាថ. ២៨:១៩, ២០
របៀបអនុវត្ត:
រំលឹកសិស្សគម្ពីរថាគោលបំណងនៃការសិក្សាគម្ពីរ គឺជួយពួកគេឲ្យ«ស្គាល់»ព្រះយេហូវ៉ាឲ្យបានច្បាស់ ហើយធ្វើអ្វីដែលលោកពេញចិត្ត។—យ៉ូន. ១៧:៣
ជួយពួកគេឲ្យរីកចម្រើនខាងការគោរពប្រណិប័តន៍ព្រះដោយយកឈ្នះឧបសគ្គផ្សេងៗដូចជា ទម្លាប់អាក្រក់និងការសេពគប់មិនល្អជាដើម
ពង្រឹងកម្លាំងចិត្តនិងលើកទឹកចិត្តពួកគេមុននិងក្រោយពួកគេទទួលការជ្រមុជទឹក។—សកម្ម. ១៤:២២
សូមទស្សនាវីដេអូព្រះយេហូវ៉ានឹងជួយអ្នក រួចមកឆ្លើយសំណួរដូចតទៅ:
តើការភ័យខ្លាចអ្វីខ្លះអាចធ្វើឲ្យបុគ្គលម្នាក់ស្ទាក់ស្ទើរក្នុងការប្រគល់ខ្លួនជូនព្រះនិងទទួលការជ្រមុជទឹក?
តើតាមរបៀបណាពួកអ្នកចាស់ទុំអាចជួយសិស្សគម្ពីរឲ្យរីកចម្រើនក្នុងការគោរពប្រណិប័តន៍ព្រះ?
តើអេសាយ ៤១:១០ បង្រៀនយើងអ្វីអំពីព្រះយេហូវ៉ា?
តើគុណសម្បត្ដិអ្វីខ្លះនឹងជួយយើងឲ្យបម្រើព្រះយេហូវ៉ាតាមរបៀបដែលលោកពេញចិត្ត ទោះជាយើងជាមនុស្សមិនល្អឥតខ្ចោះក្ដី?
តើយើងអាចរួមការងារជាមួយនឹងព្រះយេហូវ៉ាក្នុងការជួយអ្នកឯទៀតឲ្យក្លាយជាអ្នកកាន់តាមគ្រិស្តយ៉ាងដូចម្ដេច?