ចំណេះវិសេសពីបណ្ដាំរបស់ព្រះ | កូរិនថូសទី២ ១១-១៣
«បន្លាមួយក្នុងសាច់ឈាម»របស់ប៉ូល
ក្នុងគម្ពីរ បន្លាច្រើនតែបានត្រូវប្រើក្នុងន័យធៀប ហើយប្រហែលជាសំដៅលើមនុស្សដែលបង្ករឿងឬរបួស ឬក៏របស់ដែលនាំឲ្យគ្រោះថ្នាក់ផ្សេងៗ។ (ជន. ៣៣:៥៥; សុភ. ២២:៥; អេស. ២៨:២៤) ពេលប៉ូលបានសរសេរអំពី«បន្លាមួយក្នុងសាច់ឈាម»របស់គាត់ គាត់ប្រហែលជាសំដៅលើសាវ័កក្លែងក្លាយ។ ប៉ូលក៏ប្រហែលជាសំដៅលើអ្នកឯទៀតដែលអះអាងថាគាត់មិនមែនជាសាវ័កពិតប្រាកដ និងរិះគន់កិច្ចការរបស់គាត់។ តើបទគម្ពីរខាងក្រោមនេះបង្ហាញយ៉ាងណាថាមានមូលហេតុផ្សេងទៀតដែលប៉ូលមាន«បន្លាមួយក្នុងសាច់ឈាម»?
តើអ្វីជា«បន្លាមួយក្នុងសាច់ឈាម»របស់អ្នក?
តើតាមរបៀបណាអ្នកអាចពឹងផ្អែកលើព្រះយេហូវ៉ាដើម្បីជួយអ្នកឲ្យស៊ូទ្រាំ?