Diambulula dia mu Kalasa ka Mudimu wa Teokrasi

Diambulula edi nedienzeke ne mikanda mibuikila pa biena-bualu bilonga mu Kalasa ka Mudimu wa Teokrasi kutuadija ku lumingu lua dia 4 Kabitende too ne lua dia 18 Tshisua-munene 2000.

[Dimanyisha: Padi diambulula dienzeka, wenze mudimu anu ne Bible nkayende. Mikanda mitela idi kunyima kua lukonko luonso neyikuambuluishe mu makebulula ebe nkayebe. Nimero ya mabeji ne ya bikoso ki mmifila yonso bua makebulula ebe mu Tshibumba tshia Nsentedi to.]

Andamunayi Bulelela peshi Dishima ku biambilu bidi bilonda ebi.

1. Davidi wakakandika Abishai bua kashipi Shimei bualu Davidi uvua udiumvua mupile mu malu avua Shimei umuamba. (2 Sam. 16:5-13) [Dibala dia Bible dia ku lumingu luonso; tangila w99 1/5 dib. 32 tshik. 3.]

2. Kuondo ka muoyo kakezuke ne kalongesha bimpe kakena anu kafikisha muntu ku dikala ne malanda mimpe ne Nzambi to, kadi kabidi ne mushinga wa bungi bua kutufikisha ku lupandu. (Eb. 10:22; 1 Pet. 1:15, 16) [w98 1/9 dib. 4 tshik. 4]

3. Malu mafunda mu mukanda wa 1 Bakelenge adi ne mushinga anu mukese patupu bua muena Kristo bualu anu bakalenge 2 ba ku 14 bakakokesha mu Isalele ne Yuda kunyima kua lufu lua Solomo ke bakenza malu avua makane ku mêsu kua Yehowa. [si-F dib. 64 tshik. 1]

4. Tudi mua kufuanyikija Bukokeshi bua Bidimu Tshinunu bua Yezu ne bukokeshi bua Solomo bua ditalala ne nsombelu mulenga bua bidimu 40. (1 Bak. 4:24, 25, 29) [Dibala dia Bible dia ku lumingu luonso; tangila w90-F 1/6 dib. 6 tshik. 5.]

5. Bu muakajikabu Abiya biakane, bidi bileja patoke ne: uvua mutendeledi muena lulamatu wa Yehowa, muntu umuepele wa mu nzubu mua Yalobama. (1 Bak. 14:10, 13) [Dibala dia Bible dia ku lumingu luonso; tangila w95 1/4 dib. 12 tshik. 11.]

6. Padi muntu utambula ulua muena Kristo bidi bileja ne: mmulue musadidi wa Nzambi mupie. [w98 1/10 dib. 28 tshik. 2]

7. Yehowa wakapesha Eliya dikima ditu kadiyi dia bantu ne wakamukuba ku dikala ne buôwa. (1 Bak. 18:17, 18, 21, 40, 46) [Dibala dia Bible dia ku lumingu luonso; tangila w98 1/1 dib. 31 tshik. 2.]

8. Ntempelo wa Solomo uvua nzubu munene uvua ukemesha bantu ki ng’anu bua butumbi buende ne bua bintu bia mushinga mukole bivuabu bamuibake nabi to, kadi mbua muvuaye udianjila kuleja mu tshimfuanyi ntempelo wa mu nyuma wa Yehowa udi mutambe kuikala ne butumbi bunene. [si-F dib. 69 tshik. 26]

9. Difofomija mêsu a basalayi ba bena Sulia bilondeshile muakasambila Elisha divua dia mu lungenyi bualu bavua bamona Elisha kadi kabayi mua kujadika ne: uvua nganyi to. (2 Bak. 6:18, 19) [Dibala dia Bible dia ku lumingu luonso; tangila si-F dib. 71 tshik. 10.]

10. Kupesha mukalenge “mukanda wa dipungila,” bilondeshile 2 Bakelenge 11:12, kuvua tshienzedi tshia mu tshimfuanyi tshivua tshileja ne: mushindu uvua mukalenge umvua Mikenji ya Nzambi ke uvua mujalame ne bantu bavua ne bua kuyitumikila amu nanku. [Dibala dia Bible dia ku lumingu luonso; tangila w91-F 1/2 dib. 31 tshik. 6.]

Andamunayi ku nkonko idi ilonda eyi:

11. Bilondeshile 1 Yone 2:15-17, ntshinyi tshidi baledi badi batshina Nzambi ne bua kukankamija bana babu bua kuepukabu padibu babapesha mibelu ya disungula mudimu muakanyine? [w98 15/7 dib. 5 tshik. 2]

12. Ntshinyi tshidi 2 Samuele 18:8 usua kumvuija padiye wamba ne: ‘Bantu bakafua mu ditu bakapita bantu bakashipibua ku miele ya mvita bungi’? [Dibala dia Bible dia ku lumingu luonso; tangila w87-F 15/3 dib. 31 tshik. 2.]

13. Mbanganyi batudi lelu’eu mua kufuanyikija ne balela ba Goleyata, bantu bale ba mfiondo (bena Refayime), ne ntshinyi tshidibu bipatshila bua kuenza? (2 Sam. 21:15-22) [Dibala dia Bible dia ku lumingu luonso; tangila w89-F 1/1 dib. 20 tshik. 8.]

14. Ndîyi kayi dia mu Bible didi ne mushinga ditudi tulonga mu 2 Samuele 6:6, 7? [si-F dib. 63 tshik. 30]

15. Ndîyi kayi dia mushinga ditudi mua kulongela ku bualu bua muntu uvuabu bashipe bualu kavua munemeke dituku dia Nsabatu? (Nom. 15:35) [w98 1/9 dib. 20 tshik. 2]

16. Mmu dienza tshinyi mutudi mua kuidikija mukalenge-mukaji wa ku Sheba, wakenza luendu lule bua kulua kumvua ‘lungenyi lua Solomo’? (1 Bak. 10:1-9) [Dibala dia Bible dia ku lumingu luonso; tangila w99 1/7 dib. 31 tshik. 1-2.]

17. Bilondeshile 1 Bakalenge 17:3, 4, 7-9, 17-24, mmishindu kayi isatu ivua Eliya muleje ditabuja divuaye nadi kudi Yehowa? [Dibala dia Bible dia ku lumingu luonso; tangila w92-F 1/4 dib. 19 tshik. 5.]

18. Bua tshinyi muvua Nabota mubenge bua kupanyisha Ahaba budimi buende bua mvinyo kabiena bisua kuleja ne: uvua ne tshitunu? (1 Bak. 21:2, 3) [Dibala dia Bible dia ku lumingu luonso; tangila w97 1/8 dib. 13 tshik. 18.]

19. Mmunyi mudi mêyi adi mu 2 Bakalenge 6:16 makankamije basadidi ba Yehowa lelu? [Dibala dia Bible dia ku lumingu luonso; tangila w98 15/6 dib. 18 tshik. 5.]

20. Mmushindu kayi udi bena Kristo balelela lelu’eu mua kudilama ku buena-Simona? [w98 15/11 dib. 28 tshik. 5]

Kumbajayi miaba idi mishale patupu mu biambilu bidi bilonda ebi:

21. Muena Kristo mulelela kêna ne bua ․․․․․․․․ ne kubuela mu bilele bidi bibungamija ․․․․․․․․. (Nsu. 29:25; Mat. 10:28) [w98 15/7 dib. 20 tshik. 5]

22. Paulo wakayisha ne ․․․․․․․․ kumpala kua Mukalenge Agipa, muikale ushindika malu avuaye yeye ne Agipa ․․․․․․․․. (Bien. 26:2, 3, 26, 27) [w98 1/9 dib. 31 tshik. 3]

23. Bu mudi Nzambi ․․․․․․․․, bamue bantu badi mua kuela meji ne: ki mmuntu to; kadi ․․․․․․․․ dia pa tshibidilu ne dikolesha nediambuluishe muntu bua ‘kumona Eu utu kayi umueneka.’ (Eb. 11:27, NW) [w98 15/9 dib. 21 tshik. 3-4]

24. Anu bu muakenzekabi bua ․․․․․․․․, munene wa basalayi wa mu Sulia, imue misangu ․․․․․․․․ dikese ditu dipetesha masanka a bungi. [Dibala dia Bible dia ku lumingu luonso; tangila w99 1/2 dib. 3 tshik. 6–dib. 4 tshik. 1.]

25. Bu muvua mutshima wa Yehonadaba muikale ne Mukalenge Yehu, ․․․․․․․․ udi lelu’eu witaba ne muoyo mujima ne wenza mudimu pamue ne ․․․․․․․․, Yehu Munene udi muleja mpala pa buloba kudi ․․․․․․․․. (2 Bak. 10:15, 16) [Dibala dia Bible dia ku lumingu luonso; tangila w98 1/1 dib. 13 tshik. 5-6.]

Sungulayi diandamuna dijalame mu tshionso tshia ku biambilu bidi bilonda ebi:

26. (Satana; Yehowa; Yoaba) ke wakasaka Davidi ku dienza mpekatu pa ‘kubala bungi bua bena Isalele.’ (2 Sam. 24:1) [Dibala dia Bible dia ku lumingu luonso; tangila w92-F 15/7 dib. 5 tshik. 2.]

27. Bilondeshile 1 Bakelenge 8:1 ne Muambi 1:1, Solomo wakasangisha bantu bua (kuibaka ntempelo; kulonda baluishi ba bena Isalele; kutendelela Yehowa). [Dibala dia Bible dia ku lumingu luonso; tangila si-F dib. 112 tshik. 3.]

28. Tshikondo tshia bidimu 20 tshivua Solomo muibake ntempelo ne nzubu wende mu Yelushalema ntshifuanangane ne tshikondo tshia diakajilula dia malongesha ne bulongolodi tshiakabanga mu (1919; 1923; 1931) ne tshiakashikila mu (1938; 1942; 1950). (1 Bak. 9:10) [Dibala dia Bible dia ku lumingu luonso; tangila w92-F 1/3 dib. 20 kazubu.]

29. Muaku “diulu” udi mu 2 Bakalenge 2:11 udi uleja (muaba wa mu nyuma udi Nzambi musombele; bukua-mabulunge; tshibuashibuashi tshietu etshi tshidi tshinyunguluke buloba, mudi nyunyu ibuuka ne mpepele ituta). [Dibala dia Bible dia ku lumingu luonso; tangila w97 15/9 dib. 15 kazubu.]

30. (Helode Munene; Kaisa Augusto; Tibelio Kaisa) ke wakatuma dîyi bua dibadika bantu diakafikisha ku diledibua dia Yezu ku Beteleheme pamutu pa ku Nazaleta. [w98 15/12 dib. 7 kazubu]

Suikakajayi mvese idi ilonda eyi ku biambilu bifila kuinshi eku:

Mus. 15:4; 2 Sam. 12:28; 2 Sam. 15:18-22; 2 Bak. 3:11; Kolos. 3:13

31. Tudi ne bua kunemeka mushindu udibu bambike bantu majitu a mu bulongolodi bua Yehowa. [si-F dib. 64 tshik. 30]

32. Tudi ne bua kushala balamate bulongolodi bua Yehowa ne baleji-mpala babu. [si-F dib. 64 tshik. 30]

33. Dianyisha luse lua Yehowa didi mua kusaka muntu bua kudikanda ne kubuikidilangana mapanga. [w98 1/11 dib. 6 tshik. 4]

34. Kuakidila ne kuambuluisha ne budipuekeshi basadidi ba lulamatu ba Yehowa badi mu mudimu wa pa buawu mbualu bua disanka. [Dibala dia Bible dia ku lumingu luonso; tangila w97 1/11 dib. 31 tshik. 1.]

35. Muntu udi utshina Nzambi udi wenza muende muonso bua kukumbaja mêyi ende a kufuta mabanza adiye nawu, nansha malu malue kukola muvuaye kayi mutekemene. [w98 15/11 dib. 27 tshik. 1]