តើអ្នកធ្លាប់ប្រើក្របខាងក្រោយនៃទស្សនាវដ្ដីប៉មយាមឬទេ?
ពេលដែលមនុស្សទទួលទស្សនាវដ្ដីមួយក្បាល ធម្មតាពួកគេមើលក្របខាងមុខ រួចមកត្រឡប់វាមើលក្របខាងក្រោយវិញ។ ដូច្នេះហើយ ក្របខាងក្រោយនៃទស្សនាវដ្ដីប៉មយាមសម្រាប់ផ្សព្វផ្សាយមានសំណួរមួយចំនួនដ៏គួរឲ្យចាប់អារម្មណ៍ ហើយក៏មានបញ្ជាក់លេខទំព័រដែលអាចរកឃើញព័ត៌មានក្នុងទស្សនាវដ្ដី។
យើងអាចប្រើសំណួរពីក្របខាងក្រោយនៃទស្សនាវដ្ដីដើម្បីចាប់ផ្ដើមការសន្ទនា។ បើយើងផ្សព្វផ្សាយជាញឹកញាប់ក្នុងតំបន់ផ្សាយមួយ យើងអាចផ្លាស់ប្ដូរពាក្យផ្សាយម្ដងម្កាល ដោយប្រើសំណួរខុសៗគ្នាដែលមាននៅក្របខាងក្រោយនៃទស្សនាវដ្ដីនោះ។ បើម្ចាស់ផ្ទះជាប់រវល់ យើងអាចនិយាយពាក្យផ្សាយខ្លីជាង ដោយបង្ហាញសំណួរនៅក្របខាងក្រោយទស្សនាវដ្ដី ហើយនិយាយថា៖ «បើលោកអ្នកចង់ដឹងចម្លើយ ខ្ញុំអាចជូនទស្សនាវដ្ដីនេះដល់លោកអ្នក ហើយយើងអាចពិភាក្សាគ្នាថែមទៀតនៅពេលដែលលោកអ្នកមានពេល»។ អ្នកផ្សាយខ្លះប្រហែលជាចាប់ផ្ដើមការសន្ទនាដោយបង្ហាញក្របខាងក្រោយទស្សនាវដ្ដី ហើយអញ្ជើញម្ចាស់ផ្ទះឲ្យជ្រើសរើសសំណួរមួយដែលគាត់ចាប់អារម្មណ៍។ បន្ទាប់មក អ្នកផ្សាយអាចបើកទៅទំព័រដែលមានចម្លើយ ហើយអានបទគម្ពីរមួយដែលគាត់បានជ្រើសរើសទុកជាមុន។ ប្រហែលជាអ្នកអាចគិតអំពីវិធីផ្សេងទៀតក្នុងការប្រើក្របខាងក្រោយ ដើម្បីធ្វើឲ្យម្ចាស់ផ្ទះចាប់អារម្មណ៍ចំពោះទស្សនាវដ្ដីប៉មយាម។