Bisangilu Bia Mudimu Bua Tshiongo

Lumingu lua dia 6 Tshiongo

Musambu 134

Min. 10: Mamanyisha. Mamanyisha makumbanyine a mu Mudimu wetu wa Bukalenge.

Min. 15: “Nnganyi wateleja mukenji wetu?” Mu nkonko ne mandamuna. Sakidila ngenyi miangatshila mu Réveillez-vous ! wa dia 22 Luabanya 1987, dib. 5, pa kuleja mushindu udi mukenji wetu ukoka ntema.

Min. 20: “Dîyi dia Nzambi didi ditulombola.” (bik. 1-6) Mu mbangilu webe, utumike ne bik. 1-2. (Tumika kabidi ne mukanda wa Comment raisonner, mab. 51-2, bua kuela kashonyi mu tshikoso pa “Tubingila tunayi tua dikonkonona Bible.” [Raisons d’examiner la Bible.]) Dinaya dia tshilejilu pa ngenzelu mifila mu bik. 3-6 kudi bamanyishi bakumbane. Ebeja bateleji bua kuambabu (1) mushindu uvua nkonko miela miambuluishe bua kusonsola dijinga dia kumanya, (2) muvua mvese mitumika nayi miumvuangane ne tshiena-bualu tshikonkonona, (3) muvua bualu bua mapa buleja, (4) muvua dikumbulula dikale dilonda bia meji diyukidilangana dia kumpala ne (5) muvuabu balombe muntu bua kutuadija dilonga.

Musambu 75 ne disambila dia nkomenu.

Lumingu lua dia 13 Tshiongo

Musambu 100

Min. 5: Mamanyisha. Luapolo lua konte.

Min. 20: “Diambuluisha mu tshikondo tshiakanyine.” Mu nkonko ne mandamuna. Zangika ngenyi ya mushinga ya mu wonso wa ku mikanda mipiamipia.  

Min. 20: “Dîyi dia Nzambi didi ditulombola.” (bik. 7-9) Ela nseka pa ka-tshiena-bualu “Dikengedibua dia kulombodibua” mu Tshibumba tshia Nsentedi tshia dia 1 Lumungulu 1993, dib. 3. Amba bua tshinyi maleja etu adi ne bua kuela kashonyi pa mushinga wa kukeba diambuluisha dia muntu mutumbuke ku bonso: Nzambi. Lomba mumanyishi kampanda bua kuenza mu dinaya dia tshilejilu ngenzelu mifila mu bik. 7-8. Ela kashonyi bua kipatshila ketu ka ndekelu kadi ne bua kuikala ka kutuadija dilonga dia Bible ku diambuluisha dia mukanda wa Dimanya.    

Musambu 197 ne disambila dia nkomenu.

Lumingu lua dia 20 Tshiongo

Musambu 209

Min. 10: Mamanyisha. “Bisangilu bilenga.” (bik. 1-12) Diyukidilangana ne bateleji.

Min. 15: “Tudifilayi ku budisuile.” Mu nkonko ne mandamuna. Fila imue nseka miangatshila mu Tshibumba tshia Nsentedi tshia dia 1 Tshimungu 1984, dib. 24 (Mfual.).

Min. 20: “Tusankayi bua didiunda didi Nzambi utupetesha.” Muyuki wa musangelu kudi mukulu. Ku diambuluisha dia mikanda ya Annuaires ya ndekelu, tela malu menzeke peshi fila bijadiki bia didiunda mu matunga matela.

Musambu 41 ne disambila dia nkomenu.

Lumingu lua dia 27 Tshiongo

Musambu 223

Min. 10: Mamanyisha. “Bisangilu bilenga.” (bik. 13-18) Muyuki.

Min. 20: “Tutumikayi mu Kalasa ka Mudimu wa Teokrasi.” Muyuki kudi mutangidi wa kalasa. Manyisha bungi bua balongi bafunda mu kalasa ne kankamija aba bonso badi bakumbane bua kudifundishabu. Bua bidi bitangila midimu ya balongi, konkononayi mamanyisha adi mu “Programe wa Kalasa ka Mudimu wa Teokrasi bua 1997.”

Min. 15: Mikanda ituafila mu Luishi. Netufile mukanda kayi wonso wa mabeji 192 mupatula kumpala kua 1984. Bikala tshisumbu katshiyi nayi mu stoke, nutumike ne mukanda wa Mushindu wa kupeta lupandu luebe ne kupiana buloba bupiabupia. Manyisha mikanda idiku mu tshisumbu. Sungulayi ibidi peshi isatu idi miakanyine teritware wenu. Ku diambuluisha dia mukanda wa Comment raisonner, mab. 9-14, tangilulayi mu tshikoso mbuelelu idi miakanyine bua mukanda wonso. Longolola dinaya dia tshilejilu dimue anyi abidi.

Musambu 166 ne disambila dia nkomenu.