Ndongamu wa Bisangilu bia Mudimu

Lumingu lua dia 8 Luabanya

Musambu 37

Min. 10: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Vuluija bantu bonso bua kulua ne broshire mupiamupia wa ‘Voyez le bon pays‘ mu Tshisangilu tshia Mudimu tshia lumingu lualua. Ku diambuluisha bia ngenyi idi mu dibeji dia ndekelu, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Luabanya ne Réveillez-vous! wa dia 22 Luabanya.a

Min. 15: Tuenze mudimu ne trakte bua kutuadija kuyukila ne bantu. Diyukidilangana ne bateleji. Pa tshibidilu, lutatu lututu nalu mu buambi lutu lua kutuadija diyukidilangana ne bantu. Tudi mua kuenza mudimu ne trakte bua kutuadija muyuki ne muntu mu buambi bua ku nzubu ne ku nzubu, mu kartshie ka bangenda ne mu miaba idi bantu ba bungi. Nuyukidilangane mu mêyi makese pa mushindu wa kufila trakte ibidi anyi isatu itu isankisha bantu mu teritware wenu. Mmêyi kayi a mbangilu atudi mua kuamba bua kumona mua kupesha muntu trakte eyi? Mmunyi mutudi mua kuenza mudimu ne bimfuanyi bidimu? Nkonko kayi itudi mua kujula ne budimu? Wimanyine pa tshikoso kampanda mu trakte yonso tshinudi mua kukonkonona bikala uudi uyukila nende uleja dijinga dia kumanya bia bungi. Nuenza dinaya didi dileja mushindu wa kutuadija muyuki ne trakte. Mumanyishi enze dinaya pa kukonkonona tshikoso tshimue tshia mu trakte mu tshikoso ne pashishe ajikije muyuki wende pa kufila mukanda wa Dimanya.

Min. 20: “Nuenu bonso bantu ba Yehowa, numunangayi.”b Panudi nufika mu tshikoso 3, lomba bateleji bua baleje mushindu uvuabu babikile bantu bua kubuelabu mu Tshivulukilu.

Musambu 131 ne disambila dia nkomenu.

Lumingu lua dia 15 Luabanya

Musambu 121

Min. 10: Mamanyisha a mu tshisumbu. Nukonkonone malu adi mu kazubu ka “Malu a kuvuluka bua Tshivulukilu.” Manyisha dituku dienzeka dilonga dia Tshibumba tshia Nsentedi dia mu lumingu lua Tshivulukilu.

Min. 15: Dilongolole bua kuenza mudimu wa pa buawu mu matuku a Tshivulukilu. Diyukidilangana ne bateleji dienzabu kudi mutangidi wa mudimu. Leja programe wa pa buende udibu balongolole. Londa amue malu mamonamona adi akankamija. Kankamija aba badi ne mushindu wa kuikalabu bampanda-njila bambuluishi mu ngondo muinayi ne muitanu bua kuuja dibeji dia dilomba. Wambulule mu tshikoso ngenyi mikese idi miangatshila mu tshisakidila tshia Mudimu wetu wa Bukalenge wa ngondo muibidi.

Min. 20: Longa malu a bungi mu broshire wa ‘Voyez le bon pays.’ Broshire eu mupiamupia udi mua kuvuija dibala dietu ne dilonga dietu bia Dîyi dia Nzambi tshintu tshia mushinga mukole. Ntshintu tshia mushinga patudi tuenza nende mudimu ne tuenza mudimu ne indekse udimu. Bala Yeshaya 63:1, mvese udi uleja Yehowa bu udi mufume ku Bosela (Botsra mu Mfualansa). Lomba bantu bua babulule muaba udi Bosela mu indekse wa ‘ Le bon pays.’ Fila diumvuija dia ‘Bosela (Botsra) 11 G11,’ bilondeshile kazubu kadi mu dibeji dia 34, ne leja muaba udi Bosela ne Edoma pa karte. Ku diambuluisha dia indekse, leja njila uvua Yezu muendele kumbukila mu Yelushalema too ne ku Suka (Sychar). (Yone 4:3-5) Enza kabidi bia muomumue bua kupeta muaba udi dijiba dia Beteseda (Bethzatha). (Yone 5:1-3) Sungula kabidi muaba umue anyi ibidi mu dibala bia Bible dia ku lumingu dia mu Kalasa ka Mudimu wa Nzambi. Lomba bateleji bua baleje mushindu wa kupeta miaba ayi mu broshire ne mushindu udi dikeba miaba kampanda pa tuarte dituambuluisha. Leja mu mêyi makese malu a mu tumue tuarte tudi mu broshire eu, ne leja kabidi bidimu bivua malu aa menzeke. Karte kadi mu dibeji dia 18-19 kadi kaleja miaba minene ya mu Bible. Kankamija bantu bonso bua kuenza mudimu bimpe ne broshire wa ‘Voyez le bon pays.’

Musambu 63 ne disambila dia nkomenu.

Lumingu lua dia 22 Luabanya

Musambu 191

Min. 10: Mamanyisha a mu tshisumbu. Luapolo lua konte. Vuluija bantu bonso bua kulonda programe wa dibala dia Bible mu tshikondo tshia Tshivulukilu kubangila mu dia 30 Luabanya too ne mu dia 4 Tshisanga mu broshire wa Tukonkononayi Mifundu dituku dionso​—2004 ne mu Calendrier 2004.

Min. 15: Bujitu buetu pa bidi bitangila mushindu mupepeja wa diabanya mikanda. Bala tshikoso tshionso tshia mukanda wa dia 25 Kasuabanga 2003 kudi bisumbu bionso, pashishe nuyukidilangane mu nkonko ne mandamuna.

Min. 20: “Mvita ya bena tubalu idi ikutangila.”c Bikalaku dîba, nubale ne nukonkonone mvese yonso mifila patupu.

Musambu 181 ne disambila dia nkomenu.

Lumingu lua dia 29 Luabanya

Musambu 129

Min. 10: Mamanyisha a mu tshisumbu. Vuluija bamanyishi bua kufila luapolo lua ngondo muisatu. Leja mikanda ya kufila mu ngondo muinayi. Ku diambuluisha bia ngenyi idi mu dibeji dia ndekelu, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 1 Tshisanga ne Réveillez-vous! wa dia 8 Tshisanga.d

Min. 15: Kuata mudimu bilenga ne Annuaire 2004. Muyuki ne diyukidilangana ne bateleji. Leja ngenyi minene idi mu “Mukanda wa kudi Kasumbu Kaludiki,” leja ne bimue bishiferi binene bidi mu luapolo lua mudimu wa pa buloba bujima, kabidi ne amue malu malonda adi akolesha ditabuja. Kankamija bantu bonso bua kubalabu Annuaire 2004 mujima munkatshi mua tshidimu etshi.

Min. 20: Bulelela budi bubueja buobumue mu mêku. Muyuki ne diyukidilangana ne bateleji. Bamue bantu batu basankidila bulelela batu bapingana tshianyima balekela kusadila Yehowa bua buluishi bua bena mu dîku diabu. Lomba bantu bua balonde malu mafunda adi mu Tshibumba tshia Nsentedi tshia dia 1 Tshiongo 2002 dibeji dia 14-15; tshia dia 1 Tshisua-munene 2000 dibeji dia 8; tshia dia 1 Kabitende 1999 dibeji dia 32; tshia dia 1 Tshiongo 1999 dibeji 4 ne Réveillez-vous! wa dia 22 Luishi 1998, dibeji dia 31. Leja patoke ne: nsombelu wa mu dîku utu ushintuluka misangu ya bungi padi nansha muntu umue wa mu dîku adi utumikila mêyi a mu Bible.

Musambu 130 ne disambila dia nkomenu.

Lumingu lua dia 5 Tshisanga

Musambu 126

Min. 10: Mamanyisha a mu tshisumbu.

Min. 20: Mankenda a mubidi adi asaka bantu bua kutuanyisha. Muyuki muashila pa Tshibumba tshia Nsentedi tshia dia 1 Kabalashipu 2002 dibeji dia 19-21. Buejamu dinaya mudi mukulu uleja mpanda-njila kampanda mushindu wa kuambuluisha muntu udi ulonga Bible ne mbabi yonso bua kumonaye mushinga wa kulama nzubu wende ne lupangu luende ne mankenda, wenza mudimu ne dilongesha dia 9, tshikoso 5 mu broshire wa Utulomba.

Min. 15: Londa malu adi akankamija adi menzeke mu tshikondo tshia Tshivulukilu ne mudimu muvule utuvua benze mu ngondo muisatu.

Musambu 25 ne disambila dia nkomenu.

[Mêyi adi kuinshi]