Bisangilu bia Mudimu bua Tshimungu

Lumingu lua dia 3 Tshimungu

Musambu 110

Min. 10: Mamanyisha. Mamanyisha makumbanyine a mu Mudimu wetu wa Bukalenge. Akula bua luapolo lua mudimu wa tshisumbu bua ngondo wa Kashipu, bikalalu lumana kuenza. Mapiamapia a teokrasi.

Min. 15: “Mbualu bulenga kayipu bua kuikala misangu yonso mu bisangilu!” Mu nkonko ne mandamuna. Fila imue ngenyi miangata mu Réveillez-vous! wa dia 8 Kabalashipu 1988, mabeji 19-21, bua kukankamija bansonga bua kubuela mu bisangilu bionso.

Min. 20: “Bantu netu badi ne dijinga dia kumvua lumu luimpe.” Longolola bua bamanyishi babidi anyi basatu bakumbane batangilule bua kuvuluka ngenyi-mifila mileja bua difila dia imue broshire idi mu stoke wa tshisumbu. Umvuija bua tshinyi ngenyi eyi idi mua kupatula bipeta bimpe mu teritware. Shindika tshipatshila tshia kutuadija malonga a Bible ku diambuluisha dia broshire wa Utulomba anyi mukanda wa Dimanya. Enzayi manaya a tshilejilu abidi adi aleja dimonangana dia kumpala ne dikumbulula didi dilonda, muikalabu mua kulomba muntu bua dilonga dia Bible.

Musambu 73 ne disambila dia nkomenu.

Lumingu lua dia 10 Tshimungu

Musambu 116

Min. 10: Mamanyisha. Luapolo lua konte. Lomba bamanyishi bonso bua bele meji bikole bikalabu mua kuenza bumpanda-njila buambuluishi mu Kabitende, bu mudi ngondo eu utuadija tshidimu tshipiatshipia tshia mudimu.

Min. 15: Bidi tshisumbu tshikengela.

Min. 20: Lungenyi lua bulongolodi ebu ludi luenda lukulùnga anyi? Muyuki muenza kudi mukulu, bilondeshile Tshibumba tshia Nsentedi tshia dia 1 Kasuamansense 1997, mabeji 25-29.

Musambu 182 ne disambila dia nkomenu.

Lumingu lua dia 17 Tshimungu

Musambu 18

Min.  8: Mamanyisha. Umvuija mu mêyi makese malu adi mu kazubu ka: “Tuyibale mu mushindu mujalame!”

Min. 12: “Dikumbula dìdì mua kuikala dibenesha.” Diyukilangana pankatshi pa bakulu babidi. Umvuijayi bipatshila bia mudimu wa bulami, bu mudibi biumvuija mu Tshibumba tshia Nsentedi tshia dia 15 Kabitende 1993, mabeji 20-23. Kankamija bena mu tshisumbu ne luya luonso bua batekemene dikumbula dia bakulu.

Min. 25: “Udi mua kuenza mudimu wa bumpanda-njila anyi?” (bik. 1-14) Mutangidi wa mudimu udi wamba mêyi makese a mbangilu bua kusaka bamanyishi bonso ku diela meji bikole ku mudimu wa bumpanda-njila bua pa tshibidilu. Pashishe udi ukonkonona lukonko 1 ne ufila kabidi mumvuija mangata mu bikoso bidi muinshi mua ka-tshiena-bualu: “Un esprit pionnier enthousiaste,” mu Annuaire 1998, mabeji 104-105. Bena mu tshisumbu babidi anyi basatu badi bamonemone malu mu mudimu wa bumpanda-njila badi bamulonda pa tshiakuidi bua kuyukila pa lukonko 2. Badi bumvuija mu mushindu muakanyine ne udi ukuatshisha mudi muntu mua kudiambuluisha ku mubidi padiye mpanda-njila. Pashishe, baledi babidi badi badisangisha kudi kasumbu aka bua kukonkonona lukonko 3. Badi bafila tubingila tuimpe tudi mua kuenza ne: bansonga bele meji bikole pa bualu bua kuvuija mudimu wa ku dîba ne ku dîba mudimu wabu wa luonso. Kankamija bateleji bonso bua balue mu Tshisangilu tshia Mudimu tshia lumingu ludi lulonda, muakonkononabu nkonko ya ndekelu idi mishale.

Musambu 80 ne disambila dia nkomenu.

Lumingu lua dia 24 Tshimungu

Musambu 155

Min. 15: Mamanyisha. Umanyishe malongolola menza bua bumanyishi bua mu Disambombo ne Dia lumingu dia kumpala mu Kabitende ne lomba bantu bonso bua badifilemu. Umvuija mu mêyi makese “Ndongamu mupiamupia wa mpuilu wa tshijengu.”

Min. 30: “Udi mua kuenza mudimu wa bumpanda-njila anyi?” (bik. 15-25) Muyuki ne diyukidilangana kudi mukulu. Longolola bua bampanda-njila ne bakuabu bavua benze mudimu eu kale bua bakule ne muoyo umue pa lukonko 4 ne 5. Badi bashindika mushinga wa kuikala ne ndongamu muimpe ne kumunemeka, ne badi bafila bilejilu bidi bipatula bipeta bimpe bia ndongamu wa buambi wa ku lumingu. Mukulu udi ukomesha mu diandamuna ku lukonko 6 mu mushindu udi usaka ku dienza. Dia 1 Kabitende ke ntuadijilu wa tshidimu tshia mudimu, ne ke tshikondo tshiakanyine tshia kutuadija mudimu wa ku dîba ne ku dîba. Mabeji a dilomba dia mudimu eu adi mua kupeteka kudi umue wa ku bena mu komite wa mudimu wa tshisumbu.

Musambu 51 ne disambila dia nkomenu.

Lumingu lua dia 31 Tshimungu

Musambu 114

Min. 10: Mamanyisha. Vuluija muntu yonso bua kufila luapolo luende lua mudimu bua Tshimungu. Akula bua difila dia mu Kabitende.

Min. 15: Bidi tshisumbu tshikengela anyi “Ndi muditekeshe anyi?” Muyuki kudi mukulu, muangatshila mu Tshibumba tshia Nsentedi tshia dia 15 Tshisua-munene 1987, mabeji 18-19, bikoso 14-16 (Mfual.). Kankamija aba badi bazanzamuke mu mudimu wa tshijila munkatshi mua bidimu bua kuelabu meji pa bungi bua mudimu wabu ne ngikadilu wawu.

Min. 20: Muntu yonso wa kutudi udi mua kufila bumanyishi bua mu mpukapuka. Muyuki ne diyukidilangana ne bateleji diangatshila mu Tshibumba tshia Nsentedi tshia dia 15 Kasuamansense 1987, mabeji 22-27 (Mfual.). Leja mudi bantu badi ne midimu ya ku mubidi, ne majitu a mu dîku anyi abu nkayabu mua kupeta dituku dionso bikondo bivule bia kumanyisha bakuabu lumu luimpe. Tela malu mamona a muaba unudi.

Musambu 76 ne disambila dia nkomenu.