9 പ്രവാ​ച​ക​പു​ത്ര​ന്മാ​രിൽ ഒരാളെ വിളിച്ച്‌ എലീശ പ്രവാ​ചകൻ പറഞ്ഞു: “നിന്റെ വസ്‌ത്രം അരയ്‌ക്കു കെട്ടി ഈ തൈല​ക്കു​ട​വും എടുത്ത്‌ വേഗം രാമോ​ത്ത്‌-ഗിലെയാദിലേക്കു+ പോകുക. 2 അവിടെ എത്തു​മ്പോൾ നിംശി​യു​ടെ മകനായ യഹോ​ശാ​ഫാ​ത്തി​ന്റെ മകനായ യേഹുവിനെ+ നീ അന്വേ​ഷി​ക്കണം. എന്നിട്ട്‌ നീ ചെന്ന്‌ യേഹു​വി​നെ അയാളു​ടെ സഹോ​ദ​ര​ന്മാ​രു​ടെ അടുത്തു​നിന്ന്‌ ഏറ്റവും ഉള്ളിലെ മുറി​യി​ലേക്കു വിളി​ച്ചു​കൊ​ണ്ടു​പോ​കണം. 3 തൈലക്കുടത്തിലെ തൈലം അയാളു​ടെ തലയിൽ ഒഴിച്ചി​ട്ട്‌ ഇങ്ങനെ പറയുക: ‘യഹോവ പറയുന്നു: “ഞാൻ നിന്നെ ഇസ്രാ​യേ​ലി​ന്റെ രാജാ​വാ​യി അഭി​ഷേകം ചെയ്യുന്നു.”’+ എന്നിട്ട്‌ നീ വാതിൽ തുറന്ന്‌ വേഗം ഓടി​പ്പോ​രണം.”

30 യേഹു ജസ്രീലിൽ+ എത്തിയത്‌ ഇസബേൽ+ അറിഞ്ഞു. അപ്പോൾ ഇസബേൽ കണ്ണിൽ മഷി* എഴുതി മുടി ചീകി അലങ്കരി​ച്ച്‌ ജനലി​ലൂ​ടെ താഴേക്കു നോക്കി​നി​ന്നു. 31 യേഹു കവാടം കടന്ന്‌ വന്നപ്പോൾ ഇസബേൽ ചോദി​ച്ചു: “യജമാ​നനെ കൊന്ന സിമ്രി​ക്ക്‌ എന്തു സംഭവിച്ചെന്ന്‌+ ഓർമ​യു​ണ്ടോ?” 32 ജനാലയിലേക്കു നോക്കി​ക്കൊണ്ട്‌ യേഹു ചോദി​ച്ചു: “ആരാണ്‌ എന്റെ പക്ഷത്തു​ള്ളത്‌?”+ ഉടനെ രണ്ടുമൂ​ന്ന്‌ കൊട്ടാ​രോ​ദ്യോ​ഗസ്ഥർ താഴേക്കു നോക്കി. 33 “അവളെ താഴേക്ക്‌ തള്ളിയി​ടുക!” എന്നു യേഹു കല്‌പി​ച്ചു. അവർ ഇസബേ​ലി​നെ താഴേക്കു തള്ളിയി​ട്ട​പ്പോൾ ഇസബേ​ലി​ന്റെ രക്തം ചുവരി​ലും കുതി​ര​ക​ളു​ടെ മേലും തെറിച്ചു. യേഹു​വി​ന്റെ കുതി​രകൾ ഇസബേ​ലി​നെ ചവിട്ടി​മെ​തി​ച്ചു.