Bisangilu bia mudimu bua Kasuabanga
Lumingu lua dia 6 Kasuabanga
Min. 10: Mamanyisha a mu tshisumbu ne mamanyisha makumbanyine a mu Mudimu wetu wa Bukalenge.
Min. 15: “Lumu luimpe bua badipuekeshi.” Diyukidilangana ne bateleji. Ulongolole dinaya dia tshilejilu dimue anyi abidi ku diambuluisha dia maleja mafile.
Min. 20: “Ngumu ya Bukalenge ya pa buayi bua bantu buonso.” Muyuki ne diyukidilangana. Kudi mutangidi wa mudimu. Wakule bua malu makumbaja mu diumvuangana ne diabanya dia Ngumu ya Bukalenge. Umanyishe nangananga se: mapangadika mangata bua mudimu wa buambi mmanemeka ne kabidi bamanyishi bapiabapia badi pabu benza mudimu eu bua musangu wa kumpala. Umvuije mushindu udi mudimu muenzeke mu teritware too ne ku lelu; Bianulombabu diambuluisha kudi tshisumbu tshikuabu, umvuija tshidi tshikengela kuenza. Kankamija muntu yonso bua kuenza madikolela a pa mutu bua kujikija Ngumu ya Bukalenge mu tshibutshilu. Uzangike mushinga wa kufunda mamanyisha bua dijinga dia kumanya bia bungi dileja ne kuenza makumbulula ne tshipatshila tshia kutuadija malonga a Bible. Dinaya dia tshilejilu dishindamena pa dileja difila.
Musambu wa 55 ne disambila dia nkomenu.
Lumingu lua dia 13 Kasuabanga
Min. 15: Mamanyisha. “Utu webeja bantu bua dilonga dia Bible anyi?” Bikala dîba mua kumueneka ulombe bateleji bua kulondabu malu makankamiji mamona mu diabanya dia Ngumu ya Bukalenge.
Min. 15: Bidi tshisumbu tshikengela, anyi muyuki muashila pa tshiena-bualu tshia “Mudi bena nkristo bandamuna ku dibatobolola dia patoke.” tshipatula mu Tshibumba tshia Nsentedi tshia mu dia 1 Tshisanga 1995, mabeji 26-9.
Min. 15: “Bua tshinyi kufunda note bua bantu bapangila ku mabu?” Mu nkonko ne mandamuna.
Musambu wa 60 ne disambila dia nkomenu.
Lumingu lua dia 20 Kasuabanga
Min. 10: Mamanyisha. Luapolo lua tshibutshilu.
Min. 15: “Tuidikijayi tshitembelu tshietu pa kuikala batuadi ba butoke.” Mu nkonko ne mandamuna.
Min. 20: “Tshimanyinu tshidi tshipetesha disungidibua.” Diyukidilangana ne bateleji. Dinaya dia tshilejilu dimue anyi abidi aleja mushindu wa kuenza makumbulula.
Musambu wa 45 ne disambila dia nkomenu.
Lumingu lua dia 27 Kasuabanga
Min. 10: Mamanyisha. Ukankamije bamanyishi bua kuangatabu mudimu wa bumpanda-njila buambuluishi mu diikisha dia Nowele. Nukonkonone malu malombibue maleja mu mukanda wa Badilongolole bua kuenza mudimu wetu bimpe, mabeji 113-14.
Min. 15: Mandamuna ku nkonko yenu. Mu nkonko ne mandamuna. Umvuija bua tshinyi tudi tubabidila bia bungi bisangilu pa kubilongolola ne kulua ne mikanda yonso yakonkononyibua ku Nzubu wa Bukalenge.
Min. 20: Tufilayi mukanda wa Création mu Tshisua-munene. Tela mêyi a bantu bavua basankidile mukanda wa La vie: comment est-elle apparue? Évolution ou création? (Tangila Tshibumba tshia Nsentedi tshia mu dia 15 Luabanya 1987, dibeji 32; tshia mu dia 1 Lumungulu 1986, dibeji 32; tshia mu dia 1 Kabitende 1986, dibeji 31 [mu mfualanse].) Ukoke ntema pa bimfuanyi bia mu mabeji 6, 236-7 ne 245, uleje mushindu wa kukuata nabi mudimu bua kutuadija mayukidilangana. Dinaya dia tshilejilu: Mumanyishi údí ne makokeshi udi umvuija mu dileja diende se: muntu yonso udi ne bua kuenza disungula biasuaye kupeta muoyo wa kashidi; neatumike ne ngenyi ne mvese ya mu mabeji 250-1. Uvuluije bamanyishi bua kuangatabu mikanda eyi bua kuya nayi mu buambi ku ndekelu kua lumingu.