Ndongamu wa Bisangilu bia Mudimu

DIMANYISHA: Nebapatule mu Mudimu wetu wa Bukalenge ndongamu wa Tshisangilu tshia Mudimu bua lumingu luonso bituadijile ku ngondo wa Kabalashipu too ne wa Tshimungu. Bisumbu bidi mua kumuakajilula mudibi bikengela bua kupetesha bantu mushindu wa kubuela mu Mpungilu wa Distrike wa “Benji ba Dîyi dia Nzambi.” Pikalabi bikumbanyine, nuangate minite 15 mu Tshisangilu tshia Mudimu tshia ndekelu kumpala kua mpungilu bua kuvuluijangana malu adi mu tshisakidila etshi. Kankamija muntu yonso bua ikale utangila biena-bualu bidi pa dibeji dia ndongamu wa mpungilu mu dinda dionso ne mu mapingaja bua kudianjila kumanya malu aluabu kukonkonona. Muanda eu neutuambuluishe bua kushindika ngenyi yetu pa malu adibu bakonkonona ne kufunda makuabu adi ne mushinga mu miaku mikese. Mbingu ibidi anyi inayi kunyima kua mpungilu, nebakonkonone mu minite 30 mu Tshisangilu tshia Mudimu, malu manene a mu mpungilu. Tshikondo atshi, muntu yonso neadilongolole bua kuandamunaku mu tshikoso pamuelabu lukonko kudi bana betu ba balume basatu basungulabu bua kulombola tshitupa tshia tshisangilu etshi. Mandamuna aa nealeje patoke mushindu utudi mua kutumikila malu malonga mu mpungilu: mu nsombelu wetu tuetu bine ne mu mudimu wetu wa buambi. Nudi mua kuakula mu tshikoso bua bualu bumue anyi abidi mamone panuvua mu mpungilu. Tuetu badilongolole bimpe bonso, Tshisangilu tshia Mudimu etshi netshilengele ne netshituambuluishe mu nyuma.

Lumingu lua dia 8 Lumungulu

Musambu 125

Min. 15: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Mukulu umue neakonkonone bimpebimpe dimanyisha didi ku ntuadijilu edi dia diakajilula dia Tshisangilu tshia Mudimu.

Min. 15: “Utu wangata bintu bia tshijila ne mushinga anyi?” Muyuki kudi mukulu. Shindika ne leja mudibi ne mushinga bua kubuela mu mpungilu wa distrike matuku onso asatu.

Min. 15: “Malu enu onso, nuenze ne dinanga.” Mu nkonko ne mandamuna.

Musambu 201 ne disambila dia nkomenu.

Lumingu lua dia 15 Lumungulu

Musambu 134

Min. 13: Mamanyisha. Luapolo lua konte.

Min. 16: “Tuikalayi ne ntema ku mêyi a Nzambi a tshijila.” Mu nkonko ne mandamuna. Leja patoke bua tshinyi tuetu bonso tudi ne bua kuikala pa miaba yetu ku ntuadijilu kua tshitupa tshionso tshia mpungilu.

Min. 16: “Ikala ne bikadilu bilenga bidi bitumbisha Nzambi.” Mukulu udi ukonkonona tshiena-bualu etshi ne bena dîku kampanda. Badi bakonkonona malu atudi ne bua kuenza bua kulama bulongame, bikadilu bimpe, mankenda, mmuenekelu wa tshitembu ne bienzedi biakane mu bantu.

Musambu 203 ne disambila dia nkomenu.

Lumingu lua dia 22 Lumungulu

Musambu 36

Min. 12: Mamanyisha. Mandamuna ku nkonko yenu.

Min. 20: “Nushale batabale.” Mu nkonko ne mandamuna. Umvuija bua tshinyi bidi bikengela kushala batabale mu nyuma nansha mutudi katuyi bamanye dituku ne dîba.​—Tangila Tshibumba tshia Nsentedi 1 Kasuabanga 1995, dib. 20.

Min. 13 Min: Ntshinganyi tshiudi mulongolole bua ngondo idi kumpala eku? Bena dîku kampanda badi bayukila bua kumanya malu enzabu mu ngondo yalua. Badi bayukilangana pa mushindu wa kubuela mu mpungilu matuku onso asatu ne kuenza bumpanda-njila buambuluishi mu ngondo umue peshi ya bungi. Badi bayukila kabidi bua mushindu wa kuya kuendakanaku mu muaba kampanda anyi kuenza makuabu malu mimpe bua kujikija mukodi. Badi bumvuangana bua kubenga kulengulula midimu yabu ya teokrasi.

Musambu 83 ne disambila dia nkomenu.

Lumingu lua dia 29 Lumungulu

Musambu 135

Min. 12: Mamanyisha. Vuluija muntu yonso bua afile luapolo luende lua mudimu bua ngondo wa Lumungulu. Dinaya dia tshilejilu dîpi dileja mushindu wa kufila mikanda mu Kabalashipu. Leja mushindu wa kutuadija kulonga Bible ne muntu mu broshire wa Utulomba pa dilongesha 13.

Min. 15: “Mudimu webe wa tshijila ukupeteshe disanka.” Muyuki. Uleje bua tshinyi tudi tusanka bua mudimu wetu wa buambi.​—Tangila mukanda wa Étude perspicace, Vol. 2, mab. 45-46.

Min. 18: Dibala dia Bible didi difuta. Muyuki ne dinaya dia tshilejilu bishindamene pa mukanda wa Manuel pour l’École, mabeji 33-34, bikoso 6-7. Ndongamu wa dibala dia Bible mutubu bapatuila malu manene ntshimue tshia ku bitupa bia Kalasa ka Mudimu wa Teokrasi. (Mudimu wetu wa Bukalenge wa Tshisua-munene 1999, dib. 7) Lomba dîku kampanda bua dileje mushindu udidi mua kuikala didilongolole bua tshitupa tshia dibala dia Bible dia lumingu elu mu Kalasa ka Mudimu wa Teokrasi. Bena dîku aba badi baleja bualu bumue anyi abidi mimpe ne makuabu adibu bapeta mu makebulula adibu benza ku diambuluisha dia mukanda wa Index peshi wa Étude perspicace. Leja mudi dibala dia Bible mua kutamba kulengela, kutuambuluisha bua ‘kumanyisha dîyi dia bulelela menemene.’​—2 Tim. 2:15, MML.

Musambu 95 ne disambila dia nkomenu.

Lumingu lua dia 5 Kabalashipu

Musambu 37

Min.  5: Mamanyisha.

Min. 10: Majinga a tshisumbu.

Min. 15: “Newikalemu anyi?” Muyuki ne malu mamona, bilombola kudi mukulu. Katshia mu bikondo bivuabu bafunda Bible, bisangilu binene mbiambuluishe bikole bantu ba Nzambi mu dibakolesha mu nyuma. (Tangila Prédicateurs, dib. 254, bik. 1-3, ne Étude perspicace, Vol. 1, dib. 882, tshik. 3.) Kankamija muntu yonso bua atuadije kudilongolola bua kubuela mu mpungilu wa distrike wa tshidimu etshi matuku onso asatu. Lomba bateleji bua balonde muvuabu bapete dikuatshisha dia mu nyuma bua pavuabu benze muabu muonso bua kubuela mu mpungilu wa tshidimu tshishale.

Min. 15: “Mmunyi mudibu mua ‘kuanji kubateta’?” Muyuki kudi mukulu. Nukonkonone mvese ya mu Bible idi ileja bua tshinyi mbimpe basadidi ba mudimu bikale mu tshisumbu. (Tangila Étude perspicace, Vol. 2, dib. 289.) Leja ngikadilu idibu ne bua kukumbaja bangabanga ne kubateka bu basadidi ba mudimu. (Tangila Mudimu wetu, mab. 55-57.) Leja patoke midimu idi basadidi ba mudimu ne bua kuenza, ne ukankamije bana betu ba balume ba bungi bua kulumbila bua kulua pabu basadidi ba mudimu.

Musambu 82 ne disambila dia nkomenu.