Mutanchi Wa Kupwila Kwa Mwingilo
Mulungu wa Kutendeka April 11
Mamini. 15: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Ingijishai mashinda atanshi abiji aji pa peja 8 (umvwe akonsheka kwiengijisha mu nyaunda yenu) mumweshe bya kushajika Kyamba kya Usopa kya May 1. Mwakonsha kwingijisha mashinda akwabo engila bulongo. Mu kimwesho kimo, mweshai musapwishi ubena kusapwila busapwishi bwa mu mukwakwa.
Mamini. 15: “Kosaiko na Kusapwila.”a Umvwe kimye ko kiji, ambilai luonde lwambepo pa binembelo byamweshiwa.
Mamini. 15: “Ubainga Byawama ne Kupapo Bakwenu.”b Ambai jino jashi kwesakana na byo kiji koko kwenu, ne kutongaula mashinda awama o twakonsha kukwashishamo bakwetu.
Lwimbo 47 ne lulombelo lwa kupezhako.
Mulungu wa Kutendeka April 18
Lwimbo 76
Mamini. 10: Bya kubijika bya pa kipwilo.
Mamini. 20: “Kufunjishanga Mafunjisho a Baibolo Anunguluka—Lubaji 8.”c Mweshaipo ne kimwesho kipi kibena kumwesha musapwishi saka apa ye afunjisha Baibolo buloshuwa wa Inte sha kwa Yehova—Ni Bani? Finshi Basuminamo? Musapwishi wazhikula pa kipikichala kiji pa peja 20 ne kulondolola Kupwila kwa Mvula bantu. Watongola mutwe wa jashi ja mvula bantu jikambiwa ne kumwambila ye afunjisha amba akatanweko.
Mamini. 15: Jashi jambiwe na mukulumpe mu kipwilo jibena kwamba pa bisho bibula kusekesha Lesa, kufuma mu Kyamba kya Usopa kya January 1, 2005, mapeja 29-32.
Lwimbo 169 ne lulombelo lwa kupezhako.
Mulungu wa Kutendeka April 25
Lwimbo 111
Mamini. 15: Bya kubijika bya pa kipwilo. Tangai sawakya wa maakaunti ne makalata a kuyukanyikisha’mba ofweshi wa musampi watambwijile mali a bupe bwenu o mwatumine. Vululaiko basapwishi kupana masawakya a mwingilo wa April. Kwingijisha mashinda abiji apelako pa peja 8 (umvwe akonsheka kwiengijisha mu nyaunda yenu) mweshai bya kushajika Kyamba kya Usopa kya May 1. Mwakonsha kwingijisha mashinda akwabo engila bulongo. Mu kimwesho kimo, mweshai bya kukumbula muntu wamba’mba “Kechi mbena kukeba ne.” (Monai buku wa Ukupelulula, pe. 16.) Tongolai bibaba byakonsha kuzakula michima ya bantu baji mu nyaunda yenu.
Mamini. 20: Nanchi Mwamba Bishinka Nyi? Jashi ne mwisambo kufuma mu buku wa Isukulu lya Butumikishi, mapeja 254, mapalagalafu 1-2. Umvwe twalumbulula ne kwingijisha binembelo mu mwingilo wa mu bujimi nangwa pa pulatifomu, mfunjishisho yetu yafwainwa kukwashañana inge twapana bishinka bya byo twaamba mu kifulo kya kwambatu’mba byobyo kiji byonkabyo. Kwingijisha bya kumwenako biji mu buku wa Ukupelulula nangwa mu mabuku akwabo akonsha kwingila koko kwenu, mweshai (1) bya kusalulula ne kulumbulula byambo bine bikatampe biji mu kinembelo, (2) bya kwamba kishinka kiji mu kyokyo kibena kwambiwapo nangwa kiji mu kinembelo kikwabo kibena kwamba pa yewo mutwe, (3) bya kwingijisha kya kumwenako kyailamo na kyo mubena kwamba, ne (4) bya kwingijisha mepuzho a kukwasha bo mubena kwambako kulangulukapo pa kibena kwambiwa. Ambai buwame buji mukwingijisha jishinda ja kupana bishinka.
Mamini. 10: “Kulama Bulongo Bintu bya Nkambo.” Jashi jambiwe na mukulumpe mu kipwilo.
Lwimbo 8 ne lulombelo lwa kupezhako.
Mulungu wa Kutendeka May 2
Lwimbo 148
Mamini. 10: Bya kubijika bya pa kipwilo. Pitulukai mu mutwe wa kuba’mba “Kufunda Buloshuwa wa Labainga Mukenkentenga!” pa peja 6. Ambai amba uno ke mutanchi wa lufunjisho lwa buloshuwa. Tundaikai bonse kunengezhanga bulongo ne kukumbulapo pa lufunjisho mulungu ne mulungu, kutendeka na mulungu wa May 23.
Mamini. 15: Bibena kukebewa pa kipwilo.
Mamini. 20: “Bantu Bonse Bakapuluka.”d Ambai jino jashi kwesakana na byo kiji mu nyaunda yenu.
Lwimbo 112 ne lulombelo lwa kupezhako.
[Tubyambo twa mushi]
a Ambaipo byambo bicheche bya kubula kupitaila pa miniti umo, apa bino mutendeke mwisambo wa mepuzho ne mikumbu.
b Ambaipo byambo bicheche bya kubula kupitaila pa miniti umo, apa bino mutendeke mwisambo wa mepuzho ne mikumbu.
c Ambaipo byambo bicheche bya kubula kupitaila pa miniti umo, apa bino mutendeke mwisambo wa mepuzho ne mikumbu.
d Ambaipo byambo bicheche bya kubula kupitaila pa miniti umo, apa bino mutendeke mwisambo wa mepuzho ne mikumbu.