ចំណុចហាត់រៀនទី៤
របៀបលើកទឹកចិត្តអ្នកស្ដាប់ឲ្យពិនិត្យមើលបទគម្ពីរ
ម៉ាថាយ ២២:៤១-៤៥
សេចក្ដីសង្ខេប: សូមជួយអ្នកស្ដាប់ឲ្យត្រៀមចិត្តគំនិត មុនអ្នកអានបទគម្ពីរ។
របៀបអនុវត្ត:
គិតអំពីមូលហេតុដែលអ្នកអានបទគម្ពីរនោះ។ មុនអានបទគម្ពីរ សូមនិយាយអ្វីមួយដែលជួយឲ្យអ្នកស្ដាប់កត់សម្គាល់ចំណុចសំខាន់ដែលអ្នកចង់បញ្ជាក់ក្នុងបទគម្ពីរនោះ។
សំដៅទៅគម្ពីរជាប្រភពព័ត៌មានពិត។ ពេលអ្នកនិយាយទៅកាន់មនុស្សដែលជឿទៅលើព្រះ សូមបញ្ជាក់ថាគម្ពីរជាបណ្ដាំរបស់ព្រះ។ យ៉ាងនេះ អ្នកបង្ហាញថាអ្វីដែលអ្នកបង្រៀនគឺមកពីព្រះ។
ធ្វើឲ្យអ្នកស្ដាប់ចាប់អារម្មណ៍នឹងបទគម្ពីរ។ សូមសួរសំណួរដែលមានចម្លើយក្នុងបទគម្ពីរ លើកបញ្ហាមួយដែលបទគម្ពីរនោះនឹងជួយដោះស្រាយ ឬរៀបរាប់គោលការណ៍មួយដែលអ្នកស្ដាប់អាចយល់ដោយពិនិត្យមើលកំណត់ហេតុគម្ពីរនោះ។