Bisangilu bia Mudimu bua Tshiongo
Lumingu lua dia 4 Tshiongo
Musambu 36
Min. 10: Mamanyisha. Mamanyisha makumbanyine a mu Mudimu wetu wa Bukalenge. Binuikala ne bua kushintulula mêba a bisangilu mu dia 1 Tshiongo, vulukayi bua kumanyisha bantu ndongamu mupiamupia mu buambi.
Min. 15: “Tukuate mudimu bimpe ne mikanda ya kale.” Mu nkonko ne mandamuna. Manyisha mikanda ya kale idi mu stoke wa tshisumbu. Leja amue malu adi akoka ntema adimu, ne umvuija mudibu mua kualeja bantu bakuabu. Kankamija bantu bonso bua kufila mikanda eyi mu mudimu wa buambi ne padibu benza buambi bua mu mpukapuka mu Tshiongo. Enzayi dinaya dia tshilejilu pa dileja dîpi ne dipepele.
Min. 20: Tuenzayi disungula didi diumvuangana ne mikenji bua luondapu ludi kaluyi lua mashi. (Bien. 15:28, 29) Muyuki kudi mukulu mukumbane muashila pa karte ka “Instructions médicales/Pas de sang.” Panyima pa tshisangilu etshi, nebapeshe Bantemu batambule karte kapiakapia, ne aba badi ne bana bashadile badi kabayi banji kutambula nebapete Karte ka bumuntu bua muana yonso. Kanuuji tuarte etu dilolo edi to. Nenuujile kumbelu ne ntema yonso, kadi KANUTUPU BIALA NANSHA. Ditua tshiala kudi muena karte, mêna a bajadiki ne dituku nebifundibue pa tuarte tuonso ku ndekelu kua Dilonga dia Mukanda dia Tshisumbu dialonda, ku buludiki bua mulombodi wa dilonga dia mukanda. Kumpala kua kutua tshiala, wikala mujadike ne: karte nkuuja konso bimpe. Aba badi batua biala bu bajadiki badi ne bua kumona mudi muena karte utuapu tshiende tshiala. Pa kuakaja mêyi mafunda pa karte ne nsombelu wabu ne mitabuja abu, bamanyishi badi kabayi batambule badi mua kudifundila wabu mukanda wa mêyi buabu ne bua bana babu. Balombodi ba dilonga dia mukanda nebenze dibeji dia mêna bua kujadika bikala bantu bonso ba mu tusumbu tuabu bapete diambuluisha didi dikengedibua bua kuuja karte.
Musambu 61 ne disambila dia nkomenu.
Lumingu lua dia 11 Tshiongo
Musambu 88
Min. 10: Mamanyisha. Luapolo lua konte.
Min. 20: “Dipangadika dietu ndia kulonda njila wa muoyo wa Yehowa.” Muyuki. Kankamija bonso bua kubuela pa tshibidilu mu bisangilu bionso bitanu bia tshisumbu ku lumingu.
Min. 15: “‘Nuikale ne lutulu.’” Diyukidilangana dia bena mu dîku. Badi bakula pa mishindu idibu mua kuleja lutulu mu buambi mu mushindu mualabale. Nubuejemu mumvuija makumbanyine mangata mu Tshibumba tshia Nsentedi tshia dia 15 Kabalashipu 1995, dibeji 12.
Musambu 135 ne disambila dia nkomenu.
Lumingu lua dia 18 Tshiongo
Musambu 169
Min. 5: Mamanyisha.
Min. 10: Bidi tshisumbu tshikengela.
Min. 15: “Batangidi badi balombola—Balombodi ba Dilonga dia Mukanda dia Tshisumbu.” Muyuki kudi mulombodi wa dilonga dia mukanda wa tshitembu, udi umanyisha majitu ende. Udi uleja mudi mudimu eu wambuluisha bua dilubuluka ne diakalenga dia mu nyuma dia tshisumbu. Buejamu mumvuija a mushinga mangata mu mukanda wa Badilongolole bua kuenza mudimu wetu bimpe, mabeji 43-45, 74-76.
Min. 15: “Tutuadijayi malonga mu broshire wa Utulomba.” Mu nkonko ne mandamuna.
Musambu 197 ne disambila dia nkomenu.
Lumingu lua dia 25 Tshiongo
Musambu 201
Min. 10: Mamanyisha.
Min. 15: “Dishintulula bungi bua mêba malomba bampanda-njila.” Muyuki kudi mukulu. Ela bampanda-njila ba mu tshisumbu kalumbadi ne ukankamije bamanyishi ba bungi bua benza mudimu wa bumpanda-njila buambuluishi anyi bua pa tshibidilu, balame lungenyi lua kuvudija mudimu mu Luabanya, Tshisanga ne Lumungulu. Angata kabidi ngenyi ya mu tshisakidila tshia Mudimu wetu wa Bukalenge wa Luabanya 1997 ne wa Tshimungu 1998.
Min. 20: Utu ukonkonona Mifundu dituku dionso anyi? Muyuki ne diyukilangana ne bateleji. Tshidimu tshionso Société utu upatula broshire wa Tukonkononayi Mifundu dituku dionso. Utuku ukuata nende mudimu bimpe pa nkayebe peshi mu dîku anyi? Umvuija tubingila tua mushinga tutudi ne bua kukonkonuena mvese wa dituku dionso. Wakule bua mêyi a mbangilu a mu broshire wa Tukonkononayi Mifundu dituku dionso—1999, mabeji 3-4. Lomba bamanyishi bua balonde mutubu benza madikolela a pa buawu bua kukonkonona ne lulamatu mvese wa ku dituku ne mumvuija ende pa nkayabu anyi mu dîku.
Musambu 225 ne disambila dia nkomenu.