របៀបរស់នៅជាគ្រិស្តសាសនិក
តើអ្នកអាចពន្យល់ពីជំនឿអ្នកបានឬទេ?
បើមានអ្នកណាម្នាក់សួរអ្នកថា៖ ហេតុអ្វីអ្នកជឿថាព្រះជាអ្នកបង្កើតអ្វីៗទាំងអស់? តើអ្នកនឹងឆ្លើយយ៉ាងណា? ដើម្បីឆ្លើយដោយមានទំនុកចិត្ត អ្នកត្រូវធ្វើអ្វីពីរយ៉ាង: ទីមួយ អ្នកត្រូវពិសោធមើលដោយខ្លួនឯងថាព្រះពិតជាអ្នកបង្កើតអ្វីៗទាំងអស់។ (រ៉ូម ១២:១, ២) ក្រោយមក អ្នកត្រូវគិតអំពីរបៀបពន្យល់ជំនឿរបស់អ្នកទៅកាន់អ្នកឯទៀត។—សុភ. ១៥:២៨
សូមទស្សនាវីដេអូគ្រូពេទ្យផ្នែកវះកាត់សន្លាក់ឆ្អឹងម្នាក់ពន្យល់អំពីជំនឿរបស់គាត់ និងអ្នកស្រាវជ្រាវផ្នែកពពួកសត្វម្នាក់ពន្យល់អំពីជំនឿរបស់គាត់ ដើម្បីយល់អំពីមូលហេតុដែលមនុស្សឯទៀតជឿថាព្រះបានបង្កើតអ្វីៗទាំងអស់ រួចសូមឆ្លើយសំណួរដូចតទៅ៖
ហេតុអ្វីអាយរីន ហូស ឡូរ៉េនសាវ ជឿថាព្រះបានបង្កើតអ្វីៗទាំងអស់ជាជាងការវិវត្តន៍?
ហេតុអ្វីយ៉ារ៉ូស្លាវ ដូវេនិច ជឿថាព្រះបានបង្កើតអ្វីៗទាំងអស់ជាជាងការវិវត្តន៍?
តើអ្នកនឹងពន្យល់យ៉ាងណាអំពីមូលហេតុដែលអ្នកជឿថាព្រះជាអ្នកបង្កើតអ្វីៗទាំងអស់?
តើមានប្រភពព័ត៌មានអ្វីខ្លះពីអង្គការព្រះយេហូវ៉ាដែលអាចមើលជាភាសារបស់អ្នក ដែលជួយអ្នកផ្ទាល់ និងអ្នកឯទៀតឲ្យជឿថាព្រះជាអ្នកបង្កើតអ្វីៗទាំងអស់?