ZABURI
BUK MOKWONGO
(Zaburi 1-41)
1 Ng’at mamor en ng’at ma ok luw paro ma joricho ng’ado
Kendo ok ochung’ e yor joricho+
Bende, ok obed e kind jo ma jaro gik makare.+
3 Obiro chalo gi yath ma dongo e bath aora,
Ma nyago olemo e kinde mowinjore,
Kendo ma obokene ok ner.
Gimoro amora motimo nodhi maber.+
4 Jo maricho to ok chal kamano;
Gichalo mihudhi ma yamo tero.
2 Ang’o momiyo ogendni obedo gi koko?
Ang’o momiyo gichano timo gima nono?+
3 Giwacho niya: “Wachoduru nyororo ma gitweyowago
Kendo wawit tondegi kucha!”
4 Jal mobet e kom-loch manie polo biro nyiero;
Jehova biro jarogi.
5 E kindeno, obiro wuoyo kodgi kokecho
Kendo obiro bwogogi gi mirimbe mager,
6 Enowach kama: “An awuon aseketo ruoth+
E Sayun,+ goda maler.”
8 Kwaya mondo amiyi ogendni duto obed magi,
Kendo piny ngima obed mwanduni.+
10 Koro un ruodhi, beduru mariek;
Winjuru siem un jong’ad bura mag piny.
11 Tiuru ne Jehova gi luoro,
Kendo beduru moil kutetni.
Jo mamor gin jo ma manyo kar buok ire.
Wer ma Daudi nondiko ndalo ma noringo wuode ma Absalom.+
3 A Jehova, ang’o momiyo wasika thoth kama?+
Ang’o momiyo jo ma kedo koda ng’eny?+
2 Ji mang’eny wacho kuoma kama:
“Nyasaye ok bi rese.”+ (Sela)*
7 A Jehova, a malo mondo iresa!+ A Nyasacha!
Nimar ibiro thalo lemb wasika duto;
Inimuk leke mag jo maricho.+
In e ma iguedho ogandani. (Sela)
Ne jatend wer. Wendni onego ower gi gige thum ma nigi tonde migwelo. Wend Daudi.
4 Ka aluongi, to yie idwoka, A Nyasacha makare.+
Yawna yo malach mondo awuog e thagruokna.
Yie ikecha kendo iwinj lamona.
2 Un yawuot ji, ubiro chayo duong’na nyaka karang’o?
Ubiro hero gik manono kendo luwo yore mag miriambo nyaka karang’o? (Sela)
3 Ng’euru ni Jehova biro dhialo ng’at momakore kode.
Jehova biro winja ka aluonge.
4 Bed gi mirima, to kik itim richo.+
Wach wecheni e chunyi ka in e otandani, kendo iling’ mos. (Sela)
6 Ji mang’eny penjo niya: “En ng’a ma biro timonwa gimoro maber?”
A Jehova, ler mar lela wang’i mondo orieny kuomwa.+
7 Isepong’o chunya gi mor,
Moloyo jo ma nigi cham kod divai mang’eny.
Ne jatend wer mar Nehiloth.* Wend Daudi.
5 A Jehova, winjie wechena;+
Winjie churna.
2 Winjie ywakna kendo ikonya,
A Ruodha kendo Nyasacha, nikech in e ma alami.
3 A Jehova, ibiro winjo dwonda gokinyi;+
Ananyisi chandruokna gokinyi, kendo anarit dwokoni gi siso.+
5 Josunga ok nyal chung’ e nyimi.
Jehova osin gi jo mohero timbe gero kod jowuond.*+
7 An to abiro donjo e odi+ nikech herani mosiko;+
Abiro kulorani gi luor ka achomo wang’a e hekaluni maler.+
8 A Jehova, telna e yori makare nikech wasika;
Mi yori onerena maler.+
9 Onge kata wach achiel ma giwacho minyalo gen;
Chunygi opong’ gi kethruok;
Dhogi chalo gi liel ma dhoge ni nono;
10 Nyasaye biro kwanogi kaka joketho;
Gik maricho ma gichano e ma nohinygi.+
Mad riembgi oko nimar richogi ng’eny,
Kendo giseng’anyoni.
11 To jogo duto ma manyo kar buok iri nobed mamor;+
Giniwer pile gi mor.
Iniritgi mondo kik monjgi,
Kendo jo ma ohero nyingi nobed mamor ahinya nikech in.
12 Nimar iniguedh jo makare, A Jehova;
Kendo ng’wononi biro ritogi mana ka okumba.+
Ne jatend wer. Wendni onego ower gi gige thum ma nigi tonde migwelo e dwol mar Sheminith.* Wend Daudi.
6 A Jehova, kik ikwera gi ich-wang’;
Kendo kik irieya gi mirima.+
2 A Jehova, kecha nikech tekona rumo.
A Jehova, changa+ nimar chokena tetni.
6 Chur ma achurgo osejonya;+
Pi wang’a pong’o kitandana otieno mangima.
Adier, pi wang’a mol e piendena.+
7 Wengena ojony nikech lit ma an-go;+
Jo ma sanda osemiyo wengena ok nen maler.
8 Auru kuoma un joricho duto,
Nimar Jehova biro winjo ywagruokna.+
9 Jehova nowinj kwayona, kendo nonyisa ng’wono;+
Jehova biro winjo lamona.
10 Wasika duto biro yudo wich-kuot mi gihum nono;
Gibiro dok chien apoya nikech wich-kuot.+
Wend ywagruok ma Daudi nowero ne Jehova nikech weche ma Kush ja dhood Benjamin nowacho.
7 A Jehova Nyasacha, in e kar bwokna.+
Resa kuom ji duto ma sanda.+
2 Nono to gibiro kidha matindo tindo ka sibuor,+
Mi gitera ka ma onge ng’a ma diresa.
3 A Jehova Nyasacha, ka an e ma ajaketho,
Ka po ni asetimo richo moro,
4 Ka po ni asetimo marach ne ng’at ma timona maber,+
Kata aseyako gik jasika kayiem nono,*
5 Kare yie ne jasika olawa mi juka,
Yiene onyona monega,
Kendo duong’ ma an-go olal nono e buru. (Sela)
6 A malo ka iyi owang’, A Jehova,
A malo mondo igeng’ mirimb wasika,+
Chiew mondo ikonya, kendo ing’ad bura makare.+
7 Yie mondo ogendni olwori koni gi koni,
Kendo ikawnegi okang’ ka in e polo.
8 Jehova biro ng’ado bura ne ogendni.+
Yaye Jehova, ng’adna bura kaluwore gi timna makare,
Kendo kaluwore gi timna matir.+
9 Yie itiek timbe ma ok owinjore mag joricho,
Mad irit jo makare mondo gidag gi kuwe,+
Nikech in Nyasaye makare+ ma nono chuny ji,+ gi pachgi ma iye.*+
10 Nyasaye e okumbana,+ en e mowaro jo ma chunygi tir.+
11 Nyasaye e Jang’ad Bura makare,+
Kendo okwedo joricho pile.
13 Oiko gigene malich mag lweny,
Oiko aserini ma kakni ka mach.+
14 Non ng’at momako ich mar gik maricho,
Onyago chandruok, onyuolo miriambo lilo.+
15 Okunyo bur matut,
To bang’e en e ma onyumore ei burno.+
16 Chandruok mokelo nohinye en owuon;+
Timbene mag gero nohinye owuon.
17 Abiro pako Jehova nikech ong’ado bura kare;+
Ne jatend wer. Wendni onego ower kaluwore gi Gitith.* Wend Daudi.
8 A Jehova Ruodhwa, mano kaka nyingi duong’ e piny ngima!
Iseguro duong’ni malo moloyo kata polo.*+
2 Isenyiso tekoni ayanga kokalo kuom dho nyithindo matindo gi nyithindo mayom.+
Itimo mano nikech jowasiki,
Mondo jasiki kod jachul kuor oling’.
3 Ka ang’iyo polo ma ne ichueyo gi lith lweti,
Dwe gi sulwe ma ne iloso,+
4 Dhano en ang’o ma dipare?
Adier, wuod dhano en ang’o ma dirite?+
5 Ne ikete obedo matin ne malaike,
Ne isidhone osimbo mar duong’ gi luor.
6 Ne ikete e wi gik moko duto ma ne ichueyo gi lweti,+
Adier, iseketo gik moko duto e bwo tiende:
7 Rombe, diek, dhok,
Kaachiel gi le mag bungu,+
8 Winy ma fuyo e kor polo gi rech manie nam,
Kaachiel gi gimoro amora ma kalo e nam.
9 A Jehova Ruodhwa, mano kaka nyingi duong’ e piny ngima!
Ne jatend wer. Wendni onego ower kaluwore gi Muth-laben.* Wend Daudi.
א [Aleph]
9 A Jehova, abiro paki gi chunya duto;
Abiro hulo gik madongo duto misetimo.+
2 Anabed mamor kendo anail nikech in;
A Nyasaye Mamalo Chutho, abiro pako nyingi gi wende.+
ב [Beth]
3 Ka jowasika ringo,+
Ginichwanyre mi gilal nono e nyimi.
4 Nikech iseng’adona bura makare;
Ibet e kom-lochni king’ado bura kare.+
ג [Gimel]
5 Isesiemo ogendni+ mi iketho joricho,
Kendo iserucho nyingegi nyaka chieng’.
ה [He]
ו [Waw]
ז [Zayin]
11 Weruru ne Jehova, Nyasaye modak Sayun;
Nyisuru ji duto gik madongo mosetimo.+
12 Nikech Jal ma chulo kuor biro paro jo ma rembgi osechuer;+
Wiye ok nowil gi ywak mar jo ma isando.+
ח [Heth]
13 A Jehova, kecha; ne ane kaka jo mosin koda sanda,
In e ma igola e lak tho,+
14 Mondo aland tijeni madongo ka achung’ e dho rangeye mag nyar Sayun,+
Kendo abed moil nikech iseresa.+
ט [Teth]
15 Ogendni osenyumore e bur ma ne gikunyo;
Adier, tiendegi osemoko e obadho ma ne giketo giwegi.+
16 Jehova ong’ere kuom ng’ado bura makare.+
Jaricho osenyumore e obadho ma noloso gi lwete owuon.+
Higayon.* (Sela)
י [Yod]
17 Jaricho noring kochomo Liel,*
Ee, ogendni duto ma wigi owil gi Nyasaye.
כ [Kaph]
19 A Jehova, a malo! Kik iwe dhano adhana oloyi.
Mad yal ogendni e nyimi.+
20 Gogi gi luoro, A Jehova,+
Mondo ging’e ni gin mana dhano. (Sela)
ל [Lamed]
10 Yaye Jehova, ang’o momiyo ichung’ gi chien?
Ang’o momiyo ipondo e ndalo mag chandruok?+
4 Jaricho ok non wach nikech ojasunga,
Gima osiko oparo en ni, “Nyasaye onge.”+
6 Owacho e chunye niya: “Ok anayiengni ngang’;
Ok anayud chandruok moro amora,
Kuom tienge duto ma biro.”+
פ [Pe]
7 Dhoge opong’ gi kuong’, miriambo, kendo obwogo ji,+
Dhoge yot e wacho weche maricho kendo ma hinyo ji.+
8 Okiyo ji e bath yore mag gwenge;
Onego ng’at ma onge ketho gi ka ma opondoe.+
ע [Ayin]
Osiko ong’icho ka omanyo ng’at ma domonji.+
9 Okiyo ji ka ma opondoe mana ka sibuor;+
Ee, okiyo ng’at ma onge teko mondo omake.
Okiyo ng’at ma onge gi teko mondo odinne e obadho.+
10 Ogoyo ng’at momakono ma podh piny,
Ng’atno podho nikech ohewe gi teko.
11 Owacho e chunye niya: “Wi Nyasaye osewil.+
Bende, osepando wang’e,
Onge gimoro amora moneno.”+
ק [Qoph]
12 A Jehova, a malo.+ A Nyasaye, nyis tekoni.+
Kik wiyi wil gi jo ma dwaro kony.+
13 Ang’o momiyo jaricho ochayo Nyasaye?
Owacho e chunye niya: “Nyasaye ok bi kuma.”
ר [Resh]
14 To adier, ineno jo ma chandore kendo mokuyo.
Ineno chandruokgi kendo iikori konyogi.+
ש [Shin]
15 Tur bad jaricho kod ng’at ma timbene orochore,+
Kumgi nikech timbegi richo,
Nyaka chop girum chuth.
16 Jehova e Ruoth nyaka chieng’.+
Ogendni oselal nono e piny.+
ת [Taw]
17 A Jehova, iniwinj kwayo mag jo mamuol,+
Initeg chunygi+ kendo inichiknegi iti.+
Ne jatend wer. Zaburi mar Daudi.
11 Aseketo Jehova obed kar bwokna.+
Koro, ere kaka duwachna ni:
“Fu ka winyo mondo idhi e godi!
2 Ne kaka joricho ywayo atungegi;
Giseketo aserinigi e tonde mag atungegi,
Mondo gibago jo matir ka gin e mudho.
3 Ka mise* osekethore,
Ang’o ma ng’at makare nyalo timo?”
4 Jehova nie hekalu mare maler.+
Kom-loch mar Jehova nie polo.+
Wengene neno, wengene* nono ji.+
7 Nimar Jehova en ng’at makare,+ ohero timbe makare.+
Ne jatend wer. Wendni onego ower e dwol mar Sheminith.* Wend Daudi.
12 A Jehova, resa nimar onge ng’at momakore kodi ma pod odong’;
Jo adiera oselal nono e piny.
2 Ng’ato ka ng’ato riambo ne nyawadgi;
Dhogi ohero wuondo awuonda ji, kendo gionge adiera e chunygi.*+
3 Jehova biro ng’ado oko dhok mohero wuondo ji
Kod lep ma wacho weche mag sunga,+
4 Nitie jo ma wacho niya: “Wabiro loyo ji gi lewwa.
Wawacho gima wan e ma wadwaro;
Ng’ano ma nyalo chikowa?”+
5 To Jehova wacho niya: “Nikech ithiro jo ma sandore,
Kendo nikech jo modhier chur,+
Abiro a malo mondo akonygi.
Abiro resogi e lwet jo ma jarogi.”
7 A Jehova, Ibiro ritogi;+
Ibiro rito ng’ato ka ng’ato kuomgi nyaka chieng’.
8 Jaricho wuotho koni gi koni ka kohero
Nikech dhano riwo timbe maricho lwedo.+
Ne jatend wer. Wend Daudi.
13 A Jehova, wiyi nowil koda nyaka karang’o? Nyaka chieng’ koso?
Ibiro pandona wang’i nyaka karang’o?+
2 Abiro parora nyaka karang’o,
Ka chunya okuyo pile ka pile?
Jasika biro locho e wiya nyaka karang’o?+
3 A Jehova Nyasacha, akwayi ni ipara kendo idwoka.
Mi wang’a one ler, mondo kik atho.
4 Mondo jasika kik wach niya: “Aseloye!”
Kik iwe jowasika obed mamor ka apodho.+
6 Anawer ne Jehova, nikech oseguedha gi gueth mogundho.+
Ne jatend wer. Zaburi mar Daudi.
14 Ng’a mofuwo wacho e chunye niya:
“Jehova onge.”+
Timbegi opong’ gi mibadhi, kendo orochore;
Onge ng’at ma timo gima ber.+
2 Jehova to ng’iyo ji ka en e polo malo
Mondo one ka nitie ng’at mariek, ka nitie ng’at ma manyo Jehova.+
3 Giduto gisebayo yo;+
Giduto gihero mibadhi.
Onge ng’ato kuomgi ma timo maber,
Kata mana ng’ato achiel.
4 Be jo ma timbegi richogi ong’eyo gimoro?
Gimuonyo joga ka jo ma muonyo chiemo.
Ok giluong Jehova.
5 Luoro maduong’ biro makogi,+
Nikech Jehova rito tieng’ mar jo makare.
6 Joricho temo ketho chenro mag ng’at modhier,
To Jehova e kar buokne.+
7 Yaye, mad resruok mar Israel obi koa Sayun.+
Kinde ma Jehova goloe joge e tuech,
Mad Jakobo omor, Israel oil.
Wend Daudi.
15 A Jehova, ng’ano ma nobed wendo e hema mari?
Ng’ano ma nyalo dak e godi maler?+
Otimo gima osesingore, kata ka timo kamano biro hinye.+
5 Ok ohol ng’ato pesa mondo oduokne gi ohala e wiye,+
Kendo ok ocham asoya mondo oketh buch ng’at ma onge ketho.+
Ng’ato ang’ata ma timo gigi ok noyiengni ngang’.+
Miktam* mar Daudi.
16 A Nyasaye, rita nikech in e kar bwokna.+
2 Asewacho ne Jehova: “In Jehova, in e Sokona mar ber.
Ok anaol misengni maggi mag remo miolo piny,
Kata hulo nyinge nyisechego.+
5 Jehova e pokna, en e migapa,+ en e okombena.+
Irito mwanduna maber.
6 Osepogna kuonde mabeyo beyo.
Mwandu mosemiya oroma.+
7 Anapak Jehova, nikech en e ma ong’adona rieko.+
Kata mana gotieno, chunya* rieya.+
8 Aketo Jehova e nyima kinde duto.+
Ok anayiengni nikech en e bada ma korachwich.+
9 Kuom mano, chunya mor, ail nikech duong’ ma an-go.
Kendo adak gi kuwe.
Ok iniwe ng’at momakore kodi odhi e bur.*+
11 Isemiyo ang’eyo yo ma tera e ngima.+
Mor mogundho opong’o ka ma intie;+
Lweti ma korachwich e ma mor mosiko nitieree.
Lamo mar Daudi.
2 Ng’adna bura makare;+
Wengeni one gima kare.
3 Isenono chunya, isenona gotieno;+
Isepwodha;+
Ininwang’ ni ok achano timo gimoro amora marach,
Kendo dhoga pok oketho.
4 Kata bed ni jomamoko timo ang’o,
An to ok aluw timbe jomecho, nikech aluwo wach moa e dhogi.+
5 Konya mondo asik kawuotho e yori
Mondo kik achwany tienda.+
6 A Nyasaye, aywakni nikech ibiro winja.+
Chiknae iti. Winjie wechena.+
7 Nyis herani mosiko e yo malich miwuoro,+
Yaye, in ma iwaro jogo moringo e badi korachwich
Kiresogi e lwet jo ma ng’anyoni.
9 Rita kuom joricho ma monja,
Kuom wasika molwora koni gi koni.+
10 Chunygi osedhil,
Kendo giwuoyo gi sunga;
11 Sani gidinonwa;+
Gikiyowa mondo gigowa piny.
12 Ochalo sibuor ma dwaro kidho le,
Ee, sibuor matin ma kiyo le moro.
13 A Jehova, a malo iked kode+ kendo iloye;
Resa e lwet joricho gi liganglani;
14 Resa gi tekoni, A Jehova,
Resa e lwet jo pinyni, ma pokgi nie pinyni,+
Ma imiyo gik mabeyo mang’eny,+
Kendo ma weyo mwandugi mang’eny ne nyithindgi.
15 An to anane wang’i nikech an ng’at makare;
Kendo ka achiewo to chunya nopong’ gi mor ka aneno kaka kiti chalo.+
Ne jatend wer. Wer ma Daudi jatich Jehova nowero ne Jehova e odiechieng’ ma Jehova norese e lwet wasike duto kod e lwet Saulo. Nowacho kama:+
18 A Jehova, aheri ahinya. In e tekona.+
2 Jehova e lwandana, en e kar geng’ruokna, kendo en e Jal ma resa.+
3 Analuong Jehova, Nyasaye mowinjore opaki,
Kendo ibiro resa e lwet wasika.+
6 Ka ne anie chandruok, ne aluongo Jehova,
Ne asiko ka aywak ne Nyasacha mondo okonya.
7 Kae to piny nochako tetni kendo yiengni;+
Mise mag gode bende notetni
Ne giyiengni koni gi koni nikech mirimb Nyasaye.+
10 Ne oidho kerubi, mobiro kofuyogo.+
Ne ofuyo matek e buomb malaika.+
12 Pe gi mirni mag mach nogolo ler e nyime,
Ne gimwomo boche polo mapekgo.
15 Bwo aoche nonenore;+
A Jehova, ka nisiemo mise mag piny, ne ginyenyore,
Nikech teko mar muya ma noa e umi.+
16 Norieyo bade ka en malo;
Nomaka mogola e pige matut.+
18 Ne gimonja ka ne masira oyuda,+
To Jehova e ma ne osira.
21 Nimar aseluwo yore mag Jehova,
Kendo pok aweyo Nyasacha mondo atim richo.
22 Chikene duto nie nyima;
Ok abi chayo buchene.
25 Imakori gi ng’at momakore kodi;+
Kendo ibedo malong’o ne ng’at malong’o.+
26 Ne jo maler, inyisori ni iler,+
To ne jo ma timbegi obam inyisori ni iriek moloyogi.+
28 In e ma imoko tacha, A Jehova,
Nyasacha ma menyona yo e mudho.+
En okumba ne ji duto ma geno kuome.+
31 Ere Nyasaye moro mak mana Jehova?+
Kendo ere lwanda moro mak mana Nyasachwa?+
33 Omiyo tiendena bedo mayot ka tiende mwanda;
Omiyo achung’ kuonde moting’ore malo.+
34 Otiego lwetena ne lweny;
Bedena nyalo dolo atung’ molos gi mula.
36 Iyarona yo malach mondo awuothie;
Tiendena ok bi kier.+
37 Analaw wasika mi ajukgi;
Ok abi duogo nyaka tiekgi chuth.
38 Abiro nyonogi ma ok ginyal chung’ kendo;+
Gibiro podho e tiendena.
39 Ibiro miya teko mar kedo e lweny;
Ibiro miyo wasika opodh piny e tiendena.+
40 Ibiro miyo wasika olokna ng’egi,
Kendo abiro tieko jo ma osin koda.+
41 Giywak mondo okonygi, to onge ng’at ma diresgi;
Bende, giywak ne Jehova to ok odwokgi.
42 Abiro regogi mayom mana ka buru ma yamo tero;
Abiro witogi mana ka chuodho manie ndara.
43 Iniresa e lwet jo ma dwaro dondore koda.+
Iniketa abed jatend ogendni.+
Jo ma ne ok ang’eyo biro tiyona.+
44 Ka giwinjo mana humba kende, giniluw chikna;
Jo ma oa e pinje mamoko nobi ira mi ginikulrena.+
45 Luoro biro mako jo ma oa e pinje mamoko;
Giniwuog kuonde ma gipondoe ka gitetni.
46 Jehova en Nyasaye mangima! Pakuru Lwandana!+
Odend Nyasach resruokna.+
47 Nyasaye madier chulona kuor;+
Oketo ji e bwoya.
50 Omiyo ruoth moketo yudo resruok maduong’;+
Onyiso ng’ate mowir hera mosiko,+
Daudi gi kothe nyaka chieng’.+
Ne jatend wer. Wend Daudi.
2 Gibubni gi wach odiechieng’ kodiechieng’,
Kendo ginyiso rieko otieno kotieno.
3 Ok giwuo, kendo gionge weche;
Dwondgi bende ok winji.
Oseguro hema ne wang’ chieng’ e polo;
5 Ochalo ka wuon kisera mowuok e ode;
Oil ka ng’at ma ratego ma piem e ng’wech.
7 Chik Jehova ni kare chuth,+ oduogo chuny.+
Weche ma Jehova paronwa inyalo gen,+ gimiyo ng’at ma onge rieko bedo mariek.+
9 Luoro Jehova+ liw, osiko nyaka chieng’.
Buche Jehova gin adier, kendo gin kare giduto.+
10 Gibeyo moloyo dhahabu,
Giloyo kata mana dhahabu malerie moloyo,+
Bende, gimit moloyo mor kich+ maton ka a e peth kich.
12 Ere ng’ama nyalo ng’eyo kethone owuon?+
Wena kethona mopondo.
Eka anabed ng’at moromo chuth,+
Kendo ok noyuda gi richo madongo.
14 Mad weche ma a e dhoga kod weche maparo e chunya
Ne jatend wer. Wend Daudi.
20 Mad Jehova owinj ywakni e ndalo mag chandruok.
Nying Nyasach Jakobo mondo oriti.+
3 Mad opar mich duto michiwo;
Kendo oyie gi misengni duto miwang’o. (Sela)
4 Nyasaye mondo omiyi gik moko duto ma chunyi dwaro,+
Kendo oguedh yoreni duto.
Jehova mondo otimni gik moko duto mikwayo.
6 Koro ang’eyo ni Jehova reso ng’ate mowir.+
Odwoko kwayone ka en e polo, kare maler,
Kotiyo gi lwete ma korachwich mondo orese.+
8 Gisechwanyore ma gipodho,
Wan to wasea malo ma wachung’ motegno.+
9 Yaye Jehova, res ruoth!+
Nyasaye biro winjowa ka wakwaye mondo okonywa.+
Ne jatend wer. Wend Daudi.
2 Isemiye gik ma chunye gombo,+
Kendo pok idagi timone kaka okwayo. (Sela)
3 Irwake gi gueth mang’eny;
Isidhone osimbo mar dhahabu maler e wiye.+
4 Ne okwayo mondo imiye ngima, mi ne imiye,+
Ne imiye ndalo mang’eny, ee ma nyaka chieng’.
5 Resruokni miyo oyudo duong’ ahinya.+
Imiye luor gi duong’.
7 Ruoth ok bi yiengni ngang’, nikech hera mosiko moa kuom Jal Mamalo Chutho,+
Kendo nikech ruoth ogeno Jehova.+
8 Lweti biro mako wasiki duto;
Lweti ma korachwich biro mako ji duto mosin kodi.
9 Inikethgi gi mach mager e kinde miseketo.
Jehova biro mwonyogi gi mirimbe mager, kendo mach biro tiekogi pep.+
10 Initiek nyikwagi e piny,
Kendo kothgi norum e kind ji.
12 Iniywa tond atung’ e wang’gi,+
Kendo inimi giring ng’wech.
13 A Jehova, a malo mondo inyis tekoni maduong’,
Wanawerni kwapako tekoni.
Ne jatend wer. Wendni onego ower e dwol mar “Mwanda Mokinyi.”* Wend Daudi.
22 Nyasacha, Nyasacha, iweya nang’o?+
Ang’o momiyo in mabor koda ma ok inyal resa,
Kata winja sa ma aywak nikech achandora?+
2 A Nyasacha, aseluongi odiechieng’ mangima to pok idwoka;+
Gotieno bende ok awe ywakni.
3 To in iler,+
Kendo Jo-Israel olwori gi pak.
5 Ne giywakni mi iresogi;
Wigi ne ok okuot nikech ne gigeni.+
6 An to an mana kudni to ok dhano,
An ng’at ma ji okwedo kendo ochayo.+
8 “Ne ogeno Jehova. We mondo Nyasacheno koro orese!
We mondo Nyasacheno orese ane nikech ohere ahinya!”+
9 In e ma ne igola e ich,+
In e ma ne imiyo awinjo ka an gi kuwe ka ne pod adhoth.
10 Ne oketa e lweti mondo irita chakre ne nyuola;
Isebedo Nyasacha chakre abed e ich.
14 Oseola piny ka pi;
Chokena duto osewil.
16 Jo maricho olwora koni gi koni;+
Gilwora mana ka guogi moketa e diergi,+
Gichalo sibuor ma dwaro chamo lwetena gi tiendena.+
17 Anyalo kwano chokena duto.+
Ging’iya kendo gichomo wengegi kuoma tir.
19 To in, A Jehova, kik ibed mabor koda.+
In e mimiya teko, omiyo, bi piyo mondo ikonya.+
20 Res ngimana kuom ligangla,
Res ngimana kuom koke guogi;+
21 Resa kuom dho sibuor+ kendo kuom tunge ruedhi mager;
Yaye, winja mondo iresa.
23 Pakuru Jehova, un jo ma oluore!
Miyeuru duong’, un nyikwa Jakobo duto!+
Miyeuru luor, un nyikwa Israel duto.
To ka ne owinjo ywakne, nokonye.+
25 Anapaki e chokruok maduong’;+
Abiro chopo singruokna e nyim jo moluoro Nyasaye.
Mad gibed mamor* nyaka chieng’.
27 Ogendni duto manie piny nopar Jehova kendo ginidog ire.
Dhoudi duto mag piny biro kulore e nyimi.+
28 Nikech loch en mar Jehova;+
Olocho e wi ogendni duto.
29 Jomwandu duto biro chiemo kendo gibiro kulorene;
Ji duto ma dhi piny e lowo biro goyone chonggi piny;
Onge kata ng’ato achiel kuomgi ma nyalo rito ngimane.
30 Nyikwagi biro tiyone;
Ibiro nyis tieng’ ma biro wach Jehova.
31 Ginibi mi gihul timne makare.
Ginihul gik ma osetimo ne jo ma pok onyuol.
Wend Daudi.
Ok abi chando gimoro.+
Otelona e yore makare nikech nyinge.+
4 Kata obedo ni awuotho e hoho motimo mudho mandiwa,+
Ok aluoro gimora amora,+
Nikech in koda;+
Ludhi gi odungani e ma hoya.
5 Iketo chiemo e nyima ka wasika duto neno.+
6 Kuom adier, berni gi herani mosiko biro luwa ndalo duto mag ngimana,+
Kendo abiro dak e od Jehova ndalona duto.+
Zaburi mar Daudi. Wer.
24 Jehova e wuon piny kod gik moko duto manie iye,+
Piny kod ji duto modak e iye gin mage.
2 Oseguro piny motegno e wi nembe+
Osechunge motegno e wi aoche.
3 En ng’a ma nyalo idho god Jehova?+
En ng’a ma nyalo chung’ kare maler?
4 En ng’at ma lwetene onge ketho kendo ma chunye long’o,+
Ma ok okuong’ore gi miriambo kuom Ngimana,*
Kata ma ok kuong’re gi miriambo.+
6 Mano e tieng’ mar jo ma manyo Nyasaye,
Kendo ma manyo wang’i, A Nyasach Jakobo. (Sela)
7 Ting’uru wiu malo, yaye un dho rangeye;+
Yawreuru un dhoudi machon,
Mondo Ruoth ma nigi duong’ odonji!+
8 Ruoth ma nigi duong’no en ng’a?
9 Ting’uru wiu malo, yaye un dho rangeye;+
Yawreuru un dhoudi machon,
Mondo Ruoth ma nigi duong’ odonji!
10 To Ruoth ma nigi duong’no en ng’a?
En Jehova Nyasach oganda lweny, en e Ruoth ma nigi duong’.+ (Sela)
Zaburi mar Daudi.
א [Aleph]
25 A Jehova, abiro e nyimi mondo alami.
ב [Beth]
Kik iwe wasika onyiera.+
ג [Gimel]
3 Onge ng’at mogeni ma none wich-kuot,+
To jo mohero ndhogo jowetegi kayiem nono e ma none wich-kuot.+
ד [Daleth]
ה [He]
5 Taya mondo awuoth e adierani, kendo puonja,+
Nimar in e Nyasacha ma resa.
ו [Waw]
In e ma ageni odiechieng’ mangima.
ז [Zayin]
ח [Heth]
7 Kik ipar richo ma ne atimo ka pod arawera kaachiel gi kethona.
ט [Teth]
8 Jehova ber kendo yorene oriere tir.+
Mano e momiyo opuonjo joricho yo monego giluw.+
י [Yod]
כ [Kaph]
10 Sa ma ji rito singruokgi+ gi Nyasaye kendo luwo chikene,+
Jehova nyisogi hera mosiko kendo omakore kodgi.
ל [Lamed]
11 A Jehova, wena richona nikech nyingi,+
Kata obedo ni gidongo ahinya.
מ [Mem]
12 En ng’ano ma oluoro Jehova?+
Nyasaye biro nyise yo monego oyier.+
נ [Nun]
ס [Samekh]
ע [Ayin]
פ [Pe]
16 Lokri mondo ing’iya kendo inyisa ng’wono,
Nikech adong’ kenda ma onge ng’at ma konya.
צ [Tsade]
17 Chandruoge manie chunya osemedore;+
Resa e thagruokna.
ר [Resh]
19 Ne kaka wasika ng’eny,
Kendo kaka gisin koda marach.
ש [Shin]
20 Rit ngimana kendo iresa.+
Kik iwe ane wich-kuot, nimar in e kar bwokna.
ת [Taw]
22 A Nyasaye, gol Israel e chandruogene duto.
Zaburi mar Daudi.
3 Nikech herani mosiko nie nyima kinde duto,
Kendo awuotho e adierani.+
6 Analwok lwetena nikech aonge ketho,
Kendo analwor kendoni mar misango, A Jehova,
7 Mondo agoni erokamano gi dwol maduong’,+
Kendo aland tijeni madongo.
9 Kik iyweya oko gi joricho+
Kendo kik itiek ngimana gi jo mohero timbe gero,*
10 Jo ma lwetgi ohero timbe ma kelo wich-kuot,
Kendo ma lwetgi ma korachwich opong’ gi asoya.
11 To an, abiro luwo tim matir.
Yie iresa kendo inyisa ng’wono.
Zaburi mar Daudi.
27 Jehova e lerna+ kendo en e warruokna.
En ng’a ma dibwoga?+
Jehova e kar konyruok mar ngimana.+
Ere ng’a ma dibwoga?
Kata ka lweny otugore,
Pod abiro mana bedo gi chir.
4 Asekwayo Jehova gimoro achiel,
Kendo gino e ma adwaro moloyo,
Ni mondo adag e od Jehova ndalo duto mag ngimana,+
Ka achomo wang’a kuom ber mar Jehova,
5 Nikech e kinde mar chandruok obiro panda e ode;+
Enopanda ka mopondo e hema mare;+
Enoketa e wi lwanda mabor.+
6 Wiya koro oseting’ malo moloyo wasika molwora koni gi koni;
Abiro chiwo misengni e hembe maler ka akok gi mor;
Abiro wer ne Jehova.
8 Chunya nyisa ni isechikowa kama:
“Manyuru wang’a!”
A Jehova, abiro manyo wang’i.+
9 To kik ipandna wang’i.+
Kik iriemb jatichni gi mirima.
In e jakonyna;+
A Nyasacha ma wara, kik ijwang’a kendo kik iweya.
12 Kik ichiwa e lwet wasika,+
Nikech joneno mag miriambo kedo koda,+
Gibuoga gi timbegi mag gero.
Ee, gen kuom Jehova.
Zaburi mar Daudi.
28 A Jehova, in e Lwandana,+ in e ma asiko kaluongi;
Kik idinna iti.
2 Winj ywakna sa ma akwayi ni ikonya,
Ka ating’o bedena malo kochomo ka maler moloyo e hekalu mari.+
3 Kik igola oko kaachiel gi joricho kod jo mohero hinyo ji,+
Jo ma wacho weche kuwe gi jowetegi to chunygi opong’ mana gi richo.+
4 Chulgi kuom timbegi maricho,+
Kendo nikech tijegi maricho.
Chulgi kuom gik ma lwetgi osetimo,
Kendo timnegi gima owinjore kodgi.+
Obiro gogi piny, to ok obi gerogi kendo.
6 Pakuru Jehova,
Nikech osewinja ka aywakne mondo okonya.
Chunya mor nikech osekonya,
Anawerne wende pak.
8 Jehova miyo joge teko;
En e ohinga ma ng’ate mowir yudoe resruok.+
9 Res jogi ma gin mwanduni iwuon kendo iguedhgi.+
Bed jakwadhgi kendo iting’gi e badi nyaka chieng’.+
Wend Daudi.
29 Miuru Jehova gima owinjorego, un joroteke,*
Miuru Jehova gima owinjorego nikech en gi teko kod duong’.+
2 Miuru Jehova duong’ mowinjore gi nyinge.
Lamuru Jehova kurwako lewni maler.*
3 Dwond Jehova winjore e wi pige;
Nyasaye ma nigi duong’ mor ka polo.+
4 Dwond Jehova nigi teko;+
Dwond Jehova lich miwuoro.
5 Dwond Jehova turo yiende sida;
Ee, Jehova turo nyaka yiende sida mag Lebanon.+
7 Dwond Jehova miyo polo mil;+
8 Dwond Jehova miyo thim tetni;+
Jehova miyo thim mar Kadesh+ yiengni.
9 Dwond Jehova miyo mwanda tetni ma onyuol,
Kendo oyweyo bunge mi gidong’ nono.+
To ji duto manie hekalu mare kok niya: “Duong’ obed ne Nyasaye!”
11 Jehova biro miyo joge teko.+
Jehova biro guedho joge gi kuwe mang’eny.+
Wer ma iwalogo ot. Zaburi mar Daudi.
30 Anadendi A Jehova, nimar iseting’a malo;
Kendo ne ok iweyo mondo wasika onyiera ka nachandora.+
2 A Jehova Nyasacha, ne aywakni mondo ikonya mi ne ichanga.+
3 A Jehova Nyasacha, isegola e Liel.*+
Ne irito ngimana; ne iresa mondo kik anyumra e bur.*+
4 Weruru ne Jehova un jo momakore kode,+
Pakuru nyinge maler;+
5 Nikech obedo gi mirima mana kuom kinde matin,+
To ng’wonone siko nyaka chieng’.+
Ji ywak godhiambo, to kochopo gokinyi chunygi pong’ gi mor.+
6 Ka weche ne dhina maber, ne awacho niya:
“Ok anayiengni ngang’.”
7 A Jehova, ka ne inyisa ng’wono ne imiyo achung’ matek ka got.+
To nabedo maluor ka ne ipandona wang’i.+
8 In e ma nasiko ka aluongi, A Jehova,+
Kendo nasiko ka akwayi ni inyisa ng’wono, A Jehova.
9 En ohala mane ma thona biro kelo? Dhina e bur biro konyo gang’o?+
Be buru biro paki?+ Be obiro hulo adierani?+
10 A Jehova, winja kendo inyisa ng’wono.+
A Jehova, konya.+
11 Iseloko kuyona mi obedo miel;
Iselonyona law gunia mirwakona mor,
12 Mondo apaki gi wer ma ok aling’.
A Jehova Nyasacha, anapaki nyaka chieng’.
Ne jatend wer. Wend Daudi.
31 Yaye Jehova, in e kar bwokna.+
Kik iwe mondo ane wich-kuot ngang’.+
Resa nikech in Nyasaye makare.+
2 Chikna iti.
Bi piyo mondo iresa.+
Bedna got ma anyalo pondoe,
Kendo ohinga motegno ma anyalo geng’orae.+
5 Aketo ngimana e lweti.+
A Jehova Nyasach adiera, iseresa.+
6 Asin gi jo ma lamo nyiseche manono,
To Jehova e ma ageno kuome.
7 Abiro bedo mamor ahinya nikech herani mosiko,
Nimar iseneno chandruokna,+
Kendo ing’eyo gik ma chando chunya.
8 Ok iseketa e lwet jasigu,
To isechungo tiendena ka ma okuwe.*
9 Yaye Jehova, kecha nikech chunya nigi lit.
Aseywak ahinya ma koro wengena ojony,+ denda duto bende onyosore.+
Tekona rumo nikech kethona;
Chokena doko ma yom yom.+
11 Wasika duto jara,+
To moloyo jo ma odak buta.
Osiepena duto bwok konena;
Kendo giringo sa ma ginena e wang’ yore.+
12 Wigi owil koda mana ka gima ne asetho chon;
Achal mana gi agulu motore.
13 Asewinjo miriambo mang’eny kuoma;
Luoro olwora koni gi koni.+
Gichokorena mondo gitimna gima rach,
Gichano tieko ngimana.+
14 To ageno kuomi, A Jehova,+
Kendo alando niya: “In e Nyasacha.”+
15 Ngimana nie lweti.
Resa e lwet wasika kod jo ma sanda.+
16 Yie irang jatichni gi ng’wono.+
Resa nikech herani mosiko.
17 Yaye Jehova, kik iwe wiya kuod sa ma aywagorani.+
18 Mak dho jo mariambo mondo giling’,+
Nikech githiano ne jo makare, kendo giwuoyonegi gi sunga kod ajara.
19 To mano kaka berni ng’eny mokalo apima+
20 Inipandgi ka ma intie ma en ka mogeng’ore,+
Mondo gik maricho ma ji chano kik hinygi;
Ibiro pandogi e hema mari
Mondo wasikgi kik yanygi.+
22 Ka ne luoro omaka, ne awacho niya:
“Abiro lal nono a e nyimi.”+
To ka ne aluongi mondo ikonya niwinjo ywakna.+
23 Heruru Jehova un jo momakore kode duto!+
Zaburi mar Daudi. Maskil.*
32 Ng’at mamor en ng’at mowene kethone, kendo moruch richone.+
3 Kinde ma ne pok ahulo richona, chokena ne onyosore nikech lit ma ne an-go odiechieng’ mangima.+
4 Nikech odiechieng’ gotieno lweti ne pek kuoma.*+
Tekona ne oduono mana kaka pi duonoga e kinde oro. (Sela)
Ne awacho niya: “Abiro hulo richona e nyim Jehova.”+
Kendo ne iweyona richona.+ (Sela)
Kata ka ohula maduong’ omwomre ok bi chopo ire.
Ibiro lwora koni gi koni gi wende mag loch.+ (Sela)
8 “Abiro miyi rieko kendo puonji yo monego iluw.+
Abiro ng’adoni rieko ka wang’a neni.+
9 Kik ibed kaka faras kata nyumbu* ma onge rieko,+
Nimar nyaka chikgi mana kosetwe dhogi kendo iywayogi gi tol,
Nono to ok gibi sudo buti.”
11 Beduru moil nikech gik ma Jehova osetimo, kendo beduru mamor un jo makare;
Koguru gi ilo un jo ma chunygi tir.
33 Un jo makare, koguru gi mor nikech gik ma Jehova osetimo.+
Owinjore jo matir opake.
2 Pakuru Jehova gi nyatiti kugoyone erokamano;
Werneuru gi gir thum molos gi tonde apar.
3 Werneuru wer manyien;+
Werneuru matek kumor, kendo ugone thum mamit.
4 Nikech wach Jehova ni kare,+
Kendo wanyalo geno gik moko duto motimo.
5 Jehova ohero tim makare kod bura makare.+
Piny duto opong’ gi herane mosiko.+
6 Kokalo kuom wach moa e dho Jehova, polo nobetie,+
Kendo kokalo kuom much dhoge gik moko duto manie polo nobetie.
7 Ochoko pige mag nembe madongo mana ka yawo;+
Okano pige ma ringo matek e ute keno.
8 Piny duto mondo oluor Jehova.+
Ji duto manie piny mondo oluore.
11 To dwach Jehova siko nyaka chieng’;+
Gima chunye dwaro timore e tienge duto.
13 Jehova ng’iyo piny ka en e polo,
Kendo oneno ji duto.+
14 Ka en ka ma odakie,
Oneno ji duto modak e piny.
15 En e mochueyo chuny ji duto,
Kendo onono gik moko duto ma gitimo.+
16 Oganda lweny maduong’ ok e ma mi ruoth lo lweny;+
Ng’at ma ratego ok nyal tony nikech tekrene owuon.+
17 Keto geno kuom faras ok nyal konyo ng’ato;+
Tekone ng’eny, to ok onyal reso ng’ato.
18 Wang’ Jehova ng’iyo jo moluore,+
Kod jo mogeno herane mosiko.
19 Mondo oresgi kuom tho,
Kendo oritgi e ndalo kech.+
20 Wan waketo genowa kuom Jehova.
En e mokonyowa kendo en e okumbawa.+
21 Chunywa mor kode,
Nikech wageno nyinge maler.+
Zaburi ma Daudi nondiko ka nowuondore ni ojaneko+ e nyim Abimelek, mi Abimelek oriembe.
א [Aleph]
34 Abiro pako Jehova kinde duto,
Kendo ok nawe pake seche duto.
ב [Beth]
2 Abiro dendo Jehova;+
Jo mamuol nowinja, mi ginibed mamor.
ג [Gimel]
3 Wahuluru duong’ mar Jehova kanyachiel;+
Wating’uru nyinge malo.
ד [Daleth]
4 Ne akwayo Jehova kony, mi ne odwoka.+
Notiekona luoro duto ma ne an-go.+
ה [He]
5 Wenge jo ma oketo genogi kuome rieny,
Kendo wigi ok kuod ngang’.
ז [Zayin]
6 Jal ma sandore ne oluongo Jehova, mi nowinje.
Ne orese e chandruogene duto.+
ח [Heth]
ט [Teth]
י [Yod]
9 Luoruru Jehova un joge duto maler,
Nimar jo moluore yudo gik moko duto ma gidwaro.+
כ [Kaph]
10 Kata mana sibuor ma nigi teko nyalo koso chiemo,
To jo ma manyo Jehova ok bi chando gimoro amora maber.+
ל [Lamed]
11 Biuru nyithinda, winjauru;
Abiro puonjou luoro Jehova.+
מ [Mem]
12 Ng’ano kuomu ma dwaro ngima maber,
Kendo ma gombo dak aming’a?+
נ [Nun]
ס [Samekh]
ע [Ayin]
פ [Pe]
16 To wang’ Jehova mon gi jo ma timo richo,
Kendo omiyo wich wil kodgi e piny.+
צ [Tsade]
ק [Qoph]
ר [Resh]
ש [Shin]
ת [Taw]
21 Masira biro nego jo ma timbegi richo,
Kendo bura nolo jo ma osin gi jo makare.
Zaburi mar Daudi.
3 Ikri gi tong’ kod le ma dhoge ariyo mondo ikedgo gi jo ma lawa.+
A Nyasaye, nyisa ni in e jawarna.+
4 Mad jo ma dwaro kawo ngimana oyud wich-kuot gi achaya.+
Mad jo ma chano hinya oyud wich-kuot mi gidog chien.
5 Mad gichal gi mihudhi ma yamo tero;
Mad malaika mar Jehova oriembgi gidhi mabor.+
6 Mad yoregi otim mudho kendo obed ma poth
Sa ma malaika mar Jehova lawogi.
7 Nikech gichikona obadho kayiem nono mondo gimaka,
Kendo gikunyona bur kayiem nono.
8 Mad masira yudgi apoya,
Kendo gimok e obadho ma ne gichikona.
Mad ginyumre e bur ma ne gikunyo.+
9 To chunya noil kuom gima Jehova osetimo,
Kendo abiro bedo moil nikech oseresa.
10 Abiro wacho gi chunya duto niya:*
“En ng’a ma chal kodi A Jehova?
Ireso jo ma nyap e lwet jo ma nigi teko moloyogi;+
Adier, ireso jo ma onge teko gi jochan e lwet jomecho.”+
12 Gichula rach kar ber,+
Gimiyo chunya lit.
13 Gin to ka ne gituo ne arwako law gunia,
Ne asando ringra ka ariyo kech,
Kendo ka ne ok odwok lamona,
14 Nawuotho koni gi koni kaywak mana ka ng’at ma ywago osiepne kata owadgi;
Chunya nokuyo mana ka ng’at ma ywago min mare.
15 To ka nachwanyora ne gichokore ka gimor;
Ne gibutona mondo gigoya,
Ne gikidha matindo tindo kendo ne ok giling’.
17 Yaye Jehova, ibiro siko kineno anena gigi nyaka karang’o?+
18 Eka abiro goyoni erokamano e chokruok maduong’,+
Anapaki e dier oganda maduong’.
20 Nikech ok giwach weche kuwe,
To gichano gik maricho ne jo ma odak gi kuwe e piny.+
21 Giyawona dhogi maduong’ ka gihangona wach.
Giwacho niya: “Ha! Ha! Wengewa oseneno kopodho.”
22 Yaye Jehova, iseneno gima otimore. Kik iling’ aling’a.+
Yaye Jehova, kik ibed mabor koda.+
23 A malo, kendo chung’ mondo ikonya,
Yaye Jehova Nyasacha, kedna e bucha.
24 Ng’adna bura makare,+ yaye Jehova Nyasacha;
Kik iyie wasika osungre ni giseloya.
25 Kik iwe giwach niya: “Ha! Otimore mana kaka ne wadwaro.”
Kik iwe giwach niya: “Koro to wasemuonye.”+
26 Mad ji duto mamor nikech chandruokna
Oyud wich-kuot maduong’.
Mad jo ma ting’ore malo oyud wich-kuot kod achaya.
27 To mad jo mamor nikech aloyo bura okog gi ilo;
Mad gisik ka giwacho niya:
“Jehova mondo oting’ malo nikech omor sa ma jatichne nigi kuwe.”+
Ne jatend wer. Zaburi mar Daudi jatich Jehova.
36 Richo e ma chiko chuny jaricho.
Ok oluoro Nyasaye kata matin.+
2 Owuondore ni en ng’at maber,
Mano mone fwenyo richoge kendo weyogi.+
3 Weche ma wuok e dhoge richo kendo gin miriambo;
Oonge rieko, omiyo ok onyal timo gimoro maber.
4 Ochano timo gik maricho kata sa monindo e otandane.
Ok oluw yo maber;
Kendo ok okwed gima rach.
5 A Jehova, herani mosiko chopo e polo,+
Adierani ochopo e boche polo.
A Jehova, in e ma irito ngima dhano gi le.+
7 A Nyasaye, to mano kaka herani mosiko ber!+
Dhano yudo kar bwok
e tipo mar bwombeni.+
11 Kik iwe tiend jo ma sungore onyona,
Kendo kik iwe joricho oriemba.
12 Ne kaka joricho osepodho piny;
Osegogi piny kendo ok ginyal chung’.+
Zaburi mar Daudi.
א [Aleph]
37 Kik chunyi chandre nikech timbe joricho,
Kata kik ine nyiego ne joricho.+
2 Nikech gibiro ner mapiyo mana ka lum,+
Kendo gibiro two mana kaka oboke mang’ich two.
ב [Beth]
4 Yud mor maduong’ kuom Jehova,
To obiro miyi gik moko duto ma chunyi gombo.
ג [Gimel]
6 Obiro miyo timni makare orieny ka ler mokinyi,
Kendo timni matir orieny ka ler modiechieng’.
ד [Daleth]
7 Ling’ thi e nyim Jehova+
Kendo irite kihori mos.
Kik chunyi chandre ka ng’ato chano gik maricho
Kendo gik mochanogo chopo kare.+
ה [He]
ו [Waw]
ז [Zayin]
12 Ng’at ma timbene richo chano timo marach ne ng’at makare;+
Okayo lekene gi mirima.
13 To Jehova biro nyiere anyiera,
Nimar ong’eyo ni odiechieng jalo biro chopo.+
ח [Heth]
14 Joricho wuodho ligengnigi kendo giywayo tonde mag atungegi
Mondo gitiekgo jo ma sandore kod jo modhier,
Kendo gineggo jo ma yoregi oriere tir.
15 To ligengnigi biro chuoyo adundogi giwegi,+
Kendo atungegi biro tur.
ט [Teth]
16 Gima tin ma ng’at makare nigo ber
Moloyo mwandu mathoth ma joricho nigo.+
17 Nimar Jehova notur bede jo ma timbegi richo,
To norit jo makare.
י [Yod]
18 Jehova ong’eyo gik ma jo ma onge ketho kaloe,
Kendo enomigi pok ma nosik nyaka chieng’.+
19 Ok gibi chandore e kinde mag masira,
Kendo gibiro bedo gi chiemo mathoth ndalo kech.
כ [Kaph]
20 To jo ma timbegi richo biro tho;+
Wasik Jehova biro ner kaka lum mang’ich manie pap ner;
Gibiro lal nono ka yiro.
ל [Lamed]
21 Jaricho holo gimoro to ok ochul,
To ng’at makare ng’won kendo ojachiwo.+
22 Jo ma Nyasaye oguedho nobed weg piny,
To obiro tieko jo mokuong’o.+
מ [Mem]
נ [Nun]
25 Chakre tinna nyaka koro abedo moti,
Pok aneno kojwang’ ng’at makare,+
Kata mana nyithinde ka kwayo chiemo.+
26 Kinde duto ochiwoga gigene nono,+
Kendo ibiro guedh nyithinde.
ס [Samekh]
27 Lokri ia e richo, kendo itim gima ber,+
Eka inidag nyaka chieng’.
ע [Ayin]
פ [Pe]
30 Ng’at makare wuoyo gi rieko,
Kendo owacho adier.+
צ [Tsade]
32 Ng’at marach kiyo ng’at makare,
Kodwaro yo ma donegego.
ק [Qoph]
34 Gen Jehova kendo luw yorene,
Obiro ting’i malo kendo miyi piny obed mari.
Ibiro neno gi wang’i+ kitieko jo maricho.+
ר [Resh]
35 Aseneno ng’at ma kwiny, kendo ma timbene richo,
Kadhi maber mana ka yath mang’ich moloth e lowo mowinjore kode.+
ש [Shin]
38 To joricho duto ibiro keth,
Adier, ibiro ng’ad kargi oko.+
ת [Taw]
40 Jehova biro konyogi kendo resogi.+
Obiro resogi e lwet joricho,
Nikech en e kar bwokgi.+
Wend Daudi ma paro ne ji wach moro.
38 Yaye Jehova, kik ikwera ka iyi owang’,
Kata rieya ka mirima omaki.+
2 Nikech isechwoya malit gi aserni magi,
Kendo lweti odiya piny.+
3 Denda duto tuo nikech mirimbi.
Asetimo richo kendo koro aonge kuwe.*+
4 Kethona opong’o wiya,+
Gitura ka osigo mapek.
5 Adhondena top, kendo koro ging’we,
Nikech gik mofuwo ma asetimo.
6 Anyosora ahinya kendo an gi parruok mang’eny;
Awuotho koni gi koni odiechieng’ duto ka akuyo.
7 Onding’a rama ahinya;
Denda duto tuo.+
8 Denda ool kendo tekona orumo chuth;
Achur nikech chunya lit.
9 Yaye Jehova, ing’eyo gik moko duto ma chunya gombo,
Ing’eyo chur ma achurgo.
10 Adundona guecho, tekona oserumo,
Kendo ler oselal e wengena.+
11 Osiepena gi jo ma nawuothogo oseringa nikech tuona,
Kendo jobuta ochung’ gi ku mabor.
12 Jo ma dwaro ngimana osechikona obadho;
To jo ma dwaro hinya bwoga gi weche maricho;+
Gichano miriambo odiechieng’ duto mondo gihinya.
14 Achal ka ng’at ma ok winj wach,
Kendo ma dhoge ok nyal dwoko wach.
16 Nimar ne akwayi niya: “Kik iyie gisungre ni giseloya
Kata giting’re malo ka akier.”
17 Ne achiegni podho,
Kendo rem ma ne an-go nosiko.+
19 Wasika to dendgi beyo kendo gin joroteke,*
Jo mochaya kayiem nono osemedore.
20 Ne gichula richo kar ber,
Ne gikweda nikech alawo gik mabeyo.
21 Yaye Jehova, kik ijwang’a.
Ne jatend wer mar Jeduthun.*+ Wend Daudi.
39 Ne awacho ni: “Abiro rito yorena,
Mondo lewa kik wach gimoro amora marach.+
Abiro tueyo dhoga+
Seche duto ma joricho ni buta.”
3 Chunya ne liet ka mach.
Kaka namedo paro wachno e kaka chunya nomedo chwakore.
Eka nating’o dhoga mi awacho kama:
4 “Yaye Jehova, konya ng’eyo kaka giko mar ngimana biro chalo,
Kod kar romb ndalona,+
Mondo ang’e ni ngimana chuok marom nade.
Adier, dhano chalo mana gi muya, kata ka ngimane nenore ni ber.+ (Sela)
6 Dhano lworore koni gi koni ka tipo.
Orikni gi tijene kayiem nono.
Ochoko mwandu mathoth to ok ong’eyo ng’a mobiro weyonegi.+
7 To koro, yaye Jehova, en ang’o ma anyalo geno?
Aketo genona duto kuomi.
8 Resa kuom kethona duto.+
Kik iyie mondo ng’at mofuwo ojara.
9 Ne aling’ thi,
Kendo ne ok anyal yawo dhoga,+
Nikech in e misemiyo gigo oyuda.+
10 Kik ikuma kendo.
Lweti osegoya ma koro achiegni tho.
11 Irieyo ng’ato kikume nikech richone;+
Iketho gige mabeyo mana kaka kudni ketho gimoro.
Adier, dhano chalo mana gi muya.+ (Sela)
12 Yaye Jehova, winj lamona,
Chik iti ne ywakna.+
Kik iling’ aling’a sa ma pi wang’a chuer.
13 Kik ing’iya ka in gi mirima mondo chunya oduog,
Ka pok atho mi alal chuth.”
Ne jatend wer. Zaburi mar Daudi. Wer.
2 Ne oywaya mogola e bur malich,
Motimo chuodho.
Ne ochunga e wi lwanda,
Momiyo tiendena onyono ka motwo.
3 Eka nopuonja wer manyien,+
Wer mipakogo Nyasachwa.
Ji mang’eny moneno mano biro hum nono,
Kendo gibiro geno Jehova.
4 Ng’at mamor en ng’at mogeno Jehova
Kendo ma ok riwre gi josunga kata jomiriambo.
Onge ng’at minyalo pim kodi.+
Katemo hulo gik misetimo kendo wuoyo kuomgi,
To ok anyal hulogi duto nikech ging’eny miwuoro.+
Ne ok ikwayo misengni miwang’o kod misengni mag richo.+
7 Eka ne awacho: “Era e asebiro.
Osendik kuoma e buk modol.+
9 Asehulo wach makare e chokruok maduong’.+
A Jehova, mana kaka ing’eyo
Pok ageng’o weche me dhoga.+
10 Ok aseumo timni makare e chunya.
Aselando kaka in ja adiera kendo ireso ji.
Ok asepando herani mosiko gi adierani ne chokruok maduong’.”+
11 Yaye Jehova, kik itamri kecha.
To yie mondo herani mosiko kod adierani orita pile.+
12 Masiche mathoth olwora kendo ging’eny mokalo akwana.+
Richona osehinga kendo koro ok anyal neno yo ma awuothoe,+
Ging’eny moloyo yie wiya,
Kendo chunya oseol.
13 A Jehova, yie iresa.+
Yaye Jehova, ret piyo mondo ikonya.+
14 Mad ji duto ma dwaro nega
Oyud wich-kuot mi ging’eng’ nono.
Bende, mad jo mamor ka masira oyuda
Odog chien ka wigi okuot.
15 Mad jo ma nyiera ni: “Ha! Ha!”
Odhier nono ka giyudo wich-kuot.
Mad ji duto mohero warruokni owach kinde duto niya:
“Miuru Jehova duong’.”+
17 An to achandora kendo adhier;
To yie ipara, A Jehova.
In e jakonyna kendo jawarna;+
Yaye Nyasacha, kik ideki.+
Ne jatend wer. Wend Daudi.
2 Jehova biro rite kendo miye ngima.
4 Nimar nawacho niya: “Yaye Jehova, kecha.+
5 Wasika wuoyo marach kuoma ka giwacho niya:
“Obiro tho karang’o mondo nyinge olal chuth?”
6 Sa ma achiel kuomgi obiro nena, owuondore ni owuoyo kuoma maber,
To kara omanyo mana weche modhi kethogo nyinga.
Kae to odhi okeyo wechego ne ji.
7 Wasika duto kuotho kanyachiel;
Gichano kaka digihinya, ka giwacho niya:
10 To in yaye Jehova, kecha kendo chunga malo,
Mondo achulgi gik ma ne gitimona.
11 Ka aneno ni jasika ok oloya,
Eka abiro ng’eyo ni chunyi mor koda.+
13 Wapakuru Jehova, Nyasach Israel,
Ee, wapakeuru nyaka chieng’.+
Amin kendo Amin.
BUK MAR ARIYO
(Zaburi 42-72)
Ne jatend wer. Maskil* mar yawuot Kora.+
42 Mana kaka mwanda ma riyo ohingo manyo kuonde ma pi nitie,
E kaka an bende amanyi, A Nyasaye.
2 Karang’o ma anabi e nyimi, yaye Nyasaye?+
Arito chieng’no gi siso, A Nyasaye mangima.+
3 Pi wang’a e chiemba odiechieng’ gotieno;
Ji jara odiechieng’ mangima niya: “Ere Nyasachino?”+
4 Chunya paro gik mosekalo.
Ne ajawuotho gi oganda maduong’;
Ne ajatelonegi ka wawuotho mos ka wadhi e od Nyasaye,
Kendo ne wakok gi dwol mamor ka wapako Nyasaye,
Mana kaka oganda maduong’ ma timo nyasi.+
5 Ang’o momiyo chunya chandore?+
Ang’o momiyo chunya parore?
6 A Nyasacha, chunya chandore.+
7 Sa ma abururu mag Nyasaye wuo
Kut luongo kut.
Apaka magi ma mwomore matek oseima.+
8 Jehova biro nyisa herane mosiko godiechieng’,
To gotieno anawerne wer ma alamogo Nyasach ngimana.+
9 Anawach ne Nyasaye ma lwandana niya:
“Ang’o momiyo wiyi osewil koda?+
Ang’o momiyo asiko ka akuyo mana nikech jasika sanda?”+
11 Ang’o momiyo chunya chandore?
Ang’o momiyo chunya parore?
Resa e lwet jo ma wuondore kod jo ma timbegi richo.
2 Nimar in e Nyasacha ma apondo kuome.+
Ang’o momiyo isewita?
Ang’o momiyo asiko ka akuyo mana nikech jasika sanda?+
3 Or ler mari kod adierani,+
4 Eka anadhi e kendo mar misango,+
Ir Nyasaye ma miya mor.
Abiro paki gi nyatiti,+ A Nyasacha.
5 Ang’o momiyo chunya chandore?
Ang’o momiyo chunya parore?
Ne jatend wer. Zaburi mar yawuot Kora.+ Maskil.*
Ne iloyo ogendni mi iriembogi oko.+
4 In e Ruodha, A Nyasacha;+
Gol chik mondo Jakobo olochi.
6 Ok ageno atung’na,
Kendo liganglana ok nyal resa.+
7 To in e ma niresowa e lwet wasikwa,+
Ne ikuodo wi jo mosin kodwa.
8 Wabiro pako Nyasaye odiechieng’ kodiechieng’;
Wabiro pako nyinge nyaka chieng’. (Sela)
9 To koro isewitowa kendo isekuodo wiwa,
Kendo ok idhi gi jolwenjwa e lweny.
10 Isemiyo waringo wasikwa,+
Kendo jo ma kedo kodwa yakowa.
11 Ne ijwang’owa mondo ongamwa ka rombe,
Kendo isekeyowa e dier pinje.+
12 Ne iuso jogi nono,+
Kendo onge ohala ma ne iyudo kuomgi.
13 Isemiyo jo modak butwa ochayowa,
Jo molworowa nyierowa kendo yanyowa.
14 Iselokowa ngero ma ogendni goyo,+
Ogendni kino wigi konenowa.
15 Wich-kuot omaka seche duto,
Kendo wang’a nyiso ni wich-kuot nega.
16 Wasikwa nyierowa kendo giyanyowa,
Nikech gisechako chulo kuor.
17 Magi duto notimorenwa kata obedo ni wiwa ne pok owil kodi,
Kendo pok waketho singruokni.+
18 Chunywa pok oweyi;
Kendo tiendewa pok okier moweyo yori.
19 To isegoyowa mi ibolowa ka ma ondiegi odakie;
Iseumowa gi mudho mandiwa.
20 Ka dine wiwa owil gi nying Nyasachwa,
Kata dine wayaro lwetewa ne nyiseche manono ka walamogi,
21 Donge Nyasaye dine ofwenyo wachno?
Ong’eyo gik maling’ ling’ manie chuny dhano.+
22 Tho ochomowa odiechieng’ duto nikech in;
Osekwanwa ka rombe monego oyang’.+
23 A Jehova, a malo. Inindo nang’o?+
Chiew! Kik ijwang’wa nyaka chieng’.+
24 Ipandonwa wang’i nang’o?
Wiyi osewil gi thagruokwa kod chandruogewa koso?
25 Osegowa piny e buru;
Osediwa e lowo.+
Reswa nikech herani osiko.+
Ne jatend wer. Wendni onego ower e dwol mar “Ondanyo.” Zaburi mar yawuot Kora.+ Maskil.* Wend hera.
45 Ail nikech an gi wach moro mamit e chunya.
Adwaro wero wer moro ne ruoth.+
Mad lewa obed ka kalamb+ jandiko mong’ith.+
2 In e miberie mogik moloyo chwo duto.
Weche mang’won a e dhogi.+
Mano e momiyo Nyasaye oseguedhi nyaka chieng’.+
4 Dhi adhiya e duong’ni mondo ilochi;+
Dhi kiidho faras mondo iked ne adiera, bolruok, kod tim makare.+
Lweti ma korachwich notim* gik miwuoro.
7 Nihero tim makare,+ to nisin gi timbe maricho,+
Mano e momiyo Nyasaye ma Nyasachi osewiri+ gi mo mi oting’i malo+ moloyo joweteni.
8 Lepi duto dum manemane, aloe, kod kasia;
Thum migoyoni e od ruoth mobidh gi leke liech e ma miyi mor.
9 Nyi ruodhi nie kind mon mimiyo duong’;
Mikach ruoth nie bathi korachwich, korwakore gi dhahabu mogol Ofir.+
10 Nyara, winja maber kendo ichikna iti;
Gol pachi kuom jothuru kaachiel gi joodu.
11 Kamano, ruoth biro gombo ber mari.
En e ruodhi,
Omiyo, kulrine.
12 Nyar Turo biro keloni mich;
Jomwandu biro sayi mondo inyisgi ng’wono.
13 Duong’ olworo nyar ruoth koni gi koni e od ruoth;
Lawe obidh gi dhahabu.
14 Ibiro kele ir ruoth korwako law mochwe gi usi maber;
Nyiri ma silili ma luwo bang’e bende ibiro kel e nyimi.
15 Ibiro rwakgi e ot gi sigalagala kod ilo maduong’;
Gibiro donjo e dala ruoth.
16 Yawuoti biro kawo kar kwereni.
Ibiro ketogi jotelo e piny.+
17 Anami nyingi ong’ere e tienge duto ma biro.+
Mano e momiyo ji biro paki nyaka chieng’.
Ne jatend wer. Zaburi mar yawuot Kora.+ Onego ower wendni kaluwore gi Alamoth.*
2 Mano e momiyo ok wabi luor kata piny lokre,
Kata gode mukre mi lwar e chuny nam,+
3 Kata pige manie nam wuo mi gol buoyo,+
Kata ka gode yiengni nikech nam ochacho. (Sela)
4 Nitie aora moro ma aochene matindo kelo mor e dala Nyasaye,+
E i hekalu maler mar Jal Mamalo Chutho.
5 Nyasaye odak e i dalano,+ omiyo, dalano ok bi podho.
Nyasaye biro konye ka piny yawore.+
6 Ogendni ne go koko, pinjeruodhi ne podho;
Noting’o dwonde mi piny noleny nono.+
7 Jehova Nyasach oganda lweny ni kodwa;+
Nyasach Jakobo e kar bwokwa. (Sela)
8 Biuru une tije Jehova.
Biuru une gik miwuoro mosetimo e piny.
9 Otieko lwenje e piny duto.+
Oturo atunge kod tonge;
Owang’o geche lweny* gi mach.
10 Owacho kama: “Bed mos kendo ng’e ni an e Nyasaye.
Ne jatend wer. Zaburi mar yawuot Kora.+ Wer.
47 Pamuru lweteu un ogendni duto.
Koguru ne Nyasaye gi mor.
3 Oseketo ogendni e bwowa;
Adier, oseketogi e bwo tiendewa.+
5 Nyasaye oseidho malo ka ji kokne gi mor;
Jehova oseidho malo ka tung’* ywak.
6 Weruru ne Nyasaye, pakeuru,
Weruru ne Ruodhwa, pakeuru.
7 Nimar Nyasaye e Ruodh piny duto;+
Weruru kendo nyisuru rieko.
8 Nyasaye en Ruoth e wi ogendni.+
Obet e kom-lochne maler.
9 Jotend ogendni ochokore kanyachiel
Gi jo ma lamo Nyasach Ibrahim.
Ruodhi* mag piny gin mag Nyasaye.
Oseting’e malo.+
Wend yawuot Kora.+ Wer.
48 Jehova duong’ kendo owinjore opake
E dalane maduong’ kendo e gode maler.
2 Got Sayun en dala mar Ruoth Maduong’,+
En yo nyandwat kendo oting’ore malo,
Ober kendo okelo mor ne piny ngima.+
3 Nyasaye osenyisore ni en e kar bwok motegno+
E dalane mochiel gi ohinga.
4 Ne! ruodhi ne oromo kanyachiel,
Ne gibiro ma gichopo machiegni.
5 To ka ne gineno dalano, ne gibuok.
Luoro nomakogi mi giringo.
6 Gikanyono ne gichako tetni,
Mi ne gibedo gi rem machal gi muoch ma kayo dhako.
7 Ne ituro meli mag Tarshish matindo tindo gi yamb ugwe.
8 Gik ma ne wawinjo koro waseneno
E dala Jehova Nyasach oganda lweny, e dala Nyasachwa.
Nyasaye biro gure motegno nyaka chieng’.+ (Sela)
9 A Nyasaye, waparo matut kuom herani mosiko,+
E i hekalu mari.
10 A Nyasaye, nyingi kod pakni
Osechopo nyaka e tung’ piny.+
Lweti ma korachwich opong’ gi tim makare.+
13 Ng’iuru ohinga mage motegno,+
Nonuru ohingage madongo,
Mondo ubi unyis tiengeu ma biro.
14 Nimar Nyasachwani e Nyasaye+ mochwere.
Ne jatend wer. Zaburi mar yawuot Kora.+ Wer.
49 Winjuru wachni un ogendni duto.
Chikuru itu un ji duto modak e pinyni,*
2 Bed ni un ji ajia kata jo mimiyo duong’,
Jomwandu kata jodhier.
3 Dhoga biro wacho weche mag rieko,
Kendo gik ma aparo e chunya+ biro nyiso ni awinjo tiend weche.
4 Abiro chiko ita ne ngero;
Abiro lero tiend ngerono ka agoyo nyatiti.
5 Ang’o ma dimi aluor e ndalo mag chandruok,+
Ka wasika olwora mondo gigoya piny?
6 Jogo ogeno mwandugi,+
Kendo gisungore nikech mwandu mathoth ma gin-go.+
7 Onge ng’ato kuomgi ma nyalo waro ngima owadgi,
Kata ma nyalo chulo Nyasaye nengo moromo ware,+
8 (Nengo miwarogo ngima dhano duong’ ahinya,
Ok ginyal chulo ngang’);
9 Mondo odag nyaka chieng’ kendo kik odhi e liel.+
10 Ji duto ong’eyo maber ni jo mariek tho
Mana kaka jo ma onge rieko gi jo mofuwo tho,+
Kendo giduto giweyo mwandugi ne jomoko.+
11 Gigombo ahinya ni utegi osik nyaka chieng’,
Kendo hembegi obed e tienge duto.
Giseluongo mwandugi gi nyingegi giwegi.
12 To kata ka omi dhano duong’ marom nade, ok osik e piny;+
Ok oloyo le gi ber moro amora, giduto githo.+
13 Mano e gima biro timore ne jo mofuwo,+
Kod jo ma luwogi kendo ma winjo wechegi ma nono. (Sela)
14 Gichomo Liel* mana ka rombe midhi yang’.
Tho biro bedo jakwadhgi.
Jo matir biro bedo gi loch e wigi+ ka piny oru.
16 Kik chunyi chandre ka ng’ato odoko momew,
Kata ka mwandune medore ameda.
18 Nimar nopakore ni oguedhe ka pod nongima.+
(Ji nyaka paki ka mwanduni medore.)+
19 To gikone, obiro dhi kama kwerene nitie.
Ok gibi neno ler kendo.
20 Ng’at ma wechegi ok donjne, kata obedo ni imiye duong’,+
Ok oloyo le gi ber moro amora, giduto githo.
Wend Asaf.+
50 Jehova, Nyasach nyiseche+ osewuoyo;
Oluongo ji duto modak e piny
Chakre yo wuok chieng’ nyaka yo podho chieng’.
2 Nyasaye rieny gie Sayun,+ dala ma berne long’o chuth.
3 Nyasachwa nobi kendo ok noling’.+
5 “Chokuru jo momakore koda gadier,
Ma chiwo misango ka gitimo singruok koda.”+
6 Polo lando timne makare,
Nikech Nyasaye e Jang’ad-Bura.+ (Sela)
7 “A un joga, chikuru itu mondo awuo kodu;
Abiro chiwo neno mondo akwedugo, un Jo-Israel.+
An e Nyasaye ma Nyasachu.+
8 Ok akweru nikech wach misengni muchiwona,
Kata nikech misengni miwang’o musiko kuchiwo e nyima.+
9 Ok ochuno ni akaw ruath moa e kundeu,
Kata nyuok moa e abilniu.+
10 Nikech le duto manie bungu gin maga,+
Kata mana le manie wi gode duto gin maga.
11 Ang’eyo nying winyo ka winyo manie gode;+
Kendo le duto manie pewe gin maga.
12 Ka dabed ni kech kaya, ok danyisou,
Nimar piny kaachiel gi gik manie iye gin maga.+
13 Koso uparo ni dacham ring ruedhi,
Kata damadh remb diek?+
14 Ok kamano. To chiwuru misango mar goyo erokamano ne Nyasaye,+
Kendo chopuru singruoku ne Jal Mamalo Chutho.+
15 Luongauru e ndalo mag chandruok,+
To abiro golou e chandruogno, kendo ubiro miya duong’.”+
16 To Nyasaye biro wacho ne joricho niya:
17 Nimar uchayo puonjna,
Kendo udagi wechena.+
19 Utiyo gi dhou e lando gik maricho,
Kendo lewu oikore riambo.+
20 Usiko uwuoyo marach kuom oweteu,+
Kendo uelo ketho mag owadu monyuolugo.
21 Gigi duto nutimo ka an to aling’,
Omiyo, uparo ni achal kodu.
To koro abiro kwerou e wang’u
Ka anyisou kethou duto.+
22 Un jo ma wigi wil gi Nyasaye, paruru matut kuom wachni,+
Nono to abiro kidhou matindo tindo kendo onge ng’at ma biro resou.
23 Ng’at ma chiwo misango mondo ogona erokamano, e ng’at ma miya duong’,+
Kendo ng’at ma luwo yor adiera
E ng’at ma abiro reso.”+
Ne jatend wer. Wer ma Daudi nowero ka ne janabi Nathan odhi ire bang’ terore gi Bathsheba.+
51 Yaye Nyasaye, kecha nikech herani osiko.+
Ruch kethona duto oko nikech ng’wononi ogundho.+
3 Nimar ang’eyo kethona,
Kendo asiko aparo richona.+
Kuom mano, in kare ka iyala,
Kendo ibiro ng’adona bura makare.+
5 Adier, ne onyuola e richo,
Asebedo jaricho chakre chieng’ ma minwa nomako ichna.+
8 We abedie mamor kendo moil,
Mondo chokena misetoyo ochak obedie mamor kendo.+
11 Kik iriemba awuog e nyimi,
Kata kik igol rohoni maler kuoma.
12 Duogna mor ma ne an-go ka ne iresa,+
Konya abed gi chuny moikore luwo chikeni.
13 Eka abiro puonjo joketho yoreni,+
Mondo giduog iri.
15 A Jehova, yaw dhoga,
Mondo ahul pakni.+
18 Yaye Nyasaye, bed mang’won gi Sayun kendo konye;
Ger ohinga mag Jerusalem kendo.
19 Eka chunyi nobed mamor kichiwoni misengni makare,
Mana misengni miwang’o, kod chiwo miwang’o pep;
Kendo ruedhi nochiw e kendoni mar misango.+
Ne jatend wer. Maskil.* Zaburi ma Daudi nowero ka ne Doeg Ja-Edom odhi ir Saulo monyise ni Daudi ne odhi e od Ahimelek.+
52 Ang’o momiyo isungori nikech timbeni maricho, yaye in ng’at ma ratego?+
Hera mar Nyasaye osiko nyaka chieng’.+
3 Ihero richo moloyo ber,
Miriambo mitni moloyo wacho adiera. (Sela)
4 A, in lep mohero miriambo,
Ihero chwanyo ji!
5 Mano e momiyo Nyasaye biro tieki chuth;+
Obiro maki mogoli e hemani,+
Obiro pudhi oko e piny jo mangima.+ (Sela)
7 “Neuru ng’at ma ne ok oketo Nyasaye kar bwokne,+
To nogeno mana mwandune mathoth,+
Kod gik maricho ma nochano.”
8 An to abiro chalo gi yiend zeituni ma dongo maber e od Nyasaye;
Ageno kuom hera mosiko+ mar Nyasaye nyaka chieng’.
9 Abiro paki nyaka chieng’ kuom gima isetimo;+
Abiro nyiso ni nyingi e ma ageno+ nikech ober,
Anatim kamano e nyim jogi.
Ne jatend wer. Wendni onego ower kaluwore gi Mahalath.* Maskil.* Zaburi mar Daudi.
53 Ng’a mofuwo wacho e chunye niya:
“Jehova onge.”+
Jo ma kamago opong’ gi timbe mag mibadhi, kendo girochore.
Onge ng’at ma timo gima ber.+
2 Nyasaye to ng’iyo ji ka en e polo malo+
Mondo one ka nitie ng’at mariek, kendo ka nitie ng’at ma manyo Jehova.+
3 Giduto gisebayo yo;
Giduto gihero mibadhi.
Onge ng’ato kuomgi ma timo maber,
Kata mana ng’ato achiel.+
4 Be jo ma timbegi richogi ong’eyo gimoro?
Gimuonyo joga ka jo ma muonyo chiemo.
Ok giluong Jehova.+
5 Luoro maduong’ biro makogi,
Luoro ma pok nomakogi nyaka nene.*
Nyasaye biro keyo choke jo ma dwaro monji.
Ibiro kuodo wigi nikech Jehova osedagigi.
6 Yaye, mad resruok mar Israel obi koa Sayun.+
Kinde ma Jehova goloe joge e tuech,
Mad Jakobo omor, Israel oil.
Ne jatend wer. Wendni onego ower gi gige thum ma nigi tonde migwelo. Maskil.* Zaburi ma Daudi nowero ka ne Jo-Zif odhi ir Saulo mowacho ne Saulo niya: “Daudi opondo e pinywa.”+
2 Yaye Nyasaye, winj lamona;+
Chik iti ne weche ma wuok e dhoga.
3 Nikech jo ma ok ang’eyo monja,
Jonjore dwaro kawo ngimana,+
Ok gidew ni Nyasaye nitie.+ (Sela)
4 Neuru! Nyasaye e jakonyna,+
Jehova ni kod jo mosira.
6 Abiro timoni misango+ gi mor.
A Jehova, abiro pako nyingi nikech ober.+
Ne jatend wer. Wendni onego ower gi gige thum ma nigi tonde migwelo. Maskil.* Zaburi mar Daudi.
2 Yie iwinja kendo idwoka.+
Chunya chandore,+
Kendo aonge gi kuwe.
3 Nikech wasika wacho gik maricho,
Kendo joricho odiya.
Gikelona chandruok mathoth,
Gin koda gi sigu kod mirima.+
5 Aluor kendo atetni,
Kibaji ogoya matek.
6 Asiko awacho niya: “Mad nabed gi buombe ka akuru.
Dine afuyo nyaka ka ma anyalo yudoe yueyo.
7 Adier, dine adhi mabor.+
Dine adhi dak e thim.+ (Sela)
8 Dine areto nyaka ka ma anyalo bwokie;
Ka ma yamo kod koth mager ok nyal chopoe.”
9 Yaye Jehova, lal pachgi kendo keth chenro maggi,+
Nikech aseneno kaka timbe gero gi lweny opong’o dala maduong’.
10 Odiechieng’ gotieno giwuotho koni gi koni e ohinga mag dalano;
Timbe maricho gi anjawo e mopong’o dalano.+
11 Masira opong’o dalano,
Kendo yorege opong’ gi jomecho gi jomiriambo.+
12 Ka dabed ni jasika e ma jara,+
To dadhil adhila.
Kata ka dabed ni jasika e ma piem koda,
To dapondone.
14 Ne wagoyoga mbaka mamit kode;
Kendo ne wadhiga e od Nyasaye kaachiel gi oganda mathoth.
15 Mad kethruok oyudgi apoya!+
Mad Liel* omwonygi ka pod gingima;
Nikech richo odak e diergi.
16 An to analuong Nyasaye,
Kendo Jehova biro resa.+
17 Aywagora odhiambo, okinyi, kod odiechieng’ nikech chunya lit.+
To owinjo dwonda.+
18 Obiro resa e lwet jo ma kedo koda, kendo obiro miya kuwe,
Kata obedo ni ji mathoth kweda.+
Jogo ma ok oluoro Nyasaye,
Biro tamore loko yoregi.+
21 Weche mowacho yom moloyo mor dhiang’+
To chunye opong’ gi sigu.
Wechene yom moloyo mor wirruokgo,
To kara gin mana ligangla mosewuodh oko.+
Ok obi weyo ng’at makare opodhi.+
23 To in, yaye Nyasaye, ibiro wito joricho e bur matut.+
Jonek kod jomiriambo ok nodag aming’a.+
An to abiro keto genona kuomi.
Ne jatend wer. Wendni onego ower gi dwol mar “Akuru Moling’ Man Ka Mabor.” Zaburi mar Daudi. Miktam.* Ka ne Jo-Filistia omake e piny Gath.+
56 Yaye Nyasaye, kecha nikech ji lawa ka gidwaro hinya.
Odiechieng’ duto gigoya kendo gisanda.
2 Wasika lawa odiechieng’ duto;
Ji mathoth kedo koda.
3 In e ma ageno kuomi+ sa ma luoro omaka.+
4 Ageno kuom Nyasaye ma apako wachne.
Ageno Nyasaye; ok abi bedo maluor.
Dhano adhana ditimna ang’o?+
5 Gisiko giketho chenroga;
Kinde duto gichano kaka digihinya.+
7 Kwedgi nikech richogi.
Yaye Nyasaye, kum ogendni gi mirimbi.+
Donge isendikogi piny e bugi?+
9 Wasika biro ringo ka aluongi mondo ikonya.+
An gadiera chuth kuom wachni: Nyasaye en jakora.+
10 Ageno kuom Nyasaye ma apako wachne.
Ageno kuom Jehova ma apako wachne.
11 Ageno Nyasaye; ok abi bedo maluor.+
Dhano adhana ditimna ang’o?+
13 Nikech iseresa e tho,+
Kendo isegeng’o tienda mondo kik achwanyra,+
Mi koro awuotho e nyim Nyasaye ka angima.+
Ne jatend wer. Onego owere gi dwol mar “Kik Ikel Kethruok.” Zaburi mar Daudi. Miktam.* Ka ne Daudi oringo Saulo mopondo e rogo.+
57 Yaye Nyasaye, yie ikecha,
Nikech in e kar buokna,+
Kendo apondo e tipo mar buombeni nyaka chandruogena duto rum.+
2 Aywak ne Nyasaye Mamalo Chutho,
Nyasaye madier ma tiekona chandruogena.
3 Obiro orona kony koa e polo, kendo enoresa.+
Obiro kwero jo ma dwaro ngama. (Sela)
Nyasaye biro bedo ja adiera, kendo obiro nyisa herane mosiko.+
4 An e dier sibuoche;+
Anindo e dier jo ma dwaro ngama,
Ma lekegi chal gi tonge gi aserni,
Kendo lewgi bith ka ligangla.+
5 Yaye Nyasaye, nyis tekoni gie kor polo;
Mad duong’ni obed e wi piny duto.+
Ne gikunyo bugo e yora,
To gin giwegi e ma giselwar e iye.+ (Sela)
7 A Nyasaye, chunya otegno,+
Adier, chunya otegno.
Anawerni kendo analosni wer.
8 Yaye chunya, chiew!
Chiew, A in gir thum migwelo; A nyatiti, in bende chiew.
Abiro chiew kogwen.+
10 Nimar herani mosiko duong’ kendo ochopo nyaka e polo,+
Kendo adierani chopo nyaka e kor polo.
11 Yaye Nyasaye, nyis tekoni gie kor polo;
Mad duong’ni obed e wi piny duto.+
Ne jatend wer. Onego owere gi dwol mar “Kik Ikel Kethruok.” Zaburi mar Daudi. Miktam.*
58 Un jong’ad bura, ang’o momiyo uling’ to onego usir tim makare?+
Be unyalo ng’ado bura makare ne ji?+
3 Jo ma timbegi richo chako bam a nyuolgi;
Gibalo kendo gin jomiriambo a nyuolgi.
4 Wechegi chalo gi sum mar thuol;+
Gidino itgi ka thuond rachier modino ite.
5 Ok owinj dwond ng’at ma chike,
Kata ng’atno bed molony manade.
6 Yaye Nyasaye, muk lekegi!
Tur leke sibuochegi, yaye Jehova.
7 Mad gilal nono ka pi ma duono.
Nyasaye mondo oywa atung’ mare kendo oneggi gi aserni mage.
8 Mad gichal gi kamnie ma leny kowuotho kendo olal nono,
Kendo kaka nyathi monyuol kosetho, ma ok oneno wang’ chieng’.
9 Ka pok agulni mau ochako mako mach,
Nyasaye biro yweyo yien muchwekogo bed ni ginumu kata gitwo, mana kaka yamo mager timoga.+
11 Eka ji nowach niya: “Kare, nitie pok ne ng’at makare.+
Adier, nitie Nyasaye ma ng’ado bura e piny.”+
Ne jatend wer. Onego owere gi dwol mar “Kik Ikel Kethruok.” Zaburi mar Daudi. Miktam.* Ka ne Saulo ooro jomoko e od Daudi mondo odhi onege.+
2 Gola e lwet joricho,
Kendo iresa e lwet jonek.
3 Adier, gibutona e yo;+
Joroteke chano kaka digihinya,
To onge gimoro amora marach ma asetimo,+ A Jehova.
4 Onge gima rach ma asetimo, kata kamano gin to gidwaro monja.
Winj ywakna kendo ine chandruokna.
5 Nimar in Jehova Nyasach oganda lweny, in e Nyasach Israel,+
A malo mondo ikum ogendni duto,
Kik ikech joricho ma ndhogo jowetegi.+ (Sela)
11 Yaye Jehova, okumbawa,+ kik ineggi, di po ka wi joga owil gi gik misetimo.
Wegi mondo giwuoth awuotha koni gi koni kuom tekoni,
Kendo gipodh piny.
12 Nikech giwacho weche maricho,
We mondo sungagi omakgi kaka obadho,+
Nimar gikuong’o ji kendo giwuondo ji.
13 Tiekgi gi mirimbi mager;+
Tiekgi chuth mondo kargi olal nono;
Eka gibiro ng’eyo ni Nyasaye e ma locho e wi Jakobo, kendo e wi piny duto.+ (Sela)
14 We mondo giduog odhiambo kodhiambo,
Kendo gilworore e dala ka gigueyo ka guogi.+
15 We mondo giba koni gi koni ka gidwaro chiemo;+
Kik iwe giyieng’ kata giyud ka ma diginindie.
16 An to abiro wero tekreni,+
Okinyi kokinyi abiro paki nikech herani osiko.
Ne jatend wer. Wendni onego ower gi dwol mar “Ondanyo mar Rapar.” Miktam.* Zaburi mar Daudi. Mipuonjogo ji. Ka ne okedo gi Aram-naharaim kod Aram-Zoba, kendo ka ne Joab oduogo monego Jo-Edom e Hoho mar Chumbi.+
60 A Nyasaye, isewitowa; isemiyo olowa.+
Mirima osemaki kodwa, to koro yie waduog iri.
2 Isemiyo piny otetni mobarore,
To koro wakwayi ni ilos kuonde mobarorego nikech ochiegni kethore chuth.
3 Isemiyo jogi oyudo chandruoge mathoth,
Adier, isemiyo wamadho divai ma koro wakwang’ ka jo momer.+
4 Mi ane* jo moluori ranyisi,
Mondo giring atunge mibayogigo. (Sela)
5 Reswa gi lweti ma korachwich kendo winj lamowa,
Mondo jo ma ihero owuog e chandruok.+
6 Nyasaye osewuoyo e lerne:*
8 Piny Moab en besen mara mar lwok.+
To e piny Edom e ma abiro boloe wuochena.+
Piny Filistia e ma abiro kokie ka aselocho.”+
9 A Nyasaye, ng’ano ma biro tera e dala ma omonji?*
En ng’ano ma notelna ka tera Edom?+
10 Donge en mana in misewitowani?
Yaye Nyasachwa, donge tinde ok idhi kodwa e lweny?+
11 Konywa e chandruokwa,
Nimar kony ma dhano chiwo en kayiem nono.+
Ne jatend wer. Wendni onego ower gi gige thum ma nigi tonde migwelo. Zaburi mar Daudi.
61 Yaye Nyasaye, winj ywakna.
Chik iti ne lamona.+
2 Aluongi gie tung’ piny
Ka chunya chandore.+
Telna nyaka e wi lwanda mohinga gi bor.+
3 Nikech in e kar bwokna,
Kendo in e ohinga motegno ma apondoe ne jasigu.+
5 Nikech isewinjo singruokna.
Isemiya pok mikano ne jogo moluoro nyingi.+
6 Inimed ne ruoth ndalo,+
Enodag e tienge mang’eny.
Ne jatend wer mar Jeduthun.* Wend Daudi.
62 Anarit Nyasaye ka ahora mos.
Warruokna a kuome.+
3 Ubiro monjo ng’at mudwaro negoni nyaka karang’o?+
Uduto uricho kendo uchal mana gi ohinga mobam machiegni podho.*
4 Gichano kaka digigole e duong’ne;
Gihero wacho miriambo.
Giguedho ji gi dhogi to gie chunygi gikuong’ogi.+ (Sela)
6 Adier, en e lwandana, warruokna, kendo ohingana;
Ok abi yiengni ngang’.+
7 Warruokna gi duong’ ma an-go a kuom Nyasaye.
Nyasaye e lwandana, kendo kar bwokna.+
8 Genuru kuom Nyasaye kinde duto, yaye ogendni.
Olneuru gik manie chunyu.+
Nikech Nyasaye e kar bwokwa.+ (Sela)
9 Dhano chalo mana gi muya,
Ok nyal gen-gi kata matin.+
Kopimgi e ratil to giyot moloyo muya.+
10 Kik igen gik moma ji
Kendo kik igen gik mokwal.
Kata ka mwanduni medore, kik iket chunyi kuomgi.+
11 Nyasaye osewacho wachni dichiel, an to asewinje diriyo:
Ni Nyasaye e wuon teko.+
Wend Daudi, ka ne en e thim mar Juda.+
63 Yaye Nyasaye, in e Nyasacha kendo amanyi gi kinda.+
Riyo oloya kodi.+
Agombi ahinya
E piny motwo kendo maliet, ka ma pi onge.+
2 Asemanyi e kari maler;
Aseneno tekoni gi duong’ni.+
4 Abiro paki ka pod angima;
Abiro lami ka ahulo nyingi.
8 Amaki matek;
Lweti ma korachwich rita.+
9 Jo ma dwaro nega
Biro dhi e bur matut.
10 Ibiro tiekgi gi ligangla;
Ginibed chiemb ondiegi.
11 To Ruoth biro bedo moil kuom Nyasaye.
Ji duto ma singore e nying Nyasaye nobed mamor,
To dho jomiriambo ibiro um.
Ne jatend wer. Wend Daudi.
64 Yaye Nyasaye, winja sa ma aywakni.+
Rit ngimana nikech jasigu bwoga.
2 Rita kuom gik ma joricho chano timona,+
Kendo kuom oganda mar joricho.
3 Gipiago lewgi ka ligangla,
Kendo gibayo weche mager mana ka aserni.
4 Gibayo jo ma onge ketho ka gin ka ma gipondoe;
Gichielogi apoya gi wang’-teko.
5 Giolore mondo gitim richo,
Gichano kaka digichik obadhogi.
Giwacho niya: “Ng’ano ma biro nenogi?”+
6 Gimanyo yore manyien mag timo richo,
Gichano timbegi maricho gi rieko ma ling’ling;+
Gik ma giparo e chunygi lich.
7 To Nyasaye biro chielogi gi asere;+
Ginipo ka asere ochuoyogi.
8 Weche ma giwacho giwegi e ma nomi gipodh;+
Ji duto monenogi biro kino wigi ka giwuoro.
Ne jatend wer. Zaburi mar Daudi. Wer.
2 A Nyasaye, ji duto nobi iri nimar in e Jawinj lamo.+
4 Ng’at mamor en ng’at miyiero kendo mikelo machiegni
Mondo odag e laru mari.+
5 Ibiro dwoko kwayowa kitimonwa gik madongo+ kendo makare,
Yaye Nyasachwa, kendo jawarwa;
Gik moko duto manie piny ogeni,+
Nyaka nembe man maboyo mogik.
6 Ne iguro gode gi tekoni;
In gi teko mang’eny ahinya.+
8 Luoro nomak jo modak kuonde maboyo ka giwinjo honni misetimo;+
Ibiro miyo ji obed mamor koa e tung’ piny nyaka tung’ piny.
9 Irito piny maber,
Imiyo omew kendo onyak maber.+
Aoche mag Nyasaye opong’ gi pi.
Ne iguedho lowo
Mondo dhano oyud cham.+
10 Ikelo koth mondo oto lowo e puodho
Kendo mondo oyom lowo. Iguedhe mondo onyag cham.+
13 Jamni kwayo e pewe duto,
Kendo cham mochiek odhuro e hohni.+
Pewe mag kwath, aoche, kod hohni kok ka giwer gi mor.+
Ne jatend wer. Zaburi. Wer.
66 Piny duto mondo opak Nyasaye gi mor.+
2 Weruru kupako nyinge maduong’.
Pakeuru kumiye duong’.+
3 Wachuru ne Nyasaye niya: “Mano kaka gik mitimo dongo miwuoro!+
Tekoni duong’ ahinya,
Wasiki kulore e nyimi.+
5 Biuru mondo une gik ma Nyasaye osetimo,
Osetimo ne ji gik madongo miwuoro.+
Ne gibedo mamor nikech gima notimono.+
7 Olocho nyaka chieng’+ nikech teko ma en-go.
Ong’iyo gik ma ogendni timo.+
Jo ma wigi tek ok onego ong’awre malo.+ (Sela)
8 Un ogendni duto, pakuru Nyasachwa,+
Pakeuru gi dwol mondo ji duto owinj.
10 A Nyasaye, isenono timbewa,+
Kendo isepwodhowa mana kaka ipwodho fedha gi mach.
11 Ne iweyo obadho omakowa;
Kendo ne iketo ting’ mapek e ng’ewa.*
12 Ne iyie mondo ji onyon wiwa;
Ne wakalo e mach, kendo ne wakalo e pi;
Koro isekelowa ka ma wanyalo yueyoe.
13 Anabi e odi gi misengni miwang’o pep;+
Abiro chopo singruokna+
14 Ma nahulo gi dhoga+
Ka ne an e chandruok.
15 Abiro chiwo jamni machwe mondo otimnigo misengni miwang’o
Kendo yimbe miwang’o nogolni suya mamit.
Bende, abiro chiwo ruedhi gi nyuogi. (Sela)
16 Biuru, un ji duto moluoro Nyasaye
Mondo anyisu gima osetimona.+
17 Ne aywakne gi dhoga
Kendo namiye duong’ gi lewa.
18 Ka dine bedni achano timo richo e chunya,
Jehova dine ok owinja.+
20 Opak Nyasaye nikech ok nodagi lamona,
Kata golo herane mosiko kuoma.
Ne jatend wer. Wendni onego ower gi gige thum ma nigi tonde migwelo. Wer.
67 Nyasaye biro kechowa, kendo enoguedhwa,
Obiro nyiso ni oyie kodwa.+ (Sela)
3 Mad ogendni duto opaki, A Nyasaye;
Mad ji duto opaki.
Ibiro tayo ogendni duto mag piny. (Sela)
5 Mad ogendni duto opaki, A Nyasaye;
Mad ji duto opaki.
7 Nyasaye biro guedhowa,
Kendo piny duto biro luore.+
Ne jatend wer. Zaburi mar Daudi. Wer.
68 Mad Nyasaye a malo mondo wasike oke,
Mad jo ma kedo kode oring konene.+
2 Mad iriembgi gidhi mabor mana kaka yamo riembo yiro;
Mad joricho olal nono e nyim Nyasaye,+
Mana kaka peth kich leny kowinjo mach.
4 Weruru ne Nyasaye, pakuru nyinge.+
Weruru ne Jal ma riembo gache e thim.*
Nyinge en Jah.*+ Beduru moil e nyime.
To jo mong’anyone dak e piny motwo.+
7 A Nyasaye, ka ne itelo ne jogi+
Kung’ado thim, (Sela)
8 Piny ne oyiengni;+
A Nyasaye, polo noolo koth nikech in.
Sinai notetni e nyimi, A Nyasaye ma Nyasach Israel.+
9 Ne imiyo koth maduong’ ochue, A Nyasaye;
Ne iduogo chuny jogi* ma nojony.
10 Jogi nodak e hembe,+
A Nyasaye, nikonyo jodhier nikech in Nyasaye maber.
12 Ruodhi gi jolwenygi ringo lweny!+
Mon manie mier pogo gik moyak e lweny.+
15 Got Bashan+ en god Nyasaye;
Got Bashan nigi tunge madongo dongo.
16 Yaye un gode madongo, ang’o momiyo ung’icho gi nyiego?
Ang’o momiyo nyiego omakou gi got ma Nyasaye oseyiero mondo obed kar dakne?+
Adier, Jehova biro dak kanyo nyaka chieng’.+
17 Geche lweny mag Nyasaye ng’eny mokalo akwana.+
Jehova osebiro koa Sinai mondo odonj e kare maler.+
Ne ikawo jo momak e lweny;
Ne ikawo ji kaka mich,+
Moriwo nyaka jo ma wigi tek+ mondo idag e diergi, A Jah Nyasaye.
19 Opak Jehova, Nyasaye ma ting’onwa ting’wa pile,+
En e Nyasaye madier ma warowa. (Sela)
21 Kuom adier, Nyasaye biro toyo wi wasike,
Obiro golo osimbo motimo yier e wi jo ma dhi nyime timo richo.+
22 Jehova osewacho niya: “Abiro gologi Bashan;+
Abiro gologi e nam matut,
23 Mondo giyor remb wasikgi,+
Ka guogigi to nang’o remb wasikgigo.”
24 A Nyasaye, gineno kiwuotho ka ia locho e lweny,
Gineno maler ka Nyasacha kendo Ruodha donjo kare maler.+
26 Pakuru Nyasaye e dier chokruoge madongo;
Un nyikwa Israel, pakuru Jehova.+
27 Dhood Benjamin,+ ma en dhoot matin e ma otelonegi,
Jotend dhood Juda kod ogandagi moil be ni kodgi,
Kaachiel gi jotelo moa e dhood Zebulun gi Naftali.
28 Nyasaye osewacho ni ibiro bedo gi teko.
A Nyasaye, nyis tekoni ma isekonyowago.+
30 Kwer jo ma chalo ondiegi manie dier odundu,
Kwer jo ma chalo kwedh ruedhi+ kod nyiroye,
Nyaka chop ji okulreni ka gikelo fedha.*
To ke ogendni duto mohero lweny.
32 Un pinjeruodhi duto mag piny, weruru ne Nyasaye,+
Pakuru Jehova. (Sela)
33 Weruru ne Jal ma ringo gi gache e kor polo ma nyaka nene,+
Winjuru! Dwonde mor matek mana ka mor polo.
34 Landuru teko mar Nyasaye.+
En gi duong’ e wi Israel,
Kendo tekone nenore e kor polo.
35 Nyasaye en ng’at malich miwuoro ka en e kare maler.+
En e Nyasach Israel,
Nyasaye ma miyo ji teko gi nyalo.+
Pakuru Nyasaye.
Ne jatend wer. Wendni onego ower gi dwol mar “Ondanyo.” Zaburi mar Daudi.
69 Yaye Nyasaye, resa nikech pi chiegni ima.+
2 Asenimo e chuodho matut ka ma onge lowo motegno ma danyon.+
Asechopo e kut,
Kendo apaka oseyweya.+
3 Aseywak mondo okonya ma aol,+
Dwonda koro rama.
Wengena ojony ka arito Nyasacha.+
Bende, jo ma hangona wach mondo gitieka
Ng’eny mokalo.
Ne gichuna chiwo gik ma ne ok akwalo.
5 A Nyasaye, ing’eyo fupa,
Kendo ing’eyo richona duto.
6 A Jehova Nyasach oganda lweny kendo Wuon Loch Duto,
Kik iwe jo ma ogeni oyud wich-kuot nikech an.
Yaye Nyasach Israel,
Kik iwe ji ocha jo ma manyi nikech an.
8 Achalo wendo ne owetena,+
Kendo owetena sie nena ka japiny moro nono.
10 Ka ne abolora* kendo tueyo chiemo,
Pod ne iyanya ayanya.
11 Ka ne arwako law gunia
Ne ginyiera anyiera.*
12 Jo mobet e dho rangach kuodha,
Kendo aselokora wer ma jokong’o wero.
13 A Jehova, yie mondo lamona ochop iri,
E kinde mowinjoreni.+
Dwoka mondo inyis ni ing’eyo reso jogi,+
Nikech herani mosiko, A Nyasaye.
14 Gola e chuodho;
Kik iwe anim.
Resa e lwet jo mosin koda,
Kendo resa e kut.+
16 A Jehova, dwoka nikech herani ber kendo osiko.+
Dwoka mapiyo nikech asandora.+
18 Sud machiegni koda mondo iresa;
Resa e lwet wasigu.
19 Ing’eyo kaka ji osemiyo chunya obedo malit, kaka gisejara, kendo kaka gisekuodo wiya.+
Wasika duto bende ineno.
20 Akwede osenyoso chunya ma koro onge gima datim.*
Ne ageno ni gibiro kecha, to ne ok gikecha,+
Bende, naparo ni dayudie ng’at ma dihoya, to ne ok ayudo.+
22 Mad mesa mochan e nyimgi lokre obadho,
Kendo mewogi obednegi otegu.+
23 Mad mudho oim wengegi mondo kik ginen,
Kendo nungogi osik ka yiengni.
24 Ol mirimbi kuomgi;
We mirimbi mager ojukgi.+
26 Nimar gisando jal misechwado,
Kendo gisiko giwuoyo kuom lit mag jo ma isechwado.
27 Mad giyud kum mager nikech kethogi,
Kendo kik ikwan-gi ka jo makare.
29 Achandora kendo an gi rem.+
Yaye Nyasaye, ting’a malo kendo iresa gi tekoni.
30 Abiro pako nying Nyasaye gi wende,
Kendo abiro miye duong’ ka agoyone erokamano.
31 Mano biro moro Jehova moloyo miye ruath,
Kata nyaruath ma nigi tungene kod ombong’ne.+
32 Jo mamuol biro neno mano kendo ginibed mamor.
Un jo ma manyo Nyasaye, mad chunyu bed mangima.
34 Mad piny gi polo opake,+
Kachiel gi nembe kod gik moko duto ma wuotho e igi.
35 Nikech Nyasaye biro reso Sayun+
Moger taonde mag Juda kendo,
Kendo ji nodagie mi ginibed weg pinyno.
Ne jatend wer. Zaburi mar Daudi ma paro ne ji wach moro.
70 A Nyasaye, yie iresa.
Yaye Jehova, ret piyo mondo ikonya.+
2 Mad jo ma dwaro nega
Oyud wich-kuot mi ging’eng’ nono.
Bende, mad jo mamor ka masira oyuda
Odog chien ka wigi kuot.
3 Mad jo ma nyiera ni: “Ha! Ha!”
Oyud wich-kuot.
4 To yie mondo ji duto ma manyi
Obed mamor kendo moil.+
Mad ji duto mohero warruokni owach kinde duto niya:
“Miuru Nyasaye duong’.”
In e jakonyna kendo jawarna;+
Yaye Jehova, kik ideki.+
71 A Jehova, in e kar bwokna.
Kik iwe ane wich-kuot.+
2 Konya kendo igola e chandruok nikech in Jal makare.
3 Bedna lwanda motegno
Ma anyalo ringoe sa asaya.
Gol chik mondo iresa,
Nimar in e lwandana kendo ohingana.+
4 Yaye Nyasacha, resa e lwet jaricho,+
Gola e lwet ng’at ma sanda.
5 Nimar ageno kuomi, yaye Jehova Wuon Loch Duto,
Asegeni chakre tinna.+
6 Asegeno kuomi chakre nyuolna;
In e ma ne igola e i minwa.+
Abiro paki ndalo duto.
7 Ji mang’eny hum konena;
In e kar bwokna motegno.
8 Dhoga opong’ gi pakni;+
Kendo odiechieng’ duto ahulo duong’ni.
10 Wasika wuoyo marach kuoma,
Kendo jo ma chano kaka diginega ng’ado rieko.+
11 Giwacho niya: “Nyasaye oseweye.
Omiyo, laweuru umake nimar onge ng’at ma biro konye.”+
12 A Nyasaye, kik ibed mabor koda,
Bi piyo mondo ikonya, yaye Nyasacha.+
13 Mad jo ma kweda
Oyud wich-kuot kendo gilal nono.+
Mad jo ma dwaro hinya
Oyud wich-kuot gi achaya.+
14 An to abiro riti ka an gi geno;
Abiro medo mana paki.
15 Dhoga biro hulo timbeni makare,+
Kendo pile abiro hulo warruok ma a kuomi,
Kata obedo ni ging’eny mokalo akwana.+
16 Abiro nyiso ji tijeni madongo,
A Jehova Wuon Loch Duto,
Adier, in kendi e ma nahul timbeni makare.
18 Yaye Nyasaye, kata ka chieng’ ati kendo wiya opong’ gi lwar kik ijwang’a.+
Abiro lando tekoni ne tieng’ ma biro,
Kaachiel gi nyaloni maduong’ ne jo ma nobi bang’e.+
21 Meda duong’,
Kendo rita kihoyo chunya.
22 Eka abiro paki gi gir thum migwelo,
A Nyasacha, nikech in ja adiera.+
Yaye Jal Maler mar Israel,
Abiro werni gi nyatiti.
24 Lewa biro hulo timbeni makare odiechieng’ duto,+
Nimar jo ma dwaro hinya biro yudo wich-kuot mi ging’eng’.+
Zaburi ma wuoyo e wi Solomon.
72 A Nyasaye, puonj ruoth bucheni,
Kendo ipuonj wuod ruoth chikeni makare.+
3 Gode madongo kod matindo mondo okel ne ji kuwe,
Nikech timgi makare.
4 Mad ong’ad bura makare ne jo ma sandore.
Kendo reso nyithind jochan,
Mi otiek ng’at ma diyo ji.+
5 Gibiro luori ndalo duto,
Mana kaka wang’ chieng’ gi dwe osiko karieny.
Giniluori e tiengegi duto.+
8 Lochne biro chakre e nam achiel nyaka e nam machielo,
Kendo e Aora* nyaka e tung’ piny.+
9 Ogendini modak e thim biro kulorene,
Kendo wasike biro nang’o lowo.+
10 Ruodhi mag Tarshish kod mag chulni biro kelone gik moko.+
To ruodhi mag Sheba gi mag Seba biro miye mich.+
11 Ruodhi duto biro kulorene,
Kendo ogendni duto biro tiyone.
12 Nimar obiro reso jachan ma ywakne,
Bende, obiro reso ng’at ma sandore ma onge ng’at ma dikonye.
13 Obiro kecho jo ma chandore kaachiel gi jochan,
Kendo obiro reso ngima jo modhier.
14 Obiro golonegi gik ma diyogi kaachiel gi timbe mahundu,
Kendo rembgi nobed gi nengo maduong’ e nyime.
15 Mad odag aming’a, kendo kelne dhahabu moa Sheba,+
Mad ji duto sik ka lamone
Kendo guedhe odiechieng’ duto.
Olembene biro nyak mana ka olembe ma nyak Lebanon,+
Kendo taonde biro pong’ gi ji mana ka lum manie pap.+
Mad oguedh ogendni duto,+
Kendo mad ogendni duto kwane ka ng’at mamor.
Amin kendo Amin.
20 Ma e giko lamo mag Daudi wuod Jesse.+
BUK MAR ADEK
(Zaburi 73-89)
Wend Asaf.+
73 Nyasaye timo gik mabeyo ne Jo-Israel, otimo maber ne jo ma chunygi long’o.+
2 An to tiendena ne both obaro tenge;
Ne achiegni kier.+
3 Nimar nyiego nomaka gi josunga
Ka naneno kaka joricho dhi maber.+
4 Nimar githo ma onge rem,
Kendo dendgi ber.+
6 Mano e momiyo girwakore gi sunga ka ng’at morwako thiwni e ng’ute,+
Kendo girwakore gi timbe gero ka ng’at morwako law.
7 Wengegi ofinjo nikech ngimagi ber;
Weche dhinegi maber moloyo kaka ne giparo.
8 Gijaro ji kendo giwacho weche maricho,+
Gigoyo mana mbak sando jomoko.+
9 Giwuoyo ka gima gin malo ahinya ka polo,
Kendo lewgi nyalo wacho gimoro amora ma gidwaro.
10 E momiyo joge doknegi,
Kendo gimodho pigege modhuro.
11 Giwacho niya: “Nyasaye ding’e nade gik ma timore?+
Be Nyasaye Mamalo Chutho ong’eyo gik ma timore adier?
12 Kamano e kaka joricho chalo, gin gi gik mathoth,+
Kendo mwandugi siko ka medore ameda.+
13 Adier, aserito chunya
Kendo aselwoko lwetena kayiem nono.+
15 Ka dine awacho weche ma kamago,
Dine andhogo jogi.*
16 Ka natemo winjo tiend gigi duto,
Ne gidhiera nono.
17 Nyaka nadonjo ka maler mar Nyasaye,
Eka nafwenyo kaka gikogi nobed.
18 Adier, iketogi ka ma poth poth,+
Imiyo gilwar piny ma githo.+
19 Itiekogi ka diemo wang’!+
Masiche malich lal kodgi nono!
20 A Jehova, mana kaka lek ma lal nono,
E kaka ok ibi parogi ka ichiewo.
21 To iya nowang’+
Kendo nawinjo malit ahinya e chunya.
22 Ne aonge rieko, kendo weche ne ok donjna;
Ne achalo mana gi le ma onge rieko e nyimi.
23 Kata kamano, sani an kodi pile;
Isemako lweta ma korachwich.+
25 En ng’a ma an-go e polo mak mana in?
Kendo onge gima chielo ma agombo e piny moloyi.+
26 Ringra gi chunya nyalo doko ma nyap,
To Nyasaye e lwanda ma miyo chunya teko, en e pokna nyaka chieng’.+
27 Adier, jogo man mabor kodi biro lal nono.
Ibiro tieko ji duto motamore makore kodi.*+
28 An to sudo machiegni gi Nyasaye berna moloyo.+
Aseketo Jehova Wuon Loch Duto kar bwokna.
Abiro lando tijene duto.+
74 Yaye Nyasaye, isewitowa nyaka chieng’ nikech ang’o?+
Ang’o momiyo mirima mager omaki gi rombe manie legeni?+
Bende, par Got Sayun ka ma idakie.+
3 Wuoth idhi kuonde mosedong’ gunda.+
Jasigu oseketho gik moko duto man ka maler.+
4 Wasiki noruto ka ma ne ijaromoga kodwa.+
Gisechungo bendechegi kaka ranyisi.
5 Ne gichalo chwo moting’o leyegi malo mondo gitong’ bungu moyugno.
6 Ne giketho gik mogor e kor ot+ gi leyegi kod tindo.
7 Ne giwang’o kari maler.+
Ne gidwanyo ka ma nyingi dakie, mi gikethe chuth.
8 Gin kachiel gi nyithindgi ne giwacho e chunygi niya:
“Wabiro wang’o kuonde duto milamoe Nyasaye.”
9 Onge ranyisi moro amora ma wanyalo neno;
Jonabi bende koro onge,
Kendo onge ng’ato ang’ata e kindwa mong’eyo ni gima otimoreni biro siko nyaka karang’o.
10 A Nyasaye, wasikwa biro jarowa nyaka karang’o?+
Gibiro yanyo nyingi nyaka chieng’ koso?+
11 Ang’o momiyo itamo lweti ma korachwich tiyo tichne?+
Gole e kori* mondo itiekgi.
12 To Nyasaye en Ruodha chakre chon,
Oreso ji e piny ngima.+
13 Nipogo nam gi tekoni;+
Ne itoyo wiye ondiegi mag nam.
14 Ne itoyo wiye mag Levayathan;*
Ne imiyo jo ma odak e thim ringrene mondo ocham.
15 Ne ibaro piny mondo sokni gi aoche matindo omol;+
Kendo in e ma ne imiyo aoche ma ok duon oduono.+
16 In e ma ne ichueyo odiechieng’ gotieno.
Ne ichueyo ler gi wang’ chieng’.+
18 A Jehova, par kaka wasigu osejari,
Kendo kaka jo mofuwo ochayo nyingi.+
19 Yaye kik ichiw akuchi ne ondiegi.
Kendo kik wiyi wil nyaka chieng’ gi jogi misando.
20 Par singruok ma ne itimo kodwa,
Nimar kuonde duto motimo mudho e piny opong’ gi mahundu.
22 A Nyasaye, a malo mondo iyal buchi iwuon.
Par kaka jo mofuwo jari pile ka pile.+
23 Wiyi kik wil gi gima wasiki wacho.
Koko mag jogo ma ochayi choponi malo pile.
Ne jatend wer. Onego owere gi dwol mar “Kik Ikel Kethruok.” Zaburi mar Asaf.+ Wer.
75 Wagoyoni erokamano, A Nyasaye, wagoyoni erokamano,
Kendo ji lando tijeni miwuoro.
2 Iwacho niya: “Ka aseketo kinde mowinjore mar ng’ado bura,
Ang’ado bura makare.
3 Ka ne piny kaachiel gi gik moko duto me iye oyiengni,*
An e ma namako sirnige.” (Sela)
4 Akwero jo ma sungore niya: “Weuru sungoru.”
Bende, akwero joricho niya: “Kik ung’awru nikech tekou.*
5 Kik ung’awru nikech tekou*
Kendo kik uwuo gi tok teko.
6 Nimar duong’ ok bi
Koa yo wuok chieng’, kata yo podho chieng’, kata yo milambo.
7 Nyasaye e Jang’ad Bura.+
Odwoko ng’at achiel piny to oting’o machielo malo.+
8 Nimar Jehova oting’o okombe e lwete+
Mopong’ gi divai mochiek kendo moruw gi gik makech.
Obiro ole oko,
To joricho duto manie piny biro madhe duto.”+
9 An to abiro lando wachni nyaka chieng’;
Kendo abiro pako Nyasach Jakobo gi wende.
Ne jatend wer. Wendni onego ower gi gige thum ma nigi tonde migwelo. Zaburi mar Asaf.+ Wer.
3 Kanyo e ma ne oturoe aserni makakni,
Gi okumbni, gi ligengni, kod gige lweny.+ (Sela)
4 Lerni rieny ahinya;
Duong’ mari oyombo gode momewo gi le.
5 Oseyak jolweny ma jochir.+
Kendo koro gisenindo;
Jolwenjgo duto ne onge teko kata matin.+
6 A Nyasach Jakobo, ka ne ikumogi,
Faras gi ng’at moidhe ne ogore piny motho.+
7 In kendi e ma onego oluori.+
Ere ng’at ma nyalo chung’ e nyimi ka in gi mirima?+
8 Ne ing’ado bura ka in e polo;+
Luoro ne omako piny mi oling’ thi.+
9 Nyasaye ne ochung’ mondo ong’ad bura,
Kendo reso jo mamuol manie piny.+ (Sela)
10 Adier, mirimb dhano biro mana paki;+
Ibiro bidhori gi mirimbgi modong’.
11 Singreuru ne Jehova Nyasachu, kendo uchop singou,+
Jogo duto mokiewo kode mondo okelne mich kendo miye luor.+
12 Obiro miyo jotelo ma wigi tek obolre;
Omiyo ruodhi mag piny bedo maluor.
Ne jatend wer mar Jeduthun.* Zaburi mar Asaf.+ Wer.
77 Anaywag matek ne Nyasaye;
Anaywagne kendo enowinja.+
2 Ka nachandora, ne amanyo Jehova.+
Ne arieyone bedena malo ma ok aol otieno duto.
Chunya ne otamore hore.
4 Ne imako wengena mi ne ok anyal miyogi;
Mirima omaka, ok anyal wuoyo.
5 Ne aparo mana ndalo mosekadho;+
Higni machon bende naparo.
7 Jehova biro witowa nyaka chieng’ koso?+
Be obiro nyisowa ng’wono kendo?+
8 Herane mosiko oserumo nyaka chieng’ koso?
Be tienge ma biro none gik ma ne osingo?
9 Dibed ni wi Nyasaye osewil gi kecho ji?+
Koso mirimbe osemiyo oweyo nyiso ji ng’wonone? (Sela)
10 Nawach gima chando chunya nyaka karang’o?+
Nimar Ng’at Mamalo Chutho oselokonwa lwete ma korachwich.
11 Abiro paro tije mag Jah;
Abiro paro honni mage machon gilala.
12 Abiro paro matut kuom tijeni duto;
Abiro paro matut gik misetimo.+
13 A Nyasaye, yoreni ler.
En nyasaye mane maduong’ kaka Nyasachwa?+
14 In e Nyasaye madier ma timo gik miwuoro,+
Kendo isenyiso tekoni ne ji mopogore opogore.+
15 Ne ireso jogi gi badi ma ratego;+
Ne ireso nyikwa Jakobo gi Josef. (Sela)
16 Nembe noneni, A Nyasaye;
Nembe noneni mi luoro nomakogi.+
Kendo kuonde matut me nam ne otetni.
18 Polo ne omor+ mana kaka geche faras ma ringo matek;
Mil polo ne omenyo piny duto;+
Piny ne otetni kendo oyiengni.+
19 Ne iwuotho king’ado dier nam,+
Yo ma niluwo nokadho e dier pige ma ringo matek,
To kuonde ma tiendeni ne onyono ne ok nyal ne gi wang’.
78 Yaye un joga, chikuru itu uwinj chikna;
Chikuru itu ne weche moa e dhoga.
2 Abiro wuoyonu gi ngero.
Ee, abiro goyonu ngero e wi gik ma notimore chon.+
3 Gin gik ma wasewinjo kendo ma wang’eyo,
Ma ne wuonewa onyisowa,+
4 Ok wabi pandogi ne yawuotgi;
Wabiro hulogi ne tieng’ ma biro+
Wabiro hulonegi teko ma Jehova nigo,+
Kod gik madongo mosetimo.+
5 Ne omiyo joka Jakobo chik
Kendo ne oguro chik e Israel;
Ne ochiko kwerewa
Mondo opuonj nyithindgi chikego,+
6 Mondo tieng’ ma biro
Ma pok onyuol ong’egi,+
Gin bende ginyis nyithindgi.+
7 Kamano giniket genogi kuom Nyasaye.
8 Mondo kik gichal gi kweregi
Ma nong’anyo nikech tokgi ne tek.+
Ne gin tieng’ ma ne ok oluwo Nyasaye gi chunygi duto,+
Kendo ne ok giluwe gi adiera.
9 Jo-Efraim noringo lweny
Kata obedo ni ne gimanore gi atunge gi aserni.
13 Ne omiyo nam opogore diriyo mi gikalo,
Kendo nomiyo pi obarore moloso ohinga koni gi koni.+
14 Godiechieng’ notayogi gi bor polo,
To otieno duto notayogi gi ler mar mach.+
15 Nobaro lwendni e thim,
Nomiyogi pi mang’eny ka pi nam.+
16 Nomiyo pi owuok e lwanda
Mi pigno omol mana ka aora.+
17 To pod ne gitimo richo
Ka ging’anyo e thim ne Ng’at Mamalo Chutho.+
18 Ne gitemo Nyasaye e chunygi+
Ka ne gichune ni omigi chiemo ma ne gigombo.
20 Neuru! Nogoyo lwanda
Pi nobubni kendo aoche mogundho nochako mol.+
“To be domiwa chiemo adier?
Be dokel ne joge ring’o?”+
21 Ka Jehova nowinjogi, iye nowang’ ahinya;+
Momonjo joka Jakobo gi mach,+
Adier, mirima mager nomake gi Jo-Israel,+
22 Nikech ne ok giyie kuom Nyasaye,+
Kata gene ni onyalo resogi.
23 Nogolo chik ne kor polo,
Kendo noyawo dhoudi mag polo.
24 Ne oolonegi manna piny ka koth;
Ee, nomiyogi cham moa e polo.+
25 Ji nochamo chiemb joroteke;*+
Nomiyogi chiemo mi giyieng’.+
26 Notugo yamb ugwe e kor polo
Kendo nokudho yamb milambo gi tekone.+
27 Nomiyogi ring’o mang’eny ka buru,
Ee, winy nolwarnegi mang’eny ka kuoyo me dho nam.
28 Nomiyo winyogo olwar e i kambi,
Mi gilworo hembegi duto koni gi koni.
29 Ne gichiemo mi giyieng;
Nomiyogi gima chunygi ne gombo.+
Mi nonego jogi ma roteke;+
Kendo nogoyo yawuot Israel piny.
32 Kata obedo ni mago duto notimore, pod ne gimedo ameda timo richo,+
Ne ok giyie kuome kata obedo ni notimo honni mathoth.+
33 Omiyo, nong’ado ndalogi mobedo machuok,+
Kendo nokelonegi masiche ma apoya.
34 To ka nochako negogi, ne gimanye;+
Ne gidok mi gimanyo Nyasaye.
35 Ne gifwenyo ni Nyasaye e Lwandagi,+
Kendo ni Ng’at Mamalo Chutho e Jawargi.*+
36 To kata kamano, ne gitemo wuonde gi weche ma nono,
Ka giriambo gi lewgi.
Kinde mang’eny nomuonyo mirimbe+
Nikech ne ok odwar ni mirima mager omake kodgi.
42 Wigi ne owil gi tekone maduong’,
Kata chieng’ ma noresogi e lwet wasigu,+
43 Kaka notimo ranyisi madongo e piny Misri,+
Kendo honni ma notimo e gweng’ mar Zoan,
44 Kaka noloko pi aoche ma ne wuok e Aora Nael obedo remo,+
Kendo ji ne ok nyal modho pi moa e aochego.
46 Nooro det-bonyo mondo ocham chambgi,
Dedego noketho tich matek ma ne gitiyo.+
47 Ne oketho olembegi mag mzabibu gi koth maduong’+
Kendo nogoyo ng’opegi gi pe.
49 Noolo kuomgi mirimbe mager.
Nokecho kodgi kendo nokelonegi chandruok;
Bende, nooro oganda malaike mondo okelnegi masira.
50 Ne ok ogeng’o mirimbe.
Ne ok okechogi;
Nonegogi gi tuo malich.
51 Gikone, ne onego nyithindo ma kayo duto e piny Misri,+
Kayo duto ma nonyuol e hembe mag Ham.
52 Kae to nogolo joge oko mana ka kueth,+
Kendo notayogi ka rombe kong’ado kodgi thim.
55 Ne oriembo ogendni e nyimgi,+
Mopogogi lowo kotiyo gi tond pimo.+
Nomiyo dhoudi mag Israel odak e miechgi giwegi.+
57 Gin bende ne gilokore jo andhoga mana kaka kweregi,+
Ne gichalo atung’ mobam ma ok nyal bayo asere.+
58 Ne gilosoga kuonde moting’ore malo, to mano ne wang’oga iye ahinya,+
Kendo ne gimiye nyiego ka ne gilamo sanamu.+
59 Ka ne Nyasaye oneno mano mirima nomake,+
Omiyo, nodagi Jo-Israel chuth.
61 Noyie ne wasigu okaw sanduk
Ma ne nyiso tekone kod berne.+
62 Nochiwo joge ne ligangla;+
Iye nowang’ gi joge.
63 Mach notieko yawuotgi,
Kendo ne ok ower ne nyigi wende arus.
66 Ne oriembo wasike,+
Momiyogi wich-kuot mosiko.
67 Ne odagi hemb Josef;
Bende, ne ok oyiero dhood Efraim.
70 Noyiero Daudi+ jatichne,
Mogole e abila mar rombe,+
71 Ka ma noritoe rombe,
Mokele mondo okwa joka Jakobo,+
Kaachiel gi Israel ma gin joge.+
Wend Asaf.+
79 A Nyasaye, ogendni osemonjo jogi;+
Gisedwanyo hekaluni maler,+
Kendo giseketho Jerusalem mi odong’ pidhe pidhe.+
2 Gisechiwo ringre jogi motho ne winy ma fuyo e kor polo mondo ocham,
Kendo ringre jogi maler gisechiwo ne ondiegi me piny.+
3 Giseolo rembgi ka pi e alwora duto mar Jerusalem,
Kendo onge ng’at modong’ ma nyalo yikogi.+
4 Ogendni mokiewo kodwa goyonwa siboyi;+
Jo molworowa jarowa kendo nyierowa.
5 A Jehova, ibiro kecho kodwa nyaka karang’o? Ibiro kecho kodwa nyaka chieng’?+
Mirimbi nobed mager ka mach nyaka karang’o?+
6 Ol mirimbi ne ogendni ma ok ong’eyi,
Kendo kuom pinjeruodhi ma ok luong nyingi.+
7 Nikech gisemuonyo Jakobo,
Kendo giseloko pinye mi odong’ gunda.+
8 Wakwayi ni kik ikumwa nikech richo mag kwerewa.+
Wakwayi ni ikechwa mapiyo,+
Nimar oseduokwa piny chuth.
9 Yaye Nyasaye ma Jawarwa, konywa,+
Mondo nyingi oyud duong’.
Reswa kendo iwenwa* richowa nikech nyingi.+
10 Kik iwe ogendni owach niya: “Ere Nyasachgino?”+
A Nyasachwa, chul kuor ne ogendnigo ka waneno gi wang’wa,
Nikech ne gichuero remb jogi.+
11 Mad iwinj chur mar jo motue.+
Ti gi tekoni maduong’ mondo igony jo ma ong’adnegi buch tho.+
13 Kamano, wan jogi kendo rombe mag legeni,+
Wabiro paki nyaka chieng’.
Wabiro hulo pakni koa e tieng’ moro nyaka machielo.+
Ne jatend wer. Wendni onego ower gi dwol mar “Ondanyo.” Wer ma paro ne ji wach moro. Zaburi mar Asaf.+ Wer.
80 A Jakwadh Israel, winjwa,
In e mitayo Josef mana ka ng’at ma tayo kueth.+
4 A Jehova Nyasach oganda lweny, ibiro sin gi lamo mag jogi nyaka karang’o?+
5 Isemiyo gichamo pi wang’ ka chiembgi,
Kendo isemiyo gimodho pi wang’ modhuro.
6 Isemiyo wabedo gima ogendni ma wakiewogo laro;
Wasikwa nyierowa anyiera.+
7 Yaye Nyasach oganda lweny, duogwa iri,
Kendo mi wang’i orienynwa mondo wayud warruok.+
8 Ne igolo mzabibu+ moro e piny Misri.
Ne iriembo ogendni e pinjegi mipidhe.+
9 Ne ilosone lowo maber,
Kendo tiendene nomoko e lowo molandore e piny.+
10 Tipone noumo gode duto,
Kendo bedene noumo yiend sida mag Nyasaye.
13 Mbithe mag bungu kethe,
Kendo le mag bungu chame.+
14 Yaye Nyasach oganda lweny, duog irwa.
Ng’i ane piny ka in e polo!
16 Osewang’e gi mach,+ motong’e piny.
Kibedo mager kodgi to gilal nono.
17 Mad lweti sir jal mobet e badi korachwich,
Ma en wuod dhano misemiyo teko.+
18 Eka ok wanachak walokre waweyi.
Ritwa mondo waluong nyingi.
19 A Jehova Nyasach oganda lweny, duogwa iri,
Kendo mi wang’i orienynwa mondo wayud warruok.+
Ne jatend wer. Wendni onego ower kaluwore gi Gitith.* Zaburi mar Asaf.+
81 Koguru gi mor ne Nyasaye ma miyowa teko.+
Koguru matek ne Nyasach Jakobo.
2 Chakuru wer kugoyo oyieke,
Gouru nyatiti kaachiel gi gir thum ma nigi tonde migwelo.
3 Gouru tung’ ka dwe manyien owuok,+
Kendo ka dwe osetegno, kunyisogo ni en odiechieng’ mwatimoe nyasi.+
4 Mano en chik ma Nyasach Jakobo nochiwo,+
Mondo Jo-Israel oluw.
Ne awinjo dwol ma ne akiya* ka wacho niya:
6 “Ne agolo osigo mapek e goke;+
Lwetene nogony kuom ting’o okapu.
Ne atemi e but pige mag Meriba.*+ (Sela)
8 Yaye joga, winjauru to abiro nyisou kethou.
A Israel, mad uwinj gima awachonu.+
9 Kik ubed gi nyasaye ma wendo e dieru,
Kendo kik ukulru ne nyasaye ma wendo.+
10 An e Jehova Nyasachu,
Ma nogolou e piny Misri.+
Ng’amuru dhou malach, to anapong’e.+
11 To joga nodagi winjo dwonda,
Adier, Jo-Israel nodagi mako chikena.+
12 Kuom mano, ne aweyogi nimar wigi ne tek;
Ne gitimo mana gik ma gin giwegi ne gidwaro.+
14 Dine atieko wasikgi piyo,
Kendo dine agoyo jo ma kedo kodgi.+
15 Jo mochayo Jehova biro kulorene gi luoro,
Kendo kum margi biro siko nyaka chieng’.
Wend Asaf.+
2 “Nung’ad bura ma ok kare nyaka karang’o,+
Kudewo wang’ joricho?+ (Sela)
3 Ng’aduru bura makare ne jodhier kod nyithi kiye.+
Rituru ratiro mag jo misando kod jochan.+
4 Resuru jo ma sandore kod jo modhier;
Golgiuru e lwet joricho.”
5 Gikia gimoro amora, kendo weche ok donjnegi;+
Giwuotho koni gi koni e mudho,
Kendo gimiyo mise mag piny yiengni.+
6 “Asenyisou ni, ‘Un nyiseche,+
Kendo un duto un yawuot Ng’at Mamalo Chutho.
8 A Nyasaye, a malo mondo ing’ad ne piny bura,+
Nimar ogendni duto gin magi.
Wer. Wend Asaf.+
3 Gichano aling’ ling’ kaka digimonj jogi;
Adier, gidwaro hinyo jo migeno ahinya.
5 Gichokore mondo giriw paro,
Giseriwore mondo giked kodi.+
6 Gin hembe Jo-Edom gi Jo-Ishmael, kod Jo-Moab+ gi Jo-Hagri,+
10 Ne oneggi e En-dor;+
Ne gilokore owuoyo.
11 Timne jotendgi kaka nitimo ne Oreb kod Zeeb+
Kendo itimne ruodhigi kaka nitimo ne Zeba kod Zalmuna.+
12 Nimar ne giwacho niya: “Wakawuru piny ma Nyasaye odakie.”
13 A Nyasacha, mi gichal gi buya,+
Kendo kaka mihudhi ma yamo tero.
14 Mana kaka mach wang’o bungu,
Kendo kaka mach wang’o got,+
15 In bende ilawgi gi ahiti maduong’,+
Kendo ibuoggi gi yamo ma kutho matek.+
16 Pong’ wengegi gi wich-kuot,
Mondo gimany nyingi, A Jehova.
17 Mad wigi kuod nyaka chieng’, kendo gisik ka luoro omakogi.
Mad wich-kuot makgi mi gilal nono.
Ne jatend wer. Wendni onego ower kaluwore gi Gitith.* Zaburi mar yawuot Kora.+ Wer.
84 A Jehova Nyasach oganda lweny,
Mano kaka hekalu mari ber!+
2 An gi siso ahinya
Mar bedo e laru mar Jehova.+
Adier, chunya gombo ahinya bedo kanyo.
Aywak ne Nyasaye mangima gi chunya duto kendo gi tekona duto.
Kanyo e mopidhoe nyithinde.
A Jehova Nyasach oganda lweny, in e Ruodha kendo Nyasacha.
4 Jo mamor gin jo modak e odi,+
Gipaki pile.+ (Sela)
5 Jo mamor gin jo ma yudo tekogi kuomi,+
Moketo chunygi e luwo yo ma dhi e odi.
7 Gibiro wuotho ka tekogi medore ameda,+
Kendo moro ka moro kuomgi nochop Sayun e nyim Nyasaye.
8 A Jehova Nyasach oganda lweny, yie iwinj lamona,
Chikna iti, yaye Nyasach Jakobo. (Sela)
10 Odiechieng’ achiel e laru magi, ber moloyo higni aluf achiel ka machielo!+
Daher bedo jarit dhoot e od Nyasacha
Kar dak e hema mar joricho.
Jehova ok bi tuono jo ma yorgi ochikore tir+
Gimoro amora maber.
12 A Jehova Nyasach oganda lweny,
Ng’at mamor en ng’at mogeno kuomi.+
Ne jatend wer. Zaburi mar yawuot Kora.+ Wer.
2 Ne iweyo ne jogi richogi;+
Ne iumo kethogi duto. (Sela)
3 Ne iketo mirimbi duto tenge;
Ne iweyo mirimbi mager.+
4 Duogwa iri kendo, yaye Nyasachwa kendo Jawarwa.
Wakwayi ni iwe kecho kodwa.+
5 Ibiro kecho kodwa nyaka karang’o? Nyaka chieng’, koso?+
Ibiro siko ka in gi mirima nyaka karang’o? E tienge duto, koso?
6 Be ibiro miyowa teko
Mondo jogi ochak obed mamor nikech gin gi winjruok maber kodi?+
7 A Jehova, nyiswae herani mosiko,+
Kendo ireswa.
8 Abiro winjo gima Jehova Nyasaye madier wacho,
Nimar obiro lando kuwe ne joge+ momakore kode,
To nyaka gine ni ok gigenore giwegi.+
9 Adier, obiro reso jo moluore,+
Mondo duong’ne obed e pinywani.
10 Hera mosiko kod adiera biro riwore kanyakla;
Tim makare kod kuwe biro nyodhore.+
11 Adiera biro loth e piny,
Kendo tim makare biro rango piny ka en e polo.+
13 Tim makare biro telo e nyime+
Mondo olosne yo moluwo.
Lamo mar Daudi.
86 Yaye Jehova, chik iti ne lamona, kendo dwoka,
Nimar adhier kendo achandora.+
2 Rit ngimana nikech asemakora kodi.+
In e Nyasacha,+
Omiyo, res ngima jatichni mogeni.
4 Kony jatichni mondo obed mamor,
Nimar in e ma aywakni, A Jehova.
Abiro wuotho e adierani.+
Miya chuny achiel* mondo aluor nyingi.+
12 A Jehova Nyasacha, abiro paki gi chunya duto,+
Abiro miyo nyingi duong’ nyaka chieng’,
13 Nikech hera miherago duong’,
15 To in Jehova, in Nyasaye mang’won kendo ma kecho ji,
Iyi ok wang’ piyo, igundho gi hera mosiko kod adiera.+
16 Akwayi ni iduog ira kendo ikecha.+
Mi jatichni teko.+
Res wuod jatichni ma nyako.
17 Timie gima dimi ang’e ni iber,
Mondo wasika one mi wigi kuodi.
Nimar in Jehova, in e jakonyna kendo in e ma ihoyo chunya.
Zaburi mar yawuot Kora.+ Wer.
87 Nyasaye oseguro mise mar dalane e gode maler.+
2 Jehova ohero dho rangeye mag Sayun+
Moloyo hembe duto mag Jakobo.
3 Ji wacho gik mabeyo miwuoro kuomi, A dala maduong’ mar Nyasaye madier.+ (Sela)
4 Abiro kwano Rahab+ gi Babulon e kind jo mong’eya,
Kaachiel gi Filistia, Turo, kod Kush.
Kendo abiro wacho kuomgi niya: “Jali e jal ma nonyuol e Sayun.”
5 To ji biro wacho e wi Sayun niya:
“En e min ogendnigo duto.”
Kendo Ng’at Mamalo Chutho biro gure motegno.
6 Jehova biro ndiko e buk mondikoe nying ogendni kama:
“Jali ne onyuol e i Sayun.” (Sela)
7 Jower+ gi jomiel+ biro wer niya:
“In e wuon gik moko duto.”+
Wer. Zaburi mar yawuot Kora.+ Ne jatend wer. Wendni onego ower kaluwore gi Mahalath,* kendo ka ji wilore. Maskil* mar Heman+ Ja-Zera.
Achal ka ng’at moneg monindo e liel,
Ma wiyi osewilgo chuth,
Kendo ma ok imi arita mari.
6 Iseketa e i bur matut mogik,
Kuonde motimo mudho, e i bur maduong’ kendo matut ma onge giko.*
7 Mirimbi mager ohewa,+
Kendo apaka magi obara ndasi. (Sela)
8 Isemiyo jo ma ne ni machiegni koda oringa;+
Isemiyo ginena ka gima odwanyore.
Osedinna kendo ok anyal wuok.
9 Chandruoge osemiyo wengena ok nen maber.+
A Jehova, aluongi odiechieng’ duto,+
Alami ka ating’o bedena malo.
10 Be ibiro timo honni magi ne jo motho?
Be jo motho nyalo paki?+ (Sela)
11 Be liel nyalo hulo herani mosiko,
Adierani ihulo kar kethruok?*
12 Be honni magi nong’ere e mudho,
Kata timbeni makare e piny ma wich owilgo?+
14 A Jehova, ang’o momiyo isejwang’a?+
Ang’o momiyo isepandona wang’i?+
15 Chakre tinna,
Asesandora mi koro adwaro mana tho;+
Aonge teko nikech chandruok ma iseweyo mondo oyuda.
16 Mirimbi mager ohewa;+
Gik mibwogago tieka.
17 Odiechieng’ duto gigo olwora kaka ataro mar pi;
Gidinona koni gi koni.*
18 Isemiyo osiepena kod jo ma nahero oweya,+
Kendo tinde mudho kende e osiepna.
Maskil.* Zaburi mar Ethan+ Ja-Zera.
89 Anawer nyaka chieng’ e wi hera mosiko mar Jehova.
Abiro hulo ne tienge duto kaka omakore gi joge.
2 Nimar asewacho kama: “Hera mosiko biro gurore motegno nyaka chieng’,+
Kendo iseguro adierani motegno e polo.”
5 A Jehova, polo pako tijeni miwuoro,
Ee, chokruok mar jo maler pako adierani.
6 En ng’a e kor polo minyalo pim gi Jehova?+
En ng’a e kind yawuot Nyasaye+ machal gi Jehova?
8 A Jehova Nyasach oganda lweny,
Ng’ano ma nigi teko kaka in?+
A Jah, adierani olwori koni gi koni.+
10 Ne itoyo Rahab+ ma itieke chuth.+
Badi ma ratego nokeyo wasiki.+
15 Jo mamor gin jo ma paki gi mor.+
Ler mar wang’i rienynegi ka giwuotho, A Jehova.
16 Odiechieng’ duto giyil ahinya nikech nyingi,
Timni makare osemiyo oting’gi malo.
18 Nimar Jehova osemiyowa okumba,
Kendo Nyasaye maler mar Israel osemiyowa ruoth.+
19 E kindego ne iwuoyo e fweny, miwacho ne jogi niya:
21 Lweta biro sire,+
Kendo bada biro miye teko.
22 Onge jasigu ma biro chune chulo gimoro,
Kendo onge jaricho ma biro sande.+
25 Abiro miyo obed gi teko e wi nam,
Kendo lwete ma korachwich biro bedo gi teko e wi aoche.+
26 Obiro wacho niya: ‘In e Wuora,
Nyasacha, kendo Lwanda ma resa.’+
29 Abiro guro kothe nyaka chieng’,
Kendo kom-lochne nosik mana kaka polo osiko.+
30 To ka yawuote ok omako chikena,
Kendo giweyo luwo yorena,
31 Ka ok girito buchena,
Kendo gitamore luwo chikena,
32 Abiro kumogi gi luth,+
Abiro chwadogi nikech giseketho.
33 Kata kamano, en to abiro here kinde duto,+
Ok abi weyo ma ok achopo gima nasingone.
35 Asekuong’ra dichiel to ok anakuong’ra kendo;
Ok abi wuondo Daudi.+
37 Ibiro gure nyaka chieng’ mana kaka dwe,
Kaka janeno madier e kor polo.” (Sela)
38 To in iwuon isejwang’e kendo isedagie,+
Iyi osewang’ gi ng’ati mowir.
39 Iselokori miketho singruok ma ne itimo gi jatichni.
Isedwanyo osimbone kuom wite piny e buru.
40 Isegoyo ohinga mage duto piny,
Kendo isemuko ohinga mochielo motegno mi gilokore gunda.
41 Ji duto ma kalo machiegni kode yake,
Jo modak machiegni kode nyiere.+
43 Isediko dho liganglane,
Kendo isemiyo oloye e lweny.
44 Isetieko duong’ ma ne en-go,
Kendo isegoyo kom-lochne piny.
45 Isemiyo obedo moti ka ndalone podi;
Isemiyo oyudo wich-kuot maduong’. (Sela)
46 Yaye Jehova, ibiro pando wang’i nyaka karang’o? Nyaka chieng’ koso?+
Mirimbi noliel ka mach nyaka karang’o?
47 Yaye, parie kaka ndalona rumo piyo!+
Be ne ichueyo dhano kayiem nono?
48 En ng’a ma nyalo bedo mangima nyaka chieng’ ma ok otho?+
Koso en ng’a ma nyalo resore owuon e Liel?* (Sela)
49 A Jehova, ere herani machon
Ma ne isingo ni ininyis Daudi?+
50 Akwayi Jehova, parie kaka ji osechayo jotichni,
Kendo kaka aseting’o weche ma ji ochayago.*
51 Parie kaka giseyanya, A Jehova,
Kendo kaka giseyanyo ng’ati mowir kamoro amora modhiye.
52 Wapakuru Jehova Nyasaye nyaka chieng’. Amin kendo Amin.+
BUK MAR ANG’WEN
Lamo mar Musa jatich Nyasaye madier.+
90 A Jehova, isebedonwa kar dak*+ e tienge duto.
2 In e Nyasaye ma nyaka nene kendo nyaka chieng’,+
Ne intie ka ne gode pok obetie,*
Kendo ka ne pok ichueyo lowo kod piny.+
3 Idwoko dhano e lowo;
Iwacho niya: “Doguru e lowo un nyithind dhano.”+
6 Giloth kendo gigolo maua,
To kochopo godhiambo giner mi githo.+
7 Nimar mirimbi buogowa+
Ich-wang’ mari tiekowa.
9 Mirimbi miyo ndalowa bedo machuok;
Ngimawa rumo piyo mana ka yamo ma kutho.
10 Dhano dak higni 70,
To ka en gi teko onyalo chopo higni 80.+
Hignigo duto opong’ mana gi chandruok kod kuyo;
Gikalo piyo kendo walal nono.+
11 En ng’a ma nyalo ng’eyo kaka mirimbi nigi teko?
Adier, mirimbi duong’ mana kaka luor miwinjori yudo.+
12 Puonjwa kwano ndalowa+
Mondo wabed gi chuny mariek.
13 A Jehova, kinde biro kalo ma romo nade ka pok iduogo?+
Yaye, kech jotichni.+
15 Isemiyo wasandore kendo wayudo masiche kuom higni mang’eny,+
To koro miwa mor maromre gi thagruok ma wasebedogo.+
16 Mad jotichni ne tijeni,
Kendo nyithindgi one duong’ni.+
17 Mad ng’wono mar Jehova Nyasachwa obed kodwa;
Mad oguedh tij lwetewa.
Ee, mad oguedh tich lwetewa.+
91 Ng’ato ang’ata modak ka mopondo mar Ng’at Mamalo Chutho,+
Biro bedo e bwo tipo mar Ng’at Manyalo Duto.+
3 Obiro resi e obadho mar jachik winy,
Kendo kuom tuoche ma nego ji.
4 Obiro umi gi buombene,
Kendo kanyo nobedni kar buok.+
Adierane+ biro bedoni ka okumba maduong’+ kendo kaka ohinga motegno.
5 Ok ibi luoro masiche ma timore gotieno,+
Kata aserni michielo godiechieng’,+
6 Kata tuoche ma landore e mudho,
Kata tho ma tieko ngima ji e dier odiechieng’ tir.
7 Ji aluf achiel biro podho e bathi,
Kendo ji aluf apar e badi korachwich,
To in onge gimoro amora ma biro timoreni.+
8 Ibiro neno mano gi wengeni;
Inine kikumo joricho.
9 Nikech niwacho niya: “Jehova e kar bwokna.”
Iseketo Ng’at Mamalo Chutho obedo kar dakni;*+
10 Onge gimoro amora marach ma notimreni,+
Kata masira ma nosud but hembi.
14 Nyasaye nowacho niya: “Abiro rese nikech ohera.+
Abiro rite nikech ong’eyo nyinga.+
15 Obiro luonga kendo anadwoke.+
Anabed kode e chandruogene.+
Anakonye kendo anamiye duong’.
Zaburi. Wer ma iwero chieng’ Sabato.
92 A Jehova, owinjore wagoni erokamano.+
A Ng’at Mamalo Chutho, owinjore wapak nyingi gi wende.
2 En gima ber hulo herani mosiko+ gokinyi
Kendo hulo adierani gotieno,
3 Ka wagoyo thum gi gir thum ma nigi tonde apar
Kaachiel gi nyatiti.+
4 A Jehova, gik mitimo miya mor;
Awer gi mor nikech tije ma lweteni osetimo.
5 Mano kaka tijeni dongo, A Jehova!+
Mano kaka pachi tut miwuoro!+
6 Ng’at ma onge rieko ok nyal ng’eyogi.
Jo mofuwo ok winj tiend wachni:+
8 To in A Jehova, ibiro paki nyaka chieng’.
11 Wengena biro neno kaka iloyo wasika;+
Ita biro winjo kaka itieko jo maricho ma monja.
13 Osepidhgi e od Jehova;
Giloth e laru mar Nyasachwa.+
14 Kata ka giti podi gibiro nyak;+
Ginisik ka gitegno kendo ka ging’ich,+
15 Ka gilando ni Jehova en ng’at matir.
En e Lwandana,+ kendo onge richo moro amora man kuome.
93 Jehova osebedo Ruoth!+
Orwakore gi duong’;
Jehova orwakore gi teko;
Otueye mana ka msip.
Nyasaye oguro piny motegno;
Ok nyal yienge.
3 A Jehova, aoche wuo,
Apaka dhuolore kendo wuo;
Aoche wuo matek.
5 A Jehova, wanyalo geno weche miparonwa.+
Lerni opong’o odi+ ndalo duto.
94 Yaye Jehova Nyasaye ma chulo kuor,+
Yaye Nyasaye ma chulo kuor, nyiswa duong’ni.
2 Yaye Jang’ad Bura mar piny, a malo.+
Mondo ichul josunga gima owinjore kodgi.+
3 A Jehova, joricho biro siko nyaka karang’o?
Gibiro sungore nyaka karang’o?+
4 Joricho wuoyo gi wich teko,
Gipong’ gi sunga.
5 A Jehova, ginyono jogi,+
Kendo githiro ogandani iwuon.
6 Ginego mond liete kod jodak.
Bende, ginego nyithi kiye.
8 To apenjou un jo ma onge rieko,
Ubiro bedo mariek karang’o?+
9 Donge ng’at ma nochueyo it winjo wach, koso?
Donge ng’at ma ne ochueyo wang’ neno, koso?+
10 Donge ng’at ma rieyo ogendni nyalo kumo ji, koso?+
En e ma opuonjo dhano mondo gibed mariek.+
11 Jehova ong’eyo pach dhano,
Ong’eyo ni giparo mana gik manono.+
12 A Jah, ng’at mamor en ng’at ma irieyo,+
Ma ipuonjo chikeni,+
13 Mondo obed gi kuwe e ndalo chandruok,
Nyaka chieng’ mibiro kuny ne joricho bur.+
15 Ibiro ng’ad bura makare kendo,
Mi jo ma chunygi tir noluwe.
16 En ng’ano ma biro kedona gi jo ma timbegi richo?
Ng’ano ma biro kedona gi joricho?
17 Ka dine Jehova ok okonya,
To dikoro aselal nono.+
18 Ka ne awacho niya: “Tienda kier,”
Herani mosiko e ma nosira, A Jehova.+
20 Be inyalo riwori gi ruodhi mohero mibadhi,
Ma miyo ji chandore malich nikech chikegi?+
22 To Jehova biro bedona kar bwok.
Nyasacha e lwandana ma apondoe.+
23 Obiro chulo joricho nikech richogi.+
Obiro tiekogi nikech timbegi maricho.
Adier, Jehova Nyasachwa biro tiekogi.+
95 Biuru wapak Jehova gi mor!
Wagouru koko matek ne Lwanda ma resowa.+
2 Wadhiuru e nyime mondo wagone erokamano;+
Wawerneuru wende mag pak ka wamor.
3 Nimar Jehova e Nyasaye maduong’,
Ruoth maduong’ moloyo nyiseche duto.+
4 Kuonde matut mag piny nie lwete;
En e wuon wi gode madongo.+
6 Biuru wakulre e nyim Jehova ma Jachuechwa;
Walame ka wagoyo chongwa piny.+
Kawuononi ka uwinjo dwonde,+
8 To kik chunyu bed matek kaka kwereu notimo ka ne gin Meriba,*+
Chieng’ ma ne gin Masa* e thim.+
9 Kwereu notema kanyo,+
Ne gikweda kata obedo ni ne giseneno gik ma nasetimonegi.+
10 Kuom higni 40, iya nowang’ gi tieng’no, mi awacho niya:
“Gin oganda ma chunygi ohero balo;
Pok ging’eyo yorena.”
11 Omiyo, ne akuong’ora gi mirima niya:
“Ok ginidonj e yueyona ngang’.”+
96 Weruru ne Jehova wer manyien.+
Piny duto mondo ower ne Jehova!+
2 Weruru ne Jehova, pakuru nyinge,
Landuru wach maber. Landuru resruokne odiechieng’ kodiechieng’.+
3 Landuru duong’ne e kind ogendni,
Landuru tijene miwuoro ne ogendni duto.+
4 Nimar Jehova e Nyasaye maduong’ kendo owinjore gi pak.
Olich moloyo nyiseche mamoko duto.
7 Un dhoudi mag piny, miuru Jehova gima owinjorego.
Miuru Jehova gima owinjorego nikech en gi teko kod duong’.+
8 Miuru Jehova duong’ mowinjore gi nyinge.+
Keluru mich kubiro e laru mage.
9 Lamuru Jehova kurwakoru gi lewni maler.*
Un piny duto, kulreuru e nyime kutetni.
10 Landuru e kind ogendni niya: “Jehova osebedo Ruoth!+
Piny osegur motegno, onge ng’at ma nyalo yienge.
Obiro ng’ado bura makare ne ogendni.”+
11 Polo mondo obed moil, piny bende obed mamor.
Nam mondo owuo kaachiel gi gik moko duto manie iye.+
12 Pewe kod gik moko duto manie igi mondo obed moil,+
Kendo yien duto me bungu bende okog gimor+
13 E nyim Jehova, nimar osebiro.
Osebiro ng’ado ne piny bura.
97 Jehova osebedo Ruoth!+
Piny mondo obed mamor.+
Chulni bende obed moil.+
4 Mil polo mare menyo piny,
Kendo piny tetni koneno mil polono.+
5 Gode leny nono e nyim Jehova mana ka peth kich;+
Gileny e nyim Ruodh piny duto.
6 Polo hulo timne makare,
Kendo ji duto neno duong’ne.+
7 Ji duto ma lamo sanamu mondo oyud wich-kuot;+
Wich-kuot oyud jogo ma sungore nikech nyisechegi manono.+
Un nyiseche duto, lamuru Nyasaye.+
8 Sayun nowinjo wachno mobedo moil.+
A Jehova, taonde mag Juda* bende nobedo mamor
Nikech buche ming’ado.+
9 Nimar in e Jal Mamalo Chutho e wi piny duto, A Jehova.
Iduong’ moloyo nyiseche mamoko duto.+
10 Un ji duto mohero Jehova, sinuru gi richo.+
11 Ler oserieny ne jo makare+
Kendo jo ma chunygi tir osebedo mamor.
12 Un jo makare, beduru mamor nikech Jehova,
Kendo pakuru nyinge maler.
Wer.
Oselocho gi lwete ma korachwich ma en bade maler.+
3 Oseparo herane mosiko kod adierane ne dhood Israel.+
Piny duto oseneno kaka Nyasaye oselocho.+
4 Pakuru Jehova gi mor un piny duto,
Werneuru gi ilo.+
5 Weruru mamit ne Jehova, kugoyo nyatiti,
Ee, werneuru kugoyo thum mamit.
6 Werneuru gi turmbeta kod tung’.+
Koguru gi mor e nyim Ruoth Jehova.
7 Nam mondo owuo kaachiel gi gik moko duto manie iye.
Piny duto kod jo modak e iye bende owuo.
8 Aoche mondo opam lwetegi;
Gode mondo okog matek gimor.+
9 Onego giwer e nyim Jehova nimar osebiro ng’ado bura ne piny.
99 Jehova osebedo Ruoth.+ Ogendni mondo otetni.
Obet e kom-lochne e kind jokerubi.+ Piny mondo oyiengni.
2 Jehova duong’ e Sayun,
Kendo en malo moloyo ji duto.+
3 Mad gipak nyingi maduong’,+
Nimar nyingino ler kendo onego omiye luor.
4 In e ruoth ma nigi teko kendo ma ng’ado bura kare.+
Iseguro adiera motegno.
Inyiso joka Jakobo tim makare+ kendo ing’adonegi bura makare.
Ne giluongo Jehova,
Kendo nodwokogi.+
7 Ne owuoyo kodgi e siro mar bor polo.+
Ne girito chikene kod buchene.+
8 A Jehova Nyasachwa, ka ne giluongi to ne iwinjogi.+
Wend goyo erokamano.
100 Un piny duto, koguru matek ne Jehova kumor.+
2 Tiuru ne Jehova kumor.+
Dhiuru e nyime kuwero wende mag mor.
3 Ng’euru ni Jehova en Nyasaye.+
En e ma ne ochueyowa, kendo wan joge.*+
Wan e joge morito kaka jakwath rito rombene.+
Goneuru erokamano kendo pakuru nyinge.+
Zaburi mar Daudi. Wer.
101 A Jehova, abiro wero herani mosiko kod adierani.
Abiro paki gi wer.
2 Anabed mariek kendo anawuoth kare.
Yaye, inibi ira karang’o?
Abiro dak e oda gi chuny matir.+
3 Ok abi rango gimoro amora mochido.
Asin gi timbe jo mobalo.+
Ok abi tudora gi jo ma kamago kata matin.
4 Asin gi timbe jo ma ohero richo;
Abor gi gik maricho.
5 Abiro tieko ng’ato ang’ata
Ma ketho nying nyawadgi.+
Ok nayie gi ng’ato ang’ata ma wiye tek,
Kendo ma sungore.
6 Abiro rango jo mohera;
Gin e ma gibiro dak koda.
Ng’at ma wuotho kare biro tiyona.
7 Ok abi yie ne jamiriambo odag e oda,
Kendo ng’at ma wacho miriambo ok nochung’ e nyima.
8 Pile gokinyi abiro tieko jo maricho modak e piny;
Abiro golo joricho duto e dala mar Jehova.+
Lamo mar ng’at ma sandore kendo ma chunye onyosore. Onyiso Jehova gik ma chando chunye.+
2 Kik ipandna wang’i sa ma asandora.
3 Ngimana rumo piyo mana ka yiro,
Kendo chokena wang’ ka gima gin e mach.+
4 Chunya chalo gi lum ma chieng’ ogoyo moner,+
Kendo dhoga rach ma ok anyal chiemo.
6 Achalo gi mbusi* modak e thim,
Achalo gi tula modak e gunda.
8 Wasika yanya odiechieng’ duto,+
Kendo jo ma jara kuong’o ji gi nyinga.
9 Nimar buch kendo e chiemba,+
Kendo aruwo gik ma amadho gi pi wang’a.+
10 Ne iting’a malo kae to iwita,
Nikech ich-wang’ mari kod mirimbi mager.
15 Ogendni biro luoro nying Jehova,
Kendo ruodhi duto mag piny biro luoro duong’ni.+
18 Nyaka ndik wechegi piny ne tieng’ ma biro,+
Mondo tieng’ ma pok onyuolno opak Jah.
19 Jehova ng’iyo piny gie kar dakne maler,+
Ong’iyo piny ka en e polo malo,
20 Mondo owinj ywak jo ma otwe,+
Kendo ogony jo ma ong’adnegi buch tho,+
21 Kuom mano, nying Jehova ibiro hul e Sayun,+
Kendo ibiro pake e Jerusalem,
22 Kinde ma ogendni kod pinjeruodhi
Biro chokore mondo gilam Jehova.+
23 Nomaya teko ka pod atin;
Nong’ado ndalona mobedo machuok.
25 Ne iketo mise mag piny chon gi lala,
Kendo polo en tij lweti.+
26 Gibiro lal nono, to in ibiro siko nyaka chieng’.
Gibiro ti mana ka law,
Kendo ibiro lokogi mana kaka ng’ato dilok law morwako, mi ginilal nono.
27 To in ok ilokri, kendo ibiro siko nyaka chieng’.+
28 Nyithind jotichni biro dak gi kuwe,
Kendo pile inirit nyikwagi.”+
Zaburi mar Daudi.
103 Weuru apakie Jehova.
Denda duto mondo opak nyinge maler.
2 Weuru apakie Jehova,
Wiya kik wil gi gik moko duto mosetimo.+
3 En e moweyoni kethoni duto,+
Kendo ochango tuocheni duto.+
4 Oreso ngimani kogoli e liel,+
Kendo orwakoni hera kod ng’wono kaka osimbo.+
16 To ka yamo okutho, olal nono,
Mana ka gima ne oonge.
17 To hera ma Jehova oherogo jo moluore
Osiko nyaka chieng’.+
Bende, otimo maber ne nyikwagi,+
18 Ma rito singruokne,+
Kod jo ma rito chikene adimba.
22 Pakuru Jehova, un chuechne duto
Manie bwo lochne.
Mad denda duto opak Jehova.
A Jehova Nyasacha, mano kaka iduong’!+
Irwakori gi luor kod duong’.+
3 Igero sirni mag odi e wi pige manie boche polo.+
Boche polo e ma iidho ka gachi mar lweny,+
Iwuotho e buombe yamo.+
4 Omiyo malaikene bedo chuech ma nigi teko,
Kendo omiyo jotichne bedo mach mager.+
6 Ne iume gi nembe matut mana kaka ng’ato dium gimoro gi nanga,+
Kendo pigego noimo gode.
7 Ka ne ikwero pigego, ne giringo,+
Ka ne giwinji kimor ka mor polo kibaji nomakogi ma giringo.
8 Ne gimol e gode+ ka giridore e hohni,
Ne giridore nyaka kuonde ma ne iselosonegi.
9 Eka niketo ne pigego tong’ ma ok ginyal kadho,+
Mondo kik gichak giim piny kendo.
10 Imiyo sokni bubni e hohni,
Kendo gimol e kind gode.
11 Kamano le mag bungu duto yudo pi modho,
Kendo punde mag bungu loyo riyo ma gin-go.
12 Winy gero utegi e yiende manie bath pigego
Giywak mamit.
13 Osemiyo koth ochue e wi gode koa e dalane manie polo.+
Osemiyo piny onyago olembe nikech tijene madongo.+
14 Omiyo lum dongo ne jamni,
Kendo alode ne dhano.+
Mondo chiemo onyag koa e lowo
15 Kod divai ma miyo chuny dhano mor,+
Gi mo ma miyo lela wang’ rieny,
Kaachiel gi makate ma miyo dhano bedo motegno.+
16 Yiende Jehova yudo pi moromogi,
Yiendego gin sida mag Lebanon ma nopidho,
17 Winy gero utegi e bede yiendego.
Winj ogungo+ odak e yiende mag junipa.
19 Osechueyo dwe mondo okony e pogo kinde;
Wang’ chieng’ bende ong’eyo seche monego opodhie.+
20 Sa mikelo mudho to piny yuso,+
Kendo le mag bungu duto bayo oko.
22 Ka chieng’ owuok,
Gidok nindo e kuonde ma gidakie.
23 Dhano dhi e tije,
Kendo otiyo nyaka odhiambo.
24 A Jehova, to mano kaka gik michueyo ng’eny miwuoro!+
Ne ichueyogi gi rieko miwuoro.+
Piny opong’ gi gik michueyo.
25 Nichueyo nam maduong’ kendo malach,
Mopong’ gi gik mangima madongo kod matindo.+
27 Giduto ging’iyi mondo imigi chiemo
E kinde mowinjore.+
28 Gima imiyogi e ma gichamo,+
Ka iyawonegi lweti to giyieng’ gi gik mabeyo.+
29 Kipandonegi wang’i to gichandore,
Kigolo muchgi to githo mi gidog e lowo.+
30 Kioro roho mari to ichueyo gik moko,+
Kendo imiyo piny bedo manyien.
31 Duong’ mar Jehova biro siko nyaka chieng’,
Jehova mor gi gik ma nochueyo.+
32 Kong’iyo piny, to piny yiengni,
Komulo gode, to gigolo yiro.+
35 Joricho biro rumo e piny,
Jo ma timbegi richo ok nobedie kendo.+
Pak Jehova yaye chunya. Pakuru Jah.*
3 Sunguru nyinge maler.+
Jogo duto ma manyo Jehova mondo obed mamor.+
4 Manyuru Jehova+ kod tekone.
Manyuru wang’e* kinde duto.
5 Paruru tijene miwuoro mosetimo,
Kendo paruru honnige kod buche moseng’ado,+
6 Un koth Ibrahim jatichne,+
Kendo un yawuot Jakobo, joge moyiero.+
7 En e Jehova Nyasachwa,+
Buchene tiyo e piny duto.+
8 Obiro paro singruok ma notimo nyaka chieng’+
Gima nosingo* ni nodhi timo e tienge gana gi gana.+
9 Singruok ma notimo gi Ibrahim+
Kod kuong’ruok ma nokuong’orego ne Isaka,+
10 Ne otimo singruogno gi Jakobo
Winjruok mosiko notimo gi Israel,
11 Kowacho niya: “Abiro miyi piny Kanaan,+
Mondo obed pok maru.”+
13 Ne gilworore e piny ka piny,
Kendo e pinyruoth ka pinyruoth.+
14 Ne ok oyie mondo ng’ato ang’ata osandgi,+
To ne okwero ruodhi nikech gin,+
15 Kowacho niya: “Kik umul joga mowir,
Kendo kik utim gimoro amora marach ne jonabina.”+
16 Ne okelo kech e piny,+
Kendo noketho yore duto ma ne giyudogo chiemo.
17 Nooro ng’ato mondo otelnegi,
Ng’atno ne en Josef ma ne ous kaka misumba.+
18 Ne girido tiendene gi nyororo,+
Kendo ne gitweyo ng’ute gi chumbe;
19 Nyaka nochopo kinde ma weche ma nokoro nochopo kare,+
Kendo wach Jehova e ma nopwodhe.
20 Ruoth nooro wach mondo ogonye,+
Ee, ruodhno e ma nogonye.
21 Nokete obedo ruoth e ode,
Korito mwandune duto.+
22 Nomiye teko e wi jotende,
Kendo en e ma nopuonjo jodonge rieko.+
23 Kae to Israel nobiro Misri,+
Kendo Jakobo nodak ka wendo e piny Ham.
24 Nyasaye nomiyo joge onyuolore ahinya,+
Nomiyo gibedo motegno moloyo jowasikgi.+
25 Ee, noweyo Jo-Misri ochayo joge,
Mi gichako tiyo kodgi e yo marach.+
27 Ne gitimo ranyisi madongo e kindgi,
Kod honni e piny Ham.+
28 Nyasaye nokelo mudho mi piny olil ti.+
Ne giwinjo wechene.
29 Noloko pigegi mobedo remo,
Kendo nonego rech duto.+
30 Ogwende nopong’o pinygi,+
Nyaka e od ruoth.
31 Nyasaye nogolo chik mi lwang’ni nomonjogi,
Kendo suna nopong’o piny duto.+
33 Nyasaye nogoyo yiendegi mag mzabibu kod ng’owo piny.
Adier, noketho yiende duto e pinyno.
34 Nogolo chik ma det-bonyo omonjogi,
Ee, dede mokalo akwana nomonjogi.+
35 Ne gichamo gimoro amora ma noloth e piny,
Moriwo nyaka cham duto ma ne nie puothegi.
36 Bang’e nonego nyithind Jo-Misri duto makayo,+
Adier, nonego nyithindgi ma ne gikwongo nyuolo.
37 Nogolo joge oko ka giting’o fedha kod dhahabu,+
Onge ng’ato kuomgi ma ne jamidekre.
38 Jo-Misri nobedo mamor ka ne gia,
Nikech ne giluoro Jo-Israel.+
39 Nyasaye noyaro bor polo ka pasia mogeng’ogi,+
Kendo mach nomiyogi ler otieno.+
42 Nimar noparo singo maler ma nosingo ne Ibrahim jatichne.+
43 Kuom mano, nogolo joge gi ilo,+
Nomiyo joge moyier owuok ka kok gimor.
45 Notimo kamano mondo giluw yorene,+
Kendo rito chikene.
Pakuru Jah.*
106 Pakuru Jah!*
2 Ng’ano ma nyalo lando gik madongo duto ma Jehova osetimo?
Ng’ano ma nyalo pake kuom tijene madongo duto?+
3 Jo mamor gin jo ma luwo adiera,
Kendo ma siko katimo gik makare.+
4 A Jehova, para chieng’ minyisoe jogi ng’wono.+
Rita kendo resa,
5 Mondo an bende ayudie gik mabeyo ma imiyo jogi miyiero,+
Abed mamor kaachiel gi ogandani,
Kendo apaki kaachiel gi jogi.
7 Ka ne kwerewa ni Misri, ne ok giparo tijeni madongo miwuoro,
Bende, wigi nowil gi herani mogundho.
Ne ging’anyoni e dho Nam Makwar.+
9 Ne igolo chik mi Nam Makwar otwo.
Ne imiyo gikalo e nam ka jo ma kalo e thim.+
10 Ne iwarogi e lwet jasikgi.+
Adier, ne iresogi e lwet ng’at ma ne kedo kodgi.+
11 Pi noimo wasikgi duto,
Onge kata achiel ma notony.+
13 To piyo piyo nono wigi nowil gi gik ma nisetimo,+
Kendo ne ok giriti mondo ing’adnegi rieko.
15 Nimiyogi gik ma ne gidwaro,
Kata kamano, nigoyogi gi tuo malich ma githo.+
17 Piny nobarore momwonyo Dathan,
Kaachiel gi Abiram gi jo ma nochokore kode.+
18 Mach nomuoch e dier jolupgi,
Mowang’o jorichogo te.+
19 Ne giloso nyaroya ka ne gin Horeb,
Mi gilamo sanamu ma ne giloso gi chumano.+
20 Kar miya duong’,
Ne giloso kido mar ruath ma chamo lum mondo gimi duong’.+
21 Wigi nowil gi Nyasaye+ ma noresogi,
Kendo ma nosetimo gik madongo e piny Misri.+
22 Adier, wigi nowil gi honni miwuoro ma notimo e piny Ham,+
Kaachielgi gik madongo ma notimo e dho Nam Makwar.+
23 Omiyo, ne ichiegni tiekogi,
To Musa ng’ati ma ne iyiero e ma nochung’ e kindi kodgi ka jathek
Mondo ogeng’ mirimbi mager.+
26 Kuom mano, ne oting’o lwete mokuong’ore
Ni obiro miyo gipodh e thim.+
27 Ne iwachonegi ni nidhi miyo nyikwagi opodh e kind ogendni,
Kendo ni nidhi keyogi e piny duto.+
30 To ka Finehas nokawo okang’ ma dwarore,
Tuo marachno norumo.+
31 Timneno nomiyo okwane ka ng’at makare
Kendo ibiro kwane kamano e tienge duto.+
37 Ne gichiwo yawuotgi gi nyigi
Kaka misengni ne jochiende.+
38 Ne gichuero remb jo ma onge ketho.+
Ne gichuero remb yawuotgi gi nyigi,
Ma ne gichiwo ne nyiseche mag Kanaan,+
Mi ne ginjawo piny gi remo ma ne gichuerogo.
39 Timbegigo nomiyo gibedo jo ma ok ler,
Ne gidwanyo lamo maler gi timbegi.+
40 Omiyo, i Jehova nowang’ gi joge,
Mi chunye ojok kodgi.
42 Wasikgigo nosandogi,
Mi olokogi wasumbnigi.
45 Nikech niparo singruok ma nisetimo kodgi,
Niwinjo malit, mikechogi nikech herani osiko.+
46 Nimiyo jo ma nolokogi wasumbni
Okechogi.+
47 A Jehova Nyasachwa, reswa,+
Kendo chokwa mondo igolwa e kind ogendni,+
Mondo wagoni erokamano nikech nyingi ler,
Kendo wapaki gi ilo.+
48 Pakuru Jehova, Nyasach Israel,
Nyaka chieng’.+
Ji duto mondo odwok ni “Amin!”
Pakuru Jah!*
BUK MAR ABICH
2 Jo ma Jehova nowaro mondo owach kamano,
Jogo ma noreso e lwet jasigu.+
3 Jo ma nochoko kogolo e pinje,+
Chakre yo wuok chieng’ nyaka yo podho chieng’,
Kendo kowuok milambo nyaka nyandwat.+
4 Ne girundore arunda e thim;
Ne ok giyudo dala maduong’ ma ginyalo dakie.
5 Kech nokayogi kendo riyo noloyogi,
Mi chunygi nool ahinya.
8 Ji mondo ogo ne Jehova erokamano+ nikech herane osiko,
Kendo nikech gik madongo mosetimo ne dhano.+
9 Nimar osetieko riyo ne jo ma riyo oloyo,
Kendo oseyieng’o jo ma kech kayo gi gik mabeyo.+
10 Moko kuomgi nodak e mudho mandiwa,
Kaka mabuse ma sandore motue gi nyoroche.
11 Nikech ne ging’anyo ma giweyo wach Nyasaye,
Ne gichayo rieko mar Ng’at Mamalo Chutho.+
12 Kuom mano, noweyo gichandore mondo chunygi obolre,+
Ne gichwanyore, kendo onge ng’at ma ne nyalo konyogi.
13 Ne giywagore ne Jehova mondo ogolgi e chandruogegi;
Nowinjogi moresogi.
14 Ne ogologi e mudho mandiwa,
Moturo nyoroche ma notwegigo.+
15 Ji mondo ogo ne Jehova erokamano nikech herane osiko,+
Kendo nikech gik madongo mosetimo ne dhano.
16 Nimar osemuko dhoudi molos gi mula,
Kendo oturo sirni molos gi chuma.+
18 Dhogi ne rach kendo ne ok gigomb chiemo,
Omiyo, ne gichiegni tho.
19 Ne giywagore ne Jehova mondo ogolgi e chandruogegi;
Nowinjogi moresogi.
20 Ne ooro wachne mi nochangogi;+
Ne oresogi e lak tho.
21 Ji mondo ogo ne Jehova erokamano nikech herane osiko,
Kendo nikech gik madongo mosetimo ne dhano.
22 Onego gigone erokamano gi misengni,+
Kendo gipak tijene gi wende.
23 Moko kuomgi kwang’ e nam gi meli,
Gitimo ohala ka giyoro nembe madongo.+
24 Giseneno tije Jehova,
Kendo giseneno gik madongo mosetimo e nembe;+
25 Kaka nogolo chik mi ahiti otugore,+
Momiyo apaka ochako tagore e nam.
26 Apaka nodirogi e kor yamo,
Monyumogi kuonde matut mogik.
Chir ma ne gin-go nolal nono nikech masira ma nojukogino.
27 Ne gitagore kendo gichwanyore ka jo momer,
Rieko duto ma ne gin-go ne ok nyal konyogi.+
28 Eka ne giywagore ne Jehova mondo ogolgi e chandruogegi;+
Nowinjogi moresogi.
29 Ne okueyo ahitino;
Apaka bende noling’ thi.+
30 Ne gimor ka nam nokuwe,
Kendo notelonegi nyaka e dho wath ma ne gidwaro gowoe.
31 Ji mondo ogo ne Jehova erokamano nikech herane osiko,
Kendo nikech gik madongo mosetimo ne dhano.+
32 Onego gihul duong’ne e chokruok mar joge,+
Kendo gipake e bura mar jodongo.
33 Ne oloko aoche mobedo kuonde motwo,
Kendo sokni ma ne mol nolokore ongoro.+
34 Ne oloko lowo ma ne nyak maber obedo lowo motimo chumbi,+
Nikech timbe maricho mag jo ma nodak e pinyno.
35 Noloko thim mobedo yewni mag pi,
Kendo lowo motwo nolokore sokni mamol.+
38 Ne oguedhogi mi gibedo jo mang’eny ahinya;
Ne ok oyie mondo kwan jambgi odog chien.+
39 Kata kamano, kwan jogo nochako obedo matin, kendo ji nochako chayogi,
Nikech sand, masiche, kod kuyo ma noyudogi.
41 To noreso jochan e thagruokgi,+
Momiyo ginyuolore mi gibedo mang’eny ka jamni.
43 Ng’at mariek biro paro wechegi,+
Kendo obiro paro matut gik ma Jehova osetimo nikech herane mosiko.+
Wer. Zaburi mar Daudi.
108 A Nyasaye, chunya otegno.
Anawerni kendo analosni wer gi chunya duto.+
2 Chiew, A in gir thum migwelo; A nyatiti, in bende chiew.+
Abiro chiewo kogwen.
3 A Jehova, abiro paki e kind ji,
Abiro werni e dier ogendni.
4 Nimar herani mosiko duong’ kendo ochopo nyaka e polo,+
Kendo adierani chopo nyaka e kor polo.
5 Yaye Nyasaye, nyis tekoni gie kor polo;
Mad duong’ni obed e wi piny duto.+
6 Reswa gi lweti ma korachwich kendo winj lamona,
Mondo jo ma ihero owuog e chandruok.+
7 Nyasaye osewuoyo e lerne:*
9 Piny Moab en besen mara mar lwok.+
To e piny Edom e ma abiro boloe wuochena.+
Piny Filistia e ma abiro kokie ka aselocho.”+
10 A Nyasaye, ng’ano ma biro tera e dala mochiel motegno?
En ng’ano ma notelna ka tera Edom?+
11 Donge en mana in misewitowani?
Yaye Nyasachwa, donge tinde ok idhi kodwa e lweny?+
Ne jatend wer. Zaburi mar Daudi. Wer.
109 A Nyasacha ma apako,+ kik iling’ aling’a.
2 Nimar joricho kod jomiriambo osemonja gi dhogi.
Gisepiago lewgi mondo gihangna wach.+
3 Gilwora koni gi koni gi weche mag achaya,
Gimonja to onge gima asetimonegi.+
4 Aherogi, gin to gimon koda;+
To an asiko ka alemo.
6 Mad jang’ad bura marach e moyale;
Mad ng’at modonjone ochung’ e bade korachwich.
7 Mad bura oloye sa ma iyale;
Mad lamone bende okwan ka richo.+
9 Mad nyithinde odong’ kiye,
Kendo chiege odong’ chi liel.
10 Mad nyithinde olokre jokwecho ma bayo abaya,
Kendo ma manyo chiemo e dalagi moselokore gunda.
11 Mad jal mohole omak gik moko duto ma en-go,
Kendo welo mondo oyak mwandune duto.
12 Kik ng’ato okeche,
Kata kecho nyithinde modong’ kiye.
13 Kothe duto mondo olal nono,+
Mad ruch nyingegi kik bed e tieng’ ma biro.
14 Mad Jehova sik kaparo richo ma wuonegi notimo,+
Kendo kik ruch richo min-gi.
15 Mad Jehova opar pile gik ma gisetimo,
Kendo ogol kargi oko chuth e piny.+
16 Nimar ne ok obedo mang’won gi ji,+
To nosiko kosando jodhier, gi jo ma ithiro,+ kaachiel gi jo ma chunygi onyosore,
Mondo oneggi.+
17 Nohero kuong’o ji, to koro kuong’nego odokne.
Ne ok ohero guedho ji, omiyo koro ok bi guedhe.
18 Ne orwako kuong’ ka nangane.
Ne gimol e dende ka pi,
Kendo ne gichalo mo e chokene.
19 Mad kuong’ ume mana kaka law moumorego,+
Kendo kaka msip motweyo pile.
20 Mano e chudo ma Jehova chulo jo ma kweda+
Kod jo ma wuoyo marach kuoma.
21 To in, A Jehova Wuon Loch Duto,
Konya nikech nyingi.+
Resa nikech herani ber kendo osiko.+
23 Ndalona chalo gi tipo ma kadho,
Kendo yamo tera ka det-bonyo.
24 Chongena onyosore nikech ariyo kech;
Adhero kendo aselokora choke lilo.
26 A Jehova Nyasacha, konya.
Resa nikech herani osiko.
27 A Jehova, mad ging’e ni lweti e moresa;
Adier, ni in e mitimona kamano.
28 We gikuong’a akuong’a, in to ibiro guedha.
Mad ikuod wigi ka gibiro monja.
Mad jatichni obed mamor.
29 Mad wich-kuot maduong’ omak jo ma kedo koda,
Kendo girwak wich-kuot ka kandho.+
30 Abiro goyone Jehova erokamano maduong’,
Abiro pake e nyim oganda maduong’.+
31 Nimar obiro chung’ e bat korachwich mar ng’at ma chandore,
Mondo orese e lwet jo ma ng’adone buch tho.
Zaburi mar Daudi. Wer.
110 Jehova nowacho ne Ruodha niya:
2 Jehova biro rieyo ludh tekoni chakre Sayun, kowacho niya:
“Bed gi loch e dier wasiki.”+
3 Jogi biro chiwore e odiechiengi mar lweny.*
In gi oganda mar yawuoyi machal gi tho momoko e lum gokinyi,
Giler kendo bergi iwuoro.
4 Jehova osesingore kendo ok obi loko pache:*
Obiro ng’injo wi jatend piny duto.
7 Obiro* modho e aora matin manie bath yo.
Kuom mano, enoting’ wiye malo.
א [Aleph]
ג [Gimel]
ה [He]
ז [Zayin]
4 Osemiyo ji paro honni mage.+
ח [Heth]
Jehova ng’won kendo okecho ji.+
ט [Teth]
י [Yod]
Oparo singruok ma notimo nyaka chieng’.+
כ [Kaph]
מ [Mem]
ס [Samekh]
פ [Pe]
צ [Tsade]
Ne ochiko ni singruokne biro siko nyaka chieng’.
ק [Qoph]
Nyinge ler kendo lich miwuoro.+
ר [Resh]
10 Luoro Jehova e chakruok mar rieko.+
ש [Sin]
Jogo duto ma rito chikene nyiso ni giriek.+
ת [Taw]
Ibiro pake nyaka chieng’.
א [Aleph]
ג [Gimel]
ה [He]
ז [Zayin]
4 Ochalo ler marieny e mudho ne jo matir.+
ח [Heth]
Ong’won, okecho jomoko,+ kendo otimonegi gik makare.
ט [Teth]
5 Jal ma holo gike gi chuny maler noyud gueth.+
י [Yod]
Otimo gik moko e yo makare.
כ [Kaph]
ל [Lamed]
Ibiro par ng’at makare nyaka chieng’.+
מ [Mem]
7 Ok obi luoro weche ma kelo kuyo.+
נ [Nun]
Chunye otegno, ogeno Jehova.+
ס [Samekh]
פ [Pe]
9 Osechiwo gike; osekonyo jochan.+
צ [Tsade]
Timbene makare siko nyaka chieng’.+
ק [Qoph]
Obiro bedo gi teko kod duong’.
ר [Resh]
10 Jaricho biro neno mano, kendo iye nowang’.
ש [Shin]
Obiro muodo lekene kendo obiro lal nono.
ת [Taw]
Gik ma jaricho gombo mondo otimrene ok bi timore kata matin.+
113 Pakuru Jah!*
Yaye un jotich Jehova, pakeuru.
Pakuru nying Jehova.
2 Nying Jehova mondo opak,
Chakre sani kendo nyaka chieng’.+
3 Nying Jehova onego opak,
Chakre wuok chieng’ nyaka podho chieng’.+
5 Ng’ano machal gi Jehova Nyasachwa,+
Ma kom-lochne ni malo chuth?
6 Okulore mondo orang polo gi piny.+
7 Oting’o ng’at ma sandore malo kogole e lowo.
9 Omiyo dhako ma migumba ode,
Kaka miyo mamor ma nigi nyithindo.+
Pakuru Jah!*
114 Ka ne Jo-Israel ma ne gin nyikwa Jakobo
Owuok Misri+ ka ma ne iwachoe dhok ma wendo,
2 Juda nobedo ka maler mar Nyasaye,
Israel nobedo piny ma nolochoe.+
4 Gode madongo nochikore ka yimbe,+
Gode matindo nochikore ka nyirombe.
5 Yaye nam, ang’o momiyo ne iringo?+
To in Jordan, ang’o momiyo ne iweyo mol?+
6 Un gode madongo, ang’o momiyo nuchikoru ka yimbe?
To un gode matindo, ka nyirombe?
7 Yaye piny, yiengni e nyim Ruoth,
Ee, yiengni e nyim Nyasach Jakobo,+
8 Nimar en e moloko lwanda ma bed yawo,
Ee, omiyo lwanda matek lokore sokni mag pi.+
2 Kik iwe ogendni owach niya:
“Ere Nyasachgino?”+
3 Nyasachwa nie polo,
Otimo gimoro amora modwaro.
4 Sanamu maggi gin mag fedha gi dhahabu,
Kendo lwet dhano e molosogi.+
5 Gin gi dhok, to ok ginyal wuoyo;+
Gin gi wang’, to ok ginyal neno.
6 Gin gi it, to ok ginyal winjo;
Gin gi um, to ok ginyal ng’weyo gimoro.
7 Gin gi lwedo, to ok ginyal mako gimoro;
Gin gi tielo, to ok ginyal wuotho;+
Dwondgi bende ok nyal golo wach.+
10 A un dhood Harun,+ genuru Jehova;
En e mokonyou kendo en e okumbau.
13 Jehova biro guedho jo moluore,
Bed ni gin jo madongo kata jo matindo.
14 Jehova biro miyo umedru,
Un kaachiel gi nyithindu.+
18 Wan to wanapak Jah
Chakre sani kendo nyaka chieng’.
Pakuru Jah!*
116 Ahero Jehova
Nimar owinjo dwonda sa ma akwaye mondo okonya.+
2 Ochikona ite,+
Kuom mano, abiro luonge kinde duto ma pod angima.
Parruok gi kuyo nohewa.+
4 To naluongo nying Jehova ka awacho niya:+
“Yaye Jehova, yie iresa!”
6 Jehova rito jo ma onge lony.+
Ne athagora, to ne oresa.
7 We mondo chunya obed mos,
Nimar Jehova osetimona gik mabeyo.
8 Oseresa a e tho;
Osemiyo pi wang’a oweyo chuer, kendo osegeng’o tienda mondo kik achwanyra.+
9 Abiro wuotho e nyim Jehova e piny jo mangima.
10 Kata obedo ni nachandora ahinya,+
Ne awuoyo nikech ne an gi yie.
11 Luoro nomaka mi arikni wacho niya:
“Dhano duto gin jomiriambo.”+
12 Ang’o ma dachul Jehova
Kuom gik mabeyo duto mosetimona?
13 Abiro ting’o okombe mar warruok malo,
Kendo abiro luongo nying Jehova.
16 Yaye Jehova, asayi,
Nimar an jatichni.
Adier, an jatichni ma wuod misumbani ma nyako.
Isegola e nyoroche ma notweyago.+
17 Abiro chiwoni misango mar erokamano;+
Abiro luongo nying Jehova.
18 Abiro chopo singruok ma asetimo gi Jehova+
E nyim ji duto,+
19 E laru mag od Jehova,+
A Jerusalem, mana e dieri.
118 Gouru ne Jehova erokamano, nimar ober;+
Herane osiko nyaka chieng’.
2 Jo-Israel mondo owach niya:
“Herane osiko nyaka chieng’.”
3 Dhood Harun mondo owach niya:
“Herane osiko nyaka chieng’.”
4 Jo moluoro Jehova mondo owach niya:
“Herane osiko nyaka chieng’.”
6 Jehova en jakora; ok abi luor.+
Dhano adhana ditimna ang’o?+
8 Ber geno Jehova
Moloyo geno dhano.+
9 Ber geno Jehova
Moloyo geno jotelo.+
11 Ne gilwora koni gi koni,
To ne atiekogi giduto
E nying Jehova.
12 Ne ginur kuoma ka kich,
To mapiyo nono ne oneggi mana kaka inego mach momako bungu.
Ne atiekogi giduto
E nying Jehova.+
13 Ne gidhira matek mondo apodhi,*
To Jehova nokonya.
14 Jah e kar bwokna kendo en e tekona,
Kendo osebedo Jawarna.+
15 Koko mag mor kod mag locho
Winjore e i hembe mag jo makare.
Lwet Jehova ma korachwich osetimo gik madongo.+
16 Lwet Jehova ma korachwich oselocho.
Lwet Jehova ma korachwich osetimo gik madongo.+
17 Ok abi tho, to abiro bedo mangima,
Mondo ahul gik madongo ma Jah osetimo.+
19 Yawna dho rangeye mag tim makare,+
Mondo adonj apak Jah.
20 Mano e dho ranga Jehova,
Ma jo makare biro donjogo.+
21 Abiro paki nikech ne iwinjo ywakna,+
Kendo ne ibedo jawarna.
24 Jehova oselosonwa odiechiengni
Mondo wabed mamor kendo wail.
25 Yaye Jehova, wakwayi mondo ireswa!
Jehova wakwayi mondo imi waloch!
27 Jehova en Nyasaye
Omiyowa ler.+
28 In e Nyasacha, kendo abiro paki;
In e Nyasacha ma abiro miyo duong’.+
א [Aleph]
3 Gitimo gik makare;
Giwuotho e yorene.+
4 Isechikowa,
Ni warit chikeni chuth.+
5 Yaye, mad dabedie ni yorena ogurore motegno,+
Daluwo chikeni!
6 Dine ok ayudo wich-kuot+
Sa ma anono chikeni duto.
7 Ka asepuonjora buche makare miseng’ado,
Abiro paki gi chuny matir.
8 Abiro rito chikeni.
Akwayi ni kik ijwang’a chuth.
ב [Beth]
9 Ere kaka rawera nyalo rito yorene mondo osik koler?
Mana kuom rito wachni.+
10 Amanyi gi chunya duto.
Kik iwe abar mi awe chikeni.+
12 A Jehova, mad iyud pak.
Puonja chikeni.
13 Ahulo gi dhoga
Buche duto ma dhogi osewacho.
16 Ahero chikeni.
Wiya ok nowil gi wecheni.+
ג [Gimel]
17 Bed mang’won gi jatichni,
Mondo abed mangima kendo arit wachni.+
18 Yaw wang’a mondo anen maler
Gik mabeyo miwuoro manie chikeni.
19 An mana wendo e piny.+
Kik ipandna chikeni.
20 Chunya opong’ gi siso
Mar ng’eyo bucheni kinde duto.
21 Ikwero jo ma hedhore
Kendo mosekuong’ nikech ok giluw chikeni.+
22 Gol kuoma achaya kod ajara,
Nimar aserito chikeni.
23 Kata sa ma ruodhi ochokorena mondo gitimna marach,
Jatichni pod paroga matut kuom chikeni.*
ד [Daleth]
25 Anindo piny e buru.+
Rit ngimana mana kaka ne iwacho.+
26 Ne ahuloni yorena, kendo nidwoka.
Puonja chikeni.+
28 Kuyo omona nindo.
Omiyo, tega kaka nisingori.
29 Geng’a kik adonj e yore mag miriambo.+
Nyisa ng’wono kendo ipuonja chikeni.
30 Aseyiero yor adiera.+
Ang’eyo ni buche ming’ado gin kare.
31 Amako chikeni matek.+
Yaye Jehova, kik iwe ayud wich-kuot.+
ה [He]
34 Miya rieko
Mondo arit chikeni,
Kendo amakgi gi chunya duto.
35 Taya mondo awuoth e chikeni,+
Nikech gin e ma gimiya mor.
36 Miya chuny mohero luwo chikeni,
To ok chuny ma luwo dwarona awuon.+
38 Chop wach ma nisingo ne jatichni,
Mondo ji oluori.*
39 Golna achaya ma aluoro,
Nimar buche ming’ado beyo.+
40 Mano kaka ahero yoreni!
Rit ngimana nikech in ng’at makare.
ו [Waw]
41 A Jehova, mad inyisae herani mosiko,+
Kendo iresa kaka ne isingori.+
42 Eka anayud wach ma adwokogo jal ma kweda,
Nikech ageno wachni.
43 Kik igol wach mar adiera e dhoga,
Nikech asegeno bucheni.
44 Abiro rito chikeni ndalo duto
Kendo nyaka chieng’.+
46 Abiro hulo chikeni e nyim ruodhi,
Kendo wiya ok nokuodi.+
47 Amor luwo chikeni,
Nikech aherogi ahinya.+
ז [Zayin]
49 Par wach ma nisingo ne jatichni,
Wachno e ma miyo abedo gi geno.
50 Mano e ma hoyo chunya e chandruok,+
Nimar wachni oserito ngimana.
51 Jo ma hedhore jara ahinya,
To pok abaro mi aweyo chikeni.+
53 Mirima mager osemaka nikech joricho
Ma jwang’o chikeni.+
54 Kamoro amora ma adakie,*
Awero mana chikeni.
55 A Jehova, otieno mangima aparo nyingi,+
Mondo arit chikeni.
56 Mano e gima atimoga pile,
Nikech aserito chikeni.
ח [Heth]
59 Asenono yorena
Mondo achik tiendena oluw chikeni.+
60 Areto ma ok ariwni
Mondo arit chikeni.+
61 Tonde mag joricho osenala,
Kata kamano, wiya ok nyal wil gi chikeni.+
62 Achiew dier otieno mondo agoni erokamano+
Nikech buche ming’ado ni kare.
64 A Jehova, herani mosiko opong’o piny.+
Puonja yoreni.
ט [Teth]
65 Isetimo ne jatichni gik mabeyo, A Jehova,
Mana kaka ne iwacho.
66 Miya rieko mar ng’ado weche kare kaachiel gi ng’eyo,+
Nikech asegeno kuom chikeni.
67 Ka ne pok aneno masira ne ajabothga ding’eny,
To sani amako wachni.+
68 Iber ahinya,+ kendo tijeni beyo.
Puonja chikeni.+
69 Jo ma hedhore osemiena gi miriambo,
An to arito chikeni gi chunya duto.
71 En gima ber ni asesandora,+
Mondo apuonjra yoreni.
י [Yod]
73 Lweti e ma nochueya kendo e ma nolosa.
Miya nyalo mar winjo tiend wecheni,
Mondo apuonjra chikeni.+
74 Jo moluori duto mor ka ginena,
Nimar wachni e ma ageno.+
78 Mad jo ma sungore one wich-kuot,
Nikech gisekwinya ma onge gimomiyo.
An to abiro paro matut kuom yoreni.*+
79 Ji duto moluori kendo mong’eyo chikeni
Mondo obed jokora.
כ [Kaph]
81 Agombo ahinya neno resruokni,+
Nimar wachni e ma ageno.
82 Wang’a koro ool nikech aserito aming’a neno gima nisingona,+
To pod apenjora niya: “Ibiro hoyo chunya karang’o?”+
84 Jatichni biro rito nyaka karang’o?
Ibiro kumo jo ma sanda karang’o?+
85 Jo ma hedhore osekunyona buche,
Ee, jogo ma kwedo chikeni.
86 Chikeni duto inyalo gen,
Akwayi ni ikonya, nimar ji sanda ma onge gimomiyo.+
87 Ne gichiegni tieka,
To ok najwang’o chikeni.
88 Rit ngimana nikech herani osiko,
Mondo aluw chike mowuok e dhogi.
ל [Lamed]
89 A Jehova, wachni biro siko e polo
Nyaka chieng’.+
90 Adierani ochwere e tienge duto.+
Iseguro piny motegno mondo osik ka ma niketee.+
91 Chuechni duto osiko nikech wachni,
Nimar giduto gitiyoni.
92 Dine ok ahero chikeni,
Dikoro aselal nono nikech chandruogena.+
93 Wiya ok nyal wil gi chikeni
Nikech gin e ma girito ngimana.+
95 Joricho obutona mondo gitieka,
An to aparo matut kuom chikeni.
96 Ang’eyo ni gik malong’o chuth nigi gikogi,
To chikeni onge giko.
מ [Mem]
97 To mano kaka ahero chikeni!+
Aparo kuomgi matut odiechieng’ duto.*+
98 Chikeni osemiyo abedo mariek moloyo wasika,+
Nimar gitaya kinde duto.
100 Alony moloyo jomoti,
Nikech aluwo chikeni.
101 Asegeng’o tiendena mondo kik awuoth e yore maricho,+
Mondo atim gima wachni ochiko.
102 Pok abaro ma aweyo bucheni,
Nimar in iwuon isepuonja.
103 To mano kaka wecheni mit e dhoga!
Gimit moloyo mor kich.+
104 Chikeni miyo atiyo gi rieko.+
Mano e momiyo asin gi yore duto maricho.+
נ [Nun]
106 Asekuong’ora kendo anachop kuong’ruoknano,
Ni abiro rito bucheni makare.
107 A Jehova, asechandora ahinya,+
Omiyo, rit ngimana kaluwore gi wachni.+
110 Joricho osechikona obadho,
Kata kamano, pok abaro aweyo chikeni.+
111 Asekawo chikeni kaka pok mara ma nyaka chieng’,
Nimar gin e ma gimiyo chunya mor.+
112 Aseng’ado e chunya ni abiro luwo chikeni
Ndalo duto mag ngimana.
ס [Samekh]
115 Un joricho, auru buta+
Mondo arit chike Nyasacha.
116 A Nyasacha, sira kaka nisingori+
Mondo abed mangima.
Kik iwe gima ageno okal nono mi ayud wich-kuot.+
118 Idagi ji duto ma tamore luwo chikeni,+
Nimar gipong’ mana gi miriambo.
119 Ipuko joricho duto oko ka yugi,*+
E momiyo ahero chikeni.
120 Denda duto tetni nikech aluori;
Luoro omaka nikech bucheni ming’ado.
ע [Ayin]
121 Asetimo gima kare kendo madier,
Kuom mano, kik iweya e lwet jo ma sanda.
122 Singri ne jatichni ni ibiro konye;
Kik iwe josunga osanda.
125 An jatichni, miya nyalo mar winjo tiend weche,+
Mondo awinj tiend chikeni.
126 Kinde mar Jehova mar kawo okang’ osechopo,+
Nimar giseketho chikene.
127 Mano e momiyo ahero chikeni
Moloyo dhahabu maler mogik.+
פ [Pe]
129 Chikeni beyo miwuoro!
Mano e momiyo aritogi.
131 Ayawo dhoga malach mondo agam yueyo,
Nikech an gi siso mar winjo chikeni.+
133 Chik ondamo maga gi wachni;
Kik richo moro amora oloya.+
134 Resa e lwet jo ma sando ji,
Mondo arit bucheni.
135 Ler mar wang’i mondo orieny kuom jatichni.+
Puonja chikeni.
136 Pi wang’a mol ka aora,
Nimar ji ok luw chikeni.+
צ [Tsade]
138 Chikeni mimiyowa ni kare,
Kendo inyalo gen-gi chuth.
139 Kinda ma an-go tieka,+
Nimar wi wasika osewil gi wecheni.
141 Atin kendo ji ochaya,+
To wiya pok owil gi chikeni.
143 Kata obedo ni achandora malit kendo aparora,
Pod ahero chikeni.
144 Chikeni ni kare nyaka chieng’,
Kuom mano, konya awinj tiend weche+ mondo asik ka angima.
ק [Qoph]
145 Yaye Jehova, aluongi gi chunya duto. Yie idwoka.
Abiro rito chikeni.
146 Aywakni; yie iresa!
Abiro rito chikeni.
147 Ka pok piny oru, aywakni mondo ikonya.+
Nimar wecheni e ma miya geno.
149 A Nyasacha winj dwonda nikech herani osiko.+
A Jehova, rit ngimana nikech bucheni ni kare.
150 Jo ma timo timbe modwanyore osesudo buta;
Gibor ahinya gi chikeni.
152 Asepuonjora chikeni chakre chon,
Kendo ang’eyo ni ne igurogi mondo gisik nyaka chieng’.+
ר [Resh]
153 Ne chandruokna kendo ikonya,+
Nimar wiya pok owil gi chikeni.
154 Yal wachna kendo iresa.+
Rit ngimana mana kaka nisingori.
155 Warruok ni mabor gi joricho,
Nimar ok gimany chikeni.+
156 A Jehova, ng’wononi duong’ miwuoro.+
Rit ngimana kaluwore gi bucheni makare.
157 Wasika kod jo ma sanda ng’eny;+
To pok abaro ma aweyo weche miparonwa.
158 Ka arango jo andhoga, to chunya chido kodgi,
Nimar ok girit wachni.+
159 Ne ane kaka ahero bucheni!
A Jehova, rit ngimana nikech herani osiko.+
160 Mise mar wachni en adier,+
Kendo buche miseng’ado duto ochwere.
ש [Sin] kata [Shin]
162 Wecheni miya mor+
Mana ka ng’at moyako mwandu mathoth.
164 Apaki nyadibiriyo odiechieng’ kodiechieng’,
Nikech bucheni ming’ado ni kare.
166 A Jehova, arito warruokni,
Kendo aluwo chikeni.
167 Amako chikeni,
Kendo aherogi gi chunya duto.+
168 Arito bucheni gi chikeni,
Nimar ing’eyo gik moko duto ma atimo.+
ת [Taw]
169 A Jehova, yie iwinj ywakna,+
Konya winjo tiend wachni kaka ne isingorina.+
170 Yie iwinj kwayona.
Resa mana kaka nisingori.
171 Mad dhoga paki,+
Nikech ipuonja chikeni.
172 Mad lewa ower wecheni,+
Nimar chikeni duto ni kare.
174 A Jehova, agombo neno resruokni.
Ahero chikeni gi chunya duto.+
175 Miya ngima mondo apaki.+
Mad bucheni ming’ado okonya.
176 Asebayo yo mana ka rombo molal.+ Many jatichni.
Nimar wiya pok owil gi chikeni.+
Wend Jo ma Idho.*
2 Yaye Jehova, resa e dho jomiriambo,
Kendo kuom lew jowuond.
3 In lep mariambo,
Obiro timi nade, kendo kumi nade?+
5 Litna ni asedak ka wendo e Meshek!+
Asebedo ka adak e hembe mag Kedar.+
6 Asedak aming’a
E kind jo ma ok dwar kuwe.+
7 An ahero kuwe, to ka awuoyo,
Gin giikore ne lweny.
Wend Jo ma Idho.
121 Ating’o wang’a karango gode.+
Konyruokna biro wuok kanye?
2 Konyruokna biro a kuom Jehova,+
Jal ma nochueyo piny gi polo.
3 Ok obi yie mondo ikier.+
Ng’at ma riti ok nonur ngang’.
4 Adier, Jal ma rito Israel+
Ok bi nur kendo nindo ok notere ngang’.
5 Jehova e ma riti.
Jehova e tipo mari,+ kendo en e badi ma korachwich.+
7 Jehova biro geng’oni masiche duto.+
Ee, obiro rito ngimani.+
8 Jehova biro riti kiwuok kendo kiduogo;
Chakre sani kendo nyaka chieng’.
Wend Jo ma Idho. Zaburi mar Daudi.
122 Ne amor ka ne ji owachona niya:
“Wadhi e od Jehova.”+
2 Tiendewa ochung’
E dho rangeyeni, A Jerusalem.+
4 Kanyo e ka ma dhoudi mag Jah*
Idho dhiye,
Mondo gipak nying Jehova,
Ka giluwo chik ma nomi Jo-Israel.+
6 Lamuru mondo Jerusalem obed gi kuwe.+
A dala maduong’, jogo moheri biro yudo arita maber.
7 Mad kuwe obed e ohinga magi madongo,
Ee, kuwe obed e ohinga magi mochiel motegno.
8 Nikech owetena kod osiepena, abiro wacho niya:
“Mad ibed gi kuwe kinde duto.”
9 Kinde duto abiro lamoni,
Nikech adwaro ni od Jehova Nyasachwa odhi maber.+
Wend Jo ma Idho.
123 Ating’o wang’a malo ka ma intie,+
In ma kom-lochni nie polo.
2 Mana kaka jatich rango lwet ruodhe,
Kendo kaka jatich ma nyako rango lwet wuon ot motiyone,
E kaka wengewa rango Jehova Nyasachwa,+
Nyaka kinde mobiro kechowae.+
3 Kechwa, yaye Jehova, kechwa,
Nikech ji osechayowa matamre gi nono.+
4 Josunga osejarowa moromo;
Jo achaya bende osechayowa moromo.
Wend Jo ma Idho. Zaburi mar Daudi.
124 “Ka dine Jehova ok obedo jakorwa”+
Jo-Israel duto mondo owach kamano,
2 “Ka dine Jehova ok obedo ja korwa+
Kinde ma wasikwa nomonjowa,+
3 Dine gimuonyowa ka wangima+
Ka ne mirima mager omakogi kodwa.+
4 Ohula dine oterowa mabor,
Pige ma ringo matek dine oimowa.+
5 Pige ma muomore matek dine ohewowa.
6 Opak Jehova,
Nikech ne ok oyie mondo gikidhwa gi lekegi.
8 Wayudo konyruok mana e nying Jehova,+
Jal ma nochueyo polo gi piny.”
Wend Jo ma Idho.
5 Jehova biro golo joricho
Kaachiel gi jo ma luwo yoregi mobam.+
Mad kuwe obed e piny Israel.
Wend Jo ma Idho.
126 Ka ne Jehova ogolowa e tuech modwokowa Sayun+
Ne chalonwa mana ka lek.
2 E kindego nyiero nothung’owa,
Kendo ne wawero wende mor.+
E ka ogendni nochako wacho niya:
“Jehova osetimonegi gik madongo.”+
3 Jehova osetimonwa gik madongo;+
Wamor matamre gi nono.
4 A Jehova, dwoknwa jowa manie tuech,
Mana kaka koth dwokoga pi e aoche mag Negeb.
5 Jo ma chuoyo kodhi ka ywak,
Biro keyo gi ilo.
Koting’o cham mochiek.+
Wend Jo ma Idho. Zaburi mar Solomon.
127 Ka Jehova ok ogero ot,
To jogedo nyagore gi tich matek kayiem nono.+
Ka Jehova ok orito dala maduong’+
To jorito ochung’ ka rite kayiem.
2 Onge ohala ma iyudo kichiewo gokinyi mang’ich
To inindo molewo,
Kitiyo matek mondo iyud chiemo,
Nimar opidho joge mohero komiyogi nindo mayom.+
5 Ng’at mamor en ng’at ma nigi aserni mang’eny e ofuke.+
Wigi ok nokuodi
Nimar gibiro kedo gi wasigu e dho rangach.
Wend Jo ma Idho.
2 Ibiro chamo gima lweti otiyone matek.
Ibiro bedo mamor kendo ibiro dak maber.+
3 Chiegi biro chalo gi yiend mzabibu ma nyak e odi;+
Yawuoti nochal gi mzabibu matindo tindo molworo mesani.
4 Neuru! Mano e kaka ibiro guedh
Ng’at moluoro Jehova.+
5 Jehova biro guedhi koa Sayun.
Mad ine ka Jerusalem dhi maber e ndalo duto mag ngimani,+
6 Kendo ine nyithind nyithindi.
Mad kuwe obed e piny Israel.
Wend Jo ma Idho.
129 “Chakre abed rawera gisebedo ka gisanda.”+
Jo-Israel duto mondo owach kamano.
3 Jopur osepuro ng’eya;+
Giseloso kiepegi maboyo.”
5 Ji duto mamon gi Sayun
Biro yudo wich-kuot maduong’ kendo ibiro riembgi.+
6 Gibiro chalo gi lum ma twi e wi tado,
Ma two ka pok opudhe.
7 Ok ginyal pong’o lwet jakeyo
Kata lwet ng’at ma chokogi pidhe pidhe.
8 Kamano jo ma kadho ok bi wachonegi niya:
“Mad Jehova oguedhu;
Waguedhou e nying Jehova.”
Wend Jo ma Idho.
130 Yaye Jehova, aywakni ka an e i bur matut.+
2 Yaye Jehova, yie iwinj dwonda.
Chik iti ne ywakna mondo ikonya.
5 Ageno Jehova gi chunya duto;
Abiro rito wachne.
6 Arito Jehova gi chunya duto+
Moloyo kaka jarito gombo neno ka piny ru,+
Adier, arite moloyo jarito ma gombo ni piny oru.
7 Mad Israel odhi nyime rito Jehova,
Nimar Jehova nyisowa herane mosiko,+
Kendo en gi teko maduong’ mar waro ji.
8 Obiro waro Jo-Israel kuom richogi duto.
Wend Jo ma Idho. Zaburi mar Daudi.
131 A Jehova, chunya onge gi ng’ayi,
Kendo wang’a ok tek,+
Bende, chunya ok gomb gik madongo,+
Kata gik ma ok anyal yudo.
2 Adier, abet mos ka chunya okuwe,+
Mana ka nyathi moseweyo dhoth e bad min-gi;
Aling’ mos ka nyathi moseweyo dhoth.
3 Mad Israel ogen Jehova+
Chakre sani kendo nyaka chieng’.
Wend Jo ma Idho.
132 A Jehova, par Daudi,
Kendo ipar chandruoge duto mosekaloe.+
2 Par kaka nosingore ne Jehova,
Kendo kaka nokuong’ore ne Nyasach Jakobo ma Ratego niya:+
3 “Ok anadonj e hemba, e oda.+
Kata nindo e komba, e otandana.
4 Ok anayie nindo otera,
Kendo ok anayie wengena obed mapek,
5 Ka pok agero ne Jehova kare,
Kendo ka pok ayudo ne Nyasach Jakobo ma Ratego kar dak.”+
9 Mad jodolo magi rwakre gi tim makare,
Kendo jogi momakore kodi ower gi mor.
10 Kik iriemb ng’ati mowir,
Nikech hera ma niherogo Daudi jatichni.+
11 Jehova ne osingore ne Daudi.
Ne en singruok ma ok lokre ngang’. Ne osingore niya:
“Abiro keto achiel kuom kothi
E kom-lochni.+
12 Ka yawuoti orito singruokna,
Kaachiel gi chike ma apuonjogi,+
Gin bende yawuotgi
Nobed e kom-lochni nyaka chieng’.”+
14 “Ma e kara mar yueyo nyaka chieng’,
Abiro dak kae,+ nikech kae e ka ma ahero.
15 Abiro guedhe gi gueth mogundho;
Abiro miyo joge modhier chiemo moromogi.+
17 Kanyo e ma abiro miyo teko* mar Daudi omedree.
Aseiko taya ne ng’ata mowir.+
18 Abiro rwako ne wasike law wich-kuot;
En to osimbone biro medo rieny.”+
Wend Jo ma Idho. Zaburi mar Daudi.
2 Ochalo gi mo ma nengone tek mool e wich,+
Mamol nyaka e tik,
Ee, e tik Harun,+
Kendo omol piny nyaka e ng’ut lawe.
Kanyo e ma Jehova chiwoe guethne,
Ngima ma nyaka chieng’.
Wend Jo ma Idho.
3 Mad Jehova Jachuech mar polo gi piny
Oguedhu gie Sayun.
135 Pakuru Jah!*
Pakuru nying Jehova.
3 Pakuru Jah, nimar Jehova ber.+
Pakuru nyinge gi wende, nimar timo kamano ber.
4 Nimar Jah oseyiero Jakobo obed ng’ate,
Oseyiero Israel obed mwandune mogeno.+
5 Ang’eyo ni Jehova duong’,
Kendo Ruodhwa duong’ moloyo nyiseche mamoko duto.+
6 Jehova nyalo timo gimoro amora mohero,+
Obed e polo, kata e piny, kata e nembe matut.
7 Omiyo boche polo wuok koa e tung’ piny konchiel nyaka komachielo,
Ooro mil polo ka koth chue;*
Bende, ogolo yamo e ute mokanogie.+
8 Ne onego nyithindo makayo duto e piny Misri,
Nonego nyithi dhano kod nyithi le.+
10 Ne ogoyo pinje mang’eny piny,+
Kendo nonego ruodhi ma roteke.+
11 Nonego Sihon ruodh Jo-Amor,+
Og ruodh Bashan,+
Kendo nogoyo pinjeruodhi duto mag Kanaan piny.
12 Nochiwo pinygi ne joge ma gin Jo-Israel
Mondo obed pokgi.+
13 A Jehova, nyingi osiko nyaka chieng’.
A Jehova, humbi osiko e tienge duto.+
15 Sanamu mag ogendni gin mag fedha gi dhahabu,
Kendo lwet dhano e molosogi.+
16 Gin gi dhok, to ok ginyal wuoyo;+
Gin gi wang’, to ok ginyal neno.
17 Gin gi it, to ok ginyal winjo.
Muya onge e dhogi.+
19 Yaye dhood Israel, pakuru Jehova.
Yaye dhood Harun, pakuru Jehova.
20 Yaye dhood Lawi, pakuru Jehova.+
Un ji duto moluoro Jehova, pakuru Jehova.
3 Gouru erokamano ne Ruodh ruodhi,
Nimar herane osiko nyaka chieng’.
5 Ne oloso polo gi rieko mang’eny,+
Nimar herane osiko nyaka chieng’.
6 Ne oyaro piny e wi pi,+
Nimar herane osiko nyaka chieng’.
7 Ne ochueyo gik madongo ma kelo ler,+
Nimar herane osiko nyaka chieng’.
8 Ne ochueyo chieng’ mondo oloch godiechieng’,+
Nimar herane osiko nyaka chieng’.
9 Ne ochueyo dwe gi sulwe mondo oloch gotieno,+
Nimar herane osiko nyaka chieng’.
10 Ne onego nyithind Jo-Misri duto makayo,+
Nimar herane osiko nyaka chieng’.
11 Ne ogolo Jo-Israel e diergi,+
Nimar herane osiko nyaka chieng’.
12 Gi lwete+ ma nigi teko kendo korieyo bade,
Nimar herane osiko nyaka chieng’.
13 Ne obaro Nam Makwar diere nyadiriyo,+
Nimar herane osiko nyaka chieng’.
14 Nomiyo Jo-Israel okalo e diere tir,+
Nimar herane osiko nyaka chieng’.
15 Nowito Farao gi jolwenyne e Nam Makwar,+
Nimar herane osiko nyaka chieng’.
16 Ne otayo joge e thim,+
Nimar herane osiko nyaka chieng’.
17 Ne ogoyo ruodhi madongo piny,+
Nimar herane osiko nyaka chieng’.
18 Ne onego ruodhi ma roteke,
Nimar herane osiko nyaka chieng’.
19 Ne onego Sihon+ ruodh Jo-Amor,
Nimar herane osiko nyaka chieng’,
20 Kaachiel gi Og+ ruodh Bashan,
Nimar herane osiko nyaka chieng’.
21 Ne ochiwo pinjegi+ ne jomamoko,
Nimar herane osiko nyaka chieng’.
22 Ne ochiwo pinjego ne Israel jatichne,
Nimar herane osiko nyaka chieng’.
24 Ne oresowa e lwet wasigu,+
Nimar herane osiko nyaka chieng’.
25 Ochiwo chiemo ne gik mangima duto,+
Nimar herane osiko nyaka chieng’.
26 Gouru erokamano ne Nyasaye manie polo,
Nimar herane osiko nyaka chieng’.
137 Ne wabet piny e bath aoche mag Babulon,+
Kendo ne waywak ka waparo Sayun.+
3 Ka wan kanyo, jo ma nomakowa nonyisowa ni wawernegi,+
Jo ma ne jarowa ne dwaro ni wagonegi thum. Ne giwachonwa niya:
“Wernwauru achiel kuom wende mag Sayun.”
4 Ere kaka dwawer wende Jehova
E piny ma wendo?
5 Yaye Jerusalem, ka di po ni wiya owil kodi,
6 Yaye Jerusalem, mad lewa mok e danda
Ka po ni ok apari,
Kendo ka ok amiyi duong’.
Nimar in e mimiya mor ahinya.+
7 A Jehova, parie gima Jo-Edom nowacho
Chieng’ ma Jerusalem nopodho. Ne giwacho niya:
“Mukeuru! Mukeuru mondo ogore piny kaachiel gi mise mage duto!”+
8 Kethruokni chiegni, yaye nyar Babulon.+
Ng’at mamor en ng’at ma biro chuli
Kuom gik maricho misetimonwa.+
9 Ng’at mamor en ng’at ma biro mako nyithindi,
Kendo goyogi e lwendni.+
Zaburi mar Daudi.
138 Abiro paki gi chunya duto.+
Abiro paki gi wende
Kata mana e nyim nyiseche mamoko.*
2 Abiro kulora piny ka achomo hekaluni maler,+
Kendo abiro pako nyingi,+
Nikech herani mosiko kaachiel gi adierani.
Iseting’o nyingi kod wachni malo moloyo gik mamoko duto.*
4 A Jehova, ruodhi duto mag piny biro paki,+
Nikech gibiro winjo weche ma nisingo.
5 Gibiro wer ka gipako yore mag Jehova,
Nimar duong’ mar Jehova lich miwuoro.+
6 Kata obedo ni Jehova ni malo, to orango jo mobolore,+
Kata kamano, ong’eyo josunga kendo obor kodgi.+
7 Irito ngimana kata obedo ni awuotho e dier chandruok.+
Irieyo lweti mondo igeng’ mirimb wasika.
Lweti ma korachwich biro resa.
8 Jehova biro timona gik moko duto mosesingona.
Ne jatend wer. Zaburi mar Daudi. Wer.
139 A Jehova, isenona adimba, kendo ing’eya maber.+
2 Ing’eyo gik moko duto ma atimo, bed ni abet kata achung’.+
Kuom adier, ing’eyo gik ma aparo gi ka mabor.+
3 Ineno kuonde duto ma adhiye kod ka ma ayueyoe.
Ing’eyo yorena duto.+
5 Iketa diere nimar ilwora koni gi koni,
Kendo iseyieyo lweti kuoma.
6 Ing’eya e yo matut modhiera nono.
Adier, yo ming’eyago tut miwuoro.+
7 Dadhi kune mondo apond ne roho mari?
Daring kune mondo apond kik inena?+
9 Ka dabed gi buombe ma anyalo fuyogo kogwen,
Dadhi dak e nam man mabor ahinya,
10 To kata mana kuno bende, lweti biro taya,
Kendo lweti ma korachwich biro maka.+
11 Kata ka awacho niya: “Abiro pondo e mudho!”
To mudho molwora nobed ler.
12 Mudho ok nyal moni neno gimoro,
Kendo otieno chalni mana kodiechieng’;+
Chutho, mudho chalni gi ler.+
13 In e ma ne ichueyo nyirokena.
Adier, in e ma ne iuma e i mamana.*+
14 Apaki nikech ne ichueya e yo malich miwuoro.+
Tijeni dongo miwuoro,+
Kendo ang’eyo mano maber.
15 Chokena ne ok opondoni
Chieng’ ma ne ilosa ka mopondo,
Ee, chieng’ ma ne iriwo fuondena e chuny piny.+
16 Ne inena ka pod ichueya e ich.
E ndalo ma ne iloso fuondena,
Ne ondikgi duto e kitapi
Kata ka ne pok gichako betie.
17 A Nyasaye, to mano kaka paro magi beyo!+
Yaye, mano kaka ging’eny mokalo akwana!+
18 Ka atemo kwanogi, to ging’eny moloyo kwoyo.+
19 Yaye Nyasaye, kinyalo nego joricho,+
To jo ma ohero timbe mag gero biro a buta.
20 Jogo wacho weche maricho kuomi,
Gin wasiki kendo gitiyo gi nyingi e yo marach.+
22 Asin kodgi chuth;+
Gisebedo wasika adier.
23 A Nyasaye, nona mondo ing’e chunya.+
Tema mondo ine gik ma pacha paro.+
24 Tim kamano mondo ine ka be nitie gimoro amora marach kuoma,+
Kendo telna+ e yor ngima ma nyaka chieng’.
Ne jatend wer. Wend Daudi.
140 Yaye Jehova, resa e lwet joricho;
Rita mondo jo mohero timbe gero kik hinya.+
2 Gichano gik maricho e chunygi,+
Kendo gihero tugo lweny pile.
5 Josunga chikona obadho;
Giseyarona tonde e yo mondo amokie.+
Ee, gichikona obadho.+ (Sela)
6 Nawacho ne Jehova niya: “In e Nyasacha.
Yaye Jehova, winj ywakna kendo ikonya.”+
7 A Jehova Wuon Loch Duto, in e Jawarna ma ratego,
In e ma igeng’ona wiya sa ma lweny ger.+
8 A Jehova, kik iwe joricho oyud gik ma chunygi gombo.
Kik iwe chenrogi ochop, nono to gibiro sungore. (Sela)+
9 Mad gik ma joricho wacho kuoma
Odog e wigi.+
10 Mad chuk mach oolre kuomgi.+
Mad witgi e mach,
E bugni matut+ ma ok ginyal wuokie ngang’.
11 Mad jo ma ketho nying jowetegi olal nono e piny.+
Mad masira oyud jo mohero timbe gero.
12 Ang’eyo ni Jehova biro kedo ne jo ma sandore,
Kendo obiro ng’ado bura makare ne jodhier.+
13 Adier, jo makare biro pako nyingi;
Jo matir biro dak e nyimi.+
Wend Daudi.
141 Yaye Jehova, in e ma aywakni.+
Bi piyo mondo ikonya.+
Chikna iti sa ma aluongi.+
2 Mad lamona obedni ka ubani+ moik maber e nyimi,+
Kendo bedena ma ating’o malo obedni ka chiwo modhiambo.+
3 Yaye Jehova, ketna jarito e dhoga,
Kik iwe gimoro amora marach owuog e dhoga.+
4 Kik iwe gimoro amora marach oywa chunya,+
Di po ka atimo gik maricho gi joricho.
Rita mondo kik acham chiembgi.
5 Ka ng’at makare e mogoya, mano biro nyiso hera moherago.+
To ka okwera mano biro chalona gi mo mool e wiya,+
Kendo wiya ok bi tamore mo ma kamano.+
Anasik ka alemo kata sa ma giyudo masira.
6 Chieng’ mibiro wit jong’ad buchegi koa e wi got mabor,
Eka ji biro winjo wechena, nimar gibeyo.
7 Mana kaka ng’ato puro kendo toyo lowo mondo gikere,
E kaka chokewa osekere e dho Liel.*
8 An to achiko wang’a kuomi, yaye Jehova Wuon Loch Duto.+
In e kar bwokna.
Omiyo, kik iwe atho.
9 Rita mondo obadho ma gisechikona kik maka,
Ee, rita kuom obadho ma joricho ochikona.
10 Joricho duto biro moko e obadhogi giwegi,+
An to abiro kadho maber ma ok ahinyora.
Maskil.* Zaburi mar Daudi ka ne en e rogo.+ Lamo.
142 Aywak matek ne Jehova mondo okonya.+
Ating’o dwonda ne Jehova ka asaye mondo okecha.
Ineno kuonde duto ma awuothoe.+
Ji ochikona obadho
E yorena duto.
4 Rang batha korachwich mondo ine,
Onge ng’ato ang’ata ma dewa.+
Onge ka ma daringie,+
Kendo onge ng’at ma dewa.
5 A Jehova, aywakni mondo ikonya.
Awachoni niya: “In e kar bwokna,+
Kendo in e pokna e piny jo mangima.”
6 Yie iwinja sa ma aywakni,
Nimar chunya onyosore ahinya.
Resa e lwet jo ma sanda,+
Nimar gin gi teko moloya.
7 Yie igonya e tuech ma antie
Mondo apak nyingi.
Mad jo makare ochokre buta
Nikech isenyisa ng’wono.
Wend Daudi.
143 Yaye Jehova, winj lamona.+
Chik iti ne ywakna kendo ikonya.
Yie iwinja nikech in ja adier kendo itimo makare.
2 Kik idonj ne jatichni e bura,
Nimar onge kata ng’ato achiel makare e nyimi.+
3 Jasigu lawa matek.
Osegoya piny nyaka e lowo.
Osemiyo koro adak e mudho mana ka jo ma notho chon gilala.
6 Ayaroni lweta.
Adwari mana ka lowo motwo ma dwaro pi.+ (Sela)
8 Mad awinj wach herani mosiko gokinyi,
Nimar ageni.
Nyisa yo monego aluw,+
Nikech aketo chunya duto kuomi.
9 Yaye Jehova, resa e lwet wasika,
Nimar abiro iri mondo irita.+
10 Puonja timo dwaroni,+
Nimar in e Nyasacha.
Roho mari ber,
Mad otelna nyaka ka mopie.
11 Yaye Jehova, rit ngimana nikech nyingi iwuon.
Gola e chandruok nikech in ng’at makare.+
Zaburi mar Daudi.
144 Pakuru Jehova Nyasacha, kendo Lwandana,+
En e motiego bedena e lweny,
Kendo otiego lith lwetena mondo obed mong’ith ne kedo.+
2 En e monyisa hera mosiko kendo en e ohingana.
En e kar bwokna kendo jawarna.
3 Yaye Jehova, dhano en ang’o ma dipare?
Adier, dhano adhanani en ang’o ma dimi idewe?+
7 Rie lweti koa e polo nyaka piny,
Mondo ikonya e pige ma tekregi ng’eny,
Kendo e lwet jo ma wuok e ogendni mamoko.+
8 Dho jogo wacho mana miriambo,
Kendo lwetgi ma korachwich opong’ gi miriambo.
9 A Nyasaye, abiro weroni wer manyien.+
Abiro paki gi wer ka agoyoni thum mamit gi gir thum ma nigi tonde apar.
11 Resa kendo iwara e lwet ogendni,
Mohero wacho miriambo,
Kendo ma ting’o lwetgi ma korachwich malo ka gikuong’ore gi miriambo.
12 Eka yawuotwa biro chal gi yiende ma dongo piyo,
Nyiwa biro chalo gi sirni mopa maber e od ruoth.
13 Dechewa biro pong’ gi kit cham duto;
Rombewa manie lege biro medore ma gibed gana gi gana.
14 Jambwa bende biro nyuolore kendo onge kata achiel ma iye nowuogi.
Onge nduru ma biro winjore e yorewa.
15 Jo mamor gin jo ma gigo notimrenegi!
Jo mamor gin jo ma Nyasachgi en Jehova!+
Wend pak. Zaburi mar Daudi.
א [Aleph]
ב [Beth]
ג [Gimel]
ד [Daleth]
4 Tieng’ ka tieng’ biro pako tijeni;
Gibiro hulo tijeni madongo.+
ה [He]
ו [Waw]
6 Gibiro wuoyo e wi tijeni madongo miwuoro.
Abiro lando duong’ni.
ז [Zayin]
7 Gibiro wuoyo gimor ka giparo gik mabeyo misetimonegi,+
Kendo gibiro wer gimor nikech timbeni makare.+
ח [Heth]
ט [Teth]
י [Yod]
כ [Kaph]
11 Gibiro hulo duong’ mar pinyruodhi,+
Kendo gibiro wuoyo e wi tekoni,+
ל [Lamed]
12 Mondo ji duto ong’e gik madongo misetimo,+
Kod duong’ mar pinyruodhi.+
מ [Mem]
13 Pinyruodhi en pinyruoth ma nyaka chieng’,
Kendo lochni osiko e tienge duto.+
ס [Samekh]
ע [Ayin]
15 Wenge ji duto ng’iyi;
Imiyogi chiemo e kinde mowinjore.+
פ [Pe]
צ [Tsade]
ק [Qoph]
ר [Resh]
ש [Shin]
ת [Taw]
Denda duto mondo opak Jehova.+
2 Abiro pako Jehova e ngimana duto.
Abiro wero wende pak ne Nyasacha e ngimana duto.
3 Kik iket genoni kuom jotelo mag piny,
Kata kuom dhano, nimar ok onyal waro ng’ato.+
5 Ng’at mamor en ng’at ma konyruokne a kuom Nyasach Jakobo,+
Kendo mogeno Jehova Nyasache,+
6 Ma nochueyo polo gi piny,
Gi nam, kod gik moko duto manie igi,+
En ja adiera kinde duto.+
7 Ong’ado bura makare ne jo ma oyak gikgi,
Kendo opidho jo ma kech kayo.+
Jehova e ma gonyo jo motue.+
10 Jehova biro bedo Ruoth nyaka chieng’.+
A Sayun, Nyasachi biro locho e tienge duto.
Pakuru Jah!*
En gima ber ka wapako Nyasachwa gi wende;
Mano kaka en gima long’o kendo mowinjore ka opake!+
3 Ochango jo ma chunygi otur,
Kendo oboyo adhondegi.
7 Weruru ne Jehova kugoyone erokamano;
Weruru ne Nyasachwa kugoyone nyatiti,
8 En e moumo polo gi boche,
Kendo okelo koth e piny.+
Bende, omiyo lum twi+ e wi gode.
12 A Jerusalem, mi Jehova duong’.
Yaye Sayun, pak Nyasachi.
13 Otego sirni manie dho rangeyeni,
Oguedho nyithindi.
15 Ooro chikne e piny;
Wachne chopo piyo ka diemo wang’.
17 Odiro pe e piny ka ng’injo mag makate.+
En ng’a ma nyalo chung’ e koyono?+
18 Ooro wachne kendo gileny nono.
Otugo yembe+ mi pi mol.
148 Pakuru Jah!*
Pakuru Jehova, ka un e polo;+
Pakeuru, un jo man kuonde ma malo.
2 Un malaikene duto, pakeuru.+
Un ogandane mar lweny, pakeuru.+
3 Wang’ chieng’ gi dwe mondo opake.
Sulwe duto marieny bende opake.+
4 Un polo ma malo mogik, pakeuru,
Kaachiel gi un pige manie boche polo.
5 Onego gipak nying Jehova,
Nimar ne ogolo chik mi ochuegi.+
7 Pakuru Jehova gie piny,
Un chuechne madongo manie nam kod nembe matut duto,
8 Un mil polo gi koth maduong’, pe gi boche polo,
Un yembe mager ma chopo wachne,+
9 Un gode madongo gi matindo,+
Un yien ma nyago olemo kod yiend sida,+
10 Un le modak e bungu+ kod le duto mipidho,
Un le mamol kod winy.
11 Un ruodhi mag piny gi ogendini duto,
Un jotelo gi jong’ad bura mag piny,+
12 Un yawuoyi gi nyiri,
Un jomoti kaachiel gi jomatindo.
Duong’ne oyombo polo gi piny.+
14 Obiro medo joge teko,
Mondo jo momakore kode oyud pak,
Jo-Israel, oganda machiegni kode.
Pakuru Jah!*
149 Pakuru Jah!*
2 Jo-Israel mondo obed mamor gi Jachuechgi Maduong’,+
Nyithind Sayun mondo obed mamor gi Ruodhgi.
Obidho jo mamuol gi warruok.+
5 Jo momakore kode mondo obed moil nikech duong’ne;
Gikog gi mor e otandagi.+
6 Wende mag pako Nyasaye mondo obed e dhogi,
Kendo giting’ ligangla ma dhoge ariyo e lwetgi,
7 Mondo gichulgo kuor ne ogendni
Kendo gikum ji,
8 Gitue ruodhigi gi nyoroche
Kod jotendgi gi opingo,
9 Kendo ging’adnegi bura ma ne ondiknegi.+
Mano e duong’ momiyo jo ma omakore kode.
Pakuru Jah!*
Adier, pakuru Nyasaye e kare maler.+
Pakeuru e polo ka ma tekone nitie.*+
2 Pakeuru nikech tije madongo mosetimo.+
Pakeuru nikech oduong’ moloyo gik moko duto.+
3 Pakeuru kugoyone tung’.+
Pakeuru gi gir thum ma nigi tonde migwelo kaachiel gi nyatiti.+
4 Pakeuru kugoyo oyieke+ kendo ka umiel.*
Pakeuru gi gir thum ma nigi tonde+ kod asili.+
5 Pakeuru kugoyo nyidwonge.
Ee, pakeuru kugoyo nyidwonge matek.+
6 Gimoro amora mangima mondo opak Jah.
Kata, “Osome kendo oparo matut kuome.”
Kata, “ng’ado paro.”
Kata, “Kristone.”
Hibrania, “Nyodhuru wuod Nyasaye.”
Kata, “Mi uwe yo makare.”
Som Tiend Weche.
Som Tiend Weche.
Kata, “ng’at mohero chwero remo kod miriambo.”
Kata, “Kendo gilombo ji gi lewgi.”
Som Tiend Weche.
Hibrania, “Sheol.” Som Tiend Weche.
Kata nyalo bedo, “Ka ne aweyo ng’at ma ne kweda kayiem nono.”
Kata, “ma temo adundo gi nyarogno.”
Som Tiend Weche.
Kata nyalo bedo, “In ma duong’ni ihulo e wi polo!”
Som Tiend Weche.
Som Tiend Weche.
Hibrania, “Sheol.” Som Tiend Weche.
Kata nyalo bedo, “Ng’at ma iye lach guedhore owuon.”
Kata, “mise mar bura makare.”
Kata, “wengene marieny.”
Kata nyalo bedo, “Obiro olo ne joricho maka maliet.”
Ma en kit poda moro ma mako mach mapiyo ahinya, kendo sa ma oliel ogolo tik mager kendo marach.
Kata, “Nyasaye nonyisgi ng’wono.”
Som Tiend Weche.
Hibrania, “gin gi chuny ariyo.”
Kata nyalo bedo, “kendo mokuny e lowo mithedhoe gik moko.”
Som Tiend Weche.
Kata, “pacha ma iye.” Hibrania, “nyarognona.”
Hibrania, “Sheol.” Som Tiend Weche.
Kata nyalo bedo, “otow e bur.”
Hibrania, “Sheol.” Som Tiend Weche.
Kata, “ka malach.”
Kata nyalo bedo, “tol mar pimo.”
Nyalo bedo ni ma ne en dwol kata thum ma ne iwerogo zaburini.
Hibrania, “Adundogi mondo obed mangima.”
Kata nyalo bedo, “ma nigi pi mokuwe mos.”
Iwuoyo kuom ngima Jehova ma ng’ato kuong’orego.
Hibrania, “nyarognona.”
Kata, “jo ma chwero remo.”
Kata, “paro matut kuom; goyo erokamano kuom.”
Kata nyalo bedo, “An gi yie ni abiro neno ber mar Jehova e piny jo mangima.”
Kata, “liel.”
Kata, “yawuot joteko.”
Kata nyalo bedo, “Lamuru Jehova nikech ler mare nigi duong’.”
Kata, “e wi pige mang’eny.”
Nyalo bedo ni iwuoyo kuom gode mag Lebanon.
Hibrania, “Sheol.” Som Tiend Weche.
Kata, “liel.”
Kata, “ka ma lach.”
Hibrania, “Sheol.” Som Tiend Weche.
Som Tiend Weche.
Kata, “ne ok imor koda.”
Le ma punda onyuolo gi faras.
Joba asere e ma kinde mang’eny ne ting’o okumba matin.
Kata, “Chokena duto biro wacho niya:”
Kata nyalo bedo, “Jo ma ok oluoro Nyasaye jara mondo giyud chiemo.”
Kata, “osin koda osigre gi wengegi mar timona marach.”
Kata nyalo bedo, “Kik iyi wang’, mano nyalo keloni hinyruok.”
Kata, “Chokena onge kuwe nikech richona.”
Kata nyalo bedo, “An gi wasigu mang’eny ma kweda nono.”
Som Tiend Weche.
Kata, “Ne olung’ore.”
Kata, “Masira.”
Kata, “osegweya gi ofunj tiende.”
Som Tiend Weche.
Kata nyalo bedo, “Wasika chalo jo ma turo chokena.”
Som Tiend Weche.
Kata, “A malo kaka jakonywa.”
Som Tiend Weche.
Hibrania, “nopuonji.”
Som Tiend Weche.
Kata nyalo bedo, “okumbni.”
Kata, “tung yim; turmbeta.”
Hibrania, “okumbni.”
Hibrania, “nyi Juda.”
Kata nyalo bedo, “nyaka watho.”
Kata, “chenro mar ndaloni.”
Hibrania, “Sheol.” Som Tiend Weche.
Hibrania, “Sheol.” Som Tiend Weche.
Hibrania, “Sheol.” Som Tiend Weche.
Kata nyalo bedo, “uriworu kode.”
Kata, “Puonj chunya ma iye rieko.”
Som Tiend Weche.
Som Tiend Weche.
Som Tiend Weche.
Kata nyalo bedo, “Luoro kata sa ma onge gima miyogi luoro.”
Som Tiend Weche.
Som Tiend Weche.
Hibrania, “Sheol.” Som Tiend Weche.
Tiende ni, osiepne miwuoyoe e kwan matindo 13 kod 14.
Som Tiend Weche.
Tiende ni, chupa molos gi pien.
Som Tiend Weche.
Som Tiend Weche.
Som Tiend Weche.
Som Tiend Weche.
Kata nyalo bedo, “Isemiyo.”
Kata nyalo bedo, “osewuoyo e kar dakne maler.”
Kata nyalo bedo, “e dala mochiel motegno?”
Som Tiend Weche.
Kata nyalo bedo, “Uduto, ubirone ka gima en ohinga mobam machiegni podho.”
Hibrania, “ka ng’at mochamo ondhudho kod mo.”
Hibrania, “Yoreni ton mo.”
Hibrania, “e nungowa.”
Kata nyalo bedo, “ma riembo gache e boche polo.”
“Jah” en nying Jehova e yo machuok.
Hibrania, “girkeni.”
Kata nyalo bedo, “kunindo e kund rombe.”
Kata, “Ne chal mana ka gima pe lwar Zalmon.”
Kata nyalo bedo, “onyon piny ka gikelo fedha.”
Kata nyalo bedo, “Joote nobi koa Misri.”
Kata nyalo bedo, “Ka ne aywak.”
Hibrania, “Nadokonegi mana ngero.”
Kata, “bur.”
Kata, “Akwede osemiyo chunya adhola ma ok nyal chango.”
Tiende ni, kambi mochiel gi ohinga.
Kata, “Kulri mondo ichikna iti.”
Kata, “Gola e kut.”
Tiende ni, Yufrate.
Hibrania, “Dine andhogo tieng’ yawuoti.”
Kata, “ji duto ma terore.”
Som Tiend Weche.
Kata, “Gole ka ma isoye e lepi.”
Som Tiend Weche.
Kata, “Nyingi ni machiegni kodwa.”
Kata, “oleny.”
Hibrania, “Kik uting’ tungeu malo.”
Hibrania, “Kik uting’ tungeu malo.”
Hibrania, “tunge.”
Hibrania, “tunge.”
Som Tiend Weche.
Som Tiend Weche.
Kata, “chanonwa mesa.”
Kata, “chiemb malaike.”
Kata, “e ma ne dhi chulonegi kuor.”
Kata nyalo bedo, “Roho dhi to ok oduogi.”
Kata nyalo bedo, “tuo nogoyo jambgi.”
Kata nyalo bedo, “igonywa a e.”
Kata nyalo bedo, “man e kind.”
Tiende ni, Yufrate.
Kata, “bad yath.”
Som Tiend Weche.
Kata, “Ne awinjo ka ng’ato wacho dhok ma akiya.”
Hibrania, “Nadwokoni wach e ka mopondo mar mor polo.”
Tiende ni, “Dhawo.”
Tiende ni, obiro pidho jo Nyasaye.
Som Tiend Weche.
Kata nyalo bedo, “Kendo japuonj umore gi gueth.”
Kata nyalo bedo, “Ne okumbawa, A Nyasaye.”
Kata, “Riw chunya obed achiel.”
Hibrania, “Sheol.” Som Tiend Weche.
Som Tiend Weche.
Som Tiend Weche.
Hibrania, “Sheol.” Som Tiend Weche.
Kata, “liel.”
Kata, “abiso.” Som Tiend Weche.
Kata, “Be adierani ihulo e Abadon.”
Kata nyalo bedo, “Gilwora kanyachiel.”
Som Tiend Weche.
Kata, “e chokruok mar jo maler.”
Hibrania, “Abiro ting’o tunge malo.”
Hibrania, “Iseting’o lwedo ma korachwich mag wasike malo.”
Hibrania, “Sheol.” Som Tiend Weche.
Hibrania, “Kaka aseting’o e kora weche ma ji duto kwedago.”
Kata nyalo bedo, “kar bwok.”
Kata, “Ne intie ka ne pok onyuol gode.”
Arita achiel en seche ang’wen kama.
Kata nyalo bedo, “kar bwokna.”
Hibrania, “Ibiro miya tung’.”
Tiende ni, “Dhawo.”
Tiende ni, “Tem.”
Kata nyalo bedo, “Lamuru Jehova nikech oler.”
Hibrania, “nyi Juda.”
Kata nyalo bedo, “kendo ne ok wachueyore wawegi.”
Mbusi en winyo machal gi okok, to odak e nam.
Kata nyalo bedo, “Adhero ahinya.”
Som Tiend Weche.
Kata nyalo bedo, “ma aparo matut kuome.”
Kata, “Haleluyah!” “Yah” kata “Jah” en nying Jehova e yo machuok.
Kata nyalo bedo, “Huluru.”
Kata, “beduru e nyime.”
Hibrania, “Gima nochiko.”
Kata, “Kendo mach noliel e pinygi.”
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
Kata, “misengni ma ne ichiwo ne nyiseche manono.”
Tiende ni, “Dhawo.”
Kata, “Haleluyah!” “Yah” kata “Jah” en nying Jehova e yo machuok.
Hibrania, “Oolo achaya kuom jo ma nigi teko.”
Kata nyalo bedo, “osewuoyo e kar dakne maler.”
Kata, “e odiechieng’ ma jolwenji biro chokoree.”
Kata, “ok obi ywago ang’e.”
Ma en “Ruodha” miwuoyo kuome e kwan matindo 1.
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
Kata nyalo bedo, “ka miwitoe yugi.”
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
Hibrania, “Sheol.” Som Tiend Weche.
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
“Jah” en nying Jehova e yo machuok.
Kata, “ka malach.”
Kata nyalo bedo, “kaachiel gi jo ma konya.”
Kata nyalo bedo, “Ne idhira matek mondo apodhi.”
Kata, “Jo mamor gin jo ma rito timgi matir,”
Kata, “Abiro puonjora chikeni,”
Kata, “Jatichni pod puonjorega chikeni.”
Kata, “Mondo apuonjra tijeni madongo.”
Hibrania, “Anaring e yor chikeni,”
Kata nyalo bedo, “Nikech imiyo abedo gi chir.”
Kata nyalo bedo, “Ma en singruok mitimo gi jo ma oluori.”
Kata, “Abiro wuotho ka malach,”
Kata, “Ot moro amora ma abuoroe.”
Kata, “Abiro puonjora yoreni.”
Tiende ni, chupa molos gi pien.
Kata, “Apuonjora chikeni odiechieng’ duto.”
Kata, “Nikech apuonjora chikeni.”
Hibrania, “rwak misango ma onge achune ma atimoni gi dhoga.”
Kata, “Ating’o ngimana e lweta pile.”
Kata, “chuoth nyinyo; chilo mar nyinyo.”
Kata, “Mondo apuonjra wecheni.”
Som Tiend Weche.
“Jah” en nying Jehova e yo machuok.
“Jah” en nying Jehova e yo machuok.
Hibrania, “tung.”
Kata nyalo bedo, “Ting’uru lweteu malo e i hekalu.”
Kata, “Haleluyah!” “Yah” kata “Jah” en nying Jehova e yo machuok.
Kata nyalo bedo, “En emoloso dhoot ne koth.”
Kata, “Haleluyah!” “Yah” kata “Jah” en nying Jehova e yo machuok.
Yiende miluongo ni arabim.
Kata nyalo bedo, “To lweta ma korachwich onego otal.”
Kata nyalo bedo, “Abiro goyoni thum ka akwedo nyiseche mamoko.”
Kata nyalo bedo, “Iseting’o nyingi malo moloyo weche duto ma nyingi nyiso.”
Hibrania, “Sheol.” Som Tiend Weche.
Kata nyalo bedo, “Adier, in e ma ne iriwo fuondena kanyachiel e i mamana.”
Kata nyalo bedo, “pod akwanogi akwana.”
Hibrania, “Sheol.” Som Tiend Weche.
Som Tiend Weche.
Kata, “liel.”
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
Kata, “Pakeuru, nimar kor polo chiwo neno ni en gi teko .”
Tiende ni, miel ma ji lworore.
Kata, “Haleluyah!” “Yah” kata “Jah” en nying Jehova e yo machuok.