രോഗ​ല​ക്ഷ​ണങ്ങൾ തിരി​ച്ച​റി​ഞ്ഞു നടപടി സ്വീക​രി​ക്കൽ

ഹൃദയാ​ഘാ​ത​ത്തി​നു ശേഷമുള്ള ആദ്യമ​ണി​ക്കൂ​റിൽ മരണസാ​ധ്യത ഏറ്റവും അധിക​മാ​യ​തി​നാൽ, ആഘാത​ത്തി​ന്റെ ലക്ഷണങ്ങൾ ഉണ്ടാകു​മ്പോൾ ഉടനടി വൈദ്യ​സ​ഹാ​യം തേടു​ന്നതു മർമ​പ്ര​ധാ​ന​മാണ്‌. സത്വര ചികി​ത്സ​യ്‌ക്ക്‌, ഹൃദയ​പേ​ശി​യെ പരിഹ​രി​ക്കാ​നാ​വാത്ത കേടു​പാ​ടിൽനി​ന്നു രക്ഷിക്കാ​നാ​വും. ആഘാത വിധേ​യ​മാ​കാത്ത ഹൃദയ​പേശി എത്രകൂ​ടു​ത​ലാ​ണോ, അത്രയ​ധി​കം ഫലപ്ര​ദ​മാ​യി​ട്ടാ​യി​രി​ക്കും ആഘാതാ​ന​ന്തരം ഹൃദയം പമ്പു​ചെ​യ്യു​ന്നത്‌.

എന്നാൽ, ചില ഹൃദയാ​ഘാ​തങ്ങൾ യാതൊ​രു ബാഹ്യ​ല​ക്ഷ​ണ​ങ്ങ​ളും കാണി​ക്കാ​തെ നിശബ്ദം ഉണ്ടാകു​ന്നു. ഹൃദയ​ധ​മ​നീ​രോ​ഗം (സിഎഡി) ഉണ്ടെന്നുള്ള കാര്യം ഇത്തരം കേസു​ക​ളിൽ വ്യക്തിക്ക്‌ അജ്ഞാത​മാ​യി​രു​ന്നേ​ക്കാം. ദുഃഖ​ക​ര​മെന്നു പറയട്ടെ, ചിലരെ സംബന്ധി​ച്ചി​ട​ത്തോ​ളം കടുത്ത ആഘാതം​ത​ന്നെ​യാ​യി​രി​ക്കാം ഹൃ​ദ്രോ​ഗ​ത്തി​ന്റെ ആദ്യസൂ​ചന. ഹൃദയ​സ്‌തം​ഭനം സംഭവി​ക്കു​മ്പോൾ (ഹൃദയ​ത്തി​ന്റെ പമ്പിങ്‌ നിലയ്‌ക്കു​മ്പോൾ), ഒരു രക്ഷാ​പ്ര​വർത്തക സംഘത്തെ ഉടനടി വിളി​ക്കു​ക​യും അടുത്തു​നിൽക്കു​ന്ന​യാൾ ഹൃദയ​പു​നർജീ​വന നടപടി​കൾ (cardiopulmonary resuscitation, സിപിആർ) സത്വരം സ്വീക​രി​ക്കു​ക​യും ചെയ്യു​ന്നി​ല്ലെ​ങ്കിൽ അതിജീ​വ​ന​ത്തിന്‌ ഒട്ടും​തന്നെ സാധ്യ​ത​യില്ല.

സിഎഡി-യുടെ ലക്ഷണങ്ങ​ളുള്ള ഭൂരി​ഭാ​ഗം ആളുക​ളിൽ ഏതാണ്ടു പകുതി​യും സത്വര വൈദ്യ​സ​ഹാ​യം തേടു​ന്ന​തിൽ കാലവി​ളമ്പം കാണി​ക്കു​മെന്ന്‌ ഹാർവാർഡ്‌ ഹെൽത്ത്‌ ലെറ്റർ റിപ്പോർട്ടു ചെയ്യുന്നു. എന്തു​കൊണ്ട്‌? “എന്തു​കൊ​ണ്ടെ​ന്നാൽ, തങ്ങളുടെ രോഗ​ല​ക്ഷ​ണങ്ങൾ എന്തർഥ​മാ​ക്കു​ന്നു​വെന്ന്‌ അവർ സാധാ​ര​ണ​മാ​യി തിരി​ച്ച​റി​യു​ന്നില്ല, അല്ലെങ്കിൽ അവയെ ഗൗരവ​മാ​യെ​ടു​ക്കു​ന്നില്ല.”

ഹൃദയാ​ഘാ​ത​ത്തിന്‌ ഇരയായ, യഹോ​വ​യു​ടെ സാക്ഷി​ക​ളിൽ ഒരുവ​നായ ജോൺa ഇങ്ങനെ അപേക്ഷി​ക്കു​ന്നു: “എന്തോ കുഴപ്പ​മു​ണ്ടെന്നു നിങ്ങൾക്കു തോന്നു​മ്പോൾ വൈദ്യ​സ​ഹാ​യം സ്വീക​രി​ക്കു​ന്ന​തിൽ താമസം വരുത്ത​രുത്‌, സംഗതി വേണ്ടതി​ലും ഗൗരവ​മാ​യി എടുക്കു​ന്നു​വെ​ന്നൊ​ന്നും വിചാ​രി​ക്കേ​ണ്ട​തില്ല. ഞാൻ വേണ്ടത്ര വേഗത്തിൽ പ്രതി​ക​രി​ക്കാ​തി​രു​ന്ന​തി​നാൽ എനിക്കു ജീവൻ ഏതാണ്ടു നഷ്ടമാ​യ​തു​പോ​ലെ​യാ​യി.”

സംഭവി​ച്ചത്‌

ജോൺ വിശദീ​ക​രി​ക്കു​ന്നു: “എന്റെ ഹൃദയാ​ഘാ​ത​ത്തിന്‌ ഒന്നര വർഷം മുമ്പ്‌, എനിക്കുള്ള—സിഎഡി​യി​ലെ പ്രധാന അപകട ഘടകമായ—ഉയർന്ന കൊള​സ്‌​ട്രോൾ സംബന്ധി​ച്ചു ഡോക്ടർ മുന്നറി​യി​പ്പു നൽകി​യി​രു​ന്നു. എന്നാൽ, ചെറു​പ്പ​മാ​ണെ​ന്നും—40 വയസ്സി​നു​താ​ഴെ—നല്ല ആരോ​ഗ്യ​മു​ണ്ടെ​ന്നും എനിക്കു തോന്നി​യ​തു​കൊണ്ട്‌ ഞാൻ ആ വിഷയം അവഗണി​ച്ചു. അപ്പോൾ നടപടി സ്വീക​രി​ക്കാ​ഞ്ഞ​തിൽ ഞാൻ അതിയാ​യി പരിത​പി​ക്കു​ന്നു. ശാരീ​രിക അധ്വാ​ന​സ​മ​യത്തു ശ്വാസ​ത​ടസ്സം, ദഹന​ക്കേ​ടു​മൂ​ല​മാ​ണെന്നു ഞാൻ വിചാ​രിച്ച വേദനകൾ, ആഘാത​ത്തി​നു​മു​മ്പു പല മാസങ്ങ​ളോ​ളം ഉണ്ടായി​രുന്ന അതിയായ ക്ഷീണം തുടങ്ങിയ മറ്റു മുന്നറി​യി​പ്പിൻ അടയാ​ള​ങ്ങ​ളും എനിക്കു​ണ്ടാ​യി​രു​ന്നു. ഇവയിൽ മിക്കതി​നും, വർധിച്ച ഉറക്കി​ള​പ്പി​നെ​യും വളരെ ഉയർന്ന ജോലി​സ​മ്മർദ​ത്തെ​യും ഞാൻ കുറ്റ​പ്പെ​ടു​ത്തി. എന്റെ ഹൃദയാ​ഘാ​ത​ത്തി​നു മൂന്നു ദിവസം മുമ്പ്‌, പേശീ​സ​ങ്കോ​ച​മാ​ണെന്നു ഞാൻ വിചാ​രിച്ച ഒരു കോച്ചി​പ്പി​ടു​ത്തം നെഞ്ചിൽ അനുഭ​വ​പ്പെട്ടു. മൂന്നു ദിവസം കഴിഞ്ഞു​ണ്ടായ വലിയ ആഘാത​ത്തി​നു മുമ്പുള്ള ചെറി​യൊ​രു ആഘാത​മാ​യി​രു​ന്നു അത്‌.”

ഹൃദയാ​ഘാ​തം അനുഭ​വി​ക്കുന്ന ഏതാണ്ടു പകുതി​യോ​ളം ആളുകൾക്ക്‌, അൻജൈന എന്നു വിളി​ക്ക​പ്പെ​ടുന്ന നെഞ്ചു​വേദന അല്ലെങ്കിൽ സമ്മർദം മുന്നറി​യി​പ്പാ​യി ഉണ്ടാകു​ന്നു. ധമനീ​ത​ടസ്സം നിമിത്തം ഹൃദയ​ത്തി​നു വേണ്ടത്ര ഓക്‌സി​ജൻ ലഭിക്കു​ന്നി​ല്ലെന്നു സൂചി​പ്പി​ച്ചു​കൊണ്ട്‌, രോഗ​ല​ക്ഷ​ണങ്ങൾ എന്നനി​ല​യിൽ ശ്വാസ​ത​ടസ്സം അല്ലെങ്കിൽ ക്ഷീണവും ബലക്ഷയ​വും ചിലർക്ക്‌ അനുഭ​വ​പ്പെ​ടു​ന്നു. ഹൃദയ പരി​ശോ​ധ​ന​യ്‌ക്കാ​യി ഒരു ഡോക്ടറെ സമീപി​ക്കാൻ ഈ മുന്നറി​യി​പ്പിൻ അടയാ​ളങ്ങൾ ഒരുവനെ പ്രേരി​പ്പി​ക്കണം. ഡോക്ടർ പീറ്റർ കൊഹ്‌ൻ പ്രസ്‌താ​വി​ക്കു​ന്നു: “അൻ​ജൈ​ന​യ്‌ക്കു ചികി​ത്സി​ച്ച​ശേഷം ഹൃദയാ​ഘാ​തം ഉണ്ടാകു​ക​യി​ല്ലെന്ന്‌ യാതൊ​രു ഉറപ്പു​മില്ല. എന്നാൽ ഉടനെ​യുള്ള ഒരാഘാ​ത​ത്തി​ന്റെ സാധ്യ​തകൾ കുറയു​ക​യെ​ങ്കി​ലും ചെയ്യുന്നു.”

ആഘാതം

ജോൺ തുടരു​ന്നു: “അന്നു ഞങ്ങൾ സോഫ്‌റ്റു​ബോൾ കളിക്കാൻ പ്ലാനി​ട്ടി​രു​ന്നു. ഹാംബർഗ​റും വറുത്ത ഉരുള​ക്കി​ഴ​ങ്ങും ഉച്ചഭക്ഷ​ണ​മാ​യി ഞാൻ വെട്ടി​വി​ഴു​ങ്ങവേ അനുഭ​വ​പ്പെട്ട തെല്ലൊ​രു അസ്വാ​സ്ഥ്യ​വും ഓക്കാ​ന​വും നെഞ്ചിലെ മുറു​ക്ക​വും ഞാൻ നിസ്സാ​ര​മാ​യി തള്ളിക്ക​ളഞ്ഞു. എന്നാൽ ഞങ്ങൾ മൈതാ​നത്തു ചെന്നു കളിക്കാൻ തുടങ്ങി​യ​പ്പോൾ എന്തോ കുഴപ്പ​മു​ണ്ടെന്ന്‌ എനിക്കു മനസ്സി​ലാ​യി. ഉച്ചകഴി​ഞ്ഞുള്ള സമയത്ത്‌ അവസ്ഥ ക്രമാ​നു​ഗ​ത​മാ​യി വഷളാ​കു​ന്ന​താ​യി എനിക്കു തോന്നി.

“അനേകം പ്രാവ​ശ്യം ഞാൻ കളിക്കാ​രു​ടെ ബെഞ്ചിൽ മലർന്നു​കി​ട​ന്നിട്ട്‌ നെഞ്ചിലെ മാംസ​പേ​ശി​കളെ വികസി​പ്പി​ക്കു​വാൻ ശ്രമിച്ചു. എന്നാൽ അവ കൂടുതൽ കൂടുതൽ മുറു​കി​ക്കൊ​ണ്ടി​രു​ന്നു. കളിച്ചു​കൊ​ണ്ടി​രു​ന്ന​പ്പോൾ കുളി​രും ബലക്ഷയ​വും അനുഭ​വ​പ്പെ​ട്ട​തി​നാൽ ‘എനിക്കു ഫ്‌ളൂ ബാധി​ച്ചി​രി​ക്കാ​മെന്നു’ ഞാൻ എന്നോ​ടു​തന്നെ പറഞ്ഞു. ഓടി​യ​പ്പോൾ എനിക്കു വലിയ ശ്വാസം​മു​ട്ട​ലു​ണ്ടാ​യി. ഞാൻ ബെഞ്ചിൽ വീണ്ടും കിടന്നു. ഞാൻ എണീറ്റി​രു​ന്ന​പ്പോൾ, എനിക്കു ഗുരു​ത​ര​മായ പ്രശ്‌ന​മു​ണ്ടാ​യി​രു​ന്നു​വെ​ന്ന​തി​നു യാതൊ​രു സംശയ​വും ഉണ്ടായി​രു​ന്നില്ല. എന്റെ മകനായ ജെയിം​സി​നോട്‌ ഞാൻ ഉച്ചത്തിൽ പറഞ്ഞു: ‘എനിക്ക്‌ ഇപ്പോൾതന്നെ ആശുപ​ത്രി​യിൽ പോകണം!’ എന്റെ നെഞ്ച്‌ അകമേ തകർന്ന​ടി​ഞ്ഞ​തു​പോ​ലെ തോന്നി. എനിക്ക്‌ എഴു​ന്നേൽക്കാ​നാ​വാ​ത്ത​വി​ധം വേദന അത്ര വലുതാ​യി​രു​ന്നു. ‘ഇതൊരു ഹൃദയാ​ഘാ​ത​മാ​യി​രി​ക്കാൻ വഴിയില്ല, ഉണ്ടോ? എനിക്കു 38 വയസ്സല്ലേ ഉള്ളൂ!’ എന്ന്‌ ഞാൻ ചിന്തിച്ചു.”

അന്ന്‌ 15 വയസ്സു​ണ്ടാ​യി​രുന്ന ജോണി​ന്റെ പുത്രൻ വിവരി​ക്കു​ന്നു: “ഡാഡി​യു​ടെ ശക്തി നഷ്ടമാ​കാൻ മിനി​റ്റു​കളെ എടുത്തു​ള്ളൂ, അതു​കൊണ്ട്‌ കാറി​ലേക്ക്‌ അദ്ദേഹത്തെ എടുത്തു​കൊ​ണ്ടു പോ​കേ​ണ്ടി​വന്നു. ഡാഡി​യു​ടെ നിലവി​ലുള്ള അവസ്ഥ അറിഞ്ഞു​കൊ​ണ്ടി​രി​ക്കാൻ അദ്ദേഹ​ത്തോ​ടു ചോദ്യ​ങ്ങൾ ചോദി​ച്ചു​കൊണ്ട്‌ എന്റെ സുഹൃത്തു കാറോ​ടി​ച്ചു. ഒടുവിൽ ഡാഡി ഉത്തരം പറയാ​തെ​യാ​യി. ‘ജോൺ!’ എന്റെ സുഹൃത്ത്‌ ഉച്ചത്തിൽ വിളിച്ചു. എന്റെ പിതാവ്‌ അപ്പോ​ഴും പ്രതി​ക​രി​ച്ചില്ല. എന്നിട്ട്‌ വിറയ്‌ക്കാ​നും ഛർദി​ക്കാ​നും തുടങ്ങി​ക്കൊണ്ട്‌ ഡാഡി തന്റെ സീറ്റി​ലേക്കു കോച്ചി​വീ​ണു. ഞാൻ വീണ്ടും വീണ്ടും അലറി​വി​ളി​ച്ചു: ‘ഡാഡീ! ഞാൻ അങ്ങയെ സ്‌നേ​ഹി​ക്കു​ന്നു! ദയവായി മരിക്ക​രു​തേ!’ പെട്ടെ​ന്നുള്ള രോഗ​മൂർച്ഛ​യെ​ത്തു​ടർന്ന്‌ വാടി​ക്കു​ഴഞ്ഞ്‌ അദ്ദേഹം സീറ്റിൽ വീണു. അദ്ദേഹം മരി​ച്ചെന്നു ഞാൻ വിചാ​രി​ച്ചു.”

ആശുപ​ത്രി​യിൽ

“സഹായ​ത്തി​നാ​യി ഞങ്ങൾ ആശുപ​ത്രി​യി​ലേക്കു പാഞ്ഞു. ഡാഡി മരി​ച്ചെന്നു ഞാൻ വിചാ​രി​ച്ചിട്ട്‌ രണ്ടുമൂ​ന്നു മിനിറ്റു കഴിഞ്ഞി​രു​ന്നു, എന്നാൽ അദ്ദേഹത്തെ പുനരു​ജ്ജീ​വി​പ്പി​ക്കാൻ കഴി​ഞ്ഞേ​ക്കു​മെന്നു ഞാൻ പ്രത്യാ​ശി​ച്ചു. മൈതാ​ന​ത്തു​ണ്ടാ​യി​രുന്ന 20-ഓളം യഹോ​വ​യു​ടെ സാക്ഷികൾ കാത്തി​രു​പ്പു​മു​റി​യി​ലു​ണ്ടാ​യിരു​ന്നത്‌ എന്നെ അതിശ​യി​പ്പി​ച്ചു. അവർ എനിക്ക്‌ ആശ്വാ​സ​വും സ്‌നേ​ഹ​വും പകർന്നു. അത്തര​മൊ​രു ദുരിത സമയത്ത്‌ അതു വലിയ സഹായ​മാ​യി​രു​ന്നു. ‘നിന്റെ പിതാ​വി​നെ പുനരു​ജ്ജീ​വി​പ്പി​ക്കാൻ ഞങ്ങൾക്കു കഴിഞ്ഞു, എന്നാൽ അദ്ദേഹ​ത്തിന്‌ ശക്തമാ​യൊ​രു ഹൃദയാ​ഘാ​തം സംഭവി​ച്ചി​രു​ന്നു. അദ്ദേഹം ജീവി​ക്കു​മെന്നു ഞങ്ങൾക്ക്‌ ഉറപ്പില്ല,’ എന്ന്‌ ഏകദേശം 15 മിനിറ്റു കഴിഞ്ഞ്‌ ഒരു ഡോക്ടർ വന്നു വിശദീ​ക​രി​ച്ചു.

“എന്നിട്ട്‌, ഹ്രസ്വ​നേ​ര​ത്തേക്കു ഡാഡിയെ കാണാൻ അദ്ദേഹം എന്നെ അനുവ​ദി​ച്ചു. കുടും​ബ​ത്തോ​ടുള്ള ഡാഡി​യു​ടെ സ്‌നേ​ഹ​വാ​യ്‌പ്‌ എന്നെ വികാ​രാ​ധീ​ന​നാ​ക്കി. അതിയായ വേദന​യോ​ടെ അദ്ദേഹം പറഞ്ഞു: ‘മോനേ, നിന്നെ ഞാൻ സ്‌നേ​ഹി​ക്കു​ന്നു. നമ്മുടെ ജീവി​ത​ത്തി​ലെ ഏറ്റവും പ്രധാ​ന​പ്പെട്ട വ്യക്തി യഹോ​വ​യാ​ണെന്ന്‌ എല്ലായ്‌പോ​ഴും ഓർമി​ക്കുക. അവനെ സേവി​ക്കു​ന്നത്‌ ഒരിക്ക​ലും നിർത്തി​ക്ക​ള​യ​രുത്‌. അവനെ സേവി​ക്കു​ന്നത്‌ ഒരിക്ക​ലും നിർത്തി​ക്ക​ള​യാ​തി​രി​ക്കാൻ നിന്റെ അമ്മയെ​യും സഹോ​ദൻമാ​രെ​യും സഹായി​ക്കുക. നമുക്കു പുനരു​ത്ഥാ​ന​ത്തിൽ ശക്തമായ വിശ്വാ​സ​മുണ്ട്‌, ഞാൻ മരിക്കു​ന്നു​വെ​ങ്കിൽ, മടങ്ങി​വ​രു​മ്പോൾ നിങ്ങളെ എല്ലാവ​രെ​യും കാണ്മാൻ ആഗ്രഹി​ക്കു​ന്നു.’ സ്‌നേ​ഹ​ത്തി​ന്റെ​യും ഭയത്തി​ന്റെ​യും പ്രത്യാ​ശ​യു​ടെ​യും കണ്ണീർ തൂകി​ക്കൊണ്ട്‌ ഞങ്ങൾ ഇരുവ​രും കരയു​ക​യാ​യി​രു​ന്നു.”

ഒരു മണിക്കൂർ കഴിഞ്ഞ്‌ ജോണി​ന്റെ ഭാര്യ മേരി എത്തി​ച്ചേർന്നു. “ഞാൻ എമർജെൻസി റൂമി​ലേക്കു നടന്നു​പോ​യ​പ്പോൾ ഡോക്ടർ പറഞ്ഞു: ‘നിങ്ങളു​ടെ ഭർത്താ​വിന്‌ ഒരു കടുത്ത ഹൃദയാ​ഘാ​ത​മു​ണ്ടാ​യി.’ ഞാൻ സ്‌തബ്ധ​യാ​യി. ജോണി​ന്റെ ഹൃദയത്തെ എട്ടുതവണ ഡി​ഫൈ​ബ്രി​ലേറ്റു ചെയ്‌തെന്ന്‌ അദ്ദേഹം വിശദീ​ക​രി​ച്ചു. ഹൃദയ​ത്തി​ന്റെ താറു​മാ​റായ സ്‌പന്ദനം നിർത്തി​യിട്ട്‌ സ്വാഭാ​വിക താള​ക്രമം പുനഃ​സ്ഥാ​പി​ക്കാൻ വൈദ്യു​ത വോൾട്ടേജ്‌ ഉപയോ​ഗി​ക്കു​ന്നത്‌ ഈ അടിയന്തര നടപടി​യിൽ ഉൾപ്പെ​ടു​ന്നു. സിപിആർ-നോ​ടൊ​പ്പം ഓക്‌സി​ജൻ കൊടു​ക്കു​ന്ന​തും രക്തക്കു​ഴ​ലി​ലേക്കു മരുന്നു​കൾ കുത്തി​വെ​ക്കു​ന്ന​തും ഉൾപ്പെ​ടുന്ന ഡി​ഫൈ​ബ്രി​ലേഷൻ പുരോ​ഗ​മിച്ച ഒരു ജീവര​ക്ഷാ​സം​വി​ധാ​ന​മാണ്‌.

“ജോണി​നെ കണ്ടപ്പോൾ എന്റെ ഹൃദയം പിടഞ്ഞു. അദ്ദേഹം വളരെ വിളറി​യി​രു​ന്നു. അദ്ദേഹ​ത്തി​ന്റെ ശരീരത്തെ മോണി​റ്റ​റു​മാ​യി ബന്ധിപ്പി​ക്കുന്ന അനേകം കുഴലു​ക​ളും വയറു​ക​ളും ഉണ്ടായി​രു​ന്നു. ഞങ്ങളുടെ മൂന്നു പുത്രൻമാ​രെ​പ്രതി ഈ പരി​ശോ​ധന സഹിക്കാൻ എനിക്കു ശക്തി തരേണ​മേ​യെന്നു ഞാൻ യഹോ​വ​യോ​ടു നിശബ്ദം പ്രാർഥി​ച്ചു. മുന്നിൽ ഉണ്ടായി​രു​ന്നേ​ക്കാ​വു​ന്നതു സംബന്ധി​ച്ചു ജ്ഞാനപൂർവ​ക​മായ തീരു​മാ​ന​ങ്ങ​ളെ​ടു​ക്കാ​നുള്ള മാർഗ​നിർദേ​ശ​ത്തി​നാ​യും ഞാൻ പ്രാർഥി​ച്ചു. ഞാൻ ജോണി​ന്റെ കിടക്കയെ സമീപി​ക്കവേ, ‘ഇതു​പോ​ലൊ​രു അവസര​ത്തിൽ ഞാൻ എന്റെ പ്രിയ​നോട്‌ എന്തുപ​റ​യും? ജീവനു ഭീഷണി​യാ​യി​രുന്ന അത്തര​മൊ​രു സാഹച​ര്യ​ത്തെ നേരി​ടാൻ ഞങ്ങൾ വാസ്‌ത​വ​ത്തിൽ ഒരുങ്ങി​യി​ട്ടു​ണ്ടോ?’ എന്നിങ്ങനെ ഞാൻ ചിന്തിച്ചു.

“ജോൺ പറഞ്ഞു: ‘പ്രിയേ, ഒരുപക്ഷേ ഞാൻ ഇതിനെ അതിജീ​വി​ച്ചെ​ന്നു​വ​രില്ല. എന്നാൽ നീയും കുട്ടി​ക​ളും യഹോ​വ​യോ​ടു വിശ്വ​സ്‌ത​രാ​യി തുട​രേ​ണ്ടതു പ്രധാ​ന​മാണ്‌, കാരണം പെട്ടെ​ന്നു​തന്നെ ഈ വ്യവസ്ഥി​തി അവസാ​നി​ക്കും, പിന്നീട്‌ രോഗ​വും മരണവും ഉണ്ടായി​രി​ക്കു​ക​യില്ല. ആ പുതിയ വ്യവസ്ഥി​തി​യിൽ ഉയർത്തെ​ഴു​ന്നേൽക്കാ​നും നിന്നെ​യും നമ്മുടെ കുട്ടി​ക​ളെ​യും അവി​ടെ​വെച്ചു കാണാ​നും ഞാൻ ആഗ്രഹി​ക്കു​ന്നു.’ ഞങ്ങളുടെ മുഖത്തു​കൂ​ടെ കണ്ണുനീർ വാർന്നൊ​ഴു​കി.”

ഡോക്ടർ വിശദീ​ക​രി​ക്കു​ന്നു

“ഇടതു​വ​ശത്ത്‌ താഴേ​ക്കുള്ള ധമനി​യു​ടെ അഗ്രഭാ​ഗ​ത്തി​ന​ടു​ത്താ​യി പൂർണ​മായ തടസ്സമു​ണ്ടാ​യ​താണ്‌ ജോണി​ന്റെ ഹൃദയാ​ഘാ​ത​ത്തി​നു കാരണ​മെന്ന്‌ പരി​ശോ​ധന വ്യക്തമാ​ക്കി​യ​താ​യി പിന്നീട്‌ എന്നെ അടുത്തു​വി​ളി​ച്ചു ഡോക്ടർ വിശദീ​ക​രി​ച്ചു. അദ്ദേഹ​ത്തി​നു മറ്റൊരു ധമനി​യി​ലും തടസ്സമു​ണ്ടാ​യി​രു​ന്നു. ജോണി​ന്റെ ചികിത്സ സംബന്ധി​ച്ചു ഞാൻ ഒരു തീരു​മാ​ന​മെ​ടു​ക്ക​ണ​മെന്നു ഡോക്ടർ എന്നോടു പറഞ്ഞു. ലഭ്യമാ​യി​രുന്ന ഐച്ഛിക ഘടകങ്ങ​ളിൽ രണ്ടെണ്ണം ഔഷധ​ങ്ങ​ളും ആൻജി​യോ​പ്ലാ​സ്‌റ്റി​യും ആയിരു​ന്നു. രണ്ടാമ​ത്തെ​താ​യി​രി​ക്കും മെച്ച​മെന്ന്‌ അദ്ദേഹം കരുതി​യ​തു​കൊണ്ട്‌ ഞങ്ങൾ ആൻജി​യോ​പ്ലാ​സ്‌റ്റി തിര​ഞ്ഞെ​ടു​ത്തു. ഇത്തരം ഹൃദയാ​ഘാ​തത്തെ മിക്കവ​രും അതിജീ​വി​ക്കാ​റി​ല്ലാ​ത്ത​തി​നാൽ ഡോക്ടർമാർ എനിക്കു യാതൊ​രു ഉറപ്പും നൽകി​യില്ല.”

അറ്റത്തു ബലൂൺകെ​ട്ടിയ ട്യൂബ്‌പോ​ലുള്ള ഒരു ഉപകരണം ഹൃദയ​ധ​മ​നി​യിൽ കടത്തി തടസ്സം നീക്കം​ചെ​യ്യു​ന്ന​തി​നാ​യി അതു വികസി​പ്പി​ക്കുന്ന ശസ്‌ത്ര​ക്രി​യാ​വി​ദ്യ​യാണ്‌ ആൻജി​യോ​പ്ലാ​സ്‌റ്റി. രക്തപ്ര​വാ​ഹം പുനഃ​സ്ഥാ​പി​ക്കു​ന്ന​തിൽ പ്രസ്‌തുത നടപടി​ക്ര​മ​ത്തിന്‌ ഉയർന്ന വിജയ നിരക്കുണ്ട്‌. അനേകം ധമനികൾ ഗുരു​ത​ര​മാ​യി തടസ്സ​പ്പെ​ട്ടി​രി​ക്കു​മ്പോൾ, സാധാ​ര​ണ​മാ​യി ബൈപാസ്‌ സർജറി​യാണ്‌ ശുപാർശ ചെയ്യു​ന്നത്‌.

ദുഃഖ​ക​ര​മായ പൂർവാ​നു​മാ​നം

ആൻജി​യോ​പ്ലാ​സ്‌റ്റി​ക്കു ശേഷം ജോണി​ന്റെ ജീവൻ 72 മണിക്കൂ​റു​കൂ​ടെ അപകട​നി​ല​യിൽ തുടർന്നു. ഒടുവിൽ അദ്ദേഹ​ത്തി​ന്റെ ഹൃദയം, ക്ഷതത്തിൽനി​ന്നു സൗഖ്യ​മാ​കാൻ തുടങ്ങി. എന്നാൽ ജോണി​ന്റെ ഹൃദയം നേര​ത്തെ​യു​ണ്ടാ​യി​രുന്ന പ്രാപ്‌തി​യു​ടെ വെറും പകുതി ശക്തിയിൽ മാത്ര​മാണ്‌ രക്തം പമ്പു​ചെ​യ്‌തി​രു​ന്നത്‌, വലി​യൊ​രു ഭാഗം സന്ധാന​ക​ല​ക​ളാ​യി​രു​ന്ന​തു​കൊണ്ട്‌ അദ്ദേഹം ഒരു ഹൃദയ വൈക​ല്യ​മു​ള്ള​വ​നാ​യി​രി​ക്കാ​നുള്ള സാധ്യത ഏതാണ്ട്‌ ഒഴിച്ചു​കൂ​ടാ​നാ​വാ​ത്ത​താ​യി​രു​ന്നു.

പൂർവ​കാ​ല സംഭവ​ങ്ങളെ ഓർത്തു​കൊണ്ട്‌ ജോൺ ഉദ്‌ബോ​ധി​പ്പി​ക്കു​ന്നു: “മുന്നറി​യി​പ്പു​കൾക്കു ശ്രദ്ധനൽകി നമ്മുടെ ആരോ​ഗ്യം പരിപാ​ലി​ക്കാൻ നമ്മുടെ സ്രഷ്ടാ​വി​നോ​ടും കുടും​ബ​ത്തോ​ടും ആത്മീയ സഹോ​ദ​രീ​സ​ഹോ​ദ​രൻമാ​രോ​ടും നമ്മോ​ടു​ത​ന്നെ​യും നാം കടപ്പെ​ട്ടി​രി​ക്കു​ന്നു, നാം അപകട സാധ്യ​ത​യി​ലാ​ണെ​ങ്കിൽ വിശേ​ഷി​ച്ചും. ഒരു ഗണ്യമായ അളവോ​ളം, നമുക്കു സന്തുഷ്ടി​യു​ടെ​യോ സന്താപ​ത്തി​ന്റെ​യോ നിദാ​ന​മാ​യി​രി​ക്കാൻ കഴിയും. അതു നമ്മെ ആശ്രയി​ച്ചി​രി​ക്കു​ന്നു.”

ജോണി​ന്റെ കേസ്‌ ഗുരു​ത​ര​വും സത്വര​ശ്രദ്ധ ആവശ്യ​മു​ള്ള​തും ആയിരു​ന്നു. എന്നാൽ നെഞ്ചെ​രി​ച്ചിൽ പോ​ലെ​യുള്ള അസ്വാ​സ്ഥ്യ​മു​ണ്ടാ​കുന്ന എല്ലാവ​രും ഡോക്ട​റു​ടെ അടു​ത്തേക്ക്‌ ഓടേ​ണ്ട​യാ​വ​ശ്യ​മില്ല. എന്നിരു​ന്നാ​ലും അദ്ദേഹ​ത്തി​ന്റെ അനുഭവം ഒരു മുന്നറി​യി​പ്പാണ്‌. തങ്ങൾക്കു രോഗ​ല​ക്ഷ​ണങ്ങൾ ഉണ്ടെന്നു വചാരി​ക്കു​ന്നവർ പരി​ശോ​ധ​ന​യ്‌ക്കു തീർച്ച​യാ​യും വിധേ​യ​രാ​കണം.

ഹൃദയാ​ഘാ​ത സാധ്യത കുറയ്‌ക്കാൻ എന്തു ചെയ്യാ​വു​ന്ന​താണ്‌? അടുത്ത ലേഖനം ഇതു ചർച്ച​ചെ​യ്യും.

[അടിക്കു​റിപ്പ്‌]

[6-ാം പേജിലെ ചതുരം]

ഹൃദയാഘാത ലക്ഷണങ്ങൾ

• ഏതാനും മിനി​റ്റി​ല​ധി​കം നീണ്ടു​നിൽക്കുന്ന, നെഞ്ചിലെ അസുഖ​ക​ര​മായ സമ്മർദം, അമർത്തു​ന്ന​താ​യുള്ള തോന്നൽ അല്ലെങ്കിൽ വേദന. ഇതു കടുത്ത നെഞ്ചെ​രി​ച്ചി​ലാ​ണെന്നു തെറ്റി​ധ​രി​ക്ക​പ്പെ​ടാ​വു​ന്ന​താണ്‌

• താടി​യെല്ല്‌, കഴുത്ത്‌, തോൾ, കൈകൾ, കൈമു​ട്ടു​കൾ, ഇടതു​കൈ തുടങ്ങിയ ഭാഗങ്ങ​ളി​ലേക്കു വ്യാപി​ക്കുന്ന—അല്ലെങ്കിൽ അവിടെ മാത്രം ഉണ്ടായി​രി​ക്കുന്ന—വേദന

• മേൽവ​യ​റി​ലെ നീണ്ടു​നിൽക്കുന്ന വേദന

• ശ്വാസ​ത​ടസ്സം, തലചുറ്റൽ, ബോധ​ക്ഷയം, വിയർക്കൽ, സ്‌പർശ​ന​ത്തോ​ടുള്ള വിരക്തി

• വല്ലാത്ത ക്ഷീണം—ആഘാത​ത്തിന്‌ ആഴ്‌ച​കൾക്കു മുമ്പ്‌ അനുഭ​വ​പ്പെ​ട്ടേ​ക്കാം

• ഓക്കാനം അല്ലെങ്കിൽ ഛർദി

• അധ്വാ​ന​ത്താ​ലു​ള്ള​ത​ല്ലാത്ത, കൂടെ​ക്കൂ​ടെ​യുള്ള കഠിന​മായ നെഞ്ചു​വേ​ദന

മൃദു​വാ​യ​തു​മു​തൽ കഠിന​മാ​യ​തു​വരെ ലക്ഷണങ്ങൾ വ്യത്യ​സ്‌ത​മാ​യി​രി​ക്കാം. എല്ലാ ലക്ഷണങ്ങ​ളും എല്ലാ ഹൃദയാ​ഘാത സമയത്തും ഉണ്ടാകു​ക​യു​മില്ല. എന്നാൽ ഇവയിൽ പലത്‌ ഒന്നിച്ചു​ചേർന്നു​ണ്ടാ​കു​ന്നു​വെ​ങ്കിൽ വേഗം സഹായം തേടുക. പക്ഷേ ചില കേസു​ക​ളിൽ ലക്ഷണങ്ങൾ ഉണ്ടായി​രി​ക്കു​ക​യില്ല; ഇവയെ നിശബ്ദ ഹൃദയാ​ഘാ​തങ്ങൾ എന്നു വിളി​ക്കു​ന്നു.

[7-ാം പേജിലെ ചതുരം]

അതിജീവന നടപടി​കൾ

നിങ്ങൾക്കോ നിങ്ങൾക്ക​റി​യാ​വുന്ന ആർക്കെ​ങ്കി​ലു​മോ ഹൃദയാ​ഘാത ലക്ഷണങ്ങൾ ഉണ്ടാകു​ന്നെ​ങ്കിൽ:

• ലക്ഷണങ്ങൾ തിരി​ച്ച​റി​യുക.

• നിങ്ങൾ ചെയ്‌തു​കൊ​ണ്ടി​രി​ക്കു​ന്നത്‌ എന്തായി​രു​ന്നാ​ലും അതു നിർത്തി​യിട്ട്‌ ഇരിക്കു​ക​യോ കിടക്കു​ക​യോ ചെയ്യുക.

• ലക്ഷണങ്ങൾ ഏതാനും മിനി​റ്റു​കൾക്ക​പ്പു​റം നീണ്ടു​നിൽക്കു​ന്നെ​ങ്കിൽ പ്രാ​ദേ​ശി​ക​മായ അടിയ​ന്തിര ടെല​ഫോൺ നമ്പരിൽ വിളിച്ച്‌, ഹൃദയാ​ഘാ​തം ഉള്ളതായി സംശയി​ക്കു​ന്നു​വെന്നു പറഞ്ഞിട്ട്‌ നിങ്ങളെ കണ്ടെത്തു​ന്ന​തി​നാ​വ​ശ്യ​മായ വിവരങ്ങൾ നൽകുക.

• വാഹന​മോ​ടിച്ച്‌ നിങ്ങൾക്കു രോഗി​യെ പെട്ടെന്ന്‌ ആശുപ​ത്രി​യി​ലെ എമർജെൻസി റൂമിൽ എത്തിക്കാൻ കഴിയു​മെ​ങ്കിൽ, അങ്ങനെ ചെയ്യുക. ഹൃദയാ​ഘാ​തം നിങ്ങൾക്കാ​ണെ​ങ്കിൽ, നിങ്ങളെ അവിടെ എത്തിക്കാൻ ആരോ​ടെ​ങ്കി​ലും പറയുക.

അടിയന്തിര വൈദ്യ​സം​ഘ​മെ​ത്താൻ നിങ്ങൾ കാത്തി​രി​ക്കു​ന്നെ​ങ്കിൽ:

• ബെൽറ്റോ ടൈയോ ഉൾപ്പെ​ടെ​യുള്ള ഇറുകിയ വസ്‌ത്രങ്ങൾ അയയ്‌ക്കുക. അത്യാ​വ​ശ്യ​മെ​ങ്കിൽ തലയി​ണകൾ അടിയിൽ വെച്ച്‌ താങ്ങു​നൽകി​കൊണ്ട്‌ സ്വാസ്ഥ്യ​മ​നു​ഭ​വി​ക്കാൻ രോഗി​യെ സഹായി​ക്കുക.

• നിങ്ങൾ രോഗി​യാ​യി​രു​ന്നാ​ലും സഹായി​യാ​യി​രു​ന്നാ​ലും ശാന്തനാ​യി​രി​ക്കുക. അസ്വസ്ഥത ജീവനു ഭീഷണി​യാ​യി​രി​ക്കുന്ന ഹൃദയ​സ്‌പ​ന്ദ​ന​മാ​ന്ദ്യ​ത്തി​നുള്ള സാധ്യത വർധി​പ്പി​ക്കു​ന്നു. ശാന്തമാ​യി തുടരു​ന്ന​തിൽ പ്രാർഥ​ന​യ്‌ക്ക്‌ ഒരു ശക്തീക​രി​ക്കുന്ന സഹായ​മാ​യി​രി​ക്കാൻ കഴിയും.

രോഗിയുടെ ശ്വാ​സോ​ച്ഛ്വാ​സം നിലച്ച​താ​യി തോന്നു​ന്നെ​ങ്കിൽ:

• “നിങ്ങൾക്കു ഞാൻ പറയു​ന്നതു കേൾക്കാൻ സാധി​ക്കു​ന്നു​ണ്ടോ?” എന്ന്‌ ഉച്ചത്തിൽ ചോദി​ക്കുക. യാതൊ​രു പ്രതി​ക​ര​ണ​വു​മി​ല്ലാ​തെ​വ​രു​ക​യും രോഗി ശ്വാസ​മെ​ടു​ക്കാ​തി​രി​ക്കു​ക​യു​മാ​ണെ​ങ്കിൽ, ഹൃദയ​പു​നർജീ​വന നടപടി​കൾ (സിപിആർ) ആരംഭി​ക്കുക.

• സിപിആർ-ന്റെ മൂന്ന്‌ അടിസ്ഥാന പടികൾ ഓർത്തി​രി​ക്കുക:

1. ശ്വാസ​മാർഗം തുറക്കാ​നാ​യി രോഗി​യു​ടെ താടി ഉയർത്തുക.

2. ശ്വാസ​മാർഗം തുറന്നി​രി​ക്കെ രോഗി​യു​ടെ നാസാ​ര​ന്ധ്രം അടച്ചു​പി​ടി​ച്ചു​കൊണ്ട്‌ നെഞ്ചു വികസി​ക്കു​ന്ന​തു​വരെ രണ്ടു പ്രാവ​ശ്യം വായി​ലേക്കു സാവധാ​നം ഊതുക.

3. ഹൃദയ​ത്തിൽനി​ന്നും നെഞ്ചിൽനി​ന്നും രക്തം തള്ളി പുറത്തു​ക​ള​യാൻ നെഞ്ചിൽ മുലക്ക​ണ്ണു​കൾക്കി​ട​യി​ലാ​യി 10 മുതൽ 15 വരെ പ്രാവ​ശ്യം അമർത്തുക. നാഡി​മി​ടി​പ്പും ശ്വാ​സോ​ച്ഛ്വാ​സ​വും വീണ്ടു​കി​ട്ടു​ന്ന​തു​വരെ, അല്ലെങ്കിൽ അടിയ​ന്തിര സംഘം എത്തുന്ന​തു​വരെ ഓരോ 15 സെക്കൻറി​ലും രണ്ടുത​വ​ണ​വീ​തം ശ്വാസം നൽകി​യിട്ട്‌ 15 തവണ മർദം പ്രയോ​ഗി​ക്കുക.

പരിശീ​ലനം സിദ്ധിച്ച ഒരുവ​നാ​യി​രി​ക്കണം സിപിആർ ചെയ്യു​ന്നത്‌. എന്നാൽ പരിശീ​ലനം ലഭിച്ച ആരെയും ലഭ്യമ​ല്ലെ​ങ്കിൽ, “എന്തെങ്കി​ലു​മൊ​രു സിപിആർ ഒന്നുമി​ല്ലാ​ത്ത​തി​നെ​ക്കാൾ മെച്ചമാ​ണെ”ന്ന്‌ അടിയ​ന്തിര ഹൃദയ പരിപാ​ല​ന​ത്തി​ന്റെ ഒരു ഡയറക്ട​റായ ഡോക്ടർ ആർ. കെമിൻസ്‌ പറയുന്നു. ആരെങ്കി​ലും ഈ പടികൾ ആരംഭി​ക്കു​ന്നി​ല്ലെ​ങ്കിൽ അതിജീ​വ​ന​ത്തി​നുള്ള സാധ്യ​തകൾ വളരെ കുറവാണ്‌. സഹായം എത്തുന്ന​തു​വരെ സിപിആർ വ്യക്തി​യു​ടെ ജീവൻ നിലനിർത്തു​ന്നു.

[5-ാം പേജിലെ ചിത്രം]

സത്വര ചികിത്സ ജീവൻ രക്ഷിക്കു​ക​യും ഹൃദയ​ത്തി​ന്റെ കേടു​പാ​ടു കുറയ്‌ക്കു​ക​യും ചെയ്‌തേ​ക്കാം