Ndongamu wa Bisangilu bia Mudimu

Lumingu lua dia 9 Kabalashipu

Musambu 81

Min. 10: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Ku diambuluisha dia ngenyi idi mu dibeji dia ndekelu, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Kabalashipu ne Réveillez-vous! wa dia 22 Kabalashipu bikalaku bibejibeji ebi, anyi nuangate bia ngondo ikadi mipite bikala ebi kabiyiku. Mu dinaya dionso, nebaleje muntu bibejibeji ebi bionso bibidi musangu umue, nansha bikalabu bamumvuije anu bualu bua tshimuepele. Ubalaku mvese umue mu dinaya dionso.

Min. 15: “Mudimu wa bena Kristo ke mudimu wetu munene.”a Kankamija bansonga bua batuishile mêsu abu pa mabenesha adibu mua kupeta padibu baditua mu mudimu wa ku dîba ne ku dîba. Buejamu mumvuija adi mu Tshibumba tshia Nsentedi tshia dia 1 Kasuabanga 2000, dibeji dia 19-20 muinshi mua ka-tshiena-bualu ka: “Padi malu a bantu abengangana ne kuondo ka muoyo.”

Min. 20: “Tshikondo tshia pansio ntshikondo tshia wewe kuvudija mudimu anyi?”b Bikalaku mushindu, ela nkonko mikese kudi mumanyishi udi wenza bia bungi mu mudimu wa Yehowa mu tshikondo tshiende tshia pansio. Umukonke bua ambe malu adiye muakaje ne masanka adiye mupete. Tshiena-bualu etshi nenutshikonkonone bilondeshile malu a muaba unudi. Wele bantu bakulumpe kalumbandi bua mudibu bananukila mu mudimu wa buambi.

Musambu 190 ne disambila dia nkomenu.

Lumingu lua dia 16 Kabalashipu

Musambu 55

Min.  8: Mamanyisha a mu tshisumbu. Luapolo lua konte.

Min. 12: Majinga a mu tshisumbu.

Min. 25: “Ikala ne tshisumi tshia ‘kuyisha kuyishilamu.’”c Ela nkonko idibu bafile. Panudi nufika mu tshikoso 5 ne 6, nuenze dinaya dia tshilejilu dîpi pa bidi bitangila diyisha dia padi mpunga umueneka, bayisha muena mudimu kampanda wa mu makazen manene bamupesha trakte kansanga anyi trakte wa Aimeriez-vous en savoir plus sur la Bible? Kumpala kua kukonkonona tshikoso tshia 7 ne tshia 8, nuanji kubala bikoso ebi ne dîyi dikole. Bua kujikija, nubale ne nukonkonone kazubu aka: “Kanubapu muoyo to!”

Musambu 131 ne disambila dia nkomenu.

Lumingu lua dia 23 Kabalashipu

Musambu 95

Min. 10: Mamanyisha a mu tshisumbu. Ku diambuluisha dia ngenyi idi mu dibeji dia ndekelu, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 1 Kashipu ne Réveillez-vous! wa dia 8 Kashipu anyi nuangate bia ngondo ikadi mipite. Mu dinaya dionso, nufile bibejibeji bionso bibidi nansha binuikala bakule anu bua malu adi mu tshimue. Dimue dia ku manaya aa dikale dia mumanyishi umue uyisha mu misesu.

Min. 20: Ntshinyi tshidi muntu mua kuenza padi malu amutekesha mu mikolo? Muyuki ne diyikidilangana ne bateleji muashila pa Tshibumba tshia Nsentedi tshia dia 15 Kasuabanga 1999 dibeji dia 28-29, kukonga ne ka-tshiena-bualu ka: “Ulame mmuenenu muimpe.” Konkononayi ngenyi miakanyine ne mibelu ya mu Bible. Dianjila kulongolola bua mumanyishi umue anyi babidi batu benza mudimu bikole bua kumvuijabu tshitu tshibambuluisha bua kutungunuka ne kuikala anu ne disanka mu buambi.

Min. 15: “Mua kuyisha mu bulongolodi ebu budi buenda anu bushintuluka.”d Panudi nufika mu tshikoso 2 ne 3, webeje bantu malu atu apitakana muaba unudi adi mua kuambuluisha bua kutuadija diyikila ne bantu. Panudi nufika mu tshikoso 4, nuenze dinaya dia tshilejilu dîpi pa kulonda umue wa ku mishindu ya difila bibejibeji idibu baleje mu dibeji edi.

Musambu 15 ne disambila dia nkomenu.

Lumingu lua dia 30 Kabalashipu

Musambu 3

Min. 10: Mamanyisha a mu tshisumbu. Vuluija bamanyishi bua kufila luapolo luabu lua ngondo muisambombo. Konkononayi mikanda ya kufila mu Kashipu ne mu Tshimungu. Tela broshire ibidi idi mu stoke wa tshisumbu tshienu. Enzayi manaya a tshilejilu abidi malongolola bimpe a mushindu wa kuyifila mu buambi. Bua kupeta ngenyi pa mushindu wa kufila broshire eyi, tangila Mudimu wetu wa Bukalenge wa Kashipu 1998, dibeji dia 8. Tudi mua kupeta ngenyi mikuabu pa mushindu wa kufila mikanda mu mukanda wa Index des Publications de la Société Watch Tower ku ka-tshiena-bualu ka: “Présentation” muinshi mua “Liste par publications.”

Min. 15: “Nansha mudibu ne bulema, badi anu bakuama mamuma mimpe.”e Umvuija mushindu udi bakuabu mua kuambuluisha pabu, wangatshile ngenyi ayi mu Réveillez-vous! wa dia 22 Tshimungu 1990 dibeji dia 22-23, muinshi mua ka-tshiena-bualu ka: “Quelle aide apporter?”

Min. 20: Enza mudimu ne Dîyi dia Nzambi bimpe bua kuyisha Bukalenge. Diyukidilangana ne bateleji dialombolabu kudi mutangidi wa mudimu. Tudi tuenza muetu muonso bua kuyikila ne muntu yonso utudi tupetangana nende mu buambi pa lungenyi kampanda lua mu Bible pa bidi bitangila Bukalenge. Kadi tudi ne bua kuenza kabidi bia bungi kupita dibala mvese patupu. Tudi ne bua kumvuija, kufila bilejilu, ne kuleja mua kutumikila ngenyi ayi. Leja mutudi mua kuenza nanku ku diambuluisha dia imue mvese mitela mu mukanda wa Comment raisonner, dibeji dia 175, muinshi mua ka-tshiena-bualu kadi ne maleta menze bu maladika kadi kamba ne: “Les gouvernements humains ne subviennent pas aux besoins urgents de l’humanité.” Kunyima kua diyukidilangana, mumanyishi umue mudilongolole bimpe enze dinaya dia tshilejilu didi dileja mushindu wa kubadilaku muntu utudi tupinganyina mvese umuepele bimpe, kufila mumvuija mimpe ne tshilejilu tshipepele bua kuleja muntu muikalabi mua kumuambuluisha yeye muine mu bukokeshi bua Bukalenge bua Nzambi. Mumanyishi atuadije dinaya edi ne dibala dia mvese au. Kunyima kua dinaya edi, konkonona mushindu uvuaye mumvuije mvese au ne tshilejilu tshivuaye mufile ne mushindu wa kutumikila tshidi mvese wamba. Bela bantu bonso bua balonge mua kukuata mudimu bimpe ne Dîyi dia Nzambi.

Musambu 171 ne disambila dia nkomenu.

Lumingu lua dia 7 Kashipu

Musambu 165

Min. 5: Mamanyisha a mu tshisumbu.

Min. 15: Malu mamonamona a muaba unudi. Ulonde bualu anyi wenze dinaya dia bualu kampanda anu mushindu uvuabu buenzeke buvua bamanyishi ba mu tshisumbu tshienu bamone pavuabu (1) bayisha bantu ba bisamba bishilangane anyi bantu badi bakula miakulu mishilangane peshi pavuabu (2) mu mishindu mikuabu ya diyisha pa kumusha wa ku nzubu ne ku nzubu ne mu misesu. Kankamija bantu bonso bua bikale bakuata mudimu bimpe ne mikanda yetu idiku ya mu miakulu mikuabu padibu bapetangana ne bantu badi basue muakulu mukuabu.

Min. 25: “Tumanyishayi dîna dia Nzambi.”f Ela nkonko idibu bafile. Panudi nufika mu tshikoso 4, ubuejamu mumvuija adi mu mukanda wa Prédicateurs, dibeji dia 124, mu kazubu ka: “Ils font connaître le nom de Dieu.” Lomba mumanyishi mupiluke bua kuenzaye dinaya dia tshilejilu dia mushindu wa kupinganyina muntu uvuabu bayishe. Ku diambuluisha dia mvese ibidi ta isatu miangatshila mu mukanda wa Comment raisonner, dibeji dia 200-201, leja bua tshinyi bidi ne mushinga bua kumanya ne kutela dîna menemene dia Nzambi.

Musambu 197 ne disambila dia nkomenu.

[Mêyi adi kuinshi]