ចូរបង្កើនភាពប៉ិនប្រសប់ក្នុងកិច្ចបម្រើផ្សាយ ដោយស្នើផ្ដល់សៀវភៅព្រះគម្ពីរបង្រៀន

ហេតុអ្វីសំខាន់?: សៀវភៅព្រះគម្ពីរបង្រៀន គឺជាសៀវភៅជំនួយសិក្សាដ៏សំខាន់មួយសម្រាប់បង្រៀនគម្ពីរ។ ប៉ុន្តែ មុននឹងយើងអាចប្រើសៀវភៅនេះដើម្បីបង្រៀនគម្ពីរដល់បុគ្គលណាម្នាក់ យើងត្រូវស្នើផ្ដល់សៀវភៅនេះដល់គាត់ជាមុនសិន។ ហេតុនេះ យើងទាំងអស់គ្នាត្រូវមានចិត្តខ្នះខ្នែងស្នើផ្ដល់សៀវភៅព្រះគម្ពីរបង្រៀនដោយប៉ិនប្រសប់ក្នុងកិច្ចបម្រើផ្សាយ។ (សុភ. ២២:២៩) មានវិធីស្នើផ្ដល់ជាច្រើនដែលអ្នកផ្សាយអាចប្រើបាន បើវិធីមួយណាដែលងាយស្រួលសម្រាប់គាត់ផ្ទាល់ គាត់អាចធ្វើតាមវិធីនោះ។

របៀបអនុវត្ត:

អ្នកអាចលើកឡើងសំណួរមួយដែលធ្វើឲ្យម្ចាស់ផ្ទះចាប់អារម្មណ៍ ដើម្បីនាំទៅដល់ជំពូកណាមួយក្នុងសៀវភៅនេះ។ អ្នកអាចជ្រើសរើសសំណួរណាមួយដែលមានក្រោមចំណងជើងជំពូកនីមួយៗក៏បានដែរ។ ក្រោយពីស្ដាប់ចម្លើយរបស់ម្ចាស់ផ្ទះ សូមអានខគម្ពីរសមរម្យមួយ រួចមកបង្ហាញគាត់វគ្គមួយអំពីប្រធានបទនោះ ហើយបើអាចធ្វើបាន សូមពិគ្រោះយ៉ាងខ្លីជាមួយនឹងគាត់។
វិធីមួយទៀតគឺដោយប្រើទំព័របីបួនដំបូងក្នុងសៀវភៅនេះ ដើម្បីធ្វើឲ្យម្ចាស់ផ្ទះចាប់អារម្មណ៍ រួចមកបង្ហាញគាត់នូវជំពូកដែលមានចម្លើយពីគម្ពីរ។ ឧទាហរណ៍ អ្នកអាចនិយាយជាមួយនឹងគាត់អំពីព័ត៌មានខ្លោចផ្សាមួយដែលទើបតែផ្សាយថ្មីៗ ហើយពន្យល់ថាមនុស្សជាច្រើនធ្លាប់ឆ្ងល់សំណួរដែលមាននៅទំព័រ៣។ អ្នកក៏អាចនិយាយថា អ្នកមកលេងអ្នកជិតខាងដើម្បីបង្ហាញអំពីសេចក្ដីសង្ឃឹមសម្រាប់អនាគត។ បន្ទាប់មក សូមបង្ហាញរូបភាពនៅទំព័រ៤និង៥ ហើយសួរគាត់ថា«តើសេចក្ដីសន្យាមួយណាដែលអ្នកចង់ឲ្យកើតឡើងជាងគេ?»។ ម្យ៉ាងទៀត អ្នកអាចនិយាយថា អ្នកមកលេងដើម្បីជួយមនុស្សស្វែងរកចម្លើយដែលទាក់ទងនឹងចម្ងល់អំពីជីវិត។ រួចមក បង្ហាញម្ចាស់ផ្ទះសំណួរនៅទំព័រ៦ ដែលមាននៅផ្នែកខាងក្រោម ហើយសួរគាត់អំពីសំណួរមួយណាគាត់ចាប់អារម្មណ៍ជាងគេ។
អ្នកអាចស្នើបង្រៀនគម្ពីរដោយនិយាយត្រង់ៗតែម្ដង។ អ្នកអាចនិយាយថា៖ «យើងកំពុងបង្ហាញសៀវភៅជំនួយសិក្សាគម្ពីរនេះដល់អ្នកជិតខាង។ តើអ្នកធ្លាប់ឃើញសៀវភៅនេះទេ? [ទុកឲ្យគាត់ឆ្លើយ] បើអ្នកមានប៉ុន្មាននាទី ខ្ញុំចង់បង្ហាញអំពីរបៀបសិក្សាសៀវភៅនេះដោយប្រើគម្ពីររបស់អ្នក»។

សូមសាកធ្វើដូច្នេះក្នុងអំឡុងខែនេះ:

សូមហាត់ធ្វើតាមយោបល់ទាំងនេះ ក្នុងអំឡុងពេលគោរពប្រណិប័តន៍ជាក្រុមគ្រួសារ។
ពេលអ្នកចូលរួមកិច្ចបម្រើផ្សាយ សូមប្រាប់អ្នកផ្សាយផ្សេងទៀតអំពីពាក្យផ្សាយដែលអ្នកចង់និយាយ។ (សុភ. ២៧:១៧) សូមកែសម្រួលពាក្យផ្សាយរបស់អ្នក បើពាក្យផ្សាយនោះគ្មានប្រសិទ្ធភាព។

សូម​សាក​ធ្វើ​ដូច្នេះ​ក្នុង​អំឡុង​ខែ​នេះ:

សូមសាកធ្វើដូច្នេះក្នុងអំឡុងខែនេះ: