របៀបរស់នៅជាគ្រិស្តសាសនិក
ការសហការផ្សព្វផ្សាយនៅតំបន់ដែលនិយាយភាសាផ្សេងៗ
មនុស្សច្រើនតែឆាប់ទទួលយកដំណឹងល្អជាង ពេលពួកគេឮជាភាសាកំណើតរបស់ខ្លួន។ នេះប្រហែលជាមូលហេតុដែលនៅបុណ្យថ្ងៃទី៥០ ឆ្នាំ៣៣ គ.ស. ព្រះយេហូវ៉ាបានរៀបចំឲ្យ«ជនជាតិយូដាមកពីគ្រប់ប្រទេសនៅក្រោមមេឃ» ឮដំណឹងល្អក្នុង«ភាសាកំណើត»របស់ពួកគេ ទោះជាពួកគេទំនងជានិយាយភាសាដែលគេនិយាយជាទូទៅ ដូចជាភាសាហេប្រឺ ឬក្រិចក្ដី។ (សកម្ម. ២:៥, ៨) សព្វថ្ងៃនេះនៅក្នុងតំបន់ដែលនិយាយភាសាផ្សេងៗ ក្រុមជំនុំដែលធ្វើកិច្ចប្រជុំជាភាសាផ្សេងពីគ្នាប្រហែលជាផ្សព្វផ្សាយក្នុងតំបន់ដូចគ្នា។ តើតាមរបៀបណាអ្នកផ្សាយក្នុងក្រុមជំនុំបែបនេះអាចសហការគ្នាដើម្បីផ្សព្វផ្សាយដល់មនុស្សទាំងអស់ ដោយជៀសវាងផ្សព្វផ្សាយផ្ទួនគ្នាក្នុងតំបន់ផ្សាយកុំឲ្យម្ចាស់ផ្ទះខឹង?
ពិភាក្សា (សុភ. ១៥:២២): អ្នកត្រួតពិនិត្យកិច្ចបម្រើគួរពិភាក្សាគ្នា ហើយរកវិធីណាដែលជួយដល់ការផ្សព្វផ្សាយដំណឹងល្អ។ បើតំបន់ផ្សាយរបស់ពួកគេតិច ក្រុមជំនុំដែលផ្សព្វផ្សាយភាសាផ្សេងនឹងទំនងជាចង់ឲ្យក្រុមជំនុំរបស់អ្នករំលងផ្ទះរបស់មនុស្សដែលរស់នៅក្នុងតំបន់ផ្សាយរបស់ពួកគេ។ ទោះជាយ៉ាងនេះក្ដី បើពួកគេមិនអាចផ្សព្វផ្សាយក្នុងតំបន់របស់ពួកគេបានសព្វគ្រប់ ដោយសារតំបន់ផ្សាយធំ ពួកគេប្រហែលជាមិនចង់ឲ្យអ្នករំលងផ្ទះណាឡើយ តែសូមប្រាប់ពួកគេពេលអ្នកណាម្នាក់ក្នុងតំបន់ផ្សាយរបស់ពួកគេបង្ហាញចំណាប់អារម្មណ៍។ (od ទំ. ៩២ វ. ៣៧) ឬពួកគេប្រហែលជាសុំឲ្យក្រុមជំនុំរបស់អ្នកជួយពួកគេរកមនុស្សដែលនិយាយភាសាដែលក្រុមជំនុំរបស់ពួកគេនិយាយ ហើយពេលរកឃើញបុគ្គលដែលនិយាយភាសារបស់ពួកគេ សូមឲ្យអាសយដ្ឋានរបស់បុគ្គលនោះទៅក្រុមជំនុំរបស់ពួកគេ។ សូមចាំថានៅតំបន់ខ្លះ ក្រុមគ្រួសារមួយនិយាយភាសាច្រើនជាងមួយ។ ការរៀបចំដើម្បីផ្សព្វផ្សាយក្នុងតំបន់ឲ្យបានសព្វគ្រប់ គួរតែអនុវត្តទៅតាមច្បាប់ស្តីអំពីរបៀបប្រើព័ត៌មានអំពីពលរដ្ឋ។
សហការ (អេភ. ៤:១៦): ធ្វើតាមដោយយកចិត្តទុកដាក់នូវការណែនាំដែលអ្នកទទួលពីអ្នកត្រួតពិនិត្យកិច្ចបម្រើ។ តើអ្នកកំពុងបង្រៀនគម្ពីរដល់បុគ្គលណាម្នាក់ដែលនិយាយភាសាខុសពីភាសាដែលក្រុមជំនុំរបស់អ្នកនិយាយឬទេ? សិស្សគម្ពីរទំនងជារីកចម្រើនលឿនជាង បើអ្នករៀបចំឲ្យអ្នកណាម្នាក់ពីក្រុមជំនុំដែលនៅជិត ឬក្រុមដែលនិយាយភាសារបស់សិស្សនោះ ដើម្បីបង្រៀនគម្ពីរដល់គាត់។
រៀបចំ (សុភ. ១៥:២៨; ១៦:១): បើម្ចាស់ផ្ទះក្នុងតំបន់ផ្សាយរបស់អ្នកនិយាយភាសាផ្សេង សូមខំអស់ពីសមត្ថភាពដើម្បីប្រាប់ដំណឹងល្អដល់គាត់។ អ្នកអាចរៀបចំទុកជាមុនដោយគិតអំពីភាសាណាដែលមនុស្សក្នុងតំបន់របស់អ្នកនិយាយ ហើយដោយថតចម្លងគម្ពីរជាភាសាផ្សេងៗនិងវីដេអូទុកជាមុនក្នុងគ្រឿងអេឡិចត្រូនិចរបស់អ្នក។ អ្នកក៏អាចប្រើJWភាសាដើម្បីរៀនពាក្យសួរសុខទុក្ខក្នុងភាសាខ្លះ។