របៀបរស់នៅជាគ្រិស្តសាសនិក
ចូរប្រើវីដេអូដើម្បីបង្រៀនសិស្សគម្ពីរ
ការបង្ហាញអ្វីមួយដូចជារូបភាពជាដើមអាចជួយអ្នកឯទៀតឲ្យចាប់អារម្មណ៍ ស្រួលយល់ និងចាំអ្វីដែលគាត់បានរៀន។ ព្រះយេហូវ៉ាដែលជាអ្នកបង្រៀនដ៏ឧត្តមរបស់យើងបានធ្វើដូច្នេះដើម្បីបង្រៀនមេរៀនសំខាន់ៗ។ (លោ. ១៥:៥; យេ. ១៨:១-៦) លោកយេស៊ូដែលជាគ្រូដ៏ល្អប្រសើរក៏បានធ្វើដូច្នេះដែរ។ (ម៉ាថ. ១៨:២-៦; ២២:១៩-២១) ក្នុងរយៈពេលប៉ុន្មានឆ្នាំនេះ វីដេអូគឺមានប្រយោជន៍ណាស់។ តើអ្នកកំពុងប្រើវីដេអូដោយប៉ិនប្រសប់ពេលបង្រៀនសិស្សគម្ពីរឬទេ?
វីដេអូ១០បានត្រូវរៀបចំឡើងដើម្បីជួយយើងបង្រៀនមេរៀនក្នុងសៀវភៅស្តើងព្រះមានដំណឹងល្អសម្រាប់យើង! ជាទូទៅ ចំណងជើងវីដេអូនីមួយៗជាប់ទាក់ទងទៅនឹងសំណួរណាមួយដែលជាអក្សរដិតនៅក្នុងសៀវភៅស្តើងនេះ។ សៀវភៅស្តើងនេះដែលជាឯកសារអេឡិចត្រូនិកនៅក្នុងគេហទំព័រjw.org® មានភ្ជាប់ជាមួយនឹងវីដេអូផ្សេងៗដែលរំលឹកយើងអំពីការបង្ហាញវីដេអូនីមួយៗនោះ។ បន្ថែមទៅទៀត មានវីដេអូឯទៀតដែលយើងអាចប្រើដើម្បីបង្រៀនបន្ថែមសម្រាប់សៀវភៅផ្សេងៗនៅក្នុងឧបករណ៍ដើម្បីបង្រៀនគម្ពីរ។
តើអ្នកកំពុងពិគ្រោះប្រធានបទក្នុងគម្ពីរដែលសិស្សរបស់អ្នកប្រហែលពិបាកយល់ឬទេ? ឬតើសិស្សរបស់អ្នកកំពុងប្រឈមមុខនឹងទុក្ខលំបាកណាមួយឬទេ? សូមស្រាវជ្រាវតាមរយៈផ្នែកវីដេអូក្នុងjw.org®និងJWទូរទស្សន៍ដើម្បីរកវីដេអូមួយដែលមានប្រយោជន៍ដល់គាត់។ ប្រហែលអ្នកនិងសិស្សរបស់អ្នកអាចមើលវីដេអូមួយជាមួយគ្នា បន្ទាប់មកពិគ្រោះវីដេអូនោះ។
វីដេអូថ្មីៗចេញជារៀងរាល់ខែ។ ពេលអ្នកមើលវីដេអូ សូមគិតអំពីរបៀបដែលអ្នកអាចប្រើវីដេអូនោះពេលបង្រៀនអ្នកឯទៀត។