-
ആവർത്തനം 7:3, 4വിശുദ്ധ തിരുവെഴുത്തുകൾ—പുതിയ ലോക ഭാഷാന്തരം
-
-
3 അവരുമായി വിവാഹബന്ധത്തിൽ ഏർപ്പെടരുത്‌.* നിങ്ങളുടെ പെൺമക്കളെ അവരുടെ ആൺമക്കൾക്കു കൊടുക്കുകയോ അവരുടെ പെൺമക്കളെ നിങ്ങളുടെ ആൺമക്കൾക്കുവേണ്ടി എടുക്കുകയോ അരുത്‌.+ 4 കാരണം സത്യദൈവത്തെ അനുഗമിക്കുന്നതു മതിയാക്കി മറ്റു ദൈവങ്ങളെ സേവിക്കാൻ അവർ നിന്റെ മക്കളെ പ്രേരിപ്പിക്കും.+ അപ്പോൾ യഹോവയുടെ കോപം നിങ്ങൾക്കെതിരെ ജ്വലിക്കുകയും നിങ്ങളെ പെട്ടെന്നു തുടച്ചുനീക്കുകയും ചെയ്യും.+
-
-
നെഹമ്യ 13:25-27വിശുദ്ധ തിരുവെഴുത്തുകൾ—പുതിയ ലോക ഭാഷാന്തരം
-
-
25 അതുകൊണ്ട്‌, ഞാൻ അവരെ ശകാരിക്കുകയും ശപിക്കുകയും ചെയ്‌തു. അവരിൽ ചില പുരുഷന്മാരെ അടിച്ചു;+ അവരുടെ മുടി വലിച്ചുപറിച്ചു. എന്നിട്ട്‌, അവരെക്കൊണ്ട്‌ ദൈവനാമത്തിൽ സത്യം ചെയ്യിച്ചു. ഞാൻ അവരോടു പറഞ്ഞു: “നിങ്ങൾ നിങ്ങളുടെ പെൺമക്കളെ അവരുടെ ആൺമക്കൾക്കു കൊടുക്കരുത്‌. അവരുടെ പെൺമക്കളിൽ ആരെയും നിങ്ങൾക്കോ നിങ്ങളുടെ ആൺമക്കൾക്കോ വേണ്ടി എടുക്കുകയുമരുത്‌.+ 26 ഇവർ കാരണമല്ലേ ഇസ്രായേലിലെ ശലോമോൻ രാജാവ്‌ പാപം ചെയ്‌തത്‌? മറ്റൊരു ജനതയ്‌ക്കും ഇതുപോലൊരു രാജാവുണ്ടായിരുന്നില്ല.+ ശലോമോൻ ദൈവത്തിനു പ്രിയങ്കരനായിരുന്നു.+ അതുകൊണ്ട്‌, ദൈവം ശലോമോനെ ഇസ്രായേലിനു മുഴുവൻ രാജാവാക്കി. പക്ഷേ, വിദേശികളായ ഭാര്യമാർ അദ്ദേഹത്തെക്കൊണ്ടുപോലും പാപം ചെയ്യിച്ചു.+ 27 നിങ്ങൾ വിദേശികളായ സ്‌ത്രീകളെ വിവാഹം കഴിച്ച്‌ നമ്മുടെ ദൈവത്തോട്‌ അവിശ്വസ്‌തത കാട്ടുകയോ?+ നിങ്ങൾ ഇങ്ങനെയൊരു മഹാദോഷം ചെയ്‌തെന്ന്‌ എനിക്കു വിശ്വസിക്കാനേ പറ്റുന്നില്ല.”
-